Dagblaðið Vísir - DV - 21.11.2011, Blaðsíða 12

12 Erlent 21. nóvember 2011 Mánudagur
Reiði vegna nektarmyndar
n Íslamistar nota frjálslyndan bloggara sem vopn í kosningabaráttu
H
inn tvítugi egypski bloggari,
Aliaa Magda Elmahdy, birti
á dögunum nektarmyndir af
sér á bloggsíðu sinni. Mynd-
irnar birti hún til þess að mótmæla
íhaldssömu samfélagi Egyptalands.
Bandaríska dagblaðið New York Ti-
mes hefur fjallað um málið að und-
anförnu en í umfjöllun blaðsins
kemur fram að myndbirtingin hafi
vakið upp mikla reiði á meðal ísl-
amista í Egyptalandi. Þá er talið að
myndbirtingin geti haft teljandi áhrif
á þingkosningar sem haldnar verða í
vikunni.
Íslamistar eru sagðir ætla að nota
hana sem vopn í kosningabarátt-
unni til þess að herja á íhaldssama
Egypta. Kosningarnar í vikunni eru
þær fyrstu síðan Hosni Mubarak
lét af embætti sem forseti landsins
síðastliðið vor. Íhaldssamir íslamist-
ar segja að vernda þurfi samfélagið
gegn manneskjum eins og Elmahdy.
„Þeir segja að ef frjálslyndir
vinna þá muni Elmahdy verða fyrir-
mynd ungra kvenna í Egyptalandi,“
er haft eftir Emad Gad hjá egypska
Jafnaðarflokknum. Þeir sem stóðu
að ungliðahreyfingunni sem kennd
er við sjötta apríl í Egyptalandi
neituðu því að Elmahdy hefði ein-
hver tengsl við hreyfinguna eftir að
fregnir bárust af því í Egyptalandi í
síðustu viku.
Elmahdy segist hafa birt mynd-
irnar til þess að berjast gegn íhalds-
semi í Egyptalandi. Kærasti hennar
var í fangelsi í fjögur ár fyrir skrif sín
sem voru talin móðgun í garð íslam
og Mubaraks forseta.
birgir@dv.is
Jólatilboð
Falleg olíumálverk í úrvali
á einstökum verðum
Allt orginal málverk
Erum í Kauptúni 3
Á móti Ikea
S.5800800
Söguleg
heimsókn
Hillary Clinton verður fyrsti utan-
ríkisráðherra Bandaríkjanna í yfir
50 ár til að heimsækja Mjanmar
í Suðaustur-Asíu. Um tveggja
daga ferð er að ræða og er Clinton
væntanleg til landsins 1. desemb-
er næstkomandi. Tilgangurinn er
að efla samskipti Bandaríkjanna
og Mjanmar, samkvæmt Washing-
ton Post, en samskiptin hafa verið
af afar skornum skammti undan-
farna áratugi. Mjanmar, einnig
þekkt sem Búrma, hefur verið tals-
vert í umræðunni undanfarin ár
vegna mannréttindabrota sem
yfirvöld hafa framið á þegnum
landsins. Ástandið þar virðist vera
að breytast til hins betra. Þann-
ig var Nóbelsverðlaunahafanum
Aung San Suu Kyi sleppt úr stofu-
fangelsi í fyrra auk fjölda annarra
pólitískra fanga.
Pakistanar banna
dónaleg orð
Yfirvöld í Pakistan hafa sent lista
til farsímafyrirtækja landsins sem
inniheldur 1.500 orð sem flest
þykja dónaleg eða móðgandi. Hafa
fyrirtækin verið beðin um að úti-
loka eða banna SMS-sendingar
sem innihalda umrædd orð. Anj-
um Nida Rahman, talsmaður far-
símafyrirtækisins Telenor Pakistan,
segir að tilgangurinn sé að koma
í veg fyrir fjöldasendingar, eða
svokallaðan ruslrafpóst. Það sem
vekur athygli er að orðin „Jesús
Kristur“ eru talin óæskileg í smá-
skilaboðum landsmanna. Farsíma-
fyrirtæki landsins hafa sjö daga til
að bregðast við beiðni yfirvalda.
E
ftir tuttugu og einn dag á flótta
og mikinn viðbúnað lögreglu
höfðu rannsóknarlögreglu
menn í Ástralíu loksins hend-
ur í hári Craig Stanley og Re-
beccu Michels. Craig og Rebecca eru
bæði á þrítugsaldri, en Craig hefur
starfað sem einkaspæjari og einbeitt
sér sérstaklega að því að rannsaka
yfirnáttúrulega hluti svo sem drauga-
gang og spámiðla. Þau eru bæði sök-
uð um kynferðisbrot gegn drengjum
á aldrinum 10 til 16 ára, vörslu og
framleiðslu barnakláms og fyrir að
reyna að flýja réttvísina. Ástralskir
fjölmiðlar hafa farið mikinn í frétta-
flutningi af málinu enda ekki á hverj-
um degi sem grunaðir glæpamenn
leggja á svo vel skipulagðan flótta.
Húsleitarheimild
Í lok október gerði lögregla húsleit á
heimili Craig og Rebeccu. Við hús-
leitina fann hún mikið af barnaníðs-
efni og kom fljótlega í ljós að parið
hlaut að hafa lagst í framleiðslu þess
sjálf. Tölvur og myndbandsupptöku-
vélar voru gerðar upptækar í kjöl-
farið. Þau voru þó ekki handtekin en
síðar þennan sama dag lögðu þau
á flótta frá Frankston. Fjölskyldur
þeirra beggja höfðu ekki hugmynd
um húsleitina og létu því lögreglu vita
af því að parið væri horfið. Lögregla
lýsti eftir þeim en neitaði að gefa upp
hvers vegna parið væri eftir lýst, en
sagði það tengjast „alvarlegum glæp-
um“. Þar sem ekki hafði gefist tæki-
færi til þess að ræða við þau væri ekki
mögulegt að upplýsa almenning um
hvers vegna lögregla vildi ná tali af
þeim. Í fyrstu voru þau ekki eftirlýst
sem glæpamenn, heldur sagt að lög-
regla vildi ræða við þau. Lögregla bað
parið um að fara varlega og sleppa því
að gera eitthvað „heimskulegt“. Fjöl-
skyldur þeirra fengu litlar sem engar
upplýsingar um það hvers vegna lög-
reglu fannst svo mikilvægt að ná tali
af þeim, en fjölskyldan tók engu að
síður virkan þátt í leitinni og komu
þau meðal annars fram í sjónvarpi
og fjölmiðlum og grátbáðu Craig og
Rebeccu um að snúa aftur til Melbo-
urne. Það var fjölskyldunni því mikið
áfall að komast að ástæðu þess að lýst
var eftir skötuhjúunum. Craig og Re-
becca, sem nágrannar hafa lýst sem
þægilegu fólki og góðum nágrönn-
um, virðast hafa lifað tvöföldu lífi.
Á tölvum þeirra fannst mikið magn
af barnaníðsefni og þegar efnið var
skoðað nánar kom í ljós að þau bæði
höfðu tekið þátt í framleiðslu þess. Á
myndböndum og ljósmyndum voru
ungir drengir, á aldrinum tíu til sext-
án ára.
Sögðust vera í gullleit
Eina vísbendingin um hvar par-
ið væri staðsett voru skilaboð sem
þau skildu eftir á heimili sínu þess
efnis að þau væru farin að leita að
gulli. Eftirgrennslan lögreglu leiddi
í ljós að parið hafði leigt sér jeppa
sama dag og það hvarf og var lík-
lega á leið til Ballarat. Þegar þangað
kom greiddu þau bílaleigunni fyr-
ir að koma bílnum aftur heim, en
fóru ekki með hann sjálf. Síðan hafði
ekkert til þeirra spurst. Fjölskyldur
þeirra einbeittu sér að því að nota
samfélagsmiðla til að lýsa eftir þeim
og töldu að þau hefðu jafnvel stung-
ið af til að gifta sig, enda væru þau
nýtrúlofuð. Eftir tólf daga á flótta var
gefin út handtökuheimild á hend-
ur Craig og Rebeccu. Það var fjöl-
skyldum þeirra beggja mikið áfall og
systir Rebeccu sendi skilaboð sem
gengu um Facebook þar sem sagði:
„Við elskum og styðjum Rebeccu og
líka Craig, við biðjum þau að snúa
aftur og takast á við þessar ákærur.
Rebecca ef þú sérð þessi skilaboð, þá
elskum við þig og stöndum með þér.“
Ábending frá ferðalöngum
Rúmlega tuttugu dögum eftir að leit
að Craig og Rebeccu hófst voru það
útileguferðalangar sem komu upp
um þau. Ferðalangarnir höfðu séð
lýst eftir þeim í sjónvarpinu og rákust
á Craig fyrir tilviljun í klukkuverslun.
„Ég hringdi á lögregluna og hún kom
mínútu síðar,“ segir Tom Crowhurst
sem býst nú við verðlaunafé fyrir að
hafa gefið lögreglu upplýsingarnar.
Craig og Rebecca eru í haldi lögreglu
og ekki er búist við því að þau fái að
ganga laus fyrr en í fyrsta lagi eftir að
réttað verður yfir þeim vegna kyn-
ferðisbrotanna.
n Eftirlýst vegna framleiðslu og vörslu barnakláms n Lögðu á flótta eftir húsleit
n Fjölskyldan lýsti eftir þeim n Sögðust hafa farið að leita að gulli
Á flótta í 20 daga
„Ég hringdi á lög-
regluna og hún
kom mínútu síðar.
Ásta Sigrún Magnúsdóttir
blaðamaður skrifar astasigrun@dv.is
Þægileg og notaleg Ástæða þess að Craig og Rebecca voru eftirlýst kom nágrönnum
þeirra heldur betur á óvart.
Handtekinn Það var ferðamaður sem leiddi lögreglu að parinu.
Djörf Aliaa Magda Elmahdy mótmælti
íhaldssemi í Egyptalandi með því að birta
nektarmyndir af sér á vefsíðu sinni.