Dagblaðið Vísir - DV - 05.10.2012, Page 4

Hópur útlaga handtekinn
n Lögreglan fann dóp, bruggtæki, eggvopn og þýfi
S
extán voru handteknir í að­
gerðum lögreglunnar gegn vél­
hjólagengi á miðvikudagskvöld.
Þær beindust helst að sam­
tökunum Outlaws. Aðgerðirnar voru
víðtækar og var framkvæmd hús­
leit víða í Hafnar firði, Árnessýslu og á
Suðurnesjum.
Framkvæmdirnar hófust um klukk­
an átta um kvöldið og stóðu fram yfir
miðnætti. Lögreglumenn lögðu hald á
nokkra tugi gramma af sterkum fíkni­
efnum, stera, bruggtæki og bæði landa
og gambra. Þá var einnig lagt hald á
ætlað þýfi og margs konar eggvopn.
Hluti fíkniefnanna fannst í hús­
næði vélhjólagengisins í Hafnarfirði.
Alls var framkvæmd húsleit á fjór­
um stöðum á höfuðborgarsvæðinu,
tveimur á Suðurnesjum og einum í
Árnessýslu.
Sumir hinna handteknu voru
einnig handteknir í aðgerðum lög­
reglunnar gegn vélhjólagengi í síð­
asta mánuði. Eftir aðgerðirnar í gær­
kvöldi voru þrettán, ellefu karlar og
tvær konur, vistaðir í fangageymslu
lögreglunnar, en yfirheyrslur stóðu
yfir allan fimmtudaginn. Ekki hefur
verið tekin ákvörðun um hvort kraf­
ist verður gæsluvarðhalds yfir ein­
hverjum. 
Flestir hinna handteknu eru
meðlimir í vélhjólagenginu Outlaws
og hafa áður komið við sögu hjá
lögreglu. Á áttunda tug lögreglu­
manna tók þátt í aðgerðunum, sem
voru nokkuð umfangsmiklar, auk
starfsmanna tollgæslunnar sem að­
stoðuðu við húsleit með sérþjálfuð­
um hundum.
astasigrun@dv.is
4 Fréttir 5.–7. október 2012 Helgarblað
eigandi
aMX fékk
Milljónir
frá lÍÚ
F
élag í eigu eiganda vefmið­
ilsins AMX, Friðbjarnar
Orra Ketilssonar, fékk
greiddar rúmlega 25 millj­
ónir króna frá Landssam­
bandi íslenskra útvegsmanna
(LÍÚ) á árunum 2007 og 2008.
Greiðslurnar voru samkvæmt
samningi sem félagið, Skipaklettur
ehf., gerði við LÍÚ árið 2007. Þetta
kemur fram í gögnum sem DV hef­
ur undir höndum. Skipaklettur
hélt á þessum tíma meðal annars
úti vefsíðunni M5, viðskiptafrétta­
síðu sem greindi frá viðskiptum á
hlutabréfamörkuðum, hlutabréfa­
vísitölum og öðru slíku. Tekið skal
fram að samningurinn var gerður í
apríl 2007, áður en AMX var opn­
aður í árslok 2008.
Rekstrarfélag AMX heitir Vef­
miðlun ehf. og er skráð til heimilis
í Hádegismóum 2, nánar tiltekið í
Morgunblaðshúsinu. Sömu sögu
má segja um félagið Skipaklett sem
var stofnað árið 2007. Sem dæmi
má nefna að árið 2007 greiddi LÍÚ
rúmar 17 milljónir króna til Skipa­
kletts og rúmar átta milljónir árið
eftir. Friðbjörn Orri er tengdasonur
Gunnlaugs Sævars Gunnlaugsson­
ar, lögmanns og fjárhaldsmanns
Guðbjargar Matthíasdóttur, út­
gerðarkonu í Eyjum og eiganda
Moggans.
Keyptu vefsíðugerð
Friðrik J. Arngrímsson, fram­
kvæmdastjóri LÍÚ, segir að samn­
ingurinn milli LÍÚ og Skipakletts
hafi snúist um kaup sambands­
ins á upplýsingum um sjávar­
útvegsmál frá félaginu. „Við gerð­
um samning við Skipaklett en það
tengist ekki AMX. Við höfum aldrei
greitt neitt til útgáfufélags AMX.
Samningurinn sem við gerðum við
þetta fyrirtæki snérist um gerð vef­
síðna og framleiðslu efnis um sjáv­
arútvegsmál. Það var stóra inntak­
ið í samningnum,“ segir Friðrik en
meðal annars var um að ræða vef­
inn sjosokn.is að sögn Friðriks.
Friðrik segir að samningurinn
á milli Skipakletts og LÍÚ hafi fyr­
ir löngu runnið sitt skeið. „Hann
var bara uppfylltur og kláraður sá
samningur. Hann er löngu búinn,
fyrir mörgum árum síðan. Þá
lauk viðskiptasambandi okkar við
Skipaklett,“ segir Friðrik.
Í ársreikningi Skipakletts fyrir
árið 2007 vekur reyndar athygli að
útseld þjónusta er bókfærð á rúm­
ar 11 milljónir en launakostnaður
er aðeins rúm milljón. Þá stemm­
ir þessi upphæð ekki við þau gögn
sem DV hefur undir höndum þar
sem fram kemur að Skipaklettur
hafi fengið rúmlega 17 milljónir
króna frá LÍÚ árið 2007. Upphæð­
irnar stemma því ekki.
Stefnt fyrir meiðyrði
Friðrik J. Arngrímsson hefur stefnt
bloggaranum Ólafi Arnarsyni vegna
ummæla þess efnis að LÍÚ hafi
styrkt AMX um tugi milljóna króna
á ári með dulbúnum fjárframlögum
í gegnum félög sem tengjast Frið­
birni Orra Ketilssyni. Ummælin sem
Friðrik stefndi Ólafi fyrir voru með­
al annars eftirfarandi staðhæfingar
Ólafs í tveimur pistlum á vefsíðunni
Pressunni. „ LÍÚ ku styðja AMX vef­
inn um næstum 20 milljónir á ári í
gegnum félög í eigu Friðbjörns Orra
Ketilssonar.“; „Mér er kunnugt um,
að einhverjir stjórnarmenn LÍÚ
vita ekki af stuðningnum við fugla­
dritið á AMX enda munu greiðslurn­
ar vera vel dulbúnar í reikningum
samtakanna; „LÍÚ, undir stjórn Frið­
riks Arngrímssonar, situr uppi með
það að bera ábyrgð á ósómanum,
sem birtur er í skjóli nafnleyndar á
slefritinu AMX,“ sagði Ólafur meðal
annars í pistlunum.
Rótin að misskilningnum
„AMX var ekki til þegar samningur­
inn við Skipaklett var gerður. Ég
skil ekki af hverju þetta hefur far­
ið svona langt. Þessi viðskipti okkar
við Skipaklett eru ekkert leyndar­
mál. Ólafur Arnarson hefur aldrei
hringt í mig til að spyrja út í þetta,“
segir Friðrik.
Rótin að þeirri sögu að LÍÚ haldi
AMX úti kann því að vera sú stað­
reynd að AMX átti í viðskiptum við
Skipaklett áður en AMX var settur
á laggirnar. Þegar sú saga komst á
kreik að viðskiptasamband hefði
verið á milli LÍÚ og Skipakletts
kann sú ályktun að hafa verið dreg­
in að um væri að ræða greiðslur
til að halda úti vefsíðunni AMX. Ef
marka má orð Friðriks J. þá er þetta
ekki rétt. Hins vegar má benda
á að Ólafur hélt því líka fram að
greiðslurnar til félaga Friðbjörns
Orra væru vel „dulbúnar“ í reikn­
ingnum LÍÚ. Erfiðlega gæti hins
vegar reynst fyrir Ólaf að sanna
þessa fullyrðingu. Dómur verð­
ur kveðinn upp í meiðyrðamálinu
innan nokkurra vikna. n
Ingi Freyr Vilhjálmsson
fréttastjóri skrifar ingi@dv.is
„Það hefur aldrei
verið greitt til
útgáfufélags AMX
n LÍÚ og Skipaklettur gerðu tugmilljóna samning um vefsíðugerð 2007
Snúið mál Ólafur Arnarson hélt því
fram í bloggfærslu að LÍÚ héldi úti
vefmiðlinum AMX, sem Friðbjörn Orri
Ketilsson stýrir. Friðrik Arngrímsson
stefndi Ólafi fyrir þessi ummæli. Nú
liggur fyrir að LÍÚ átti í tugmilljóna
viðskiptasambandi við annað félag í
eigu Friðbjörns Orra.
Tilraun til
þöggunar
Þór Saari, þingmaður Hreyfingar­
innar, ætlar að áfrýja dómi Hér­
aðsdóms Reykjaness þar sem
ummæli hans um meint tengsl
Ragnars Árnasonar, prófessors við
hagfræðideild Háskóla Íslands,
við Landssamband íslenskra út­
vegsmanna voru dæmd dauð og
ómerk. Þór segir að hann hefði
beðist afsökunar á ummælun­
um og að þau hafi verið leið­
rétt. „Undirritaður telur að stefna
Ragnars hafi verið með öllu til­
hæfulaus og sé tilraun til þöggun­
ar á umræðu um málefni sem
hvað heitast hefur brunnið á þjóð­
inni í áratugi sem eru breytingar
á kvótakerfinu og úthlutun
aflaheimilda,“ sagði Þór í tilkynn­
ingu.
Barn hvarf
Lögreglunni á Suðurnesjum barst
tilkynning um að barn sem var
sofandi úti í barnavagni hefði
verið tekið úr vagninum. At­
vikið átti sér stað í Reykjanes­
bæ á milli klukkan 13 til 14 síð­
astliðinn föstudag. Barnið, 14
mánaða stúlka, hafði verið sof­
andi úti í barnavagni við íbúðar­
hús í Reykjanesbæ. Þegar huga
átti að barninu reyndist það ekki
vera í vagninum og eftir skamma
leit heyrðist í því og reyndist það
vera í húsagarði við næsta hús en
milli húsanna er 80–90 sentímetra
há girðing. Málið er til rannsókn­
ar hjá lögreglunni á Suðurnesj­
um sem lítur það mjög alvarlegum
augum.
Á vettvangi Á áttunda tug lögreglu-
manna kom að aðgerðunum.