Dagblaðið Vísir - DV - 27.10.2010, Blaðsíða 26

Lag með Sigur Rós í Hollywood-stórmynd:
SIGUR RÓS Í OFVIÐRINU
26 FÓLKIÐ 27. október 2010 MIÐVIKUDAGUR
Móri orðinn
pabbi
Rapparinn Móri eignaðist lítla stúlku
á dögunum með kærustu sinni, Söru
Ósk Ársælsdóttur. Þetta er fyrsta barn
þeirra beggja og er mikil hamingja
á heimilinu. Móri komst í fréttirnar
þegar Erpur Eyvindarson ásakaði
hann um að hafa reynt að stinga
sig með hnífi þegar þeir mættu í
útvarpsþáttinn Harmageddon í þeim
tilgangi að gera upp deilumál sín á
milli. Erpur sagðist hafa þurft að verja
sig með skúringamoppu og taldi sig
heppinn að ekki fór verr. Móri sagðist
ekki hafa átt upptökin á deilunum og
hugðust báðir kæra hinn.
Heiða „lítil
kerling“
Heiða Kristín Helgadóttir, varafor-
maður og framkvæmdastjóri Besta
flokksins, segir á Facebook-síðu sinni,
Hannes Hólmstein Gissurarson kalla
sig litla kerlingu og vísar í blogg-
færslu Hannesar Hólmsteins Gissur-
arsonar. Þar skrifar Hannes: „Nú ætla
litlir karlar — eða öllu heldur litlar
kerlingar — að skera á þennan þráð
til fortíðar, þessa lífæð þjóðarinnar.
Með því værum við að týna einhverju
af sjálfum okkur, verða snauðari,
rótlausari, minni. Vonandi mistekst
þessu óhappafólki þetta eins og því
hefur mistekist flest annað.“ Titill
bloggsins er Skorið á lífæð og fjallar
um áform meirihluta borgarstjórnar
um að hætta að kenna kristinfræði í
grunnskólum. Viðbrögð Heiðu voru
þessi: „Hannes Hólmsteinn er að kalla
mig „litla kerlingu“....ááááiiiii!“
Lag með hljómsveitinni Sigur Rós
hljómar í stiklu stórmyndarinnar
The Tempest sem frumsýnd verður
um jólaleytið. Um er að ræða mynd
byggða á klassísku verki Willi-
ams Shakespeare sem kallast á ís-
lensku Ofviðrið. Myndin er hlaðin
heimsþekktum leikurum og ber þar
helst að nefna Helen Mirren, Dji-
mon Hounsou, Alfred Molina, Alan
Cumming, Chris Cooper og breska
grínistann Russell Brand.
Lagið sem hljómar í lok stikl-
unnar heitir Sæglópur en það kom
út á plötunni Takk árið 2005. Þetta
er ekki í fyrsta skipti sem lög með
sveitinni hljóma í stiklum stór-
mynda en sem dæmi má nefna
Children of Men  frá árinu 2006 og
Óskarsverðlaunamyndina Slumdog
Millionaire frá árinu 2008.
Meðlimir Sigur Rósar eiga þó
ekki bara lög í frægum myndum því
Jónsi, söngvari sveitarinnar, á lag í
tölvuleiknum FIFA 11. Lagið heitir
Around Us og er af fyrstu sólóplötu
kappans. FIFA 11 er einn vinsælasti
íþróttaleikur heims frá upphafi en
enginn leikur hefur selst jafn hratt
á fyrstu söluhelgi. Þá seldust 2,6
milljón eintök af leiknum en ætla
má að þau verði á endanum á milli
10 og 20 milljónir.
Þess má til gamans geta að Of-
viðrið verður sýnt í Borgarleik-
húsinu í vetur. Verkið verð-
ur frumsýnt 29. desember en
á meðal leikara eru Ingvar
E. Sigurðsson,  Hilmir Snær
Guðnason,  Jörundur Ragn-
arsson,  Þröstur Leó
Gunnarsson, Sigrún
Edda Björnsdótt-
ir,  Guðjón Davíð
Karlsson og Hall-
dór Gylfason.
asgeir@dv.is
„Ég kom bara heim um ellefuleytið í gærkvöld [fyrra-
kvöld] og sá gardínurnar á gólfinu. Þá vissi ég að eitt-
hvað hafði gerst,“ segir knattspyrnukappinn Aron Einar
Gunnarsson, leikmaður Coventry og íslenska landsliðs-
ins. Brotist var inn til Arons í fyrrakvöld og var stolið verð-
mætum úrum sem hann hafði safnað sér, PlayStation-
tölvu, ferðatölvu og símum sem hann var hættur að nota.
„Þetta er leiðinlegt en svona kemur fyrir. Ég var kom-
in með nokkur úr í safnið en þau eru öll horfin. Ég talaði
samt við félaga minn í dag sem þekkir aðeins til undir-
heimanna hérna í Coventry. Hann ætlar að athuga hver
dirfðist að brjótast inn í húsið mitt og kanna hvort mögu-
leiki sé að fá eitthvað af þessu aftur,“ segir Aron sem er þó
mest feginn að hafa ekki verið heima þegar innbrotið átti
sér stað.
„Maður veit aldrei á hverju svona gaurar eru þegar
þeir standa í svona og hvað þeir geta gert þegar þeir eru
í annarlegu ástandi. Lögreglan kemur á morgun og ætl-
ar að taka fingraför en ég veit ekkert meira eins og er. Ég
mæti bara á æfingar og reyni að standa mig,“ segir Aron.
Engu persónulegu var stolið nema auðvitað þeim
gögnum sem eru í ferðatölvunni hans. Þar voru meðal
annars myndir af honum og fyrrverandi kær-
ustu hans, ofurbombunni Charlotte Toon,
sem er að gera það gott þessa dagana sem fyr-
irsæta í Bretlandi.
„Það er leiðinlegast að þeir hafa tekið tölv-
una. Það er bara virkilega óþægilegt. Svo fóru
þeir líka í gegnum launaseðlana mína þannig
ætli maður fari ekki að sjá fréttir um hvað mað-
ur er með í laun í einhverju blaðinu. Þeir létu
samt málverk sem ég er með í forstofunni vera
sem og nokkrar jólagjafir sem mamma var búin
að kaupa handa litlu frændum mínum,“ segir
Aron sem ætlar ekki að flytja úr húsinu, allavega
ekki í bráð.
„Mér finnst það ekki líklegt. Það eru nokkrar
heimsóknir til mín framundan. Mamma og pabbi
eru til dæmis að koma. Ég efast nú um að þessir
þjófar mæti aftur. Ég fer allavega núna að gera arm-
beygjur á kvöldin til að vera klár þegar þeir koma
næst,“ segir Aron Einar Gunnarsson hlæjandi að
lokum.
tomas@dv.is
Bíræfnir þjófar brutust inn til landsliðshetjunnar Arons
Einars Gunnarssonar á heimili hans í Coventry og stálu
verðmætum hlutum. Þjófarnir fóru í gegnum launaseðla
Arons en tóku enga persónulega hluti.
Næst verð ég
tilbúinn
ARON EINAR GUNNARSSON:
Þjófarnir stálu meðal
annars úrum, ferðatölvu
og PlayStation-tölvu.
Hlutirnir á myndinni eru ekki
hlutirnir sem var stolið.
Feginn að vera ekki heima Aron Einar
prísar sig sælan að hafa ekki verið heima
fyrir þegar innbrotið átti sér stað.
Jónsi Á einnig lag
í leiknum FIFA 11.
The Tempest Er
hlaðin stórleikurum.