Dagblaðið Vísir - DV - 24.09.2012, Blaðsíða 12

Feðgin Breskur faðir lýsir því fyrir
fréttamanni Al Jazeera hvernig
hann þarf að reiða sig á matargjafir.
Mynd SkjáSkot úr Frétt Al jAzeerA
12 Erlent 24. september 2012 Mánudagur
Þ
egar forráðamenn Reddish
Vale skólans í Stockport,
nálægt Manchester í Bret­
landi, urðu fyrst varir við
slappleika margra nem­
enda sinna, voru skólayfirvöld ekki
viss um hvað væri á ferðinni. Sum­
ir nemendanna sem eru á aldrinum
11–16 ára mættu fölir í skólann, það
var við það að líða yfir þá og þeir
áttu mjög erfitt með einbeitingu,
sérstaklega þegar leið á daginn.
Nú er orsökin komin í ljós; börnin
komu í skólann á fastandi maga og
höfðu mörg hver ekkert borðað síð­
an deginum áður.
28 prósent nemenda við skólann
fá fríar máltíðir þar sem foreldrar
þeirra eru á bótum frá ríkinu. Hin 72
prósentin fá ekki fríar máltíðir þar
sem foreldrar þeirra eru í launaðri
vinnu en líklega eru flestir þessara
foreldra að þéna um og í kringum
lágmarkslaun. Sum barna þeirra
koma hungruð í skólann og biðja
meðal annars félaga sína um að fá
bita af matnum þeirra. Blaðamaður
Al Jazeera, Laurence Lee, greinir frá
þessu í nýlegri úttekt sem finna má
á vefsíðu Al Jazeera.
ekki efni á mat
Alþjóðlega matvælakreppan hef­
ur sett mark sitt á líf fólks um allan
heim en fréttir af henni fóru hvað
hæst á síðasta ári. Samkvæmt ný­
legum tölum World Bank, sem birt­
ar voru í lok ágúst, hefur alþjóðlegt
matvælaverð hækkað verulega síð­
ustu mánuði og virðist ekkert lát
vera á hækkunum. Í tölum World
Bank kemur meðal annars fram að
matvæli hafi hækkað um sex pró­
sent frá árinu 2011 og fari áfram
hækkandi. Eins og gefur að skilja
hefur matvælakreppan lagst þyngst
á það fólk sem minnst hefur á milli
handanna og þá einna helst á íbúa í
þriðja heiminum.
Nú er svo komið að börn í Bret­
landi, einhverju ríkasta landi heims,
eru farin að finna fyrir hungri. Að
minnsta kosti ef marka má nýlega
umfjöllun blaðamanns Al Jazeera,
en þar segir að skýringin á því hvers
vegna börnin mæti föl og veikluleg
í skólann sé sú að foreldrar þeirra
hafi hreinlega ekki efni á að fæða
þau. Lágmarkslaun í Bretlandi dugi
ekki lengur fyrir mat. Til þess að
bregðast við ástandinu hafa skóla­
yfirvöld í Reddish Vale skólanum
tekið til þess bragðs að bjóða upp á
hræódýrar máltíðir, niðurgreiddar
að hluta til úr sjóðum skólans.
kennarar bæta föt
Í umfjöllun Al Jazeera er tekið fram
að það séu engan veginn nýjar frétt­
ir að hinir fátæku í Bretlandi hafi
ekki kost á lúxusvarningi. Það sé hins
vegar að koma í ljós núna að fólk á
lægstu launum eigi sífellt erfiðara
með að sjá fjölskyldum sínum far­
borða. Þá heyrast auðvitað þær radd­
ir sem vilja hreinlega meina að for­
eldrarnir geti sjálfum sér um kennt,
það sé þeirra að finna leiðir til þess
að sjá fyrir fjölskyldu sinni. Kaldur
veruleikinn er hins vegar sá, að oftar
en ekki eru fáir kostir í stöðunni.
Þannig segir starfsfólk hjálpar­
stofnunar (Foodbank) sem veit­
ir mataraðstoð í bænum Oldham
frá því hvernig heimilisfeður bresta
í grát fyrir framan það þegar þeir
lýsa því yfir að þeir geti ekki lengur,
og án aðstoðar, fætt fjölskyldu sína
og klætt. Kennarar í Bretlandi hafa
jafnframt lýst því á samfélagsvefj­
um, hvernig þeir hafa gefið börnum
matinn sinn og eða bætt föt þeirra.
Þrátt fyrir að sögurnar hljómi sum­
ar hverjar eins og frá því á 19. öld,
spretta þær fram í dag, í upphafi 21.
aldarinnar.
Svik við komandi kynslóðir
Umfjöllun Al Jazeera segir frá
rannsókn sem gerð var á vegum
menntamálayfirvalda í Bretlandi,
en niðurstaða hennar var sú að
þeim nemum gangi betur í skóla
sem fái nóg að borða. Blaðamaður­
inn Laurence Lee segir þetta vissu­
lega engin stjörnuvísindi en þrátt
fyrir að um almenna vitneskju sé
að ræða sé ekkert sem bendi til
þess að breytingar séu framundan,
eða að bjóða eigi upp á frían mat í
skólum. Hann spyr meðal annars
hvernig börn fátækra foreldra eigi
að geta keppt við börn hinna ríkari,
þegar þau fyrrnefndu þurfi að læra
á fastandi maga?
Blaðamaðurinn segir stjórn­
mála menn í sífellu tala um hluti
eins og „félagslegan hreyfanleika“
þar sem fátækara fólk geti keppt á
jafningjagrundvelli við hina ríkari,
en þetta orðagjálfur skipti litlu máli
þegar auðnum sé svo misjafnlega
skipt og það bitni svo beint á börn­
unum. Þá bendir hann á að hér sé í
rauninni um stórskandal að ræða í
svo ríku landi, og svik við komandi
kynslóðir. n
n Nemendur mæta fölir af hungri í skólann n Alþjóðleg matvælakreppa
Jón Bjarki Magnússon
blaðamaður skrifar jonbjarki@dv.is

í Bretlandi
Svöng börn
Hækkandi matarverð Matarverð fer hækkandi út um allan heim. Hér má sjá ávexti og grænmeti til sölu á markaði í Soho í miðborg
London. Mynd reuterS
Betlarar í búri
Skipuleggjendur helgihátíðar
í Nanchang í Kína liggja undir
ámæli þessa dagana. Ástæðan er
sú að þeir ákváðu að læsa betlara
á hátíðinni inni í búri til að halda
þeim frá gestum hátíðarinnar.
Um er að ræða einskonar
musterismessu sem haldin er ár
hvert og dregur þúsundir gesta að.
Betlarar hafa gjarnan leitað
til gesta um ölmusu við litla
hrifningu skipuleggjenda. Því var
ákveðið að grípa til þessa ráðs í
ár og hafa mannréttindasamtök
gagnrýnt ákvörðunina harðlega.
„Þeim er haldið þarna eins
og dýrum í dýragarði,“ segir aðili
sem gagnrýnir fyrirkomulagið.
Skipuleggjendur segja þó að það
væsi ekkert um betlarana. Það fari
vel um þá í búrunum og þeim sé
ekki haldið þar gegn vilja sínum.
Ætli þeir að yfirgefa búrin verði
þeim þó fylgt af svæðinu þar sem
hátíðin fer fram.
Vilja Assad burt
Fulltrúar bandalags 16 stjórnar­
andstöðuflokka í Sýrlandi lögðu
á ráðin um helgina. Niðurstaða
þeirra var að leggja til að Assad
forseta yrði steypt af valdastóli –
með friðsamlegum hætti þó. Upp­
reisnarmenn í landinu eru ekki
par ánægðir með þá leið sem þeir
segja ekki líklega til árangurs. Þeir
eru sagðir vilja grípa til róttækari
aðgerða. Stjórnarandstaðan er þó
með þessu útspili sínu talin reyna
að freista þess að auka trúverðug­
leika sinn og ná til hópa hófsamra
Sýrlendinga.
Á meðan fundað er um fram­
haldið, halda átökin í landinu
áfram. Sýrlenski herinn gerði á
sunnudag loftárásir á fjölmarga
staði víðsvegar um landið. Líklegt
er að mannfall af völdum þeirra sé
nokkurt.
Mannskætt
snjóflóð
Að minnsta kosti níu fjallgöngu­
menn fórust þegar snjóflóð féll
í Himalaya­fjöllunum á sunnu­
dag. Óttast er að fleiri hafi látið líf­
ið en sex manna var, þegar þetta
var skrifað, enn saknað. Í hópn­
um voru aðallega evrópskir fjall­
göngumenn, frá Frakklandi og
Þýskalandi, ásamt leiðsögumönn­
um. Á meðal hinna látnu er Þjóð­
verji og Spánverji.
Þrír Frakkar og tveir Þjóðverjar
slösuðust í flóðinu og voru fluttir
á spítala í Katmandu. Afar slæm
skilyrði eru á staðnum til leitar.
Hópurinn var í 7.000 metra
hæð þegar flóðið féll og þeir voru
að búa sig undir að klífa upp í
8.156 metra.