Dagblaðið Vísir - DV - 17.12.2010, Blaðsíða 10

10 | Fréttir 17.–19. desember 2010 Helgarblað
Ellert Sævarsson dæmdur fyrir morð:
16 ára fangelsi
Hæstiréttur hefur staðfest sex-
tán ára fangelsisdóm Héraðs-
dóms Reykjaness yfir Ellerti Sæv-
arssyni. Ellert var dæmdur fyrir að
verða Hauki Sigurðssyni að bana í
Reykjanesbæ aðfaranótt 8. maí á
þessu ári.
Ríkissaksóknari skaut málinu til
Hæstaréttar í samræmi við yfirlýs-
ingu Ellerts um áfrýjun. Vildi hann
að refsing yrði milduð og upphæð
skaðabóta sem hann var dæmd-
ur til að greiða, samtals rúmar
3,1 milljónir króna, yrði lækkuð.
Hæstiréttur staðfesti hins vegar
dóm Héraðsdóms Reykjaness.
Ellert játaði að hafa orðið Hauki
að bana þegar þeir mættust á förn-
um vegi í Reykjanesbæ um nótt-
ina. Þeir þekktust ekkert, en Ellert
mun hafa verið haldinn ranghug-
myndum um fórnarlamb sitt og
talið að hann væri annar maður.
Eftir stutt orðaskipti þeirra á milli,
réðst hann á Hauk og kastaði með-
al annars gangstéttarhellu í höfuð
Hauks, með þeim afleiðingum að
hann lést. Haukur var 53 ára þegar
hann lést.
Morðið á Hauki var fram-
ið skammt frá heimili Ellerts, en
þangað fór hann eftir að hafa fram-
ið ódæðið. Hann var handtekinn á
heimili sínu morguninn eftir. Í yfir-
heyrslum lögreglu játaði hann á sig
morðið.
101 jól
hverfisgata 10
sími 5800 101
101hotel@101hotel.is
www.101hotel.is
hátíðarmatseðill undir dönskum áhrifum.
gamalgrónir réttir með nýstárlegum blæ.
alla daga fram að jólum.
borðapantanir í síma 5800 101.
Risaskuldir skildar
eftir í gjaldþrota félagi
n Félag Magnúsar Ármanns og Steina í Kók gjaldþrota n Nærri tveggja milljarða skuldir sitja eftir í félaginu
n Áttu hluti í fjölmiðlarisanum 365 og Teymi n Eigið fé neikvætt um einn og hálfan milljarð 2008 og 2009
Eignarhaldsfélag Magnúsar Ár-
manns og Þorsteins M. Jónssonar,
Steina í Kók, Runnur ehf., hefur ver-
ið tekið til gjaldþrotaskipta. Magn-
ús og Þorsteinn voru einu stjórnar-
menn félagsins en skráður eigandi
þess var MogS ehf. Það félag var
svo í eigu Magnúsar, og Materia In-
vest, sem er í eigu Magnúsar, Þor-
steins og Kevins Stanfords. Kevin
Stanford hefur verið viðskiptafélagi
Magnúsar og Þorsteins um árabil
en hann er fyrrverandi eiginmaður
Karenar Millen, og einn stofnandi
tískuvörumerkisins Karen Millen.
Samkvæmt ársreikningi félags-
ins frá 2009 kemur meðal annars
fram að eigið fé félagsins hafi ver-
ið neikvætt um 1,9 milljarða króna
en skuldir félagsins samkvæmt
sama ársreikningi voru metnar á
1,95 milljarða króna. Skuldastaða
félagsins var heldur betri árið áður,
samkvæmt ársreikningi, en þá var
eigið fé félagsins samt sem áður
neikvætt um 1,4 milljarða króna.
Tap ársins 2009 hjá félaginu er met-
ið 526 milljónir króna.
Teymi og 365
Runnur átti um tíu prósenta hlut
í fjölmiðlarisanum 365 árið 2007
og var félagið einn af stærstu eig-
endum þess. Félaginu var sama ár
skipt niður í fimm mismunandi fé-
lög sem skiptust niður á þáverandi
eigendur félagsins. Félögin voru
Runnur ehf., Runnur 2 ehf., Runn-
ur 3 ehf., Runnur 4 ehf. og Runn-
ur 5 ehf. Félagið Runnur átti fyrir
skiptin 9,6 prósenta hlut í Teymi.
Eigendur hinna Runna-félaganna
voru meðal annars Hannes Smára-
son, Bygg Invest (Byggingarfélags
Gylfa og Gunnars) og Nóatúnsfjöl-
skyldan.
„Félaginu var skipt í fimm félög
miðað við 1. janúar 2007, þannig
að félögin Runnur 2 ehf., Runnur
3 ehf., Runnur 4 ehf. og Runnur 5
ehf. tóku yfir 75% eigna, réttinda,
skulda og skuldbindinga félagsins
miðað við þann dag,“ segir í árs-
reikningi félagsins fyrir árið 2009.
Gervimaður í útlöndum
Í rannsóknarskýrslu rannsóknar-
nefndar Alþingis um málefni tengd
bankahruninu og aðdraganda þess
er Runnur á lista yfir félög sem
„Gervimaður í útlöndum“ átti meira
en tíu prósenta hlut í. Í skýrslunni
kemur fram að á árunum 2007 og
2008 hafi Gervimaðurinn verið
skráður fyrir fyrst 25 prósenta hlut
árið 2006 og svo 100 prósenta hlut
árið 2007 í félaginu.
Kennitölur Gervimanna komust
í umferð í íslensku viðskiptalífi árið
2006 en höfðu þá verið til í rúm tut-
tugu ár. Kennitölurnar voru stofn-
aðar í þeim tilgangi að geta tengt
ólögráða einstaklinga sem fóru til
útlanda við kennitölu lögráða ein-
staklings á þeim stað. Þetta kom
fram í samtali Morgunblaðsins við
Skúla Guðmundsson, skrifstofu-
stjóra þjóðskrár, stuttu eftir að rann-
sóknarskýrslan kom út.
Ekki náðist í Þorstein M. Jónsson
á fimmtudaginn.
„Eigið fé félagsins
hafi verið neikvætt
um 1,9 milljarða króna.
Aðalsteinn Kjartansson
blaðamaður skrifar adalsteinn@dv.is
Magnús Ármann Félag þeirra vina átti
stóran hlut í 365.
Steini í Kók MogS ehf. er skráð
fyrir 100 prósenta hlut í Runni.