Dagblaðið Vísir - DV - 17.12.2012, Qupperneq 12

12 Erlent 17. desember 2012 Mánudagur
Með kókaín í
brjóstafyllingu
Tollverðir á flugvellinum í
Barcelona stöðvuðu för konu frá
Panama sem reyndi að smygla
tæplega 1,4 kílóum af kókaíni til
Spánar. Málið þykir hið óvenju-
legasta því kókaíninu hafði verið
komið fyrir inni í silíkonpúðum
sem nýlega höfðu verið sett-
ir í brjóst hennar. Konan vakti
athygli tollvarða þegar blóð-
blettir sáust á peysu hennar.
Þegar hún var beðin um að fara
úr peysunni sást greinilega að
hún hafði nýlega gengist undir
aðgerð á brjóstum. Konan var
þvínæst send á sjúkrahús þar
sem brjóstafyllingin var fjarlægð.
Kom þá í ljós að í púðunum var
mikið magn kókaíns. Konan kom
til Spánar með flugi frá Bogota,
höfuðborg Kólumbíu.
11 ára fangelsi
fyrir morð á
blaðamanni
Rússinn Dmitry Pavlyuchenkov
var á föstudag dæmdur í ellefu ára
fangelsi fyrir aðild að morðinu á
blaðakonunni Önnu Politkovska-
ya árið 2006. Pavlyuchenkov,
fyrrverandi lögreglumanni sem
tengdist skipulögðum glæpasam-
tökum í Tsjetsjeníu, var einnig
gert að greiða sem samsvarar 12
milljónum króna í bætur til barna
Önnu. Fimm aðrir voru ákærðir
í málinu og bíða þeir enn dóms.
Anna var rannsóknarblaðamað-
ur sem skrifaði á gagnrýninn hátt
um stjórnvöld í Kreml og ítök
rússneska hersins í Tsjetsjeníu.
Hún var skotin til bana á heimili
sínu í Moskvu í október 2006.
Saklaus í
fangelsi í 17 ár
Tveir Bandaríkjamenn, Eric Glis-
son og Cathy Watkins, eru laus-
ir úr fangelsi eftir að hafa setið
saklausir á bak við lás og slá í
sautján ár. Þau Eric og Cathy
voru dæmd í lífstíðarfangelsi
árið 1995 fyrir morð á leigubíl-
stjóra. Málið gegn þeim var byggt
á framburði eins einstaklings
sem nú er látinn en Eric og Cathy
höfðu ávallt neitað sök.
Eftir að málið var tekið upp
að nýju voru tveir aðrir einstak-
lingar handteknir og hafa þeir
gengist við morðinu á leigubíl-
stjóranum. „Ég ætla að horfa
fram veginn og ekki líta um öxl,“
sagði Glisson við fjölmiðla í síð-
ustu viku en hann hefur ákveðið
að setjast á skólabekk.
T
vítugur maður myrti 27
manns áður en hann svipti
sjálfan sig lífi í skotárás
í bænum Newtown í
Connecti cut í Bandaríkjun-
um á föstudaginn. Skotárásin átti sér
stað í barnaskóla og á meðal þeirra
sem létust voru tuttugu börn, sex og
sjö ára gömul. Morðinginn hét Adam
Lanza en ekki er vitað um ástæður
morðæðisins sem heltók Adam
þennan örlagaríka dag.
Gekk berserksgang í kennslustofu
Áður en Adam réðst inn í Sandy
Hook-barnaskólann að morgni
föstudags myrti hann móður sína á
heimili þeirra skammt frá skólanum.
Því næst ók hann að skólanum og
ruddist hann inn hann, svartklæddur
og í skotheldu vesti. Nýlega voru ör-
yggisreglur skólans hertar og af þeim
sökum voru útidyr skólans læstar
þegar Adam bar að garði. Eftir að
hafa brotist inn hélt morðinginn inn
í skólastofu og hóf skothríðina. Áður
en yfir lauk hafði Adam flutt sig inn í
aðra kennslustofu þar sem hann hélt
grimmdarverkunum áfram þar til
hann svipti sjálfan sig lífi sem hann
gerði að sögn lögreglunnar þegar
hann óttaðist að hann yrði yfirbug-
aður af fullorðnu fólki á staðnum.
Þá höfðu kennarar og annað starfs-
fólk skólans þegar reynt að stöðva
blóðsúthellingarnar en látið lífið.
Þeir sem létust í árásinni höfðu verið
skotnir þrisvar til ellefu sinnum en
voðaverkin framdi Adam vopnaður
hríðskotariffli og tveimur skamm-
byssum sem voru í eigu móður hans.
Bráðgreindur einfari
Hinn tvítugi Adam Lanza átti enga
afbrotasögu að baki. Fyrrverandi
skólafélagar lýsa honum sem bráð-
greindum einfara en hann er sagður
hafa glímt við Aspergerheilkenni eða
einhverfu. Þeim sem til hans þekktu
ber saman um að hann hafi verið
feiminn og ófélagslyndur en sumir
segjast hafa álitið hann búa yfir
snilligáfu. Þrátt fyrir að hafa gengið
afar vel í skóla gekk Adam ekki í há-
skóla líkt og eldri bróðir hans. Þess
í stað bjó hann ásamt móður sinni
í Newtown, en móðir hans er sögð
hafa lagt hart að honum að standa
sig vel í námi. Blandaði Adam sjald-
an gleði við fólk. Nokkrir fréttamiðl-
ar hafa greint frá því að Adam hafi
gengið í Sandy Hook-barnaskólann á
sínum yngri árum en það hefur ekki
verið staðfest.
Foreldrar Adams skildu árið
2009 og er skilnaðurinn sagður
hafa verið honum erfiður. Þeir sem
þekktu til móður Adams bera henni
vel söguna. Eins og áður sagði voru
skotvopnin sem Adam notaði í eigu
hennar. Hún er sögð hafa verið mik-
ill áhugamaður um skotvopn og
komið hefur fram að hún hafi látið
son sinn sækja skotfiminámskeið.
Tilefnið ekki vitað
Rannsókn á morðunum og tildrög-
um þeirra er enn í fullum gangi.
Lögreglan hefur þegar þetta er rit-
að ekki greint frá neinum hald-
bærum vísbendingum um hvað
morðingjanum kann að hafa geng-
ið til. Engar dagbækur hafa fundist
og engin bréf eða annað slíkt sem
skýrt gæti brjálæði mannsins.
Í fyrstu greindu fréttamiðlar frá
því að móðir Adams hefði verið
kennari við skólann og að fórna-
lömbin hefðu verið nemendur
hennar en það er ekki rétt. Því var
einnig haldið fram að Adam hefði
af óþekktum ástæðum rifist harka-
lega við nokkra kennara við skól-
ann daginn fyrir skotárásina. Það
hefur ekki fengist staðfest. Þá var
upphaflega talið að eldri bróðir Ad-
ams, Ryan Lanza, væri morðinginn
og varð honum illa brugðið er hann
sá nafn sitt á síðum helstu netmiðla
Bandaríkjanna.
Kallað eftir hertri vopnalöggjöf
Morðin hafa vakið mikinn óhug
en árásir sem þessar eru því mið-
ur nokkuð tíðar í Bandaríkjunum.
Skemmst er að minnast voðaverk-
anna í bænum Aurora í Colorado
í júlí þegar óður maður myrti tólf
manns og særði tugi alvarlega.
Skotárásin á föstudaginn er sú
allra mannskæðasta í Bandaríkj-
unum í seinni tíð, en í skotárásinni
í Virginia Tech-háskólanum árið
2007 létust 33.
Í kjölfar blóðbaðsins í Connecti-
cut hafa miklar umræður sprottið
upp um vopnalöggjöf vestanhafs
þar sem margir kalla eftir hertri
löggjöf en aðrir telja rýmri reglur
um vopnaburð ákjósanlegri leið.
Dianne Feinstein, öldungadeildar-
þingmaður demókrata, hefur lýst
því yfir að hún hyggist bera fram
frumvarp í þinginu með það fyrir
augum að banna hríðskotabyss-
ur á borð við þá sem Adam Lanza
notaði. Fáir stjórnmálamenn í
Bandaríkjunum hafa talað fyr-
ir hertri vopnalöggjöf enda sýna
skoðanakannanir að meirihluti
Bandaríkjamanna er andvígur
þess konar lagasetningu. n
n Óður maður myrti 27 manns í Newtown í Connecticut
Börnin sem féllu
Myrti tuttugu börn Börnin sem létust í skotárásinni á föstudaginn voru sex og sjö ára gömul.
Ódæðismaðurinn Ekki er vitað hvað hinum tvítuga Adam Lanza gekk til.
Ólafur Kjaran Árnason
blaðamaður skrifar olafurk@dv.is