Dagblaðið Vísir - DV - 30.04.2012, Blaðsíða 21

Lífsstíll 21Mánudagur 30. apríl 2012
LykiLL þeirra að góðu formi
Elísabet Margeirsdóttir
næringarfræðingur
Hvaða líkamsrækt stundar þú?
Ég er að undirbúa mig fyrir maraþonið í Kaupmannahöfn og alpahlaup í sumar og því
fer frítíminn mestallur í hlaup eða fjallgöngur.
Hvað er gott við þessa líkamsrækt?
Að mínu mati eru hlaup ein besta leiðin til að halda sér í góðu formi, bæði líkamlegu
og andlegu. Hlaupin eru mun fjölbreyttari en margir halda en þau má stunda inni
á bretti, á malbiki, utanvega í fallegri náttúru og fjöllum og að sjálfsögðu í góðum
félagsskap. Keppnishlaupin sem eru haldin hér á Íslandi eru líka stórskemmtileg.
Hversu oft æfir þú?
Ég hleyp yfirleitt fimm til sex sinnum í viku.
Hvað gerir þú til að koma í veg fyrir að gefast upp á líkamsræktinni?
Markmiðin skipta miklu máli til að halda manni við efnið. Góð líðan, gott form og
úthald eru mínir hvatar og fá mig til þess að hlaupa endalaust áfram. Ég mun aldrei
gefast upp á því að hlaupa en stundum er gott að taka dágóða hvíld frá erfiðum
æfingum til að viðhalda áhuganum.
Áttu ráð fyrir þá sem vilja byrja að stunda þessa líkamsrækt?
n Byrja mjög hægt og rólega til að byggja upp sterkan grunn.
n Best er að hafa góðan félagsskap sem veitir stuðning og hvatningu en þar koma
skokkhóparnir sterkir inn.
n Setja sér raunhæf en krefjandi markmið.
Bjarni Snæbjörnsson leikari
Hvaða líkamsrækt stundar þú?
Bootcamp, hlaup, sund og hjólreiðar.
Hvað er gott við þessa líkamsrækt?
Í Bootcamp er einstaklega heimilisleg stemning á
æfingum. Þjálfarar eru fljótir að kynnst öllum með
nafni og maður æfir alltaf með sama hóp, sem þýðir
að fljótlega fer maður að þekkja þá sem æfa með
manni. Æfingarnar eru einnig frábærar því það er lögð
áhersla á að nota eigin líkamsþyngd. Ég er búinn að
vera í Bootcamp í næstum fimm ár og það er magnað
að ég hef aldrei farið á sömu æfinguna, þjálfararnir
eru skapandi og æfingarnar skemmtilegar. Þetta er
samt hörkupuð í klukkutíma, sem hentar mér vel þar
sem vanalega er mikið að gera hjá mér í vinnu, þannig
að það er gott að vera ekkert að slóra.
Alltaf þegar sólin fer á loft þá legg ég bílnum og hjóla allar mínar ferðir, fer út að hlaupa og á
sundæfingar. Ég er úr fiskiþorpi og æfði sund í gamla daga, þannig að þetta er leið fyrir mig
til að fá vott af náttúru, sérstaklega þegar ég hleyp og hjóla meðfram sjónum. Þetta er allt
orðið að hálfgerðri hugleiðslu hjá mér. Með góða tónlist í eyrunum þá er eins og tíminn standi
í stað.
Hversu oft æfir þú?
Allt í allt æfi ég 5–6 sinnum í viku.
Hvað gerir þú til að koma í veg fyrir að gefast upp á líkamsræktinni?
Ég leyfi mér bara að hvíla inni á milli. Það er allt í lagi að taka sér eina viku á hálfs árs fresti
þar sem maður gerir ekkert. Svo hefur reynst mér mjög vel að gera mér raunhæf markmið og
skrá hjá mér árangur á hverjum degi til að fylgjast með hvernig gengur.
Áttu ráð fyrir þá sem vilja byrja að stunda þessa líkamsrækt?
n Varðandi Bootcamp þá er gott að hafa samband og ná persónulegum tengslum við
þjálfarana. Þeir eru alltaf til staðar fyrir þig.
n Settu þér raunhæf markmið með hjálp þjálfaranna.
n Skrifaðu matardagbók og sendu hana inn í Bootcamp. Það er frábær þjónusta sem þau
bjóða upp á. Mataræði er 60 prósent af árangri ef maður vill léttast eða þyngjast.
n Varðandi hlaupið og hjólið, þá er gott að gera það algerlega á sínum forsendum. Veldu
góða tónlist, veldu hlaupaleiðir sem þér finnst góðar og klæddu þig rétt. Svo er bara að byrja
nógu hægt og setja sér raunhæf markmið. Reykjavíkurmaraþonið er til dæmis gott mark-
mið, enda allt sumarið þangað til það fer fram.
Marta María
Jónasdóttir
fréttastjóri dægurmála hjá mbl.is
Hvaða líkamsrækt stundar þú?
Ég stunda alls konar líkamsrækt. Í vetur hef ég verið
mikið á námskeiðum hjá Önnu Eiríksdóttur í Hreyfingu
og hlaupið úti þess á milli. Á sumrin hjóla ég töluvert
með fjölskyldunni og svo fer ég í sund þar sem ég rækta
andlega heilsu í heita pottinum.
Hvað er gott við þessa líkamsrækt?
Þessi líkamsrækt er fjörug, skemmtileg og fær hjartað til
að slá hraðar og eldast hægar.
Hversu oft æfir þú?
Það er ákaflega misjafnt, stundum einu sinni í viku og
stundum fimm sinnum. Fer eftir hversu upptekin ég er.
Hvað gerir þú til að koma í veg fyrir að gefast
upp á líkamsræktinni?
Það er ekkert sem heitir að gefast upp! Leikfimi gefur
lífinu lit.
Áttu ráð fyrir þá sem vilja byrja
að stunda þessa líkamsrækt?
n Skrá sig á námskeið, klæða sig í fötin og fara inn í tíma.
Fannar Karvel
íþróttafræðingur
Hvaða líkamsrækt
stundar þú?
Ég lyfti lóðum, til dæmis
í ólympískum lyftingum.
Milli þess fer ég í boltaleiki
og trampolínhopp með
strákunum mínum og
göngutúra með familíunni.
Með hækkandi sól verður
hjólið tekið fram og bílnum
lagt sem mest.
Hvað er gott við þessa
líkamsrækt?
Það besta eru andlegu
áhrifin, það verður allt
léttara og skemmtilegra
þegar maður kemur því við
að hreyfa sig reglulega.
Hversu oft æfir þú?
Ég reyni að hreyfa mig á
hverjum degi en skipulegar æfingar eru um það bil 3–4 sinnum í viku.
Hvað gerir þú til að koma í veg fyrir að gefast upp á líkams-
ræktinni?
„Gleymi“ að hreyfa mig í 2–3 daga og þá finn ég þreytustigið rísa í líkam-
anum, pirringinn aukast og gleðina minnka, það er oftast nóg til að rífa
sig upp :)
Áttu ráð fyrir þá sem vilja byrja að stunda þessa líkamsrækt?
n Byrjaðu rólega, Róm var ekki byggð á einum degi. Hreyfing tvisvar í viku
í eitt ár er betri en hreyfing sex sinnum í viku í mánuð.
n Lyftingar geta verið með betri þrekæfingum sem þú kemst í; notaðu
flóknar æfingar sem reyna á stóra vöðvahópa, notaðu súpersett og svo
framvegis.
n Rétt tækni er mikilvægari en miklar þyngdir, lærðu það sem þú ert að
gera og lærðu það vel.