Dagblaðið Vísir - DV - 03.10.2012, Blaðsíða 6

„Okkur finnst vegið að skólanum okkar“
n Segja lítið gert úr vinnu sem hefur verið lögð í eineltisfræðslu
O
kkur finnst vegið að skólan-
um okkar, segja nemendur í
Hagaskóla, en DV fjallaði um
agavandamál í skólanum í
mánudagsblaðinu og greindi þar frá
átökum milli eldri og yngri nemenda.
Segja nemendur að gert hafi verið
lítið úr þeirri miklu vinnu sem skólinn
hafi lagt í til að vinna bug á einelti.
DV greindi frá því að nemendur í 8.
og 9. bekk væru oft hræddir við nem-
endur í 10. bekk og óttuðust að vera
busaðir. Þeir mættu ekki ganga um
ákveðna álmu í skólanum og að þeir
óttuðust „ægivald“ eldri nemenda.
Þá hlökkuðu þeir til að komast sjálf-
ir í tíundabekk enda fengju þeir þá
að láta til sín taka. Ómar Örn Magn-
ússon, aðstoðarskólastjóri Haga-
skóla, sagði skólann vinna markvisst
að eineltismálum, en skólinn hef-
ur verið verðlaunaður fyrir átak sitt
í þeim málum. Hann kvaðst kannast
við þessi átök milli tíunda og áttunda
bekkjar, en segir að það hafi geng-
ið vel að taka á því máli og það hafi
lítið borið á átökum í vetur. Skóla-
byrjun í ár hafi gengið einstaklega vel
og hafi þótt sérstök ástæða til þess að
hrósa nemendum unglingadeildar
og var foreldrum þeirra sendur póst-
ur þess efnis. Vildu margir nemend-
ur meina að þessar svokölluðu hefðir
væru gamlar draugasögur sem erfitt
væri að kveða niður, vel væri tekið á
móti nemendum í skólanum og ung-
lingarnir væru að vinna saman að því
að öllum liði vel í skólanum.
Í kjölfar umfjöllunar DV höfðu
fjölmargir nemendur og foreld-
ar samband við DV. Svo virðist sem
upplifun nemenda í skólanum sé
mjög ólík, margir segja að of mikið sé
gert úr málinu og greinin hafi gefið til
kynna að vandamálið væri mun víð-
tækara en það sé í raun. Aðrir tóku
undir orð nemenda og foreldra sem
birtust í greininni, en DV ræddi bæði
við nemendur og foreldra í skólan-
um áður en greinin var birt og voru
þau á sama máli, allir nema einn
nemandi.“ n
6 Fréttir 3. október 2012 Miðvikudagur
Taka gróðann
í samlagsfélög
S
tarfsmenn slitastjórna og
skilanefnda, auk margra
lögmanna almennt séð,
hafa í auknum mæli byrj-
að að nota samlagsfélög við
innheimtu launa sinna og rekstur
fyrirtækja í kringum rekstur-
inn. Meðal þeirra eru starfsmenn
slitastjórnar Glitnis, Steinunn
Guðbjartsdóttir og Páll Eiríksson,
sem stofnuðu samlagsfélagið Borg-
arlögmenn sf. í ársbyrjun 2011. Þau
Páll og Steinunn taka laun sín og
hagnað af vinnu starfsmanna sinna
fyrir þrotabú bankans í gegnum
þetta samlagsfélag. Samlagsfélaga-
formið hefur ýmsa kosti fram yfir
einkahlutafélagaformið.
Páll Eiríksson segir í samtali við
DV að samlagsfélög séu þægileg-
ur rekstrarmáti fyrir sérfræðinga.
„Það er bara þægilegri rekstrarmáti
þegar fáir eru um. En á móti kem-
ur að þá bera menn persónulega
ábyrgð á félaginu ef illa fer.“
Orð Páls má til sanns vegar
færa þegar litið er til aukinna vin-
sælda samlagsfélaga á Íslandi eft-
ir hrunið 2008. Sem dæmi má
nefna að á fyrstu þremur ársfjórð-
ungum ársins 2009 voru stofn-
uð 59 samlagsfélög hér á landi en
358 á sama tíma árið eftir. Íslensk-
ir rekstraraðilar hafa því auknum
mæli byrjað að notast við slík félög
eftir hrunið.
Reikningar upp á hundruð
milljóna
Í síðustu viku var greint frá því í fjöl-
miðlum að á síðustu þremur árum
hefðu greiðslur frá þrotabúi Glitn-
is til fyrirtækis Páls og Steinunnar
vegna vinnu fimm fulltrúa á þeirra
vegum fyrir búið numið 287,7 millj-
ónum króna. Fyrirtæki Steinunnar
og Páls hafa á sama tíma fengið 552
milljónir króna greiddar frá þrota-
búinu vegna vinnu þeirra tveggja á
síðastliðnum þremur árum. Þessar
552 milljónir eru aðeins vegna vinnu
þeirra tveggja fyrir hönd þrotabús-
ins. Samanlagt nema þessar greiðsl-
ur til fyrirtækis Steinunnar og Páls
um 840 milljónum króna á síðast-
liðnum þremur árum en þá á eftir að
draga laun og launatengd gjöld full-
trúanna fimm sem vinna fyrir þau frá
upphæðinni.
Ársreikningar Borgarlögmanna
sf. eru hins vegar ekki opinberir þar
sem um er að ræða samlagsfélag
þó svo að þessar upplýsingar hafi
komist í opinbera umræðu fyrir til-
stilli kröfuhafa Glitnis sem fannst
launagreiðslur til Páls og Steinunn-
ar ískyggilega háar. Þess vegna er
ekki hægt að komast opinberlega yfir
upplýsingar um rekstur slíkra félaga.
Meiri leynd og lægri skattar
Meðal þess sem heimildarmenn DV
segja um kosti samlagsfélagaforms-
ins fram yfir einkahlutafélagsform-
ið er að fyrrnefndu félögin þurfi ekki
að skila ársreikningum til opinberr-
ar birtingar. Þá þurfa samlagsfélög-
in ekki að fara eftir eins ströngum
reglum um útgreiðslu arðs og einka-
hlutafélögin og er meira í sjálfsvald
sett hvernig arðgreiðslum er hátt-
að. Einnig eru lægri skattgreiðslur
af hagnaði slíkra samlagsfélaga en
einkahlutafélaga.
Á móti kemur að eigendur
samlagsfélagsins eru sjálfir ábyrgir
fyrir rekstri félagsins ef illa fer og
þurfa því að standa skil á skuld-
bindingum þess ef til þess kemur.
Þessu er öðruvísi háttað með einka-
hlutafélögin þar sem það form fel-
ur ekki nauðsynlega í sér að eigend-
ur eða forsvarsmenn félagsins séu
ábyrgir fyrir skuldum þess þó svo
að lánveitendur kunni að óska eftir
persónulegum ábyrgðum vegna lán-
anna.
Einn af heimildarmönnum
DV segir hins vegar um þetta at-
riði að stundum sé það þannig að
einkahlutafélag sé látið bera ótak-
markaða ábyrgð á skuldbinding-
um samlagsfélagsins. Þá er aftur
enginn tiltekinn einstaklingur sem
ber persónulega ábyrgð á skuld-
bindingum félagsins. „Félagsform-
ið er þannig uppbyggt að það er að
minnsta kosti einn aðili sem ber
ótakmarkaða ábyrgð, og einn að-
ili sem ber takmarkaða ábyrgð á
félaginu. Svo er fyrirkomulagið yf-
irleitt þannig að aðilinn sem ber
ótakmarkaða ábyrgð er einkahluta-
félag. Þá er enginn einstaklingur
sem ber persónulega ábyrgð.“ n
Ingi Freyr Vilhjálmsson
fréttastjóri skrifar ingi@dv.is
n Meiri leynd, lægri skattgreiðslur og meira svigrúm í samlagsfélögum„En á móti kemur
að þá bera menn
persónulega ábyrgð á fé-
laginu ef illa fer.
Kostir samlagsfélaga Kostir samlagsfélaga, eins og þess sem Páll Eiríksson og Steinunn
Guðbjartsdóttir hafa stofnað utan um launagreiðslur sínar frá Glitni, eru ýmsir. Til að mynda
meiri leynd um starfsemina, lægri skattgreiðslur og meira svigrúm til arðgreiðslna.
Undirrituðu
Nordic Built-
sáttmála
Innanríkisráðherra undirritaði á
þriðjudag Nordic Built-sáttmálann
ásamt fulltrúum hönnunarteym-
isins sem vinnur að hönnun nýs
fangelsis á Hólmsheiði í Reykjavík.
Nordic Built er samvinnuverkefni
sem hvetur til þróunar samkeppn-
ishæfra lausna í vistvænni mann-
virkjagerð.
Ákveðið hefur verið að nýtt
fangelsi á Hólmsheiði verði vott-
að samkvæmt alþjóðlega um-
hverfisvottunarkerfinu BEEAM
og fellur það því sérstaklega vel
að öllum tíu meginreglum Nordic
Built-sáttmálans. Með þeirri
hugmyndafræði er við sköpun á
manngerðu umhverfi leitast við
að auka lífsgæði, nýta sjálfbærni,
staðbundnar auðlindir og byggja
á norrænni hönnunarhefð eins
og hún gerist best. Nordic Built-
verk efnið er eitt af sex svonefnd-
um kyndilverkefnum sem stofnað
var til í tengslum við mótun nýrrar
stefnu um samvinnu í iðnaðar- og
nýsköpunarmálum, með áherslu
á grænan vöxt, sem norrænu við-
skipta- og iðnaðarráðherrarnir
samþykktu í október 2011.
Stuðningur við
aðstandendur
Ný dögun, samtök um sorg og
sorgarviðbrögð, mun í haust
vera með margvíslegan stuðn-
ing við aðstandendur sem misst
hafa einhvern náinn í sjálfsvígi.
„Hvert sjálfsvíg skilur oft stóran
hóp fólks eftir í sárum og það
tekur nánustu aðstandendur
undantekningarlaust langan
tíma að vinna úr sorginni,“ segir
í fréttatilkynningu frá félaginu.
Fimmtudaginn 4. október verð-
ur fræðslufyrirlestur um sjálfs-
víg í safnaðarheimili Háteigs-
kirkju. Húsið verður opnað
klukkan 19. Í kjölfarið, eða 11.
október, fer af stað stuðnings-
hópur fyrir aðstandendur sem
verður vikulega á mánudögum
kl. 20 í Fella- og Hólakirkju. Þá
verður opið hús fyrir þau sem
lifa við missi vegna sjálfsvígs
mánaðarlega á þriðjudögum kl.
20 í Breiðholtskirkju.
Með fíkniefni
í klefanum
Fangi á Litla-Hrauni var á föstu-
daginn fundinn sekur í Héraðs-
dómi Suðurlands af ákæru um að
hafa haft fíkniefni falin í fanga-
klefa sínum. Í lok ágúst í fyrra var
leitað í klefa hans vegna þess að
hann var undir augljósum áhrif-
um fíkniefna. Þá fannst á hon-
um bréf með „tóbaksmalli“ og í
klefa hans fíkniefnamoli í svörtum
sokk sem troðið hafði verið ofan
í raksápubrúsa. Maðurinn bar
við minnisleysi sem hann sagði
stafa af inntöku á rússnesku dufti.
Fanginn var sakfelldur fyrir vörslu
fíkniefna en um var að ræða hegn-
ingarauka en brotið var framið fyr-
ir uppkvaðningu annarra dóma.
Var ekki talið að brotið hefði leitt
til þyngri refsingar og var honum
því ekki gerð sérstök refsing.
Margir hafa skoðun Bæði
nemendur og foreldrar höfðu
samband við DV í kjölfar um-
fjöllunar. Ljóst er að upplifun
nemenda innan skólans er
mjög misjöfn.