Dagblaðið Vísir - DV - 16.05.2012, Síða 26

26 Fólk 16. maí 2012 Miðvikudagur
Rjúpa gerir engum neitt
n Söngkonan Íris Hólm segir fjölmiðla leggja husky-hunda í einelti
É
g er enginn hundasér-
fræðingur og tala bara
sem hundaeigandi en
mér blöskrar svolítið
hvernig fjölmiðlar geta lát-
ið. Það er eins og ákveðnar
hundategundir verði fyrir ein-
elti með afar reglulegu milli-
bili. Núna virðist vera í tísku að
tala illa um husky-hunda,“ seg-
ir söngkonan Íris Hólm sem á
þriggja ára husky-tík, Rjúpu,
með kærastanum sínum.
„Rjúpa er ósköp rólegur
hundur. Hún er mjög öguð,
ljúf og hlýðin. Við höfum feng-
ið mikið hrós fyrir það hversu
hlýðin hún er. Mér finnst
þessi neikvæða umræða í garð
husky-hunda ósanngjörn því
hún skemmir heiftarlega fyr-
ir öðrum husky-hundaeig-
endum,“ segir Íris sem segir
ábyrgðina liggja hjá eigendum
hundanna. „Ég trúi því ekki að
það séu til slæmir hundar en
það eru til eigendur sem eru
einfaldlega ekki til þess fallnir
að eiga hunda sem þurfa á aga
að halda. Það er það sem hefur
vantað að mínu mati í þessum
tilfellum sem fjölmiðlar hafa
varpað fram.“
Íris segist finna fyrir breyttu
viðhorfi gagnvart Rjúpu síðan
umræðan um husky-hundana
hófst. „Viðbrögð fólks þegar
hún hittir smærri hunda eru
sérstaklega breytt. Þá kemur
alltaf þetta grín; Ætli hún éti
hann ekki bara? Eða; Er þetta
ekki bara úlfur? Rjúpa hefur
aldrei gert neinum mein. Hún
er vön að leika sér bæði við
labrador-hvolp og pínulítinn
chihuahua-hund. Þetta snýst
allt um ábyrgð eigandans.
Hvorki ég né kærastinn mynd-
um nokkurn tímann sleppa
henni út þar sem væru kind-
ur eða lömb. Það er á okkar
ábyrgð að leyfa henni ekki að
vera laus í aðstæðum þar sem
við treystum henni ekki.“
Íris og kærastinn eru tiltölu-
lega nýbyrjuð saman en það
var hann sem átti Rjúpu fyrir.
„Ég er bara tiltölulega nýfar-
in að umgangast hana en hélt
að ég myndi aldrei geta fundið
svona mikla ást til hunds. Hún
er barnið mitt. Hún er undir
ströngum aga og fær ekkert að
komast upp með neitt rugl.“
indiana@dv.is
Stjörnuteymi
fararstjóra
Flugfélagið WOW air hefur
fært út kvíarnar og opnað
ferðaskrifstofuna WOW
ferðir. Að því tilefni hef-
ur félagið fengið í lið með
sér landsþekkta skemmti-
krafta og sjónvarpsstjörnur
til að mynda teymi farar-
stjóra. Söngvararnir Stefán
Hilmarsson og Eyjólfur
Kristjánsson, sem saman
mynda dúettinn Stebba og
Eyfa, munu sjá um að halda
uppi fjörinu í skíðaferðum á
vegum félagsins. Sjónvarps-
kokkurinn Friðrika Hjördís
Geirsdóttir, betur þekkt sem
Rikka, mun þræða héruð
Frakklands í matarferðum
fyrir sælkera. Magnús Ragn-
arsson leikari mun sjá um
hjólaferðir þar sem hjólað
verður frá Þýskalandi til
Frakklands og síðast en ekki
síst mun sjónvarpsmaður-
inn góðkunni Logi Berg-
mann Eiðsson sjá um golf-
ferðir til Spánar.
Fyrirsæta
flytur
Fyrirsætan Lilja Ingibjarg-
ardóttir flytur til Noregs í
vikunni, nánar tiltekið til
Óslóar. Lilja er komin með
módelsamning hjá EB mod-
els og er að sögn þegar kom-
in með nokkur spennandi
verkefni. Lilja hefur unnið
sem fyrirsæta frá 18 ára aldri
og birtist til að mynda reglu-
lega í Hagkaupsbæklingn-
um. Hún vakti einnig athygli
þegar hún skipulagði VIP-
partí ásamt Hildi Líf vinkonu
sinni en dróg sig svo baka
frá skipulagningunni eftir að
partíið hafið fengið harka-
lega gagnrýni.
Trúlofuðu sig
á bráðamót-
tökunni
Bóhemparið Þórarinn Þór-
arinsson og Alma Geirdal
trúlofuðu sig á bráðamót-
töku Landsspítalans um
síðustu helgi. „Hef nú gert
ýmislegt á skrautlegri ævi en
að setja upp hringa á bráða-
móttökunni með hóstandi
reykingamann á endasprett-
inum og hrjótandi hjarta-
sjúkling á næstu básum
verður aldrei toppað. Ákaf-
lega rómó English Patient
stemning. Styrkti líka stöðu
mína verulega að stúlkan var
með morfín í æð og sagði því
strax já,“ var á meðal þess
sem blaðamaðurinn Þórar-
inn skrifaði á fésbókarvegg
sinn í tilefni trúlofunarinnar.
Ekkert hræddur
við Jón stóra
n Hvetur fólk til að sniðganga tónlistarhátíðina Reykjavík Live
M
ér finnst eitthvað
siðferðislega rangt
við það að nota
mann sem er þekkt-
ur fyrir að stunda
líkamsárásir og handrukkanir
í auglýsingum – óháð því hvort
maðurinn hafi verið dæmdur
eða ekki. Hann hefur sjálfur
lýst því yfir að hann hafi stund-
að þessa iðju. Það er hallæris-
legt að nota slíka fígúru til að
auglýsinga einhvern viðburð
og gott dæmi um þessa aum-
ingjadýrkun sem ríkir hér á
landi,“ segir Sigurður Hólm
Gunnarsson, forstöðumað-
ur á skammtímaheimili fyrir
unglinga, en Sigurður hvatti
vini sína á Facebook til að
sniðganga tónlistarhátíðina
Reykjavík Live vegna auglýs-
ingar hátíðarinnar með Jóni
Hilmari Hallgrímssyni í aðal-
hlutverki, betur þekktum sem
Jóni stóra. 
Í auglýsingunni sést leik-
arinn Damon Younger, sem
hlaut mikið lof fyrir túlkun
sína á siðblinda glæpamann-
inum Brúnó í kvikmyndinni
Svartur á leik, keyra um með
Jón í farangursrými Humm-
er-bifreiðar undir setning-
unni; Þessi var ekki búinn að
tryggja sér miða á Reykjavík
Live. 
Sigurður Hólm segir mik-
ið af ungu fólki horfa upp til
manna eins og Jóns stóra.
„Það er til mikið af ungu fólki
sem er svolítið týnt og er
að finna sér fyrirmyndir og
horfir upp til þessa manns.
Með þessari auglýsingu er
verið að réttlæta þessa upp-
hefð og ýta undir dýrkun
á þekktum ofbeldishrott-
um. Ég sé ekki tilganginn
með þessu og langar að vita
hverjum datt þetta í hug og
hver hugmyndin sé að baki,“
segir Sigurður sem hvetur
fólk til að sniðganga hátíð-
ina. „Þarna verður eflaust
fullt af fínu tónlistarfólki að
spila sem hefur ekkert með
þessa auglýsingu að gera en
mér finnst við verða að taka
afstöðu til þess hvernig hlut-
irnir eru bornir á borð. Þar
sem mér finnst rangt að aug-
lýsa hátíð með þekktum of-
beldishrottum er það eina
sem ég get gert að sniðganga
þessa hátíð.“ 
Sigurður segir óþolandi
hvað menn eins og Jón stóri
fái mikla athygli í fjölmiðlum.
„Það er alltaf verið að birta
viðhafnarviðtöl við þessa
menn. Það virðist enginn
gagnrýna þetta lið. Þeir fá að
tjá sig án þess að fá gagnrýn-
ar spurningar,“ segir hann en
bætir aðspurður við að hann
óttist ekki Jón stóra. „Það
eru mörg ár síðan ég hætti
að vera hræddur við svona
hrotta. Það er löngu liðin tíð.
En ef honum líður eitthvað
betur með það að ógna fólki
sem gagnrýnir hann þá gerir
hann það bara. Ég lifi það af.“
indiana@dv.is
Kominn með nóg af aumingjadýrkun
Sigurður Hólm segir mikið af ungu týndu fólki
sem vanti fyrirmyndir og horfi upp til manna
eins og Jóns stóra. Með því að nota hann í
auglýsingu sé verið að réttlæta þessa upphefð.
Rjúpa Hundurinn er „litla barnið“
hennar Írisar.
Einelti Íris
segir það
í tísku að
tala illa um
husky-
hunda.