Dagblaðið Vísir - DV - 23.04.2012, Blaðsíða 8

8 Fréttir 23. apríl 2012 Mánudagur
Dagbók
lögreglunnar
Lögreglan á höfuðborgarsvæðinu
hafði í nógu að snúast á laugar-
dagskvöldið og langt fram eftir
morgni. Lögreglan þurfti að sinna
að meðaltali tveimur útköllum
á klukkustund frá klukkan 8 um
kvöldið til klukkan 5 á sunnudags-
morgun. Meðal verkefna lögregl-
unnar var að handtaka menn eftir
slagsmál í Engihjalla og handtaka
ökumenn sem grunaðir eru um að
hafa verið ölvaðir við akstur.
Þetta var lögreglan að aðhafast
á laugardagskvöldið.
20.07 er tilkynnt um sinu-
bruna við Kaldárselsveg í Hafnar-
firði.
20.41 er tilkynnt um slags-
mál í Engihjalla. Þarna var fólk að
koma úr samkvæmi og eitthvert
ósætti milli manna. Einn aðili
vistaður í fangageymslu þar sem
hann truflaði störf lögreglu ítrekað
á vettvangi.
21.31 er tilkynnt um innbrot
og þjófnað á hóteli í miðborginni.
Gerandi handtekinn um mið-
nætti á rölti í miðbænum og viður-
kenndi brot sitt.
23.04 er tilkynnt um innbrot
í bíl í miðborginni.
23.20 er tilkynnt um fjögurra
bíla, harðan árekstur í austurborg-
inni. Meiðsl minniháttar.
00.30 er tilkynnt um að
kveikt hafi verið í dagblöðum í
anddyri fjölbýlishúss í austurborg-
inni. Íbúar búnir að slökkva er lög-
regla og slökkvilið kom á vettvang.
Ekki vitað hver var að verki.
01.58 var tilkynnt um líkams-
árás í miðbænum og að gerandi
hafi hlaupið á brott.
03.18 var tilkynnt um reyk í
stigagangi í fjölbýlishúsi í austur-
borginni. Reyndist ekki vera eldur,
en búið var að tæma úr hand-
slökkvitæki í stigaganginum.
04.18 var tilkynnt um líkams-
árás í miðbænum.
04.20 var kona handtekinn
vegna gruns um lyfjaakstur.
04.45 var karlmaður hand-
tekinn vegna gruns um ölvun við
akstur.
05.03 var tilkynnt um líkams-
árás í miðbænum.
M
ér tókst að ná húsinu til
baka,“ segir Sturla Jóns-
son, vörubílstjóri og mót-
mælandi, í samtali við DV.
Í desember síðastliðnum
fjallaði DV um málefni Sturlu en þá
leit út fyrir að hann myndi missa
hús fjölskyldunnar á nauðungar-
sölu. Ekkert varð þó úr því og að
sögn Sturlu dró bankinn nauðungar-
uppboðið til baka. „Þeir gerðu sam-
komulag við mig sem er náttúrulega
áfangasigur í sjálfu sér.“
Samkomulagið var á þá leið að
beðið yrði með að rukka gengislán-
ið á meðan óvissan væri svo mikil.
Hann hefur nú reynt að greiða af-
borganir af láninu en kemur að lok-
uðum dyrum í bankanum. Sturla
sökkti sér ofan í lögin fyrir rúmu ári
og eyddi oft og tíðum heilu dögun-
um í skjalalestur. Það að hann muni
halda húsinu sínu segir hann vera
afrakstur síðustu tólf mánaða sem
hann „hefur verið að slást í þessu.“
„Snýst ekki um mig“
„Málið er einfaldlega komið í patt-
stöðu og það vill enginn taka við pen-
ingunum, af því að það þorir eng-
inn að kvitta fyrir þeim, núna neitar
útibússtjórinn til dæmis að taka við
greiðslunum í vitna viðurvist,“ seg-
ir Sturla. Niðurstaða hans er sú að
bankarnir séu „samkvæmt lögunum
að stela af fólki.“ Aðspurður hvort
hann hafi fengið einhverjar afskriftir
segir hann svo ekki vera. Sturla fæst
ekki til að útskýra nákvæmlega hvaða
aðferðum hann hafi beitt til að ná
þessum árangri. Hann hyggst út-
skýra mál sitt betur á næstunni svo
að aðrir geti fetað sömu leið.
Sturla hefur bent fólki á að kynna
sér lögin í grófum dráttum, þau séu
ekki það mörg. „Lögin eru góð og þau
vernda mann ef farið er eftir þeim.
Það er það sem ég er búinn að sjá.“
Sturla er hæstánægður með árangur-
inn sem hann telur sig hafa náð og er
viss um að fleiri geti farið sömu leið.
„Þetta snýst ekkert um mig eða mín
mál sem slík, heldur það að allir geta
fetað þessa sömu slóð,“ segir baráttu-
maðurinn sem telur sig hafa fundið
gloppur í lögum til handa lítilmagn-
anum í baráttunni gegn fjármála-
kerfinu. Honum er mikið í mun að
það komist til skila að fleiri geti farið
þessa sömu leið.
Gæti fagnað
Um er að ræða gengistryggt neyslu-
lán sem Sturla tók árið 2004 hjá
Sparisjóði vélstjóra en var endurút-
reiknað yfir í íslenskar krónur hjá Byr
hf. í mars í fyrra. Hann hætti í kjölfar-
ið að greiða af láninu þar sem hann
taldi það ólögmætt. Hann hefur því
í rauninni búið frítt í húsinu síðan
þá. Lánið hljóðaði á sínum tíma upp
á 12,5 milljónir króna og var notað
til að fjármagna kaup á amerískum
pallbíl og utanlandsferð fjölskyld-
unnar. „Við ákváðum að kaupa okkur
einn sómasamlegan bíl, að okkur
fannst,“ sagði Sturla um lántökuna í
samtali við DV í desember.
„Ég gæti fagnað núna, verið stillt-
ur og prúður og haft það gott, en þá
finnst mér eins og streð síðustu ára
hafi verið unnið til einskis,“ segir
Sturla sem er staðráðinn í að halda
baráttunni áfram þrátt fyrir þenn-
an áfangasigur. „Við verðum ein-
hvern veginn að hjálpa fólkinu vegna
þess að það er ljóst að ríkisstjórnin
og bankarnir vinna að því að hjálpa
okkur ekki.“
Bjartari tímar framundan
Sturla var áberandi í búsáhalda-
byltingunni og var einn mótmæl-
enda sem fylgt var eftir í mynd-
inni Guð blessi Ísland. Í lok þeirrar
myndar hafði hann gefist upp á Ís-
landi og var á leiðinni til Noregs að
freista gæfunnar. Sér hann fram á
bjartari tíð hér á landi? „Já, það geri
ég. Ég sé að við eigum réttindi inni
en við verðum að sækja þau sjálf
því ekki ætla yfirvöld að aðstoða
okkur við það.“
Hann hefur reynt fyrir sér á ýms-
um sviðum eftir hrun og bauð sig
meðal annars fram til Alþingis fyrir
hönd Frjálslynda flokksins árið
2009. Flokkurinn þurrkaðist þó út í
þeim kosningum. Í kjölfarið freist-
aði Sturla gæfunnar í Noregi, líkt
og margir aðrir Íslendingar. Hann
vann við flísalagnir þar í landi í
tæpt ár og segist hafa haft mjög gott
upp úr því en skrokkurinn þoldi illa
vinnuna. „Það vill nú bara svo til að
maður er ekki alveg tvítugur. Mað-
ur var svolítið sprækari þá,“ bendir
Sturla á.
Eftir að hann kom heim frá Nor-
egi bauð hann sig fram til stjórn-
lagaþings en náði ekki kjöri. Síðan
þá hefur hann verið að lesa lögin og
orðið margs vísari. Þekkingin á lög-
unum kemur sér vel þar sem hann
flytur sjálfur mál sín fyrir dómi.
Bjargaði húsinu frá
nauðungaruppBoði
Ánægður með árangurinn
Baráttumaðurinn Sturla
Jónsson er ánægður með þann
árangur sem hann hefur náð
en hann heldur húsi fjölskylu
sinnar. Mynd eyþór ÁrnaSon
n Sturla Jónsson fagnar áfangasigri í baráttunni við bankann„Ég gæti fagnað
núna, verið stillt-
ur og prúður og haft það
gott, en þá finnst mér
eins og streð síðustu ára
hafi verið unnið til einskis.
Jón Bjarki Magnússon
blaðamaður skrifar jonbjarki@dv.is
Þrír með
alla rétta
Fimmfaldur pottur í Lottó
gekk út um helgina og skiptist
hann á milli þriggja vinnings-
hafa sem hver um sig fékk um
12,3 milljónir króna í sinn hlut.
Einn miðinn var keyptur á Sel-
ect í Hraunbæ í Reykjavík en
hinir tveir miðarnir voru seldir
í áskrift.
Þá skiptist bónusvinningur-
inn einnig á milli þriggja vinn-
ingshafa sem hver um sig fékk
155 þúsund krónur.
„Fullt af liði sem á Porsche“
Í viðtali sem Dr. Gunni tók
við Sturlu á góðæris-
tímanum, nánar tiltekið
árið 2006, var annað
hljóð í Sturlu en í dag.
Viðtalið snérist um
nýjan „trailer“ sem Sturla
hafði keypt fyrir um níu
milljónir króna. Yfirskrift
viðtalsins var: „Fullt af
liði sem á Porsche en
enginn sem á svona.“ Í
viðtalinu segist Sturla
hafa verið að þvælast í
Bandaríkjunum ásamt
frænda sínum þegar
hann hafi ákveðið að fá sér svona bíl. Bíllinn var með svefnaðstöðu fyrir fjóra og ísskáp
en Sturla notaði bílinn í vinnunni.
„Þeir hjá Brimborg voru með eitthvað rugl um að hann stæðist ekki íslenskar mengunar-
kröfur en svo flutti ég hann bara sjálfur inn og það reyndist ekkert vesen,“ sagði Sturla
í viðtalinu. „Það er fullt af fólki hérna sem á Porsche og Hummer og svoleiðis drasl, en
enginn sem á svona svo ég ákvað bara að kýla á það.“
Sturla sagði bílinn hagkvæman í rekstri. Hann lýsti viðbrögðum fólks þegar það sá
bifreiðina glæsilegu.
„Fyrst þegar ég var á honum komu stundum blossar þegar ég stoppaði á rauðu ljósi. Ég
skildi ekkert í þessu en svo fattaði ég að þetta var fólk í bílunum í kring að taka myndir,“
útskýrði Sturla. „Ég fór með fjölskyldunni á Bíladaga á Akureyri í sumar og við sváfum
leikandi fjögur í honum. Það var fjandi gott. Þarna á bíladögunum voru menn að þenja
sig á Impreza og einhverju útúrtjúnuðu smádóti, en þeir komu allir hlaupandi til að skoða
Volvoinn þegar ég mætti á svæðið.“