Dagblaðið Vísir - DV - 03.10.2012, Blaðsíða 13

Týndi hattinum sínum
n William Middleton vakti heimsathygli þegar hann festist í ruslatunnu
S
koskur karlmaður sem vakti
mikla athygli í heimspress-
unni á mánudag þegar mynd
náðist af honum með höf-
uðið fast ofan í ruslatunnu segir að
hann hafi verið að leita að hattinum
sínum. Myndin fór sem eldur í sinu
um netheima á mánudag og var
hann uppnefndur „tunnuhaus“ í
kjölfarið.
Maðurinn sem um ræðir heitir
William Middleton og er 53 ára
en atvikið átti sér stað í Aberdeen
í Skotlandi. Middleton var pikk-
fastur með höfuðið ofan í rusla-
tunnu og þurftu slökkviliðsmenn
að klippa tunnuna í sundur til að
losa hann úr prísundinni. „Ég var
að leita að hattinum mínum. Ég
sat þarna alveg fastur í um tuttugu
mínútur,“ segir Middleton í sam-
tali við BBC. Ónafngreindur sjón-
arvottur að atvikinu segir í samtali
við BBC að hann hafi þekkt William
og reynt að losa hann úr tunnunni.
„Við vorum þarna nokkrir og
reyndum hvað við gátum en eyrun
á honum komu í veg fyrir að við
næðum honum út,“ segir sjónar-
votturinn.
William var fluttur á sjúkrahús
til eftirlits eftir að hann losnaði en
hann reyndist vera við hestaheilsu.
Hann var hins vegar mjög ánægður
þegar slökkviliðsmenn náðu höfð-
inu á honum úr tunnunni. „Þetta
var auðvitað mjög vandræða-
legt og það var virkilega vond lykt
í tunnunni. Núna er ég þekktur
undir nafninu tunnuhaus,“ segir
William sem virðist þó sem betur
fer líta á björtu hliðarnar. n
Erlent 13Miðvikudagur 3. október 2012
Pikkfastur Middleton sést hér með höfuðið ofan í ruslatunnunni. Hann losnaði eftir um
tuttugu mínútur.
stærstu eignir hans lækkað mikið í
verði á undanförnum 18 mánuðum.
Þannig hafa eignir sjóðs hans, Paul-
son & Co., lækkað í verði um fjórtán
milljarða dala á undanförnum miss-
erum. Þá hafa persónulegar eignir
hans rýrnað um fjóra milljarða dala,
480 milljarða króna, síðastliðið ár.
Hann hefur fjárfest duglega í fast-
eignum að undanförnu. Hann keypti
nýlega stórt land í nágrenni Las Veg-
as og keypti einnig gríðarstóra eign í
Aspen í Colorado fyrir sjálfan sig.
5 5. Ray Dalio Eignir: 10 milljarðar dala
(1.240 milljarðar króna)
Dalio er kallaður konungur vogunar-
sjóðanna. Það er engin furða enda
ræður hann yfir stærsta vogunar-
sjóði heims, Bridgewater Associates,
sem á eignir upp á 130 milljarða dala.
Sjóðurinn skilaði gríðarlegum hagn-
aði á síðasta ári á sama tíma og aðr-
ir sjóðir voru í vanda. Hann hefur
ekki haldið sigurgöngu sinni áfram
á þessu ári og tapað nokkuð það
sem af er árinu. Dalio er 63 ára en
hann stofnaði Bridgewater-sjóðinn
árið 1975. Á teikniborðinu eru fram-
kvæmdir við nýjar gríðarstórar höf-
uðstöðvar í Stamford í Connecticut.
6 6. Steve Cohen Eignir: 8,8 milljarðar dala
(1.100 milljarðar króna)
Cohen hóf störf í fjármálageiranum
árið 1978 þegar hann landaði starfi
við verðbréfafyrirtækið Gruntal & Co.
Cohen stofnaði eigið fyrirtæki, SAC
Capital, árið 1992, og ræður fyrirtæk-
ið yfir 13 milljarða dala eignum sem
jafngildir 1.600 milljörðum króna.
Fjárfestingar hans skiluðu 8 prósenta
hagnaði í fyrra, sem er nokkuð mik-
ið miðað við að meðaltalið það ár hjá
bandarískum vogunarsjóðum var
5 prósenta tap. Cohen á 4 prósenta
hlut í hafnaboltaliðinu New York
Mets sem hann keypti í sumar.
7 7. David Tepper Eignir: 5,5 milljarðar dala
(683 milljarðar króna)
Tepper hefur gengið vel í fjárfesting-
um sínum á þessu ári og skilaði vog-
unarsjóður hans, Palomino, rúmlega
13 prósenta hagnaði af fjárfestingum
sínum á fyrstu sex mánuðum ársins.
Tepper var á árum áður verðbréfa-
miðlari hjá Goldman Sachs. Hann
stofnaði fjárfestingafyrirtækið Appa-
loosa Management árið 1993 og ræð-
ur fyrirtækið yfir eignum sem metnar
eru á tólf milljarða dala. Hann
græddi sjö milljarða dala á viðskipt-
um með bréf í Bank of America sem
hann keypti mjög ódýrt. Hann á lít-
inn hlut í ruðningsliðinu Pittsburgh
Steelers.
8 Bruce Kovner Eignir: 4,3 milljarðar dala
(534 milljarðar króna)
Kovner stofnaði Caxton Associates-
sjóðinn árið 1983 sem hefur skilað
gríðarlegum hagnaði í gegnum árin.
Hann lét af störfum í september í fyrra
og sagði í kjölfarið að hann myndi
sakna spennunnar sem fylgir því að
stjórna vogunarsjóði. Sjóðnum hefur
gengið brösuglega eftir að hann lét af
störfum og skilaði 3,4 prósenta tapi á
fyrstu sex mánuðum ársins.
9 Paul Tudor Jones Eignir: 3,6 milljarðar dala
(447 milljarðar króna)
Þénaði vel á viðskiptum með bómull
á sínum yngri árum áður en hann
stofnaði Tudor Investment Corp-
oration árið 1980. Vogunarsjóðurinn
BVI Global er flaggskip Tudor Invest-
ment Co. Sjóðurinn hagnaðist um tvö
prósent á fjárfestingum sínum árið
2011 og hefur hagnast um 3,8 prósent
það sem af er þessu ári. Hann á fast-
eignir á Flórída og í Tansaníu og sext-
án glæsibifreiðar svo fátt eitt sé nefnt.
10 10. Ken Griffin Eignir: 3,1 milljarður dala
(385 milljarðar króna)
Griffin er eigandi Citadel-fjárfestinga-
fyrirtækisins og á í gegnum það vog-
unarsjóðina Kensington og Well-
ington. Þessir sjóðir högnuðust um 9
prósent á fyrri helmingi þessa árs og
rúmlega 20 prósent á síðasta ári. Hann
hafði átt undir högg að sækja í kjölfar
niðursveiflunnar á fjármálamörkuð-
um árið 2008 en kom sterkur til baka
í fyrra. Hann hóf að fjárfesta á skóla-
árum sínum í Harvard og fyrir útskrift
var hann búinn að hagnast um milljón
dali. Hann er listasafnari af guðs náð
og greiddi 80 milljónir dala fyrir verkið
False Start eftir Jasper Johns. n
Moka inn seðluM
á vogunarsjóðuM
n 10 ríkustu eigendur vogunarsjóða í Bandaríkjunum n Eiga allir eignir upp á hundruð milljarða króna
„Óvinir“ Írans
felldu gengið
Gjaldmiðillinn í Íran, ríal, hef-
ur verið í frjálsu falli undanfarna
daga. Á mánudag féll gengið um
18 prósent og síðdegis á þriðju-
dag hafði það fallið um 9 prósent.
Mahmoud Ahmadinejad, for-
seti Írans, hefur kennt „óvinum“
landsins um gengisfallið en sem
kunnugt er hafa Bandaríkjamenn
beitt Írani efnahagsþvingunum
vegna kjarnorkuáætlunar þeirra.
Í umfjöllun BBC er haft eftir full-
trúum bandarískra yfirvalda að
efnahagsþvinganirnar séu farnar
að skila sér og gengisfallið sé til
marks um það. Bandaríkin, með
stuðningi Evrópusambandsins,
ákváðu að bann yrði sett á kaup á
olíu frá Íran á síðasta ári.
Obama vinsæll
hjá kvenfólki
Barack Obama, forseti Bandaríkj-
anna, hefur örlítið forskot á keppi-
naut sinn, repúblikanann Mitt
Romney, fyrir forsetakosningarn-
ar í næsta mánuði. Samkvæmt
nýrri skoðanakönnun Quinnipiac
mælist Obama með 49 prósenta
fylgi en Romney með 45 prósenta
fylgi. Áberandi stuðningur kvenna
við Obama vekur nokkra athygli
en samkvæmt niðurstöðum
könnunarinnar sögðust 56 pró-
sent kvenna ætla að kjósa Obama
samanborið en 38 prósent Mitt
Romney. Þá nýtur Obama gríðar-
legs stuðnings meðal þeldökkra
Bandaríkjamanna. 94 prósent
þeirra ætla að kjósa Obama,
samkvæmt könnun Quinnipiac,
en einungis 2 prósent Romney.
Romney á meira upp á pallborðið
hjá hvítum karlmönnum, 53 pró-
sent þeirra ætla að kjósa hann en
42 prósent Obama.
Ákærð eftir
nauðgun
Reiði ríkir í Túnis eftir að kona
sem þrír lögregluþjónar nauðg-
uðu var ákærð fyrir „ósiðlegt
athæfi“. Málavextir eru þeir að þrír
lögregluþjónar höfðu afskipti af
konunni og kærasta hennar í bif-
reið þeirra í síðasta mánuði þar
sem þau virtust vera að njóta ásta.
Einn lögregluþjónn leiddi kærasta
konunnar á brott og neyddi hann
til að taka peninga út úr banka á
meðan hinir tveir nauðguðu kon-
unni. Eftir að hún tilkynnti nauðg-
unina var hún, ásamt kærasta sín-
um, ákærð og gætu þau átt von
á sex mánaða fangelsi. Fulltrúi
Amn esty International hefur lýst
yfir vanþóknun sinni á málinu og
óttast að málið verði til þess að
fórnarlömb nauðgana þori síður
að stíga fram.