Dagblaðið Vísir - DV - 19.09.2012, Blaðsíða 4

Komu í veg fyrir heildarhrun
n Málflutningur í Icesave-málinu fyrir EFTA-dómstólnum
Í
slendingar brugðust skyldum sín­
um samkvæmt tilskipun innstæðu­
trygginga og brutu gegn jafnræðis­
reglum þegar innstæður í íslenskum
útibúum gömlu bankanna voru flutt­
ar yfir í nýju bankana. Þetta kom fram
í máli lögmanna eftirlitsstofnunar
EFTA, ESA, og framkvæmdastjórnar
Evrópusambandsins á þriðjudag
þegar málflutningur fyrir EFTA­dóm­
stólnum í Icesave­málinu fór fram.
Jafnframt var vísað til allsherjaryfir­
lýsinga ríkisstjórnar og ráðherra um
ábyrgð á innstæðum. Réttað var í
húsakynnum verslunarráðsins í Lúx­
emborg.
Tim Ward, málflutningsmaður Ís­
lands, tók næst til máls og andmælti
harðlega öllum röksemdum og kröf­
um um brot Íslands. „Ítarlega var farið
yfir tilurð tilskipunarinnar og sýnt fram
á að innstæðutryggingakerfið rís ekki
undir stórfelldu bankaáfalli, hvorki á
Íslandi né annars staðar. Fjarstæðu­
kennt sé að sjóðirnir hafi yfir fjármun­
um að ráða sem dugi til að greiða út
meirihluta innstæðna í viðkomandi
landi,“ segir í tilkynningu sem utanrík­
isráðuneytið sendi frá sér á þriðjudag.
Í slíkum tilvikum grípi stjórnvöld æv­
inlega til annarra aðgerða, til dæmis
með því að endurskipuleggja banka­
kerfið. Íslensk stjórnvöld hafi gripið
til þeirra aðgerða sem tækar voru og
nauðsynlegar til að koma í veg fyrir
heildarhrun á Íslandi. Jafnframt hafi
hagur innstæðueigenda í erlendum
útibúum bankanna verið tryggður
með því að þeim var veittur forgangs­
réttur við slit og skiptameðferð gömlu
bankanna.
Málflutningsmenn Noregs og
Liechtenstein studdu málstað Íslands
varðandi innstæðutilskipunina en
Hollendingar og Bretar voru á önd­
verðum meiði. n
4 Fréttir 19. september 2012 Miðvikudagur
E
igendur veitingastaðarins
Hamborgarafabrikkunnar
greiddu 30 milljóna króna arð
út úr fyrirtækinu í fyrra. Ham­
borgarafabrikkan er í eigu
Sigmars Vilhjálmssonar, Jóhannes­
ar Ásbjörnssonar og Skúla Gunnars
Sigfússonar. Þetta kemur fram í árs­
reikningi Nautafélagsins ehf., rekstr­
arfélags Hamborgarafabrikkunnar,
sem var skilað til ársreikningaskrár
ríkisskattstjóra þann 12. september
síðastliðinn. Veitingastaðurinn er til
húsa í Turninum í Borgartúni.
Eigendur Hamborgarafabrikk­
unn ar eru þekktir sem góðir mark­
aðs­ og rekstrarmenn. Þeir Sigmar
og Jóhannes eru betur þekktir sem
Simmi og Jói og hafa unnið við dag­
skrárgerð fyrir sjónvarp og útvarp.
Skúli Gunnar er gjarnan kenndur við
samlokustaðinn Subway sem hef­
ur fest sig vel í sessi meðal neytenda
hér á landi, sem meðal annars sést á
fjölda Subway­staða á Íslandi – ný­
verið var opnaður staður á Ísafirði.
Hagnaður dregst saman
Arðgreiðslan byggði á hagnaði fé­
lagsins árið 2010, sem nam 34,7
milljónum króna. Í fyrra skilaði fé­
lagið hins vegar talsvert minni hagn­
aði, eða 24,8 milljónum króna. Í árs­
reikningnum er ekki að finna yfirlit
yfir tekjur Hamborgarafabrikkunnar
þannig að ekki er hægt að greina frá
þeim. Eignir félagsins eru rúmlega
87 milljónir króna og skuldirnar eru
rúmlega 39 milljónir króna. Staður­
inn er því langt frá því að vera mik­
ið skuldsettur. Þó bættust rúmlega
6,3 milljóna skuldir við lánastofnanir
í efnahagsreikning félagsins en þær
höfðu numið 0 krónum árið áður.
Eigið fé Nautafélagsins var 48,4
milljónir í lok árs 2011 en var 53,7
milljónir árið áður. Í skýrslu stjórnar
félagsins, sem þeir sitja í Sigmar, Jó­
hannes og Skúli, er gerð tillaga um
greiðslu arðs vegna rekstrarársins
2011. Ekki er þó tekið fram hversu há
sú arðgreiðsla á að vera.
Seldu 180 þúsund hamborgara
Hamborgarafabrikkan var opnuð
í mars árið 2010. Á fyrstu sex
mánuðunum eftir opnunina seldi
staðurinn 180 þúsund hamborgara.
Þeir Sigmar og Jóhannes voru verð­
launaðir sem markaðsmann ársins
af Ímark í desember 2010. Í umfjöll­
un Frjálsrar verslunar um mark­
aðskynninguna á staðnum sagði
meðal annars: „Aldrei áður hef­
ur veitingahús á Íslandi verið opn­
að með eins miklu fyrirframplöggi.
Þáttur þeirra á Stöð 2 undirbjó jarð­
veginn vel fyrir opnun staðarins
og það fór ekki framhjá neinum að
þeir væru að opna nýjan veitinga­
stað. Á undirbúningstímanum voru
þeir ennfremur í viðtölum í blöðum
og útvarpi.“ Þessi markaðsherferð
þeirra virðist hafa skilað sér í miklum
vinsældum þó aðeins hafi dregið úr
hagnaði Hamborgarafabrikkunnar á
milli ára. n
Fabrikkan skilar
30 milljóna arði
n Hagnaður Hamborgarafabrikkunnar minnkar um tíu milljónir milli ára
Ingi Freyr Vilhjálmsson
fréttastjóri skrifar ingi@dv.is
„Í fyrra skilaði
félagið hins
vegar talsvert minni
hagnaði, eða 24,8
milljónum króna
30 milljóna arður
Jóhannes Ásbjörnsson og
Sigmar Vilhjálmsson eru
tveir af eigendum staðar-
ins. Mynd GuðMundur VIGFúSSon
Kýldi löggu
í andlitið
Héraðsdómur Austurlands hefur
dæmt 24 ára karlmann í 30 daga
skilorðsbundið fangelsi fyrir að
slá lögregluþjón í andlitið. Atvik­
ið átti sér stað á Reyðarfirði þann
30. október í fyrra en maðurinn
var ákærður fyrir að slá lögreglu­
þjón við skyldustörf „hnefahöggi
í hægra gagnauga“ og rífa í talstöð
lögregluþjónsins sem við það lenti
í jörðinni.
Maðurinn játaði brot sitt ský­
laust fyrir dómi en hann hefur
tvívegis gengist undir sátt hjá lög­
reglu vegna brota á umferðar­
lögum og lögum um ávana­ og
fíkniefni, í bæði skiptin árið 2010.
Hafði sakaferill hans ekki áhrif á
ákvörðun refsingar hans í málinu.
Við ákvörðun refsingar var tekið
tillit til þess að maðurinn iðraðist
gjörðar sinnar og þess að engir
áverkar hlutust af hnefahögginu.
Dómurinn er skilorðsbundinn til
tveggja ára.
Rothögg fyrir
haftakrónuna
„Höfundar fara auðvitað með
löndum og draga ekki dul á að
það væri óráð að taka upp evruna
núna, enda er það bæði ómögu­
legt og stendur ekki til. Þeir leggja
áherslu á rétta tímasetningu, og
að henni uppfylltri þá er ekki hægt
að lesa annað úr skýrslunni en að
fyrir Íslendinga sé evran langbesti
kosturinn,“ segir Össur Skarp­
héðinsson utanríkisráðherra um
skýrslu Seðlabankans varðandi þá
kosti sem Íslendingar eiga í gjald­
eyrismálum. Össur segir skýrsluna
vera „rothögg“ fyrir krónusinna.
Össur segist lesa það úr skýrsl­
unni að evran sé betri kostur en
krónan „… sem skýrslan segir að
sé beinlínis skaðleg því hún bæði
valdi sveiflum og magni þær upp í
efnahagslífinu án þess að sannað
sé að hún hafi gagnast til að létta
kreppuna einsog haldið hefur ver­
ið fram.“
Andmælti harðlega Tim Ward er
málflutningsmaður Íslands og andmælti
harðlega röksemdum um brot Íslands.