Dagblaðið Vísir - DV - 17.12.2012, Síða 6

6 Fréttir 17. desember 2012 Mánudagur
Borgin bótaskyld vegna kennslustofu
n Kennari hætti störfum vegna astma
R
eykjavíkurborg er bótaskyld
gagnvart fyrrverandi smíða­
kennara í Laugarnesskóla sem
hætta þurfti kennslu vegna
slæms astma. Héraðsdómur Reykja­
víkur féllst á föstudag á þá skoðun
kennarans að aðstæður í kennslu­
stofunni þar sem hann sinnti vinnu
hafi ekki verið nógu góðar og að sjúk­
dómurinn hafi ágerst þess vegna.
Samkvæmt framburði læknis fyrir
dómi kom fram að kennarinn hafi
verið með slæmt tilfelli astma sem
versnaði vegna kulda, ryks, sterkrar
lyktar og sérstaklega kvefpesta.
Skýrslur Vinnueftirlitsins, sem
kom í nokkrar eftirlitsferðir í kennslu­
stofuna, voru lagðar fyrir dóminn
en í þeim voru gerðar athugasemdir
vegna aðstöðunnar þar. Í dómnum
segir að svo virðist sem Vinnueftirlitið
hafi séð í gegnum fingur sér varðandi
aðstöðuna því til hafi staðið að reisa
nýja stofu. „Ekki kemur fram í gögn­
um málsins nánari frásögn af ný­
byggingu þessari og áætlunum um
hana, en hafi aðstæður verið ófull­
nægjandi dugar ekki að benda á hug­
myndir um byggingu nýs húss,“ segir í
niðurstöðu dómsins.
Dómurinn telur augljóst orsaka­
samhengi á milli sjúkdóms kennar­
ans og vanrækslu skólastjórnenda til
að bæta aðstöðu þar sem heilsufar
hans hafi batnað á sumrin þegar hann
var ekki í skólanum og eftir að hann
hætti störfum. Niðurstaða dómsins
um bótaskyldu borgarinnar var byggð
á því að einfalt hefði verið að bæta að­
stæður í kennslustofunni svo sjúk­
dómur kennarans plagaði hann ekki
sérstaklega vegna starfsins. n
n Samningaferlinu um framtíð Frumherja á að vera lokið
F
innur Ingólfsson, fjárfestir og
fyrrverandi þingmaður, ráð­
herra, seðlabankastjóri og for­
stjóri VÍS, heldur skoðunar­
fyrirtækinu Frumherja eftir
áralangar samningaviðræður við Ís­
landsbanka um framtíðareignarhald
félagsins. Þetta kemur fram í ársreikn­
ingi Frumherja fyrir árið 2011 sem ný­
lega var skilað til ársreikningaskrár
ríkisskattstjóra. Viðræður Frumherja
og Íslandsbanka um framtíð félagsins
hafa staðið yfir síðastliðin ár en í árs­
reikningnum er tekið fram að þeim
eigi að verða lokið í lok þessa árs.
Frumherji er skoðunarfyrirtæki
sem er einna þekktast fyrir bifreiða­
skoðun. Fyrirtækið hefur verið með
um 60 til 70 prósenta hlutdeild á bif­
reiðaskoðunarmarkaðnum hér á
landi síðastliðin ár en það kann að
hafa breyst aðeins með tilkomu Tékk­
lands. Fyrirtækið er með starfsemi á
30 stöðum á landinu á sex mismun­
andi sviðum skoðunar. Um 100 starfs­
menn vinna hjá Frumherja.
Finnur Ingólfsson keypti
skoðunarfyrirtækið af athafnamann­
inum Óskari Eyjólfssyni sumarið
2007 og hefur átt það síðan í gegnum
eignarhaldsfélagið Spector ásamt
Jóhanni Ásgeiri Baldurs, eftirmanni
Finns á forstjórastóli Vátryggingafé­
lags Íslands, og Helga S. Guðmunds­
syni, fyrrverandi bankaráðsformanni
Landsbankans. Eftir efnahagshrunið
eru hlutabréfin í Frumherja eina
verulega verðbréfaeign Finns Ingólfs­
sonar.
Viljayfirlýsing við Íslandsbanka
Í ársreikningi Frumherja fyrir
árið 2011 er að finna skýringu um
rekstrar hæfi félagsins sem er sam­
hljóma skýringu sem var birt í árs­
reikningi fyrir 2010 fyrir utan að
breytt hefur verið lokaári samninga­
ferlisins við Íslandsbanka. Orðrétt
segir í skýringunni: „Frumherji hf. og
Íslandsbanki hafa skrifað undir vilja­
yfirlýsingu um fjárhagslega endur­
skipulagningu Frumherja hf. Í vilja­
yfirlýsingunni kemur meðal annars
fram að markmið fjárhagslegrar
endurskipulagningar félagsins sé að
tryggja áframhaldandi starfsemi fé­
lagsins, tryggja hagsmuni starfsfólks
og birgja, tryggja hámarks endur­
heimtur Íslandsbanka hf. vegna úti­
standandi lána bankans til Frum­
herja hf. Rekstur félagsins hefur að
mestu gengið samkvæmt áætlun­
um þrátt fyrir niðursveifluna í efna­
hagslífinu og telst félagið því lífvæn­
legt í skilningi sameiginlegra reglna
fjármálafyrirtækja um fjárhags­
lega endurskipulagningu fyrirtækja.
Stefnt er að því að fyrirsvarsmenn og
eigendur Frumherja hf. annars vegar
og Íslandsbanki hf. hins vegar hafi
náð samkomulagi fyrir árslok 2012
um eiginfjármögnun og lánasam­
setningu félagsins.“
Finnur Ingólfsson og viðskipta­
félagar hans virðast því halda Frum­
herja eftir þessa fjárhagslegu endur­
skipulagningu.
Tapaði 370 milljónum
Frumherji tapaði rúmlega 370 millj­
ónum króna í fyrra en að mestu var
um ræða fjármagnsgjöld, gengistap.
Rekstrartekjur Frumherja námu tæp­
lega 1.450 milljónum króna. Út frá
þessum tölum er ljóst að fyrirtækinu
liggur á að endursemja um skuldir
sínar sem eru að mestu leyti í erlend­
um myntum.
Samkvæmt efnahagsreikningi
Frumherja námu eignir samstæð­
unnar rúmlega 2.370 milljónum
króna og voru rúmlega 2.670 milljóna
skuldir á móti þessum eignum. Bók­
fært eigið fé félagsins í árslok 2011
var neikvætt um tæplega 299 milljón­
ir króna. Um 1.700 milljónir króna af
eignunum eru viðskiptavild.
Í ársreikningnum er gerður fyrir­
vari um skuldastöðu félagsins vegna
dóma um ólögmæti gengislána. n
Finnur Ingólfsson
heldur Frumherja
Tekjur upp á 1.450 milljónir
Frumherji er með tekjur upp á
rúmlega 1.450 milljónir króna.
Finnur Ingólfsson hefur haldið
félaginu eftir hrunið og áralangar
viðræður við Íslandsbanka.
Ingi Freyr Vilhjálmsson
fréttastjóri skrifar ingi@dv.is
„Stefnt er að því
að fyrirsvars-
menn og eigendur
Frumherja hf. annars
vegar og Íslandsbanki
hf. hins vegar hafi náð
samkomulagi fyrir
árslok 2012
Ábyrg Héraðsdómur telur Reykjavíkurborg bótaskylda vegna ótímabærra starfsloka
smíðakennara.
Haldlögðu mjólk
Niðursoðin mjólk var meðal
þess sem yfirvöld lögðu hald á í
aðgerðum gegn ólöglegum mat­
vælum fyrr í þessum mánuði.
Vörurnar komu frá löndum utan
Evrópska efnahagssvæðisins og
voru ekki vottaðar eins og reglur
gera ráð fyrir. RÚV greinir frá
þessu.
Tollstjóraembættið til­
kynnti á laugardag um aðgerð­
ir gegn innflutningi og sölu á
fölsuðum og ólöglegum mat­
vælum og drykkjum í samstarfi
við Heilbrigðiseftirlitið og Mat­
vælastofnun. Um var að ræða
hluta af alþjóðlegri aðgerð sem
heitir Opson II og tuttugu og níu
lönd tóku þátt í.
Ekki hefur verið gefið upp
hvar þessi niðursoðna mjólk var
seld. Engar vísbendingar eru um
að varan sjálf sé hættuleg.
Ríkið
bótaskylt
Íslenska ríkið hefur verið dæmt
til að greiða Valgeiri Magnússyni
300 þúsund krónur í bætur með
vöxtum eftir að hann var beittur
harðræði af lögregluþjónum á
Suðurnesjum. Lögreglumaður er
í dómi héraðsdóms sagður hafa
farið offari í starfi sínu. Það stórsá
á Valgeiri eftir samskipti hans
við lögreglumenn en hann fór á
bráðamóttöku Heilbrigðisstofn­
unar Suðurnesja eftir að honum
var sleppt. Þar kom fram að hann
var með kúlu höfði og mar á hálsi
ásamt ýmsum áverkum víðsvegar
um líkamann meðal annars
tveggja sentímetra djúpan skurð
á hendi.
Aðfaranótt 17 desember
árið 2009 barst lögreglunni á
Suðurnesjum kvörtun vegna
hávaða úr íbúð í Grindavík. Fóru
tveir lögreglumenn á staðinn.
Þeir virðast fljótlega hafa misst
stjórn á sér. Samkvæmt frum­
skýrslu lögreglunnar töldu þeir
að Valgeir væri undir áhrifum
örvandi efna. Þvagprufa staðfesti
hins vegar síðar að svo var ekki.
Valgeir lýsti því fyrir dómi
hvernig lögreglumaður hefði
tekið hann svo harkalegu háls­
taki að hann hafi verið við það
að kafna. Lögreglumaður sagðist
ekki kannast við að hafa tekið
manninn svæfingartaki en sam­
kvæmt læknisvottorði reyndist
ákærði vera með mar á framan­
verðum hálsi og til hliðar, við
brjóstbein og á öxl. Þá var hann
einnig með sprungnar háræð­
ar í augnhvítu. Áverkarnir þóttu
styðja frásögn mannsins um að
hann hefði verið tekinn hálstaki.