Dagblaðið Vísir - DV - 14.09.2012, Blaðsíða 14

14 Fréttir 14.–16. september 2012 Helgarblað
Leitað
áfram
næstu
daga
É
g held ég hafi sjaldan fengið
jafn sterk viðbrögð við neinu
sem ég hef sett á internetið
eins og þessu,“ sagði Hallgrím­
ur Óli Guðmundsson, formaður
Hjálparsveita skáta í Aðaldal, í sam­
tali við DV í gær, fimmtudag. Hall­
grímur tók myndir af aðgerðum sveit­
ar sinnar á miðvikudag og voru þær í
kjölfarið birtar á ýmsum vefmiðlum
þar sem þær vöktu mikla athygli. Þar
mátti meðal annars sjá sauðfé sem
hafði fennt í kaf og björgunarsveitar­
menn fundu á bólakafi í snjóskafli.
Allir með nesti
Leit að fé heldur áfram á Norðaustur­
landi en þar hefur ríkt neyðarástand
síðustu daga. Búið er að gera hrað­
leit á Þeistareykjasvæðinu. Þar hef­
ur töluverður fjöldi kinda fundist og
verið grafinn upp. Það er nokkrum
vandkvæðum bundið að koma fénu
af staðnum þar sem svæðið er tor­
fært. Meirihluti fjárins sem hefur
fundist er á lífi, en ekki finnst mik­
ið dautt fé. Búið er að flytja mikið af
björgunartækjum, snjósleðum, snjó­
bílum, jeppum, fjórhjólum og kerr­
um, á Norðausturland.
Bændur og björgunarsveitir er
ekki eina fólkið sem stendur vaktina
í aðgerðum fyrir norðan. Slysavarna­
deild kvenna á Húsavík hefur séð um
að gefa mannskapnum að borða.
Hafa  konurnar í deildinni  reitt fram
morgunverð í húsi Björgunarsveitar­
innar Garðars á Húsavík, heita súpu
í hádeginu og heitan kvöldverð. Að
auki eru allir sendir með nesti út í
daginn, að því er fram kemur á vef­
síðu Landsbjargar.
Erfitt yfirferðar
Þegar þetta var skrifað á fimmtudag
var þegar áætlað að tekist hefði að
bjarga á þriðja þúsund fjár á Þeista­
reykjum. Tvær fjöldahjálparstöðvar
höfðu þá þegar verið virkjaðar í
Þingeyjarsýslu en umfangsmestu
aðgerðirnar voru enn við björg­
un fjár á Þeistareykjum en þar hef­
ur mestur mannafli og tækjakostur
verið. Áhersla er lögð á að safna fénu
saman en ekki er búist við að farið
verði að reka það til byggða að neinu
marki fyrr en um helgina.
Svavar Pálsson, sýslumaður á
Húsavík, sem haldið hefur utan
um aðgerðir á svæðinu segir um
tvöhundruð manns hafa tekið
þátt í aðgerðum í gær, fimmtudag.
„Þetta er heiðarland þar sem mikið
fé er að jafnaði, og mjög erfitt yfir­
ferðar sums staðar en á svæðinu
er meðal annars Gjástykki sem er
mjög hættulegt svæði.“ Hann seg­
ir að leitinni verði haldið áfram
næstu daga en talið er að á bil­
inu fjögur til sex þúsund fjár séu á
svæðinu.
Svavar segir að fólki í sveitinni
sé brugðið eins og gefur að skilja.
„Fólk hefur einfaldlega aldrei upp­
lifað svona veður á þessu tíma,
svona vetrarveðurhamfarir í byrjun
september, þetta er eitthvað sem er
óþekkt af þessari stærðargráðu.“
Aðstoð úr öllum áttum
Hallgrímur Óli, útskýrir að sveitin
hans hafi að mestu verið að störf­
um á Þeistareykjasvæðinu síðustu
daga en sjálfur var hann kominn
aftur til byggða þegar DV náði tali af
honum sökum bilunar í snjósleða.
„Ég var með fimmtán sleðamenn á
mínum snærum í gær,“ segir Hall­
grímur og tekur fram að hann hefði
tekið eftir mikilli fjölgun í liði björg­
unarsveitamanna síðustu daga,
mjög margir hafi verið við leit í gær,
fimmtudag.
„Hér hafa virkilega margir kom­
ið að leitinni, þetta er fólk héðan af
svæðinu eins og ég en líka fólk sem er
komið alla leiðina frá Reykjavík til að
aðstoða við leit. Maður sér líka meira
og meira af snjóbílum sem er ágætt
því þetta vinnst þannig að við búum
til slóða á jeppum eða snjóbílum og
reynum síðan að reka kindurnar inn
á slóðana en þær fylgja þeim yfirleitt
og það hefur gefist vel.“
Snjókögglar merki um fé
Hallgrímur Óli segir aðstæður við
leit mismunandi. „Við beitum ýms­
um ráðum til þess að finna féð en eitt
af því sem við fylgjumst vel með er
hvort við sjáum snjóköggla í sköflum,
en það getur verið merki um að þar
undir sé fé á kafi,“ segir Hallgrímur.
Hann segir að oftar en ekki megi finna
„heilu fjölskyldurnar“ undir háum
sköflum með því að moka í kringum
snjóköggla á stærð við handbolta sem
hafa myndast í kringum féð.
Hallgrímur segir enga leið að
vita hversu mörgum kindum hann
og hans sveit hafa bjargað, „mað­
ur verður bara að spyrja að leikslok­
um.“ Hann tekur undir með Svavari
þegar talið berst að því hversu erfitt
yfirferðar þetta svæði getur verið.
„Gjástykki er auðvitað rosalega erfitt
svæði og það er eiginlega ekki fyr­
ir nokkurn mann að fara út á það,
þar er svo mikið af gjám. Við vorum
þarna úti á brúnum í gær, miðviku­
dag, og ég vildi ekki að neinn færi
þangað og ég held að það vilji það í
rauninni enginn.“ n
n Leitin á Norðurlandi heldur áfram n „Heilu fjölskyldurnar“ undir snjósköflum
Jón Bjarki Magnússon
blaðamaður skrifar jonbjarki@dv.is
„Fólk hefur einfald-
lega aldrei upplif-
að svona veður á þessum
tíma, svona vetrarveð-
urhamfarir í byrjun sept-
ember, þetta er eitthvað
sem er óþekkt af þessari
stærðargráðu.
Á bólakafi í skafli
Björgunarsveitar-
maður segir að oftar
en ekki megi finna
„heilu fjölskyldurn-
ar“ undir háum
sköflum með því
að moka í kringum
snjóköggla á stærð
við handbolta.
Mynd HAllgríMur Óli