Dagblaðið Vísir - DV - 14.09.2012, Blaðsíða 54

Gott að vera hinum megin við borðið
n Kristrún Ösp Barkardóttir lætur blaðamannadraum sinn rætast með vefnum hun.is
O
kkur fannst vanta síðu sem
býður upp á vandaða um­
fjöllun á jákvæðan hátt, seg­
ir Kristrún Ösp Barkardóttir
sem ásamt Bryndísi Gyðu Michelsen
og Kiddu Svarfdal stendur að vefn­
um hun.is sem verður opnaður í dag,
föstudag.
Á hun.is ætla stelpurnar að fjalla
um allt milli himins og jarðar. „Við
leggjum áherslu á tísku, hönnun, for­
eldrahlutverkið og barneignir. Svo
verðum við með matardálk og aðgang
að læknamiðli sem ég held alveg ör­
ugglega að sé nýbreytni á íslenskum
fjölmiðli. Auk þess munu svo pistlar
okkar stelpnanna gegna stóru hlut­
verki.“
Kristrún er vön því að fjallað sé um
hana í fjölmiðlum en er nú spennt að
setjast hinum megin við borðið. „Nú
ætla ég að einbeita mér að því og fara
í leiðinni algjörlega á bak við tjöldin
með mitt einkalíf. Í staðinn ætla ég að
forvitnast um einkalíf annarra,“ seg­
ir hún hlæjandi og viðurkennir að
blaðamennska hafi lengi kitlað. „Ég
hef brennandi áhuga á að tjá mig og
ligg sjaldan á skoðunum mínum. Mér
finnst almennt áhugavert að tala við
fólk og þetta er ein leiðin til þess,“ seg­
ir hún og bætir við að vinnan við vef­
inn passi vel með móðurhlutverkinu.
„Þetta er aðallega vinna í tölvu sem
hentar mjög vel á meðan ég er ennþá í
fæðingarorlofi.“
Kristrún segir að þeim stelpun­
um gangi vel að vinna saman. „Við
þekkt umst ekki mikið áður en eftir
að við fórum að vinna saman hefur
þetta gengið mjög vel. Við erum mjög
sammála um það hvernig við viljum
hafa síðuna. Umfram allt ætlum við
að leggja áherslu á jákvæða nálgun á
málefni líðandi stundar. Við viljum
bjóða upp á stað þar sem þú upplif­
ir jákvæðni og málefnalega umfjöll­
un sem er ekki lituð af pólitík í hvaða
birtingarmynd sem hún kann að vera.“
indiana@dv.is
54 Fólk 14.–16. september 2012 Helgarblað
Ásdís RÁn fann
fullkominn mann
n Ásdís Rán er að deita fyrirsætuna og fótboltamanninn Angel Kalinov
V
ið erum góðir vinir og höf­
um verið að deita í einhvern
tíma, segir glamúrdrottn­
ingin Ásdís Rán Gunnarsdótt­
ir um samband sitt við fyrirsætuna og
knattspyrnumanninn Angel Kalinov
en myndir af parinu hafa birst bæði í
íslenskum og erlendum fréttamiðlum.
Ásdís Rán, sem skildi við knatt­
spyrnumanninn Garðar Gunnlaugs­
son fyrr á árinu, vill lítið tjá sig um
nýja gæjann. „Eins og ég hef áður
sagt þá er ég ekki alveg tilbúin að
fara í fast samband svona strax. En
þetta er alveg „perfect“ drengur. Það
er aldrei að vita nema það verði eitt­
hvað meira úr þessu,“ segir Ásdís sem
hefur notið lífsins einhleyp í sumar.
„Þetta sumar var alveg svakalega fínt.
Við mæðgurnar erum búnar að ferð­
ast mikið. Við áttum frábæran júlí á
Íslandi og svo ferðuðumst við aðeins
við Svarta hafið, til Grikklands og fleiri
staða þannig að þetta var bara alveg
yndislegt sumar.“
Þó að vetur konungur hafi svo
sannarlega minnt á sig á Íslandi síð­
ustu daga þá segir Ásdís sumarið enn
við líði í Búlgaríu. „Núna er um 25
stiga hiti á daginn en það er byrjað að
kólna vel á kvöldin. Veðráttan hér er
alveg ótrúlega góð og allar árstíðirnar
mjög þægilegar.“
Aðspurð segist Ásdís fyrir löngu
hafa vanist lífinu sem einstæð móðir
en dóttir þeirra Garðars býr hjá henni
úti en sonur þeirra býr á Íslandi hjá
pabba sínum. „Ég hef verið svo mikið
ein síðustu árin svo þetta var ekki eins
erfitt og við mætti búast í svona að­
stæðum,“ segir Ásdís sem hefur notið
mikillar velgengni í Búlgaríu þar sem
hún er hluti af þotuliðinu. Hún segir
áhugann fyrir sér enn til staðar. „Mér
gengur alltaf ágætlega og get ekki
kvartað undan áhugaleysi eins og er.
Búðin gengur líka ágætlega. Þetta er
ekki auðveldur bransi
en skemmtilegur,“ segir hún og ját­
ar því að fjölmiðlar í Búlgaríu hafi
sýnt skilnaði þeirra Garðars mikinn
áhuga. „Þeir fjölluðu mikið um skiln­
aðinn og töluvert meira en fjölmiðlar
heima.“
Aðspurð segir hún að lokum að
það sé afar lítil von til að þau Garð­
ar taki saman aftur. „Það eru eitthvað
litlar líkur á því en við erum ennþá
harðgift.“
indiana@dv.is
Flott par Ásdís
Rán og fyrirsætan og
knattspyrnumaðurinn
Angel Kalinov hafa
verið að deita síðustu
vikurnar.
„Mér geng-
ur alltaf
ágætlega og get
ekki kvartað und-
an áhugaleysi
eins og er
Vinsæl Ásdís segir að
skilnaður þeirra Garðars
hafi fengið enn meiri
umfjöllun í fjölmiðlum í
Búlgaríu en hér heima.
Sjóðheitur Angel
Kalinov er frægur í
heimalandi sínu en
hann er 26 ára.
Með jákvæðnina að vopni Bryndís Gyða, Kidda Svarfdal og Kristrún Ösp, standa að
vefnum sem verður opnaður í dag, föstudag.
Slá fleiri met
Hljómsveitin Of Monsters and
Men hefur slegið hin margvís­
legu met undanfarið og nú hef­
ur plata sveitarinnar, My Head Is
An Animal, setið í efsta sæti list­
ans í fleiri vikur. Þetta er lengur en
nokkur önnur plata hefur setið á
listanum.
Sveitin hefur slegið í gegn, bæði
í Bandaríkjunum og í Bretlandi
og ætti þessi seta þeirra á íslenska
listanum því ekki að koma neinum
á óvart. Platan þeirra hefur selst í
16 þúsund eintökum hér heima,
en heildarsala plötunnar á heims­
vísu er komin vel yfir 600 þúsund
eintök. Smáskífan Little Talks hef­
ur hins vegar selst í um 1,5 millj­
ónum eintaka um allan heim. 
Býst við
Grammy-
verðlaunum
„Ég er einn af þeim fáu tónlistar­
snillingum sem voru fengnir til að
semja lagið við texta Sævars,“ seg­
ir Magni Ásgeirsson í kynningar­
myndbandi fyrir átakið Komum
heiminum í lag. Hann segist ætla
að sitja heima með syni sínum
og kassagítarnum og semja. „Ég
býst við Grammy­verðlaunum á
næsta ári en það verður bara að
koma í ljós.“ Það eru Rauði kross­
inn, UNICEF og Barnaheill ásamt
fleiri félagasamtökum sem standa
að verkefninu en fimm tónlistar­
menn verða fengnir til að semja
fimm mismunandi lög við texta
sem Sævar Sigurgeirsson hefur
sérstaklega samið. Lögin verða
flutt vikuna 17. til 21. september, í
Virkum morgnum á Rás 2.
Með þrjár há-
skólagráður
Leikarinn og söngvarinn Bjarni
Snæbjörnsson gengur mennta­
veginn heldur betur með stæl en
hann er við það að ljúka þriðju há­
skólagráðunni. Bjarni skilaði BA­
ritgerð í ensku á dögunum og mun
því væntanlega útskrifast með
BA­gráðu í ensku í náinni framtíð.
Hann hætti í enskunáminu fyr­
ir níu árum til að freista þess að
komast inn í Leiklistarskólann og
átti þá bara ritgerðina eftir. Sam­
kvæmt heimildum DV eyddi Bjarni
nokkrum vel heitum sumardögum
á liðnu sumri í skrifin og er heldur
betur sáttur við afraksturinn.
Bjarni hefur meðal annars sleg­
ið í gegn sem annar meðlimur
dúettsins Viggó og Víóletta og flutti
einnig Gay pride lagið í ár.