Dagblaðið Vísir - DV - 21.11.2011, Blaðsíða 2

2 Fréttir 21. nóvember 2011 Mánudagur
É
g ætla bara að láta þessum degi
ljúka,“ sagði Hanna Birna Krist-
jánsdóttir eftir að úrslit í for-
mannskjöri Sjálfstæðisflokks-
ins voru kunngerð á landsfundi
Sjálfstæðismanna um helgina. Bjarni
Benediktsson stóð uppi sem sigur-
vegari og er enn formaður flokksins
en Hanna Birna bauð sig fram gegn
honum. Ólöf Nordal var einnig end-
urkjörin sem varaformaður flokksins
en séra Halldór Gunnarsson bauð sig
fram gegn henni. Forysta flokksins er
því óbreytt eftir helgina.
Spennuþrungið andrúmsloft
Andrúmsloftið í Laugardalshöllinni
var spennuþrungið þegar til atkvæða-
greiðslu kom enda ljóst að baráttan
væri hörð og alls óvíst hver hefði bet-
ur í formannskjöri flokksins. Þegar
blaðamann bar að garði var fjölmennt
í höllinni og sátu fundargestir þétt
saman við langborð í salnum. Virðu-
legir, jakkafataklæddir karlmenn um
miðjan aldur voru áberandi í salnum,
en almennt virtist fólk vera í sínu fín-
asta pússi og hópurinn frekar einsleit-
ur. Einn fundargestanna skar sig úr frá
öðrum þar sem hann klæddist veiði-
samfestingi í felulitum. Hafði þó sem
betur fer skilið byssuna eftir heima.
Atkvæðagreiðslan fór fram á
sunnudag, hófst klukkan tvö og stóð í
tuttugu mínútur. Það var svo um þrjú-
leytið sem Sturla Böðvarsson fundar-
stjóri lýsti Bjarna réttkjörin formann
flokksins. Bjarni var var endurkjörinn
formaður með 727 atkvæðum eða 55%
greiddra atkvæða og þakkaði klökkur
fyrir sig: „Ég er óendanlega þakklátur
ykkur öllum fyrir stuðninginn.“
Sagði hann einnig að nú væri kom-
inn tími til að láta sverfa til stáls. Það
verður því í hans höndum að leiða
flokkinn í næstu kosningum og reyna
að koma honum aftur í þá lykilstöðu
sem flokkurinn gegndi fyrir hrun.
Þykir klókur
Samkvæmt skoðanakönnunum hefur
Hanna Birna verið sterkari leiðtogi á
landsvísu fyrir flokkinn en Bjarni, en
þær niðurstöður hafa yfirleitt endur-
speglað alla kjósendur en ekki aðeins
Sjálfstæðismenn.
Bjarni Benediktsson hefur verið
umdeildur sem formaður Sjálfstæðis-
flokksins. Hann studdi meðal annars
Icesave-samningana og hefur þátttaka
hans í fjármálalífinu, bæði fyrir og eftir
hrun, þótt vera mjög umdeild. Það
virðist ekki hafa vafist fyrir landsfund-
armönnum sem telja greinilega Bjarna
hafa það sem þarf til að koma flokkn-
um aftur til vegs og virðingar.
Fyrir fundinn ríkti bjartsýni í her-
búðum beggja aðila. Ljóst var að
Hanna Birna nyti ekki fulls traust þing-
flokksins þar sem hún hafði rætt um
að hreinsa þyrfti til á Alþingi, en Bjarni
virtist hafa yfirhöndina hjá samstarfs-
mönnum sínum. Bjarni þykir einnig
hafa verið klókur og komið fleiri stuðn-
ingsmönnum sínum á landsfund, en
eftir framboðsræður þeirra í gær þótti
Hanna Birna draga á hann.
Formaðurinn ljómaði
Eftir kosninguna var létt yfir hópnum
og mátti ekki betur sjá en að fundar-
gestir væru almennt ánægðir með úr-
slitin. Á meðal gesta mátti sjá Vilhjálm
Vilhjálmsson, fyrrverandi borgarstjóra
og dóttur hans, Jóhönnu, ásamt eigin-
manninum Geir Sveinssyni. Skammt
frá stóð Illugi Gunnarsson á spjalli
við Agnesi Bragadóttur, blaðamann
Morgunblaðsins, sem virtist vera í ess-
inu sínu.
Fyrrverandi foringi flokksins, Geir
H. Haarde, gekk um salinn og spjall-
aði við fólk og óskaði því til hamingju
með úrslitin svo ekki var annað að sjá
að hann væri nokkuð sáttur.
Annar fyrrverandi foringi, Dav-
íð Oddsson, var einnig á vettvangi og
gekk hann rösklega í átt að útgangin-
um og vildi ekki ræða úrslit kosning-
anna. „Ég vil ekkert tjá mig það,“ sagði
hann og yfirgaf höllina.
DV náði aftur á móti tali af núver-
andi formanni í anddyrinu í Laugar-
dagshöll þar sem hann stóð og ljóm-
aði. Við hlið hans stóð kona hans með
nýfætt barn þeirra í vagni. Bjarni var
stoltur og hrærður yfir þessum mikla
stuðningi: „Ég er stoltur yfir því að fá
að leiða Sjálfstæðisflokkinn, stærsta
og mikilvægasta stjórnmálafl í land-
inu á þessum gríðarlega mikilvægum
tímum þar sem við stöndum frammi
fyrir því að finna leiðir, hrinda stefnu-
málum í framkvæmd sem varða leið-
ina út úr þeim efnahagsþrengingum
sem við erum að fást við.“
Aðspurður hvort hann hafi ein-
hvern tímann óttast að ná ekki endur-
kjöri sagði hann: „Ég hef aldrei gengið
að neinu sem vísu varðandi það hvort
ég fái áfram umboð. Menn verða að
skila árangri ef þeir ætla að fá umboð
í þessum flokki.“
Pólitísk framtíð óráðin
Hanna Birna virtist hálfbuguð að sjá
þar sem hún ræddi við stuðnings-
menn sína á leiðinni út. Hún var að
vonum ósátt við úrslitin. „Ég vildi auð-
vitað sjá aðra niðurstöðu. Ég taldi þörf
á breytingum og talaði fyrir því. Fund-
urinn var ekki reiðubúinn til þess að
taka það alla leið og þannig er það
bara,“ sagði Hanna Birna. Hún sagðist
ekki ætla að bjóða sig aftur fram í for-
mannsembættið. „Ég hef ekki hugsað
mér það. Ég sé þetta ekki sem eitthvað
sem ég ætla að gera reglulega. Ég leit
svo á að nú væri tækifæri fyrir flokkinn
og ég held að það sé nóg að reyna það
einu sinni.“
Umtalað var að það gæti veikt stöðu
Hönnu Birnu sem formanns flokksins
að hún ætti ekki sæti á Alþingi og gaf
hún það út fyrir landsfundinn að næði
hún kjöri myndi hún bjóða sig fram
til þings í næstu kosningum. Aðspurð
hvort hún muni nú einbeita sér að
borgarmálum segist hún ætla að halda
áfram að sinna sínum störfum sem
kjörinn fulltrúi í Reykjavík og sjá svo til
með framhaldið. Hún vildi ekkert um
það segja hvort enn væri inni í mynd-
inni að bjóða sig fram í næstkomandi
alþingiskosningum. „Við sjáum til. Ég
ætla ekki að taka neinar ákvarðanir á
þessum tímapunkti. Ég ætla bara að
láta þessum degi ljúka.“
Við sama tækifæri sagði hún að
framtíð hennar í stjórnmálum væri
óráðin.
Flokkurinn klofinn
Birgir Guðmundsson, stjórnmála-
fræðingur við Háskólann í Akureyri,
telur að þótt Hanna Birna hafi tapað
þessum slag hafi hún engu tapað á
því að taka hann. „Hún haslar sér völl
sem raunverulegur keppandi um for-
mannsstólinn og stimplar sig ræki-
lega inn í forystusveit flokksins. Það
er ekki hægt að meðhöndla hana eins
og hún sé ekki þungavigtarmanneskja
í flokknum. Hún fékk hátt í helming
atkvæða á landsfundi,“ segir Birgir og
bætir því við að nú sé bara spurning
hvernig hún spili úr því.
„Forystan er skipt. Við erum með
hinn eiginlega foringja sem er Bjarni
en skuggi Hönnu Birnu mun alltaf
vofa yfir honum ef hún nýtir sér það
með því að hafa áhrif og koma sterk
inn í þessu valdaspili í flokknum
þannig að menn geti ekki tekið meiri-
háttar ákvarðanir án þess að hafa
hana með í því. En hennar staða fyrir
utan þingflokkinn gerir það að verk-
um að þetta er svolítið sérstakt.“
Eftirspurn eftir Hönnu Birnu
Birgir telur þó að hún muni bjóða sig
fram til þings. „Stuðningurinn við
hana er það mikill að það verður erfitt
fyrir hana að fara ekki fram.“
Hann gerir ráð fyrir því að í borg-
inni séu einhverjir farnir að hugsa sér
til hreyfings og undirbúa næstu kosn-
ingar. „Ég gæti trúað að það yrði eftir-
spurn eftir henni á báðum stöðum, í
borginni og landsmálum. Hún gaf það
reyndar út að hún myndi ekki starfa
áfram í borginni ef hún yrði kjörin for-
maður en það er spurning hvort hún
muni standa við það.“
Eins og kunnugt er missti Hanna
Birna borgarstjórastólinn í síðustu
kosningum þegar Besti flokkurinn
kom sá og sigraði. „Það er náttúrulega
erfið staða. En það verður að segjast
eins og er að engir augljósir kandídatar
eru til að taka við borginni,“ segir Birgir.
Óljós staða í borginni
Aðspurður segir Birgir að þetta fram-
boð skipti sennilega ekki sköpum
Bjarni þakkaði
klökkur fyrir sig
n Bjarni Ben endurkjörinn formaður Sjálfstæðisflokksins n Forystan helst óbreytt n Framtíð Hönnu Birnu
í pólitík óráðin n „Ég ætla bara að láta þessum degi ljúka“ n Flokkurinn sækir fram og hyllir gamla leiðtoga „Ég hef aldrei
gengið að neinu
sem vísu varðandi það
hvort ég fái áfram um-
boð. Menn verða að skila
árangri ef þeir ætla að fá
umboð í þessum flokki.
„Skuggi Hönnu Birnu
mun alltaf vofa yfir
honum.
Ingibjörg Dögg Kjartansdóttir
blaðamaður skrifar ingibjorg@dv.is
Hanna Ólafsdóttir
blaðamaður skrifar hanna@dv.is
Formaðurinn Bjarni Ben var endurkjörinn
með 55% atkvæða. Hann sneri vörn í sókn
á fundinum, horfði til framtíðar á fundinum
og hyllti gamla leiðtoga.
Styrkti stöðu sína Hanna Birna Kristjánsdóttir braut blað í sögu flokksins með fram-
boðinu. Álitsgjafi DV telur að með því hafi hún styrkt stöðu sína sem stjórnmálamanns og nú
sé ekki hægt að líta fram hjá henni sem þungavigtarmanni í flokknum.