Dagblaðið Vísir - DV - 11.01.2012, Síða 21

Sport 21Miðvikudagur 11. janúar 2012
Horfir til
Abidal
Arsene Wenger, knattspyrnu­
stjóri Arsenal, ætlar sér að
landa franska vinstri bak­
verðinum Eric Abidal í sum­
ar samkvæmt spænskum
miðlum en samningur bak­
varðarins rennur út í sumar.
Liverpool er einnig sagt hafa
áhuga á þessum sterka bak­
verði en franska tengingin
við Wenger gæti ráðið för
Abidals. Það er þó ekki loku
fyrir það skotið að Arsenal
klófesti Aly Cissohco, bak­
vörð Lyon, í janúarmánuði
og þá mun Liverpool standa
eitt í eltingarleiknum við
Abidal.
Fékk áritaða
treyju hjá
Balotelli
David Beckham bað Mario
Balotelli, framherja Man­
chester City, um áritaða
treyju eftir bikarleik Man­
chester­liðanna síðastlið­
inn sunnudag. Treyjan var
þó ekki fyrir hann sjálfan
heldur elsta soninn, Brook­
lyn, sem er víst duglegur að
safna treyjum frægra knatt­
spyrnukappa. Balotelli var
ekki lengi að árita treyjuna
og rétta Beckham hana þrátt
fyrir að David sé goðsögn í
lifanda lífi hjá Manchester
United, nágrönnum City.
Kranjcar
fer ekkert
Króatíski landsliðsmaður­
inn Niko Kranjcar ætlar
ekki að yfirgefa Tottenham í
janúar þrátt fyrir lítinn spil­
tíma. Það er mikilvægt fyrir
Kranjcar að fá að spila þar
sem hann er að berjast um
sæti í hóp Króatíu á EM í
sumar en hann ætlar sér að
taka slaginn hjá Tottenham
og vinna sér inn sæti. „Ég
veit ekki hvað framtíðin ber
í skauti sér, en það eina sem
ég veit er að næstu mánuði
verð ég áfram hjá Totten­
ham. Vonandi kemst ég í gott
form og á gott ár,“ segir Niko
Kranjcar.
Þ
að eru aðeins fimm
dagar í að Evrópumót­
ið í handbolta hefjist
í Serbíu en þar verða
strákarnir okkar í riðli
með Króatíu, Slóveníu og Nor­
egi. Undirbúningur er á loka­
stigi en síðasti æfingaleikur­
inn verður gegn Finnlandi í
Laugardalshöll á föstudaginn
og vonast Guðmundur Þórð­
ur Guðmundsson landsliðs­
þjálfari eftir góðri mætingu svo
strákarnir geti tekið með sér ís­
lenska stemningu til Serbíu. Ís­
land lenti í öðru sæti á undir­
búningsmóti í Danmörku um
síðastliðna helgi þar sem liðið
gerði jafntefli við Pólland, vann
Slóvena og tapaði fyrir Dönum
í úrslitaleik. Guðmundur seg­
ir hópinn í fínu ástandi þrátt
fyrir smávægileg meiðsli en
hann blæs á þá mýtu að Róbert
Gunnarsson sé ekki í leikformi.
Snorri kemur
á fimmtudaginn
„Við erum með nokkra menn
í hvíld fram á morgundaginn
[miðvikudaginn], bæði vegna
þreytu og meiðsla,“ segir Guð­
mundur en þeir Guðjón Val­
ur Sigurðsson og Ingimund­
ur Ingimundarson eiga við
smávægileg meiðsli að stríða.
„Guðjón Valur fékk tak í lærið
og spilaði því ekki síðasta leik­
inn gegn Dönum. Ingimundur
hefur verið að glíma við eymsli
í nára sem stífnaði upp eftir
leikinn gegn Slóvenum. Hann
spilaði því heldur ekki gegn
Dönum. Svo er Alexander bara
þreyttur og fær hvíld vegna
þess,“ segir Guðmundur.
Góðu tíðindin eru þó þau
að leikstjórnandi liðsins, Snorri
Steinn Guðjónsson, kemur til
móts við liðið á fimmtudaginn
og verður með á EM. Þátttaka
hans hafði verið í uppnámi þar
sem hann var að bíða eftir að
kona sín eignaðist barn. Barnið
er nú komið í heiminn og mun
Snorri stýra sóknarleik liðsins.
„Það er auðvitað ekki gott þeg­
ar lykilmaður er ekki til stað­
ar en það var bara ekkert við
því að gera,“ segir Guðmundur
um fjarveru Snorra á æfinga­
mótinu í Danmörku. Það er þó
huggun harmi gegn að Snorri
þarf ekki að læra fræðin upp
á nýtt þegar hann snýr aftur.
„Nei, nei. Hann er með þetta.
Það er enginn vafi á því,“ segir
Guðmundur.
Fækka brottvísunum
„Varnarleikurinn var yfirleitt
nokkuð góður og hraðaupp­
hlaupin að virka vel, allavega
í fyrstu tveimur leikjunum,“
svarar Guðmundur aðspurð­
ur hvað hann hafi séð gott hjá
íslenska liðinu í Danmörku.
„Sóknarleikurinn batnaði eftir
því sem á leið mótið. Hann var
bestur á móti Dönum. Hann
var ekkert sérstakur í sigur­
leiknum gegn Slóvenum. Þar
skoruðum við mikið úr hröð­
um upphlaupum og hornum.
Sóknarleikurinn var ansi kafla­
skiptur,“ segir Guðmundur sem
var einnig ánægður með varn­
arleikinn.
Hann var þó ekki ánægður
með tæknilegu mistökin sem
liðið var að gera, sérstaklega í
fyrsta leiknum gegn Pólverjum.
„Það var alltof mikið af þeim
í fyrri hálfleik á móti Pólverj­
um. Bæði sendingarfeilum og
sóknarbrotum. Þetta var eigin­
lega orðið absúrd. Svo kom líka
kafli í leiknum þar sem við vor­
um að troða boltanum of mik­
ið inn á línuna of snemma. Svo
var ég ekki nægilega ánægður
með nokkra af þeim tveggja
mínútna brottvísunum sem við
vorum að fá. Menn verða átta
sig betur á hvernig dómararn­
ir eru að dæma. Gegn Dönum
fengum við þrjár óþarfa brott­
vísanir og það gengur ekki.
Þetta kostar alltof mikið í leikj­
um,“ segir Guðmundur.
Róbert spilar mikið
Línumaðurinn Róbert Gunn­
arsson fór á kostum á móti
Dönum og skoraði sex mörk.
„Hann var frábær og er í mjög
góðri leikæfingu. Hann hefur
verið að spila mjög mikið með
Rhein­Neckar Löwen þó ein­
hvern veginn hafi það orðið að
einhverri mýtu að hann sé ekki
að spila mikið og sé ekki í leik­
æfingu,“ segir Guðmundur sem
er einnig þjálfari þýska liðsins
Rhein­Neckar Löwen. „Hann
er að spila mjög mikið. Af þeim
34 leikjum sem búnir eru hef­
ur hann spilað allan tímann í
25 leikjum og helming leiktím­
ans í hinum leikjunum þann­
ig hann er í hörkuformi. Það
bara stemmir ekki sem mönn­
um finnst – að hann sé að spila
lítið,“ segir Guðmundur ákveð­
inn.
Ásgeir Örn Hallgrímsson fór
líkt og Róbert á kostum gegn
Dönum og skoraði sjö mörk
er hann leysti Alexander Pet­
ersson af. Þá kom Kári Krist­
ján Kristjánsson einnig sterk­
ur inn gegn Pólverjum í fyrsta
leik. „Ásgeir var frábær gegn
Dönum og Kári var mjög góð­
ur í síðari hálfleik gegn Pólverj­
um,“ segir Guðmundur sem
sér mun á Kára eftir að hann
fór að spila reglulega í Þýska­
landi. „Hann hefur þroskast
mikið sem leikmaður og var að
spila vel núna,“ segir þjálfarinn
og nýtti einnig tækifærið til að
hrósa Þóri Ólafssyni.
Óhjákvæmilegt að
spila við liðin í riðlinum
Það kom kannski sumum
spánskt fyrir sjónir að Ísland
spilaði gegn Slóvenum á æf­
ingamótinu í Danmörku en
þeir eru einmitt einir af mót­
herjum Íslands í riðlinum.
Guðmundur segir óhjákvæmi­
legt að komast framhjá slíku
og það hafi bæði kosti og galla.
„Það eru allir að spila á móti
öllum. Danir spiluðu þarna
við Pólverja en þeir eru sam­
an í riðli. Þessi mót eru ákveð­
in með margra mánaða fyrir­
vara þannig ef við ætluðum
okkur eitthvað bíða eftir mót­
um þar sem hugsanlega væru
engir mótherjar okkar á stór­
mótum værum við bara heima
á skerinu að spila við pressulið­
ið. Þetta er óhjákvæmilegt en
maður reynir bara að nýta sér
þetta,“ segir Guðmundur sem
segir Slóvena með gott lið sem
og Noreg og Króatíu, hin lið­
in í riðlinum á EM. Hann blæs
á allt tal um að það sé skyldu­
verkefni hjá Íslandi að komast
upp úr riðlinum.
„Slóvenar eru mjög góðir
og sýndu það þarna úti. Þeir
gerðu jafntefli við Dani og voru
enn betri á móti Pólverjum.
Þeir eru með góða vörn, góða
markverði og einn af betri leik­
stjórnendum heims í dag. Nor­
egur er líka með frábært lið. Við
gerðum tvívegis jafntefli við
Noreg í undankeppni HM 2011
og höfum svo unnið það tæp­
lega á síðustu mótum. Svo eru
Króatar einnig virkilega sterk­
ir. Það skal enginn halda að
þetta sé léttur riðill,“ segir Guð­
mundur.
Eitt skref í einu
„Æi, maður getur aldrei dæmt
um þetta. Við erum búnir að
æfa eins og kostur er og það
er margt jákvætt í þessu en við
erum að fara í keppni þar sem
ekkert er gefins,“ segir Guð­
mundur aðspurður um hvernig
honum lítist á liðið og verkefnið
fram undan þar sem fimm dag­
ar eru í mót. „Við erum að fara
í keppni án Ólafs Stefánssonar
og það þurfa bara aðrir að stíga
upp. Ég treysti þeim í það en
það er eitt og annað sem hef­
ur komið upp hjá okkur eins og
þetta með Snorra. En við erum
með reynslumikið lið og á góð­
um degi getum við gert vel. Við
þurfum bara að byrja á því að
taka eitt skref í einu því að kom­
ast upp úr riðlinum verður ekki
einfalt,“ segir Guðmundur.
Síðasti æfingaleikur Íslands
verður í Höllinni á föstudaginn
gegn Finnlandi. Þar vill Guð­
mundur sjá heilsteyptan leik
hjá íslenska liðinu en mest af
öllu vill hann fulla höll af Ís­
lendingum til að kveðja liðið.
„Það er alltaf frábært fyrir okk­
ur að upplifa íslenska stemn­
ingu eins og hún gerist best í
síðasta leik fyrir stórmót. Það
væri því frábært ef fólk fyllti
Höllina á föstudaginn þann­
ig að við getum tekið stemn­
inguna með okkur í farteskinu
til Serbíu,“ segir Guðmundur
Þórður Guðmundsson.
n Guðmundur segir það ekki stemma að Róbert Gunnarsson spili lítið hjá Löwen n Snorri
Steinn kemur til móts við liðið á fimmtudaginn n Verður erfitt að komast upp úr riðlinum„Við erum búnir
að æfa eins
og kostur er og það
er margt jákvætt í
þessu en við erum að
fara í keppni þar sem
ekkert er gefins.
Tómas Þór Þórðarson
tomas@dv.is
Handbolti
Vill fulla höll Guðmundur
óskar eftir íslenskri stemningu
eins og hún gerist best á
föstudaginn gegn Finnlandi.
MyndiR SiGtRyGGuR ARi
Snorri Steinn Búinn
að eignast barn og er
klár í slaginn:
Mýta að
RóbeRt
spili lítið