Dagblaðið Vísir - DV - 11.01.2012, Blaðsíða 16

Sandkorn
Þ
eir Dagur B. Eggertsson og
Jón Gnarr bera á því ábyrgð
að fólk slasaði sig í Reykja­
vík um síðustu helgi. Fjöldi
manns hlaut beinbrot eða
skráveifur vegna þess ástands sem
skapaðist þegar glerhálka myndaðist
á götum og gangstéttum. Af óskiljan­
legum ástæðum ákváðu borgaryfir­
völd að gera ekkert til að lágmarka
þá hættu sem borgurum stafaði af
ástandinu. Hvorki var sandborið né
saltað. Dagur og Jón sváfu á verði sín­
um um helgina og brugðust borgar­
búum.
Fyrir ákveðinn hóp fólks ríkti
neyðarástand vegna hálkunnar. Ör­
yrkjar og eldri borgarar sátu fastir
heima eða lögðu sig í háska við að
komast á milli húsa eftir flughálum
svellbunkum. Á götunum voru bílar
fastir, hver um annan þveran. Svona
ástand, í borg sem á allt sitt undir
samgöngum, er skelfilegt og leiddi til
þess að skemmdir urðu á bifreiðum
og slys á fólki.
Það alvarlegasta við þetta var þó
viðhorf borgaryfirvalda sem sáu ná­
kvæmlega ekkert athugavert við af­
glöpin. Hann grínaðist með að saltið
hefði slæm umhverfisáhrif og því best
að sleppa því. Þá hélt hann því fram
að sandurinn væri með þeim ósköp­
um að það þyrfti að sópa honum upp
aftur. Því væri best að sleppa því að
sandbera. Niðurstaða borgarstjórans
var því sú að þessa hálkuhelgi væri
best að gera ekki neitt og leyfa al­
menningi að spreyta sig í háskanum.
Og borgin er víðar á undarlegum
brautum. DV greindi frá því á mánu­
daginn að þroskahamlaðir starfs­
menn á Bjarkarási og Lækjarási eiga
nú að greiða yfir 600 krónur fyrir
hverja máltíð sem þeir neyta á vinnu­
tíma. Þetta fólk er á smánarlaunum
sem í einhverjum tilvikum duga ekki
fyrir matnum. Starfsfólkið þarf þann­
ig að borga með sér til að fá að borða.
Þetta er óboðleg framkoma borgar­
yfirvalda sem sýna með þessu takt­
leysi gagnvart þeim sem eru minni­
máttar. „Jón Gnarr má skammast
sín,“ sagði Úlfar Bjarki Hjaltason sem
þénar ekki lengur fyrir hádegismatn­
um. Þetta eru orð að sönnu. Borgar­
yfirvöldum væri sæmst að afturkalla
þessa tilskipun og létta fólkinu lífið.
Besti flokkurinn var kosinn til áhrifa
til að mótmæla veldi fjórflokksins
sem brást. Velgengni framboðsins átti
sér rætur í því að almenningur var að
senda gömlu flokkunum fokkmerki
og vonaðist eftir réttlæti og mannúð.
Dagur B. Eggertsson, leiðtogi Sam­
fylkingar, fullkomnaði framboðið með
því að leiða Besta flokkinn til æðstu
áhrifa í borginni. Sá flokkur hefur gert
margt gott, svo sem að koma skikk á
óráðsíuna hjá Orkuveitu Reykjavíkur
þar sem gullkálfar fjórflokksins voru á
spena og beit. Vandinn er hins vegar
sá að fyrirmenni Besta flokksins og
Samfylkingar ná ekki að greina á milli
nauðsynlegrar þjónustu við íbúana og
óráðsíu sem á rætur í pólitískri spill­
ingu. Frammistaða þeirra um helgina
ber í sér falleinkunn. Þau eiga að biðja
brotna sem óbrotna borgarbúa afsök­
unar á því rugli sem átti sér stað. Ör­
yggi borgarbúa á að vera öllu öðru ofar.
Og það á ekki að níðast á minnimáttar
með álögum sem í samhenginu skipta
engu máli. Jón Gnarr þarf að rétta
kúrsinn.
Forseti á flótta
Forsetinn, Ólafur Ragnar
Grímsson, hefur ekki svarað
því með afdráttarlausum
hætti hvort
hann sækist
eftir því að
sitja áfram á
Bessastöðum.
Margslungn­
ar kenning­
ar eru á lofti
varðandi vilja Ólafs, meðal
annars að hann bíði þess
að verða hvattur áfram með
undirskriftum. Þetta seinki
því jafnframt að formleg
kosningabarátta hefjist, sem
gæti reynst forsetanum vel.
Ríkisútvarpið tók viðtal við
forsetann í síðustu viku. Nú
hefur frést að forsetinn hafi
sprottið á fætur og gengið út
úr viðtalinu þegar fréttamað­
urinn þráspurði hann um
framtíðaráformin. Aðeins
stuttur hluti viðtalsins hefur
birst opinberlega.
Fokreiður
útvarpsmaður
n Útvarpsmaðurinn Freyr
Eyjólfsson er á meðal þeirra
allra geðprúðustu á ljósvaka­
miðlunum.
Á þessu varð
þó misbrest­
ur á mánu­
dag þegar
Morgunút­
varp Rásar 2
tóku á móti
símtölum hlustenda vegna
þess ástands sem skapaðist
á höfuðborgarsvæðinu um
helgina þegar hálkuvörnum
var sleppti við verstu að­
stæður. Jens Jónsson frá Ísa­
firði hringdi inn og kvartaði
yfir því að hafa ekki fundið
neinn snjó þegar hann ók
suður. Freyr snöggreiddist og
lét innhringjandann hafa það
óþvegið og sleit samtalinu
með því að skella á.
Þingmaður á fjall
n Þingmaðurinn Sigmundur
Ernir Rúnarsson er þekktur fyr­
ir áhuga sinn á golfi. Nú hef­
ur hann bætt
um betur og
er lagstur í
fjallgöngur.
Sigmundur
og kona hans
eru hluti af
130 manna
hópi Ferðafélags Íslands
sem hyggst ganga á 52 fjöll á
árinu og toppa með göngu á
Hvannadalshnjúk í vor. Sig­
mundur er þegar búinn að
fara í fyrstu gönguna og þótti
ganga vasklega á Úlfarsfell í
suddaveðri og þoku.
Súkkulaði
frá flokknum
n Elliði Vignissson bæjar­
stjóri og aðrir sjálfstæðis­
menn í Eyjum vita nákvæm­
lega hvernig á að tryggja að
endurnýjun eigi sér stað í
flokknum. Félag sjálfstæðis­
manna, Eyverjar, stendur ár­
lega fyrir grímuballi í kring­
um þréttándann. Þangað
koma atkvæði framtíðarinn­
ar og fá sælgæti og glaðning
frá gömlu flokkshundunum.
Súkkulaðibörnin streyma
inn og Sjálfstæðisflokkurinn
stendur traustum fótum í
Eyjum.
Ég var oft
með verki
Hann er í
skýjunum
Kristín Tinna Aradóttir fékk ígrædda gallaða silíkonpúða. – DV Ósk Norðfjörð segir kærastann hæstánægðan með væntanlegan erfingja en Ósk á von á sínu sjötta barni. – DV
„Jón Gnarr má skammast sín“
Leiðari
Reynir Traustason
rt@dv.is
U
ndanfarin ár hef ég komist á þá
skoðun að á Íslandi séu ríkjandi
tvö meginviðhorf til þess hvaða
stjórnarfar eigi að vera ríkjandi
í landinu. Annars vegar er um að ræða
lýðræðissinna sem telja að stjórn­
málamenn eigi að taka tillit til skoð­
ana almennings hverju sinni. Hins
vegar eru þingræðissinnar sem telja
að stjórnmálamenn þurfi ekki að virða
skoðanir almennings milli kosninga.
Sem lýðræðissinna, hefur mér
fundist sem lýðræðið hafi átt undir
högg að sækja þegar kemur að athöfn­
um þings og framkvæmdavalds. Það
sem hefur orðið okkur lýðræðissinn­
um til happs, er að núverandi forseti
Íslands, hefur borið gæfu til að gæta
hagsmuna almennings í veigamiklum
málum. En hann hefur nú kosið að
víkja sæti.
Með hliðsjón af ofangreindu, hef ég
ákveðið að bjóða mig fram til emb­
ættis forseta Íslands, til að halda áfram
á þeirri vegferð sem Ólafur Ragnar
Grímsson hóf í sinni embættistíð. For­
seti verður að vera meðvitaður um öll
völd og skyldur forseta eins og þau
birtast í núverandi stjórnarskrá og haga
störfum sínum í samræmi við það. Ég
býð mig fram undir þeim formerkjum
að halda í heiðri lýðræðislegum rétti
almennings til að hafa áhrif á framtíð
sína. Enda tel ég nauðsynlegt að al­
menningur láti í ljós skoðun sína á því
hvernig hann vill að embættið þróist og
hafi til þess skýran valkost.
Hið mikla hrun sem varð á haust­
dögum 2008 hafði djúp og sterk áhrif
á almenning í landinu. Því miður hef­
ur hann verið skilinn eftir í örvænt­
ingu, án úrræða eða framtíðarsýnar.
Íslenskt samfélag þarfnast fram­
tíðarsýnar svo það geti losað sig úr
hlekkjum fortíðar og haldið áfram til
hagsældar.
Engin raunveruleg lausn fæst án
þess að leita að orsökum þeirra afleið­
inga sem við stöndum frammi fyrir.
Núverandi ráðamenn virðast ekki gera
sér grein fyrir þessum orsökum. Svo
lengi sem þetta skilningsleysi varir,
munu ekki verða neinar raunverulega
breytingar á Íslandi almenningi til
hagsbóta.
Fólkið á rétt á réttlæti
Það særir mína sterku réttlætiskennd,
hvernig almenningur er látinn líða
fyrir sérhagsmunina. Það særir mína
réttlætiskennd að horfa upp á ein­
staklinga standa frammi fyrir þeirri
staðreynd að þurfa að hverfa til starfa í
fjarlægum löndum til að geta séð fjöl­
skyldum sínum farborða. Það særir
mína réttlætiskennd að upplifa ör­
væntingu einstaklinga sem án nokk­
urra saka þeirrar sjálfra, þurfa að búa
við aðstæður sem ekki tilheyra þeim
tíma sem við búum á.
Á meðan „lausnir“ ríkisstjórnar­
innar byggja á því að endurreisa fjár­
málakerfið á sama grunni og það var á
fyrir 2008, þá mun almenningur aldrei
njóta sanngirni eða réttlætis. Það er
grundvallaratriði að hagsmunum al­
mennings verði ekki fórnað fyrir sér­
hagsmuni og þurfa allar embættis­
færslur forseta að hafa þetta í heiðri.
Ég veit hvar vandinn liggur og ég
veit hvaða leiðir liggja til hagsældar
án skuldaþrælkunar. Hagsældar sem
berst almenningi sem eign en ekki
skuld. Hagsældar sem varir, en er ekki
brotin niður á nokkurra ára fresti af
vanstilltu fjármálakerfi.
Hið nýja Ísland
Ég á mér framtíðarsýn þar sem ein­
staklingurinn getur búið í þessu sam­
félagi og látið drauma sína, vonir og
þrár rætast. Samfélags þar sem ein­
staklingurinn hefur frelsi til að leita
sér þeirra hamingju sem hann óskar
sér, svo lengi sem það skaðar ekki
þriðja aðila.
Sem forseti Íslands get ég leitt ís­
lenskt samfélag til þessarar framtíðar­
sýnar. Ég tel að núverandi forseti hafi
lagt grunninn að slíkri sýn á grund­
velli þeirrar stjórnarskrár sem nú er í
gildi. Það er ekki úrslitaatriði að breyta
núverandi stjórnarskrá, mun frekar er
þörf á því að fara eftir henni.
Við búum í landi sem getur verið
hart og óbilgjarnt, en um leið gjöf­
ult og vænt þeim sem þar búa. Við
höfum búið hér í rúmlega 2.000 ár
og það eru engar forsendur til að
ætla annað en að við getum búið
hér áfram. Við verðum hins vegar að
gæta að gæðum landsins og frelsi.
Glötum við þessum hlutum, glötum
við samfélaginu.
Okkar harðbýla land hefur alið
hér samfélag einstaklinga sem tekur
til hendinni þegar við á. Einstaklinga
sem eru óragir við að takast á við erfið
verkefni og venjulega leysa þau með
glæsibrag. Ég hef fulla trú á því að við
sem þjóð getum risið upp og haldið
til framtíðar samhent og með von í
hjarta.
Þess vegna býð ég mig fram
„Það særir mína
sterku réttlætis-
kennd, hvernig almenn-
ingur er látinn líða fyrir sér-
hagsmunina.
Útgáfufélag: DV ehf. Stjórnarformaður: Lilja Skaftadóttir Ritstjórar: Jón Trausti Reynisson (jontrausti@dv.is) og Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is)
Umsjón helgarblaðs: Ingibjörg Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri: Stefán T. Sigurðsson (sts@dv.is)
Sölu- og markaðsstjóri: Heiða B. Heiðarsdóttir (heida@dv.is) Hönnunarstjóri: Jón Ingi Stefánsson (joningi@dv.is) Umbrot: DV Prentun: Landsprent Dreifing: Árvakur DV á netinu: DV.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
16 11. janúar 2012 Miðvikudagur
Aðsent
Jón Lárusson
forsetaframbjóðandi
„Þau eiga
að biðja
brotna sem
óbrotna borgar-
búa afsökunar