Dagblaðið Vísir - DV - 01.02.2012, Page 6

6 Fréttir 1. febrúar 2012 Miðvikudagur
Wernersbræður vilja frávísun
n Þrotabú Milestone vill fá 190 milljónir frá Karli og Steingrími
K
arl og Steingrímur Werners-
synir vilja að máli sem þrota-
bú Milestone hefur höfðað á
hendur þeim verði vísað frá
dómi. Þeir vilja meina að málssókn-
in eigi sér ekki lagalegar stoðir þar
sem verið sé að tengja saman í eina
málssókn mál sem reka þarf hvort
í sínu lagi. Þrotabúið hefur höfðað
mál gegn bræðrunum ásamt eign-
arhaldsfélaginu Leiftra Ltd. og Aur-
láka ehf. vegna viðskipta með Lyf og
heilsu.
Tilgangurinn með stefnunni er að
ógilda framsal kröfu sem Milestone
átti á hendur Aurláka, vegna við-
skipta með Lyf og heilsu, til Leiftra.
Krafan hljóðaði upp á um það bil
970 milljónir króna. Engin veð voru
fyrir kröfunni og ætlar þrotabú Mile-
stone að innheimta skuldina hjá
þeim Karli og Steingrími en þeir
voru eigendur og stjórnendur allra
fyrirtækjanna sem notuð voru í flétt-
unni. Bræðurnir vilja meina að fyrst
þurfi að skera úr um hvort ógilda eigi
framsal á kröfu Milestone á hendur
Aurláka til Leiftra áður en hægt sé að
innheimta kröfuna fyrir dómstólum.
Á mánudag fór fram munnlegur
málflutningur vegna frávísunarkröf-
unnar í Héraðsdómi Reykjavíkur.
Ekki hefur verið kveðinn upp úr-
skurður vegna hennar en það verð-
ur gert á næstunni.
Málið er eitt fjöldamargra mála
sem höfðuð hafa verið á hendur
bræðrunum vegna hrunsins haustið
2008 en þá féll fyrirtæki þeirra, Mile-
stone. Gjaldþrot Milestone, sem var
fjárfestingarfélag þeirra Karls og
Steingríms, er eitt af stærstu gjald-
þrotum hrunsins en heildarfjárhæð
lýstra krafna í þrotabúið nam 95
milljörðum króna. adalsteinn@dv.is
Einn af fjórum
Karli Wernerssyni
er stefnt í málinu
ásamt bróður sínum
og tveimur eignar-
haldsfélögum.
Á
ttræð kona var á gangi yfir göt-
una að húsi sínu þegar veist var
að henni. Hún var með veskið
sitt í annarri hendi og pakka í
hinni en vissi ekki fyrr en hún
var slegin niður og lá í götunni. Þar
sem hún lá í götunni heyrði hún ein-
hverja tala saman og varð vör við að
fólk væri að athafna sig hjá henni.
Fólkið kom aftan að henni og virtist
vera saman.
Fimm til tíu þúsund
krónur í veskinu
Þannig lýsti konan reynslu sinni þeg-
ar málið var tekið fyrir í dómi. Konan
var beðin um að tilgreina það nánar
hvernig hún féll í götuna og við nánari
umhugsun sagðist hún hafa fallið þeg-
ar brugðið var fyrir hana fæti. Kvaðst
hún hafa rekið andlitið í götuna við
fallið svo hún fékk blóðnasir. Þá sást á
öðru hné á buxum hennar, hún fann
til í hendi og skalf. Við læknisskoðun
kom fram að konan var marin og bólg-
in á annarri hendinni og með ótilfært
brot á miðhandarbeini.
Fólkið sem veittist að henni var
par. Það hafði af henni veskið en í
því voru fimm til tíu þúsund krónur,
bankakort, lyklar, skilríki og ýmislegt
dót. Parið var handtekið samdægurs
og fært í fangageymslur.
Daginn eftir gaf stúlkan lögregl-
unni skýrslu og sagðist ekki muna allt
sem gerðist vegna fráhvarfa af fíkni-
efnaneyslu. Maðurinn sem var með
henni að verki var einnig yfirheyrður
daginn eftir atvikið. Sagði hann að þau
tvö hefðu verið í fráhvörfum eftir fíkni-
efnaneyslu þegar þetta gerðist. Þau
hefðu séð roskna konu á gangi, geng-
ið að henni og stúlkan hrifsað af henni
töskuna. Þau hefðu síðan forðað sér á
brott og tekið peninga úr töskunni en
annað ekki. Töskunni hefðu þau fleygt
í húsagarð en peningana hefðu þau
notað til þess að kaupa fíkniefni.
18 ára í fangelsi
Stúlkan, sem er aðeins átján ára og ein
af þeim sem lögreglan hefur auglýst
eftir í blöðunum á síðustu árum, fékk
á dögunum átján mánaða fangelsis-
dóm fyrir ránið á gömlu konunni og
fleira en hún var sakfelld fyrir tíu brot.
Þóttu ránsbrotin ófyrirleitin, ekki síst
vegna þess að þau beindust að roskn-
um konum sem gátu lítið viðnám veitt
og var að auki hætt við meiðslum.
Aðspurð um þetta tilvik sem önn-
ur sagði stúlkan að þau hefðu ekki
sérstaklega verið að leita að roskn-
um konum til að ræna. Hún hefði gert
þetta þegar tækifærið gafst þar sem
þetta væri auðveld leið til að afla sér
fjár.
Í dómsorði var meðal annars tek-
ið fram að stúlkunni hefði ekki ver-
ið refsað áður, hún hefði játað brotin
skýlaust og að ránsfengurinn hefði
ýmist verið lítill eða enginn. Hún
hefði greint frá því að hún hefði lagst
inn á geðdeild eftir þessa ránshrinu
og haldið sig frá fíkniefnum síðan,
meðal annars með því að sækja reglu-
lega fundi hjá AA-samtökunum.
Féll og fór aftur í afbrot
Þrítugur kærasti stúlkunnar var
ákærður með stúlkunni en honum
var meðal annars gefið að sök að hafa
fyrirskipað ránsbrotin og deilt ágóð-
anum með stúlkunni. Hann neitaði
því hins vegar og sagðist hafa tekið
svo til orða hjá lögreglu vegna þess að
hann hefði notið góðs af brotinu og
ekki gert greinarmun á sér og stúlk-
unni, sem naut á sama hátt góðs af
brotum hans. Hann hefði því ekki gert
greinarmun á „okkur, mér eða henni“,
á þessum tíma. Þau hefðu verið eitt í
öllum hlutum. Í flestum tilfellum var
hann sýknaður af þeim sökum.
Maðurinn komst fyrst í kast við
lögin sextán ára og á árunum 1997–
2007 fékk hann tólf dóma. Meðal ann-
ars tvo fyrir rán, þrjá fyrir líkamsárás
og sex fyrir auðgunarbrot. Að þessu
sinni var hann sakfelldur fyrir ráns-
brot og mörg önnur auðgunarbrot,
auk annars.
Hann hefur setið í gæsluvarðhaldi
frá 27. október þar sem hann sagð-
ist sækja AA-fundi og vikulega fundi
með vímuefnaráðgjafa. Ætlaði hann
að reyna að halda sig frá óreglu líkt
og honum tókst að gera í tvö og hálft
ár áður en hann féll og lagðist aftur í
afbrot. Kvaðst hann iðrast brotanna
mjög.
Maðurinn var dæmdur í átján
mánaða fangelsisvist og sviptur öku-
réttindum í þrjú ár.
ÁtjÁn Ára og Á
leið í fangelsi
n Fékk átján mánaða dóm fyrir ófyrirleitin ránsbrot á rosknum konum
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík - Reykjanesbæ
Akureyri - Húsavík
Vestmannaeyjum
Bað og sturta!
NAPOLI hitastýrt
sturtusett
28.900,-
SAFIR sturtusett
2.595,-
12.900,-
NAPOLI hitastýrð
blöndunar tæki fyrir sturtu
NAPOLI hitastýrð blöndunartæki
fyrir baðkar 14.900,-
einnig fáanlegt með
áföstu sturtusetti
Ingibjörg Dögg Kjartansdóttir
blaðamaður skrifar ingibjorg@dv.is
Réðst á rosknar konur Og rændi af
þeim handtöskunum. Myndin tengist efni
fréttarinnar ekki beint.
Þurftu að fjármagna neysluna Maðurinn sagði að parið hefði verið í fráhvörfum
og þurft peninga fyrir fíkniefnum. SviðSEtt Mynd
Þórhallur vill
verða biskup
Þórhallur Heimisson, sóknar-
prestur í Hafnarfjarðarkirkju,
sækist eftir embætti biskups Ís-
lands. Í tilkynningu frá Þórhalli
kemur fram að hann ætli að
kynna heimasíðu framboðsins í
vikunni.
Þórhallur segist taka þessa
ákvörðun að vel ígrunduðu máli
og eftir ítarlegt samtal við kjör-
menn, bæði leika og lærða. „Vil
ég nota tækifærið og þakka öllum
sem hafa hvatt mig bæði leynt og
ljóst til að taka þessa ákvörðun.“
Fimm aðrir hafa einnig lýst
yfir framboði til embættis bisk-
ups Íslands en þau eru Sigríður
Guðmarsdóttir, sóknarprestur í
Grafarholti, Agnes M. Sigurðar-
dóttir, sóknarprestur í Bolungar-
vík, Þórir Jökull Þorsteinsson
prestur, Sigurður Árni Þórðarson,
prestur í Neskirkju, og Kristján
Valur Ingólfsson, vígslubiskup í
Skálholti.
Barn á fjórhjóli
með engan hjálm
Lögreglumenn á Akranesi höfðu
afskipti af númeralausu fjórhjóli í
umferðinni á dögunum sem öku-
maðurinn ók um götur bæjarins
með barn aftan á. Til að gera illt
verra var barnið hjálmlaust.
Barninu var komið til foreldra
þess sem voru skammt frá en
ökumaður fjórhjólsins má búast
við sekt fyrir glæfraskapinn. Þetta
kemur fram í tilkynningu frá lög-
reglu.