Dagblaðið Vísir - DV - 17.12.2010, Blaðsíða 46

46 | Hin hliðin 17.–19. desember 2010 Helgarblað
Nafn og aldur?
„Þórður Grímsson, 25 ára.“

Atvinna?
„Myndlistarmaður. Ég starfa líka við framleiðslu á auglýsingum og
sjónvarpsþáttum.“
Hjúskaparstaða?
„Ég er í sambúð með kærustunni minni sem svo heppilega vill til að
er hinn helmingur dúósins Two Step Horror.“

Fjöldi barna?
„Eitt á leiðinni og kærastan mín á tvö börn fyrir, ég er „aukapabbi“
þeirra.“

Hefur þú átt gæludýr?
„Já, nokkra hunda í gegnum árin. Núna á ég óþolandi Abyssínukött
sem heldur fyrir mér vöku með væli og eltir mig í Bónus.“

Hvaða tónleika fórst þú á síðast?
„Á Third Sound-tónleikana á miðvikudaginn á Sódómu sem voru
gífurlega hressandi.“

Hefur þú komist í kast við lögin?
„Nei, faðir minn er lögreglumaður og synir lögreglumanna komast
ekki í kast við lögin.“

Hver er uppáhaldsflíkin þín og af hverju?
„April77-jakki sem ég fann á eBay og Chelsea „cuban heel“-stígvélin
mín af því að ekkert segir rokk eins og leðurskór og svartur jakki.“

Hefur þú farið í megrun?
„Já, stundum um helgar.“

Hefur þú tekið þátt í skipulögðum mótmælum?
„Nei, mér leiðast mótmælendur.“

Trúir þú á framhaldslíf?
„Ég trúi á ýmislegt, framhaldslíf er eitt af því.“

Hvaða lag skammast þú þín mest fyrir að hafa haldið
upp á?
„„Soundtrackið“ við West Side Story eins og það leggur sig. Ég
neyddi einu sinni heilt barnaafmæli til að horfa á söngleikinn á spólu
þegar ég var sjö ára. Pabbi slökkti þegar hún var hálfnuð og setti
Turtles á.“

Hvaða lag kveikir í þér?
„Ég veit ekki með „kveikir í mér“ en Hallogallo með Neu! kemur mér
alltaf í gott skap.“

Til hvers hlakkar þú núna?
„Opnunar myndlistarsýningarinnar minnar Óráð / Delirium sem er í
kvöld (17.des) klukkan 20.00 í Kaolin Gallerí í Ingólfsstræti.“

Hvaða mynd getur þú horft á aftur og aftur? (afhverju?)
„Ég get eiginlega ekki gert upp á milli The Invasion of Thunderbolt
Pagoda eftir Ira Cohen og Holy Mountain eftir Alejandro Jodorowsky,
þær tvær leiddu mig að myndlistinni. Svo finnst mér líka mjög gaman
að horfa á froska í rómverskum stríðsbúningum springa.“

Afrek vikunnar?
„Að semja „kraut“-skotið þemalag sýningarinnar sem mun óma í
bakgrunninum við opnunina.“

Hefur þú látið spá fyrir þér?
„Nei, en það gekk einu sinni kona að mér á bar og sagði mér að ég
væri með slæma áru.“

Spilar þú á hljóðfæri?
„Ég spila á gítar. Og skemmtara þegar ég er hress.“

Viltu að Ísland gangi í Evrópusambandið?
„Já, það væri örugglega ekki vitlaus hugmynd.“

Hvað er mikilvægast í lífinu?
„Myndlistin og ástin, ég veit ekki hvort kemur fyrst.“

Hvaða íslenska ráðamann myndir þú vilja hella fullan
og fara á trúnó með?
„Hann er kannski ekki ráðamaður, en ég myndi velja Gauk Úlfarson í
26. sæti Besta flokksins. Ég myndi spyrja hann hvort hann hafi verið
í fötum þegar hann vaknaði í Brussel.“

Hvaða fræga einstakling myndir þú helst vilja hitta og
af hverju?
„Ég vil hitta hljómsveitina Die Antwoord, meðlimir hennar virðast
hafa svarið.“

Hefur þú ort ljóð?
„Já, en þau eru öll í formi lagatexta.“

Nýlegt prakkarastrik?
„Það sem kemst næst því er júlludagatalið sem ég held úti í
desember í þeim tilgangi að vera rekinn af Facebook sem er að
yfirtaka allan minn tíma. Facebook er satan.“

Hvaða fræga einstakling líkist þú mest?
„Russel Brand eða Syd Barrett, en hann er dauður.“

Ertu með einhverja leynda hæfileika?
„Ég er rosalega góður í að leggja flísar.“

Á að leyfa önnur vímuefni en áfengi?
„Já, bara leyfa allt, forræðishyggja er af hinu illa.“

Hver er uppáhaldsstaðurinn þinn?
„Berlín er mjög skemmtilegur staður. Vinnustofan mín er líka
skemmtilegur staður.“

Hvað er það síðasta sem þú gerir áður en þú ferð að
sofa?
„Það er einkamál.“

Hver er leið Íslands út úr kreppunni?
„Það er engin leið út úr kreppunni.“
Á óþolandi kött sem
eltir hann í Bónus
Í kvöld, föstudag, opnar myndlistarmaðurinn Þórður Grímsson sýninguna
Óráð / Delirium í Kaolin Gallerí í Ingólfsstræti. Í verkum sínum tekst hann á við
drauma og draumfarir og mörk þess raunverulega og óraunverulega. Vinnur
hann með blekteikningar og prentun en áður hefur hann unnið mikið í tengslum
við tónlist og gert tónlistarmyndbönd.
M
Y
N
D
IR
S
IG
TR
Y
G
G
U
R
A
R
I
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.
komdu í áskrift!
512 70 80
dv.is/askrift
frjálst, óháð dagblað