Dagblaðið Vísir - DV - 17.12.2010, Blaðsíða 30

„Mér finnst ég vera ósýnileg því ég
er búin að vera lengi í burtu,“ seg-
ir Ólöf og hlær. Hún er nýkomin
heim úr löngu tónleikaferðalagi
um Bandaríkin og Bretland sem
hefur verið hreinasta sigurför. Inn-
undir skinni er önnur plata Ólafar
Arnalds. Á henni er meðal ann-
ars titillagið Innundir skinni, Cra-
zy Car, sem er dúett með Ragnari
Kjartanssyni, og Surrender, sem er
dúett með Björk Guðmundsdótt-
ur. Platan var hljóðrituð og unnin í
samvinnu við Kjartan Sveinsson úr
Sigur Rós og Davíð Þór Jónsson.
Fyrri sólóplata Ólafar, Við og
við, vakti líka góð viðbrögð og hlaut
eins og margir muna verðlaun sem
plata ársins í flokknum Ýmis tónlist
á Íslensku tónlistarverðlaununum.
Innundir skinni þykir jafnvel betri
og eru gagnrýnendur í Bandaríkj-
unum og Bretlandi sammála um að
Ólöfu hafi tekist að þróa sig áfram
sem listamann og lagasmið og sé
komin í hóp þeirra bestu í heimin-
um.
Gott að fá klapp á bakið
Í tímaritinu Mojo fékk Ólöf fullt hús
stjarna og hún sögð svar Reykjavíkur
við Kate Bush. Í Metro var rýnir plöt-
unnar hreinlega dolfallinn og sagði
tónlist hennar skilja eftir sig ljóm-
andi og djúp hughrif. Auk þessa rign-
ir yfir Ólöfu lofsyrðum og góðri um-
fjöllun í öllum helstu miðlum bresku
og bandarísku pressunnar.
Ólöf segir gott að fá klapp á bakið
en henni finnist umtalið oft óraun-
verulegt. „Þetta er bara gangurinn,
maður fer og spilar og svo tekur við
atburðarás sem ég hef ekki stjórn á.
Mér finnst eins og allt umstangið sé
eins og fyrir einhverja aðra en mig.
Mér finnst uppörvandi að fá klapp á
bakið en á sama tíma er ég að reyna
að halda jarðsambandinu vegna
þess að þetta er allt saman hverfult.“
Tónleikahaldið krefjandi
Ferðalögin hafa henni þótt krefjandi
en tónleikahaldið hefur verið stíft.
Hún telur að tónleikar séu dýrmæt-
ari upplifun en áður og það stafi að
hluta til af því hversu auðveldlega
megi annars kaupa og hlaða niður
tónlist.
„Tónleikar verða að eftirsóttri upp-
lifun sem gefur tónleikagestum nánd
sem þeir kannski sakna því það er
svo mikið af tónlist alls staðar. Tón-
leikahaldið gefur mér líka mjög mik-
ið þó að ferðalögin geti verið afar
krefjandi. Ég er á þeim tímapunkti á
ferlinum núna að það er enginn lúx-
us í aðbúnaðinum. Ég gisti oft heima
hjá fólki og svo er þetta svona alls
konar sem er auðvitað allt í lagi.
Auðvitað koma tímapunktar þar
sem ég hugsa með mér að ég óski
þess að fá smá andrými. En síðan get
ég það ekki af því ég get ekki verið
neitt annað en það sem ég er og það
er að semja tónlist og vera tónlistar-
maður.“
Björk eins og páfugl á grein
Aðspurð um samstarfið við Björk
segir Ólöf: „Þetta kom til á frekar
spontant máta, þegar ég var að spila
mixin af plötunni minni fyrir Björk
fékk hún hugmynd að mótröddum
sem hún bauðst til að taka upp. Svo
gerði hún það og sendi mér og sagði
Tónlistarkonan Ólöf Arnalds hefur slegið í gegn hjá heims-
pressunni og hún hefur ferðast heimshorna á milli síðasta árið á
tónleikaferðalögum sínum og hitað meðal annars upp fyrir Blonde
Redhead, Air og Jonathan Richman. Ólöf er núna heima á Íslandi
og spilar á nokkrum tónleikum fyrir jól, hún segist ganga með ara-
grúa laga í kollinum einmitt núna sem hún þyrfti að fara að finna
farveg. Kristjana Guðbrandsdóttir settist niður með Ólöfu og
ræddi við hana um tónlistina, ferðalögin og frægðina.
30 | Fókus 17.–19. desember 2010 Helgarblað
Jólakötturinn passar upp á fötluð börn Jólakött-
urinn, óvættur í íslenskum þjóðsögum og húsdýr Grýlu og Leppalúða, hefur
löngum verið Íslendingum hugleikinn, enda þekktur fyrir að éta börn sem fá ekki
nýja flík fyrir jólin. Nú ætlar jólakötturinn aftur á móti að sýna á sér nýjar og betri
hliðar fyrir Styrktarfélag lamaðra og fatlaðra. Það voru þau Þórarinn Eldjárn,
Snæfríður og Hildigunnur sem gerðu óróann. Þær stöllur fengust við stálið á
meðan Þórarinn lék sér að orðum. Allur ágóðinn rennur í þágu fatlaðra barna og
unglinga eða í þróun og eflingu æfingarstöðvar Styrktarfélagsins. Árlega nýta
um 850 börn æfingastöðina og mörg þeirra oft í viku.
Markaður, jólatré og varðeldur í skóginum Í fimmtán mín-
útna fjarlægð frá ys og þys borgarinnar er að finna ansi notalega stemningu á jólamarkaði
við Elliðavatn. Í gamla salnum í húsi Einars Benediktssonar er úrval af handverki og hönnun
til sölu auk þess sem boðið er upp á ilmandi nýbakaðar vöfflur og kakó. Úti er kveikt upp í
eldstæðinu og harmonikkusveitir leika nokkur lög og nýhöggvin jólatré eru til sölu. Þeir sem
vilja frekar höggva eigið jólatré geta líka gert það í Heiðmörk um helgina, á milli kl. 11 og 16.
Í Rjóðrinu, litlum trjálundi við vatnið, er hægt að setjast á bekki í kringum logandi varðeld.
Klukkan 14 hefst svo barnastund í Rjóðrinu þar sem barnabókahöfundur les upp fyrir börnin,
farið verður í náttúruleiki og tekið á móti jólasveinunum.
mælir með...
KVIKMYND
Agora
Það er þessi blóðrauða
saga sem hefur sjaldan
sést jafn skýrt á hvítu
tjaldi. Því trúarbragða-
sagan er alls enginn
Vatnaskógur.
TÓNLIST
Allt er eitthvað
Jónas Sigurðsson
Í hverju einasta lagi
skín í gegn metn-
aðurinn til að búa
til vandaða tónlist.
Hann þarf örugglega
að berja frá sér auglýsingastofur og
kvikmyndagerðarmenn sem standa í röðum
til að fá að nota tónlistina hans.
TÓNLIST
Sögur af ást, landi
og þjóð 1980–2010
Bubbi Morthens
Ef til er sá Íslendingur
sem þekkir ekki feril
Bubba sérstaklega vel,
þá er þetta platan fyrir
hann.
LEIKVERK
Gilitrutt
Leikbrúðan er elsti
leikarinn, segja sumir.
Vel má vera að svo sé,
þó að uppruni þessarar
undarlegu listar sé að
vísu myrkri og móðu hulinn. Brúðuleiklistin
er eflaust sá þáttur leiklistarinnar sem
okkur hættir hvað mest til að vanmeta,
gleyma jafnvel alveg.
Jólaævintýri
fyrir börnin
Jólasveinarnir þramma til byggða og
gera það að vana sínum að koma við
í Þjóðminjasafninu. Alla daga kemur
einn þeirra stundvíslega klukkan 11,
klæddur í þjóðlegu fötin og reynir að
krækja sér í það sem þeir girnast helst.
Þar sem þessir hrekkjóttu pörupilt-
ar eiga dálítið erfitt með að átta sig í
tæknivæddri nútímaveröld þykir þeim
gott að koma í Þjóðminjasafnið því
þar er svo mikið af gömlum munum.
Í Tjarnarbíói er verið að sýna Æv-
intýrið um Augastein, klassíska jóla-
sögu með óvæntri fléttu. Steinn gamli
í minjagripabúðinni fær krumma
í heimsókn og segir honum uppá-
haldsjólasöguna þeirra. Sögu af litlum
dreng sem lenti í höndum jólasvein-
anna þegar þeir voru enn þjófóttir
og stríðnir og vita ekkert hvað þeir
eiga að gera við saklausan krakkann.
Steinn sem leikinn er af Felix Bergs-
syni syngur, bregður sér í hlutverk
sveinanna – og hvað er nú á seyði?
Skyldi Grýla vera komin á stjá?
Í Þjóðleikhúsinu stendur Leitin að
jólunum yfir. Þetta er sjötta leikárið
sem tveir skrýtnir og skemmtilegir ná-
ungar ásamt hljóðfæraleikurum taka á
móti litlum leikhúsgestum í anddyr-
inu, leiða þá syngjandi af stað í æv-
intýraför og sýna þeim leikþætti um
jólin þá og nú.
Kristjana Guðbrandsdóttir
blaðamaður skrifar kristjana@dv.is
fullan
Með kollinn
af lögum
Þarf að tappa af „Ég er með 20 lög í kollinum núna,“ segir Ólöf. „Belgurinn er orðinn fullur
og ég þarf að fara að tappa af honum.“
Það er alltaf hættulegt þegar menn
ætla sér að græða á arfleifð einhvers
sem margir muna eftir að hafi ver-
ið skemmtilegt í gamla daga. Fyrsta
sem mér dettur í hug er nýjasta mynd-
in um Indiana Jones. EA Sports ákvað
þó að reyna að gefa út nýja útgáfu af
hinum sögufræga körfuboltaleik, NBA
Jam, sem snýst, eins og nafnið gefur til
kynna, um að troða.
Fyrir greyið börnin sem upplifðu
ekki tíunda áratuginn kemur þetta
þeim eflaust fyrir sjónir sem ljómandi
skemmtilegur troðsluleikur með öll-
um helstu stjörnunum úr NBA. Sem
90´s barn hafði ég þó áhyggjur þar
sem þessi leikur var stór hluti af mínu
lífi sem unglingur.
Ég verð þó að segja að ég hafi ekki
verið svikinn. Leikurinn er svo yndis-
lega einfaldur að það er ótrúlegt. Það
sést best þegar maður fer í stillingar
leiksins. Þar geturðu hækkað og lækkað
hljóðið og skipt um erfiðleikastig. Ekk-
ert meira. Enda þarftu ekkert meira.
Maður getur auðvitað spilað ein-
staka leiki og svo farið í „Campa-
ign“ þar sem þú spilar við öll liðin í
deildinni og opnar þannig ýmsa nýja
möguleika. Það verður að viðurkenn-
ast að það getur orðið soldið þreytt að
spila leikinn einn á móti tölvunni þar
þetta eru bara troðslur á troðslur ofan.
Ef maður vill „alvöru“ körfuboltaleiki
þarf maður meira að hugsa í áttina að
NBA Live eða 2K-leikjunum.
Það er þó í fjölspilun sem leikur-
inn fer virkilega að rokka. Tveir til fjór-
ir félagar geta spilað saman virkilega
skemmtilega leiki og finnst mér þar
virkilega flott hvernig þrír geta spilað
saman því hingað til hafa oddatölur
verið bannorð í kringum tölvuleiki.
NBA Jam fer líka út fyrir það að
vera bara íþróttaleikur þannig þótt þú
eigir vini sem myndu frekar lesa bók
en horfa á körfuboltaleik geturðu allt-
af platað þá í einn stuttan 21 eða farið
í keppni um hvor er fljótari að brjóta
glerið hjá hinum. Það er sama hvort
þú ert forfallinn íþróttaáhugamaður
eða ekki. Það eru allir til í að troða!
Tómas Þór Þórðarson
Engin þörf á að troða þessu upp í sig
Tölvuleikir NBA Jam
Playstation 3
Tegund: Íþróttaleikur
Dúndrandi skemmtun Þó maður
geti orðið fljótt þreyttur á að spila NBA
Jam einn er hann frábær í fjölspilun.