Dagblaðið Vísir - DV - 11.01.2012, Qupperneq 6

Lék sjáLfan sig í
mynd um sLysið
Greiða minna en þroskahamlaðir
n Borgarfulltrúar greiða 410 krónur en fatlaðir 610 fyrir matinn
B
orgarfulltrúar og aðrir embætt-
ismenn hjá Reykjavíkurborg
greiða 410 krónur fyrir hverja
máltíð í Ráðhúsi Reykjavíkur.
Á sama tíma munu þroskahamlaðir
starfsmenn á Bjarkarási og Lækjarási
þurfa að greiða 610 krónur fyrir hverja
máltíð sem þeir borða á meðan þeir
nota dagþjónustuna frá og með næstu
mánaðamótum. Sóley Tómasdóttir,
borgarfulltrúi Vinstri-grænna, bendir
á þetta misræmi á bloggsíðu sinni á
vef Smugunnar.
DV fjallaði ítarlega um málið á
mánudag þar sem Björk Vilhelms-
dóttir, formaður velferðarráðs Reykja-
víkurborgar, neitaði því að með þessu
nýja gjaldi væri borgin að seilast ofan
í vasa þeirra sem minnst mega sín.
Þroskahamlaðir ættu að borga fyr-
ir matinn sinn eins og aðrir. „Það er
verið að leggja á sama gjald í þessu
mötuneyti og í öllum öðrum mötu-
neytum borgarinnar,“ sagði Björk í
samtali við DV. Þá kom fram í umfjöll-
un blaðsins að eftir að breytingarnar
taka gildi myndu launin sem starfs-
menn með takmarkaða vinnugetu
fá fyrir vinnu sína, í sumum tilfellum
ekki duga fyrir matnum.
Sóley segir að röksemdafærsla
Bjarkar standist illa. „Á þeim starfs-
stöðum sem DV fjallaði um í gær
[mánudag, innskot blaðamanns] er
fötluðum einstaklingum gert að greiða
610 krónur fyrir hverja máltíð, en í
Ráðhúsi Reykjavíkur greiða borgar-
fulltrúar og embættismenn 400 krón-
ur fyrir hverja máltíð. Skv. gjaldskrá
Velferðarsviðs eru máltíðir í félags-
miðstöðvum fyrir aldraða svo seldar á
550 krónur,“ segir Sóley á bloggi sínu.
m.dv.is
Lestu fréttir DV í farsíman
um þínum!
É
g hafði samband við bæjar-
stjórann sem bar þessi skilaboð
tvisvar til hans. Í staðinn fyrir að
hringja beint í gemsann hans
vildi ég fara að honum með
nærgætni,“ segir Baltasar Kormákur
um það hvernig að reyndi að setja sig
í samband við Guðlaug Friðþórsson
sem tókst á ótrúlegan hátt að bjarga
lífi sínu þegar Hellisey VE sökk aust-
ur af Stórhöfða 11. mars árið 1984.
Baltasar er að leggja lokahönd á kvik-
myndina Djúpið sem fjallar um sjó-
slysið og afrek Guðlaugs.
Hann fékk þau svör frá bæjarstjór-
anum að Guðlaugur vildi ekki skipta
sér af málinu en setti sig ekki upp á
móti því að myndin yrði gerð. Balt-
asar virti það við hann og réðst í gerð
myndarinnar. „Þetta er náttúrulega
bara skáldverk byggt á ákveðnum at-
burðum,“ segir Baltasar og bendir
á að það sé ekki endilega heppilegt
að hafa þá sem upplifðu atburðina
með í vinnunni. Hann tekur þó fram
að handritið byggi á fjölda viðtala og
opinberum skjölum sem til eru um
málið.
Veit að Guðlaugur er ekki sáttur
Guðlaugur sagði í viðtali í DV á mánu-
daginn að hann væri mjög ósáttur við
gerð myndarinnar. „Mér þætti voða
vænt um að fá að drepast áður en
menn fara að búa til bíó um mann,“
sagði hann. Þá sagðist hann einn-
ig ósáttur við að ekki hefði verið haft
samband við hann áður en ráðist var í
gerð myndarinnar.
Í viðtalinu við Guðlaug kom fram
að Baltasar teldi hann sáttan við gerð
myndarinnar, en Baltasar segir það
ekki rétt. „Það er mikilvægt fyrir mig
að það komi fram að ég sé ekki að
ljúga upp á hann, að hann væri sáttur
við gerð myndarinnar. Ég sagði bara
að við værum sáttir. Það var ekki ann-
að að heyra.“
Heimildamynd gerð sama ár
Kvikmyndin er lauslega byggð á sam-
nefndum einleik Jóns Atla Jónasson-
ar. Hann sendi Guðlaugi handritið en
fékk aldrei nein viðbrögð frá honum.
Né heldur eftir að sýningar á leikrit-
inu voru hafnar. Baltasar taldi það
renna stoðum undir það að hann vildi
hvorki skipta sér af leikritum né kvik-
myndum um atburðinn.
Sterk orð Guðlaugs um að hann
vilji vera kominn yfir móðuna miklu
áður en gerð er bíómynd um hann
eru athyglisverð í ljósi þess að hann
lék sjálfan sig í heimildamyndinni
Reginsund eftir Pál Steingrímsson
sem fjallaði meðal annars um umrætt
sjóslys. Myndin var gerð sama ár og
slysið varð. Þá hefur Guðlaugur kom-
ið fram í fjölmörgum viðtölum bæði
hérlendis og erlendis og lýst reynslu
sinni.
Yrði lögsóttur
Eftir að Guðlaugur tjáði sig fyrst opin-
berlega um Djúpið í Eyjafréttum í
sumar hafði Baltasar þó samband
beint við hann og ræddu þeir mál-
in. Guðlaugur lét óánægju sína í ljós
vegna gerðar myndarinnar en þeir
segjast þó hafa skilið sáttir. „Hann
sagði við mig að hann væri ekki að
reyna að koma í veg fyrir að ég gerði
myndina en vildi ekki að nafn sitt yrði
bendlað við hana. Hefði hann viljað
stöðva myndina þá hefði verið gott að
það hefði komið fram þegar ég hafði
samband við hann.“ Baltasar seg-
ist vera í mjög erfiðri stöðu núna því
hann sé skuldbundinn þeim sjóðum
sem hann fékk styrki úr til að gera
myndina. Skili hann ekki af sér mynd
yrði hann að öllum líkindum lögsótt-
ur.
Ekki fjármagnað
með einkafjármagni
Í samtali við DV sagði Guðlaugur að
um væri að ræða prinsippmál fyr-
ir sig. Að menn sem hefðu hálfótak-
markaðan aðgang að fjármagni gætu
ekki gert það sem þeim sýndist. Í því
samhengi bendir Baltasar á að hann
kvikmyndin sé ekki fjármögnuð með
einkafjármagni heldur hafi hann sótt
um og fengið fjármagn úr Kvikmynda-
sjóði Íslands og fleiri sjóðum til að
gera myndina. En öllum sé heimilt að
sækja um styrki úr sjóðunum.
Baltasar segir myndina auðvitað
byggða á afreki Guðlaugs og þeim
skelfilegu atburðum sem áttu sér stað
þegar Hellisey sökk. Það fari ekkert á
milli mála og hann hafi aldrei reynt
að halda öðru fram. Hins vegar reyndi
hann að koma til móts við óskir Guð-
laugs eins og hann gat. Hann breytti
til að mynda nafni skipsins og aðal-
persónunnar. Hann er kallaður Gulli
í myndinni en ekki Laugi, líkt og Guð-
laugur er jafnan kallaður. Baltasar bar
það undir hann og hann setti sig ekki
upp á móti því.
n Reyndi að hafa samband við Guðlaug fyrir gerð Djúpsins n Segir hann ekki hafa reynt
að stöðva gerð myndarinnar n Yrði líklega lögsóttur ef hann skilaði ekki af sér mynd
„Hann sagði við mig
að hann væri ekki
að reyna að koma í veg
fyrir að ég gerði myndina
en vildi ekki að nafn sitt
yrði bendlað við hana.
Sólrún Lilja Ragnarsdóttir
blaðamaður skrifar solrun@dv.is
6 Fréttir 11. janúar 2012 Miðvikudagur
Lék í mynd Guðlaugur lék sjálfan sig í heim-
ildamyndinni Reginsund sem gerð var árið 1984.
Reyndi að hafa samband Baltasar fékk þær upplýsingar að Guðlaugur vildi ekkert um
myndina segja, en að hann setti sig ekki upp á móti því að hún yrði gerð. MYnD SiGtRYGGuR aRi
Misræmi Sóley bendir á að borgar-
fulltrúar greiði 410 krónur fyrir máltíð en
þroskahamlaðir starfsmenn á Bjarkarási og
Lækjarási 610 krónur.
Póstsamgöngur
fóru úr skorðum
Póstsamgöngur lágu niðri víðast
hvar um landið á þriðjudag vegna
vonskuveðurs og ófærðar. Töf varð
á útburði og útkeyrslu á pósti og
má reikna með að tafir verði áfram
næstu daga, samkvæmt upplýs-
ingum frá Íslandspósti.
Hellisheiði var lokað seint á
mánudagskvöld og var hún enn
lokuð seinnipart þriðjudags og
vegna þessa fór áætlunarferð
Póstsins austur á land úr skorðum.
Á höfuðborgarsvæðinu gekk dreif-
ing hægt fyrir sig en með sam-
stilltu átaki starfsmanna Póstsins
mjakaðist hún þó.
„Aðstoð íbúa og tillitssemi auð-
veldar bréfberum að koma póst-
inum hratt og örugglega til skila,
hvernig sem viðrar. Pósturinn vill
vinsamlegast minna landsmenn
á að gæta að því að moka tröppur
og heimreiðar til auðvelda að-
gengi að póstkössum og lúgum,“
segir í tilkynningu sem Ísland-
spóstur sendi frá sér á þriðjudag.
Enginn póstur var borinn út á
heimili í Vestmannaeyjum, Akra-
nesi, Selfossi, Búðardal, Ólafs-
vík og Stokkseyri auk fleiri staða á
þriðjudag.
Gómaður
við innbrot
Lögreglan á höfuðborgarsvæðinu
stóð innbrotsþjóf að verki á Skóla-
vörðustíg aðfaranótt þriðjudags.
Samkvæmt upplýsingum frá lög-
reglu reyndi maðurinn að brjót-
ast inn í verslun klukkan eitt eftir
miðnætti. Maðurinn var handtek-
inn og var hann sendur rakleiðis í
fangageymslu þar sem hann fékk
að gista. Hann var svo yfirheyrður
á þriðjudag. Maðurinn er um fer-
tugt að sögn lögreglu.