Dagblaðið Vísir - DV - 22.06.2011, Qupperneq 16

16 | Erlent 22. júní 2011 Miðvikudagur
AFSLÁTTUR VINSTRI HÆGRI!
Bara góðar hliðar
Orkulykillinn færir þér svo miklu meira en bara afslátt af ódýrasta* bensíninu
Orkulykillinn hefur ekkert nema góðar hliðar. Hafðu hann á kippunni og tryggðu þér:
Sæktu um Orkulykilinn í dag á www.orkan.is
E
N
N
E
M
M
/
S
ÍA
/
N
M
4
6
2
6
9
• 2 kr. afslátt hjá Orkunni
• 4 kr. afslátt hjá Shell
• 5 kr. afslátt á Ofurdögum
• 10 kr. afslátt í fyrstu 2 skiptin
• 10 kr. afslátt á afmælisdaginn
• Afslátt af bílavörum
• Afslátt af smurþjónustu
• Afslátt af bílaþvotti
• Greiðslumöguleika á Stöðinni
• Orkuvernd (verðstefna Orkunnar)
• Reglulega endurgreiðsluleiki
• Sérmerkingar lykla
*Samkvæmt www.bensinverd.is
Efnahagskreppan í Grikklandi hefur
kynt undir andúð á innflyjendum
þar í landi. Innflytjandi sem blaða-
maður The Guardian ræddi við sagði
frá morðhótunum í sinn garð. Haka-
krossar hafa verið spreiaðir á veggi í
hverfinu sem og slagorð á borð við
„Innflytjendur, farið heim“. Þá lok-
uðu nýnasistar leikvelli í helsta inn-
flytjendahverfi Aþenu fyrir tveimur
árum en innflytjandinn þorði ekki
þangað af ótta við að verða barinn.
Þá kenndi táningur innflytjendum
um kreppuna, næst á eftir Georgios
A. Papandreou forsætisráðherra og
Alþjóðagjaldeyrissjóðnum, þar sem
þeir tækju peningana sem Grikkir
gætu fengið.
Atkvæðagreiðsla um vantraust
Yfirvöld hafa brugðið á það ráð að
lækka laun opinberra starfsmanna,
bætur og lífeyri, en þær aðgerðir
lögðust illa í fólk. Þá hafa stjórnvöld
skorið niður enn frekar og einkavætt
ríkisfyrirtæki, meðal annars orku-
fyrirtæki landsins, en þessar aðgerð-
ir eru á meðal skilyrða sem ESB og
AGS settu Grikkjum fyrir lánveiting-
um. Grikkir hafa nú beðið um ann-
an björgunarpakka að andvirði 110
milljarða evra.
Þrátt fyrir að hafa stokkað upp í
ríkisstjórn og skipt um fjármálaráð-
herra stóð Papandreou frammi fyr-
ir vantrauststillögu sem ekki var af-
greidd þegar fréttin var skrifuð.
Grikkir neyðast til að skera niður
til að geta borgað skuldir en eftir að
þeir tóku upp evruna varð auðveld-
ara fyrir þá að taka lán. Í kjölfar-
ið eyddu Grikkir miklu fé sem þeir
fengu lánað, til dæmis í Ólympíu-
leikana í Aþenu 2004. Þegar alþjóð-
lega fjárhagskreppan skall á Grikk-
land bárust minni tekjur í skatt og
yfirvöld þurftu að eyða meiru í bætur
en það varð til að auka vanda Grikkja
enn frekar.
Bretar efins um evruna
Mark Hoban, háttsettur embættis-
maður í fjár mála ráðuneyti Bret-
lands, vildi ekki taka undir þá full-
yrðingu að evran myndi lifa af
efnahagsvanda Grikkja. „Ég ætla
ekki að tjá mig um hvort evrusvæðið
verði áfam óskaddað eða ekki,“ sagði
Hoban og bætti við að það hefði ver-
ið rétt ákvörðun fyrir Breta að taka
ekki upp evruna. Engir góðir kostir
eru í stöðunni fyrir Grikkland. Þann-
ig er óttast að úrsögn Grikklands úr
myntbandalaginu og gjaldþrot gæti
haft dómínó-áhrif þar sem Írar og
Portúgalar færu sömu leið. Þá myndi
gjaldþrot líka þýða að lánardrottnar,
meðal annars bankar víða um Evr-
ópu, færu á hausinn sem myndi leiða
til annarrar kreppu líkt og árið 2008.
Efnahagskreppan í Grikklandi þyk-
ir ógna stöðugleika evrunnar og hefur
þess jafnvel verið krafist að Grikkjum
verði sparkað út úr myntsamstarf-
inu. Til dæmis kallaði Boris Johnson,
borgarstjóri í London, eftir því í grein
í Daily Telegraph að Grikkjum yrði
gerður sá greiði að vera leyft að losa
sig við evruna og lýsa yfir gjaldþroti.
Fjármálaráðherrar evruríkjanna gáfu
loforð um að hjálpa Grikkjum á ný en
lánveitingu til Grikkja var frestað þar til
frekari sparnaðaraðgerðir verði sam-
þykktar. Óeining ríkir þó um hvernig
staðið skuli að björgunarpakkanum
en Þjóðverjar vilja að bankar taki á sig
meiri byrði.
Standist Papandreou af sér van-
trauststillögu þarf að ná í gegn sam-
þykki þingsins fyrir sparnaðarað-
gerðum. Þá þurfa fjármálaráðherrar
evruríkjanna að samþykkja 12 millj-
arða evra lán fyrir 3. júlí. Takist
Grikkjum ekki að útvega þá upphæð
fyrir 15. júlí mun Grikkland lýsa yfir
greiðsluþroti.
Gríska kreppan kyndir
undir útlendingahatri
n Gríska þingið greiðir atkvæði um vantraust n Greiðsluþrot yfirvofandi
n Bretar efast um að evran komist í gegnum efnahagsvanda Grikkja
Mótmælendur í Grikklandi Margir eru reiðir vegna niðurskurðaráætlana stjórnvalda.
Björn Reynir Halldórsson
blaðamaður skrifar bjornreynir@dv.is
44 fórust í flug-
slysi í Rússlandi
Rússnesk farþegaflugvél fórst með
þeim afleiðingum að 44 manns létu
lífið. Vélin var á leiðinni frá Moskvu
til Petrozavodsk, nálægt landa-
mærum Finnlands. Vélin var í þann
mund að lenda þegar slysið átti sér
stað en vélin skall niður skammt frá
flugbrautinni, brotnaði í sundur og
stóð í ljósum logum. Átta manns, þar
af systkini á barnsaldri, lifðu slysið
af. Voru þau flutt alvarlega slösuð til
Moskvu til aðhlynningar. Lík lágu á
víð og dreif á nálægum vegi.
Ekki er víst hvort reynt hafi verið
að lenda flugvélinni eða hvað gerð-
ist. Þá voru veðurskilyrði óhagstæð
og skyggni lélegt, að sögn forstjóra
flugvallarins. Ljósabúnaður á flug-
braut virkaði ekki sem gerði flug-
mönnum erfiðara um vik. Rann-
sakað er hvort flugmenn hafi gert
mistök sem leitt hafi til slyssins.
Talsmaður flugfélagsins sagði flug-
vélina í góðu ástandi en flugvélin er
meira en 30 ára gömul.
Flug liggur
niðri í Ástralíu
Öllu flugi til og frá Sydney og
Melbourne í Ástralíu hefur verið
aflýst vegna öskuskýs yfir landinu
vegna eldgoss í Chile sem hófst
4. júní. Í síðustu viku voru tug-
þúsundir manna strandaglópar
vegna öskuskýsins sem fer nú
sinn annan hring um suðurhvel
jarðar. Búist er við að yfir 120
þúsund manns verði fyrir trufl-
unum vegna öskuskýsins sem er í
6–13 kílómetra hæð.
Þetta eru mestu truflanir á
flugumferð síðan gaus í Eyja-
fjallajökli.