Dagblaðið Vísir - DV - 19.09.2012, Blaðsíða 23

Klár, hlý og
trúverðug
Menning 23Miðvikudagur 19. september 2012
Flottur hópur álitsgjafa valdi besta sjónvarpsfólkið á Íslandi í dag. Á toppnum
trónir sjónvarpskonan Sigrún Ósk Kristjánsdóttir úr Íslandi í dag en athygli vekur
að konur verma efstu sætin.
Álitsgjafar:
Aðalsteinn Bergdal leikari
Gerður Kristný skáld
Guðrún Bergmann umhverfissinni
Lára Björg Björnsdóttir rithöfundur
Greta Salóme Stefánsdóttir söngkona
Pétur Örn Guðmundsson söngvari
Þórunn Hrefna gagnrýnandi
Marín Manda Magnúsdóttir athafnakona
1 Sigrún Ósk
Kristjánsdóttir
Stöð 2
„Klár og þokkafull með mikla útgeislun.
Lætur mann fá áhuga á hverju því sem
hún er að fjalla um, hvort sem það er fólk
á elliheimili, á karatenámskeiði eða konur
sem búa með tuttugu köttum í fjörutíu
fermetra íbúð.“
„Geislandi, jákvæð og gefandi.“
„Virkar sem einstaklega hlý manneskja. Með
bein í nefinu. Maður tekur hana alvarlega.
Hún hefur gott orðspor og svo er hún bara
náttúruleg og falleg að horfa á.“
2 Jóhanna Vigdís
Hjaltadóttir
RÚV
„Alltaf jafn ljúf og þægileg. Glæsileg kona
sem er fagmennskan uppmáluð.“
„Glæsileg. Með aðlaðandi og einlæga
framkomu.“
3 Edda
Andrésdóttir
Stöð 2
„Edda er Vala Matt fréttanna. Hún er eftir-
læti allra, húmoristi og hlý.“
„Edda hefur setið af sér marga misvitra
samstarfsmenn en virðist sjálf hvorki
eldast né þreytast. Traust og viðkunnanleg
fréttakona og maður trúir umsvifalaust því
sem hún ber á borð. Það er eitthvað nota-
legt við að hafa þennan góða heimilisvin í
fréttunum og vonandi á hún eftir að vera
þar um ókomin ár.“
4 Brynja
Þorgeirsdóttir
RÚV
„Ber af öðru sjónvarpsfólki. Kemur vel fyrir,
ákaflega skýrmælt og er alltaf með fréttir
sem vit er í. Umfjöllun hennar um forseta-
valdið í sumar var merkileg og vel fram sett.
Brynja er vönd að virðingu, það er mikill
fengur að fá hana í Útsvar.“
5 Karen
Kjartansdóttir
Stöð 2
„Kemur gríðarvel út í sjónvarpi. Einlægur
áhugi hennar á manneskjum og marg-
breytileika þeirra skín í gegnum það sem
hún gerir. Kraftmikil og skelegg kona sem á
framtíðina fyrir sér.“
6 Bogi
Ágústsson
RÚV
„Holdgervingur
traustsins og heima hjá
mér vekja bindin hans
alltaf jafnmikla athygli
og fréttirnar sem
hann les upp.
Alltaf flottur.“
7 Steindi Jr.
Stöð 2
„Fyndinn. Í því vanþakkláta starfi að láta
fólk hlæja sem er miklu erfiðara en að
láta fólk gráta. Steindi gerir það af mikilli
fagmennsku.“
8 Logi Bergmann
Stöð 2
„Enginn hoppar jafn
auðveldlega úr
hrútleiðinlegum
fjármálafréttum yfir í
hressa og skemmtilega
þáttastjórnandann.
Sterkur sjónvarps-
maður sem
heillar konur
sem karla
með fallegu
og púkalegu
brosi sínu.“
9 Jón
Ársæll
Stöð 2
„Einstakur en
hófsamur á
hliðarlínunni.“
10 Egill Helgason
RÚV
„Skeleggur í fram-
setningu efnis
og vinnur
sína hluti
vel. Kafar
nokkuð vel
ofan í efnið
og setur það
fram á manna-
máli. Góður
þáttastjórnandi.“
11 Sölvi
Tryggvason
Skjár einn
„Þorir að spyrja nánast
hvers sem er. Ætti
bara að vera á
annarri stöð.“
12 Jóhannes Kr.
Kristjánsson
RÚV
„Hörkunaglinn úr Kompási
er óhræddur við að
ferðast um þær slóðir
sem við fæst viljum
vita af. Og einbeittur
spyr hann spurning-
anna sem við þurfum
að fá svör við, hvort
sem okkur líkar það betur
eða verr. Mikilvægur sjónvarpsmaður sem
mætt hefur sterkur til leiks í Kastljósinu.“
13 Sindri Sindrason
Stöð 2
„Góður á sínu sviði. Forvit-
inn og glaðlegur. Lætur
manni líða vel heima í
stofu að horfa á hann í
sjónvarpinu. Hann tók
eitt sinn viðtal við
mig og var einstak-
lega fagmann-
legur.“
Þau voru líka nefnd
Einar Þorsteinsson
RÚV
„Nákvæmur fréttamaður, fjallmyndar-
legur, góður undir pressu og mjög mikill
húmoristi. Eða eins og einhver sagði: Að
hafa Einar bara í útvarpinu er eyðsla á
fegurð og glæpur gegn þjóðinni.“
Telma Tómasson
Stöð 2
„Örugg og vönduð fréttakona. Það er
þægilegt að horfa og hlusta á hana því
hún er yfirveguð og nákvæm í frásögn.
Annað en um það bil 90 prósent af öðru
sjónvarpsfólki.“
Susanne Bier
til Íslands
Danski leikstjórinn Susanne Bier
hlýtur heiðursverðlaun RIFF í ár
og sækir hátíðina heim af því til-
efni. Hún þykir einn fremsti leik-
stjóri Norðurlandanna um þessar
mundir og einn fremsti kvenleik-
stjóri heims. Hún kom fyrst fram
á sjónarsviðið með rómantísku
gamanmyndinni Den Eneste Ene
fyrir þrettán árum.
Myndin naut mikilla vinsælda
í heimalandi hennar og víðar.
Bier öðlaðist hins vegar heims-
frægð fyrir myndina Hævnen
en hún hlaut bæði Óskars- og
Golden Globe-verðlaunin sem
besta erlenda myndin í fyrra. Það
er mikinn fengur fyrir RIFF að Bier
skuli hafa fallist á að koma hingað
á hátíðina og taka við heiðursverð-
laununum.
Fékk fullt
hús stiga
Bókin Svar við bréfi Helgu er ný-
komin út í Danmörku hjá for-
laginu C&K í þýðingu Kims Lem-
bek. Bergsveinn Birgisson var þar
staddur í síðustu viku til þess að
fylgja bókinni úr hlaði.
Viðtökurnar í Danmörku voru
góðar. Bergsveinn hefur fengið
fimm og sex stjörnu dóma í helstu
stórblöðum og þá var Bergsveinn
í stóru viðtali í síðasta helgarblaði
Politiken. Yfirskrift bókadóms í
Weekend Avisen var heldur kostu-
leg: Þeim sem eru á höttunum
eftir alvöru ást er ráðlagt að kasta
E.L. James og hinni ungu sögu-
hetju hans Grey út í horn, en fylkja
sér á bak við Bergsvein og hans
gamla Bjarna. Politiken gefur bók-
inni fimm stjörnur og Jyllands
Posten sex: Eða fullt hús.
Slegnir í rot
í glæpamynd
Ný íslensk bíómynd, Blóðhefnd,
verður frumsýnd 12. október
næstkomandi. Kvikmyndin fjallar
um glæpagengi sem tengjast man-
sali á Íslandi. Í myndinni er sagt
frá Trausta sem kemur heim frá
útlöndum eftir langa veru þar og
kemst hann að því að bróðir hans
á óuppgerð mál gagnvart glæpa-
hring, sem leitar hans nú til að ná
sér niður á honum. Atburðarásin
stigmagnast og fjölskyldan verð-
ur fórnarlamb glæpamannanna.
Trausti, aðalpersóna myndarinn-
ar, fyllist hefndarþorsta og fer á
eftir glæpamönnunum. Hefnd er
eina réttlætið.
Tökur á myndinni hafa ekki
gengið áfallalaust fyrir sig en í einu
slagsmálaatriðinu var tekið svo hart
á því að tveir leikaranna rotuðust.