Dagblaðið Vísir - DV - 03.10.2012, Blaðsíða 9

Fimm börn slösuðust í strætó
n „Þetta verður skoðað,“ segir framkvæmdastjórinn
F
imm leikskólabörn af leikskól­
anum Hulduheimum slösuðust
í gær þegar strætó sem þau sátu
í ásamt leikskólakennurum sín­
um snögghemlaði. Fara þurfti með tvö
börn á heilsugæslu þar sem gert var að
sárum þeirra.
Bryndís Markúsdóttir leikskólastjóri
á Hulduheimum segir börnin ekki hafa
slasast alvarlega en hafi orðið fyrir tals­
verðu áfalli vegna atviksins. „Bílstjórinn
var víst að bremsa til að forðast árekstur
og þau hreyfðust öll og köstuðust til.
En börnin slösuðust sem betur fer ekki
alvarlega og eru öll í leikskólanum í
dag, en þeim var auðvitað brugðið.“
Bryndís segir fyrir öllu að börnin
hafi ekki slasast meira en raun ber vitni,
en atvikið sé litið alvarlegum augum
þar sem leikskólinn noti strætó tölu­
vert. „Það er vont að það skuli ekki vera
belti í strætisvögnum. En það var hringt
hingað áðan frá Strætó bs. og þau eru
miður sín og vilja gera eitthvað fyrir
okkur.“
Reynir Jónsson, framkvæmdastjóri
Strætó bs. segist harma atvikið og að
við því verði brugðist. Aðilum beri þó
ekki saman um hvernig þetta atvikað­
ist. „En það breytir auðvitað ekki því að
þau hrasa þarna þessir krakkar, þegar
vagnstjórinn var að leggja af stað frá
biðstöð.
Krökkunum var auðvitað brugðið,
en við ætlum að taka höndum saman
til þess að uppfræða þau um strætó.
Bjóða þeim meðal annars í heimsókn.
Það verður gert eftir viku. Þetta er auð­
vitað það sem við erum statt og stöðugt
að vinna í – að lágmarka tjón og slys.
Flest svona óhöpp verða þegar far­
þegar eru annað hvort að gera sig klára
til að stíga út úr vagninum eða gera sig
klára til að stíga inn í hann. Þetta er
ekki þess háttar óhapp. Í næstu viku
erum við að fara í gang með sérstakt
öryggisátak, þar sem við beinum sjón­
um okkar að slysum á farþegum í vagn­
inum. Við köllum það gular reglur. Það
er einmitt að fólk haldi sér og standi
upp fyrir fólki sem þarf á því að halda
að fá sætin. Við viljum reyna að draga
úr þessum fallslysum.“
Varðandi það hvort ekki sé nauð­
synlegt að setja belti í bílana seg­
ir Reynir: „Það er ekkert sérstakt sem
mælir á móti því og er viðurkennt í
þessum strætóheimi, það eru þessi inn
og út slys. Þessi belti eru viðkvæm, þau
bila og þá þarf kannski stöðugt að vera
að taka vagnana úr umferð til þess að
hægt sé að yfirfara þau.“ n
astasigrun@dv.is
Fréttir 9
HLÝNUN JARÐAR
KÆLIR ÍSLAND
H
lýnun jarðar kann að valda
breytingum á hafstraumum
sem gæti haft gríðarleg áhrif
á búsetuskilyrði á Íslandi.
Þetta segir Ari Trausti Guð­
mundsson jarðvísindamaður. „Til
lengri tíma litið gæti þetta leitt til þess
að hér hefjist kólnun, og hún gæti
orðið miklu hastarlegri en hlýnunin.
Ég er ekki að segja að það kæmi fram
nýtt jökulskeið, en kólnunin gæti alla­
vega orðið mjög alvarleg,“ segir Ari
Trausti en áréttar þó að slík þróun
gerist ekki á skömmum tíma. „Þessi
breyting sem ég er að tala um gæti
tekið áratugi eða aldir.“
Röskun Golfstraumsins
afdrifarík
Veðurfar á Íslandi er að miklu leyti
komið undir Golfstraumnum en
það er hlýr hafstraumur sem
á upptök sín í Karíbahafi.
Golfstraumurinn veldur því
að víða í norðausturhluta Atl­
antshafs er mun hlýrra en á
öðrum svæðum í heiminum
sem þó liggja jafnnorðarlega.
Röskun hans gæti því haft
í för með sér mun kaldara
loftslag hérlendis.
Til samanburðar nefn­
ir Ari Trausti bæinn Iqaluit,
höfuðstað Nunavuthéraðs í
Norðaustur­Kanada. Iqaluit
er á sömu breiddargráðu og
Ísland en nýtur ekki áhrifa
Golfstraumsins. Þar er með­
alhiti um það bil ­25°C yfir
vetrarmánuðina en um
8°C þegar hlýjast er, í júlí­
mánuði. Ef Golfstraumsins
nyti ekki við má gera ráð
fyrir að sams konar veðrátta
ríkti hér á landi. „Ég er ekki
að segja að hér yrði óbyggi­
legt en þetta gæti orðið
erfitt að minnsta kosti framan af.“
Bráðnun íss stigmagnast
Ljóst er að hlýnun jarðar mun valda
miklum breytingum um allan heim og
felast þær fyrst um sinn meðal annars
í hækkandi sjávarborði. Á undanförn­
um árum hefur bráðnun íss stigmagn­
ast og ekki er útlit fyrir að sú þróun
snúist við á næstunni. „Breytingarnar
á íshellunni hafa aldrei verið eins rosa­
legar og í sumar. Það var metár 2007
og nú árið 2012 fellur metið.
Íshellan á norðurskautssvæð­
inu hefur aldrei verið minni í
skrifaðri sögu en akkúrat núna
í haustbyrjun.“
Náttúran og
„Nýja Norðrið“
Samkvæmt Ara Trausta eru það
tveir þættir öðrum fremur sem
gætu hróflað við hafstraum­
unum. Annars vegar magn
ferskvatns sem bætist í sjóinn
vegna bráðnunar jökla og hins
vegar breytingar í varmanámi
sjávarins á norðurskautinu vegna
bráðnunar íshellunnar. Þá getur
hlýnun jarðar breytt staðvinda­
kerfinu þannig að minna fer af heit­
um sjó úr Karíbahafinu í Atlantshafið.
„Maðurinn er að valda breytingum í
náttúruskilyrðum sem hann veit ekk­
ert hvar enda.“
Á dögunum skrifaði Ari Trausti
grein í Fréttablaðið þar sem hann
viðraði áhyggjur sínar af afleiðing­
um hnattrænnar hlýnunar og setti
þær í samhengi við „kapphlaup­
ið um Nýja Norðrið“. Þá spurði
hann hvort ávinningurinn af nýj­
um siglingaleiðum, olíuborun og
námagreftri á norðurslóðum væri
nægur til þess að vega upp á móti
neikvæðum fylgifiskum gróður­
húsaáhrifa. n
Ólafur Kjaran Árnason
blaðamaður skrifar olafurk@dv.is
n Árið 2012 var metár í bráðnun íshellu norðurskautsins
„Ég er ekki að segja
að hér yrði óbyggi-
legt en þetta gæti orðið
erfitt að minnsta kosti
framan af.
1979
2009
Íshettan á undanhaldi Á undanförn-
um árum hefur bráðnun íss aukist jafnt
og þétt. Í því leynast tækifæri fyrir ríki á
norðurslóðum en jafnframt hættur.
Uggandi Ari Trausti
Guðmundsson vekur
athygli á áhrifum
hnattrænnar hlýn-
unar. Breytingar á
hafstraumum gætu
haft í för með sér
gríðarlega kólnun
á Íslandi og annars
staðar í Norðaustur-
Atlantshafi.
Miðvikudagur 3. október 2012
Segir beltin bila Framkvæmdastjóri Strætó segir að ef öryggisbelti yrðu sett í vagnana
þyrfti sífellt að taka þá úr umferð til að yfirfara beltin.
Fylgið hrynur
enn af ríkis-
stjórnar-
flokkunum
Enginn þeirra flokka sem bjóða
fram í fyrsta sinn fyrir næstu al­
þingiskosningar næði inn manni
á þing ef kosið væri nú. Þetta er
niðurstaða nýjasta þjóðarpúls
Gallup. Sjálfstæðisflokkurinn bæt­
ir enn við sig fylgi og fengi 37,1
prósent atkvæða ef gengið yrði
til kosninga nú. Tæp 14 prósent
segjast munu ekki kjósa eða skila
auðu.
Samfylkingin mælist með 19,4
prósenta fylgi en Vinstri græn­
ir með 12,4 prósent. Saman hafa
ríkisstjórnarflokkarnir aðeins 31,8
prósenta fylgi en þeir höfðu rétt
um 50 prósenta fylgi þegar kosið
var síðast, vorið 2009.
Framsóknarflokkurinn mælist
með 14,2 prósenta fylgi, svipað
og í september. Björt framtíð fær
mest fylgi nýju framboðanna en
litlu munar að framboðið nái inn
einum manni miðað við skoðana­
könnunina – flokkurinn mælist
með 4,9 prósenta fylgi. Tæplega
5.600 voru spurðir og svarhlutfall­
ið var um sextíu prósent. Tæp 30
prósent þeirra sem svöruðu gáfu
ekki upp stuðning sinn við flokka.
„Bíðum eftir
niðurstöðum“
„Við bara bíðum eftir niður­
stöðum,“ segir Ómar Smári
Ármannsson aðstoðaryfirlög­
regluþjónn um rannsókn lög­
reglunnar á höfuðborgarsvæð­
inu á stóra lifrarpylsumálinu
svokallaða.
Óttast var að eitraðri lifrar­
pylsu hefði verið dreift á
hundasýningu hundarækt­
unarfélagsins Rex í reiðhöll
Gusts í Kópavogi 23. septem­
ber síðastliðinn. Fresta þurfi
sýningunni um einn dag vegna
þessa en enn er beðið eftir
niðurstöðum úr rannsókn lög­
reglu vegna málsins.
Lögreglan hefur engan yfir­
heyrt vegna málsins og hefur
engan grunaðan. „Svo vitum
við ekkert hvað var í lifrarpyls­
unum, eða hvort eitthvað hafi
verið í þeim.“