Fréttatíminn - 06.11.2015, Blaðsíða 60

60 Helgin 6.-8. nóvember 2015
Z ZZ
Z
Z
Græðir og ver viðkvæma húð
Ég er nýr
maður
Skemmtikrafturinn, leikarinn, rapparinn og ljóðskáldið Dóri
DNA ákvað síðasta vor að breyta um lífsstíl. Hann hafði lengi
verið áhugamaður um hnefaleika og skráði sig í Mjölni þar sem
hann byrjaði að æfa þessa bardagaíþrótt af miklu kappi. Í vetur
hefur Dóri verið búsettur á Akureyri þar sem hann sýnir verkið
Þetta er grín, án djóks, ásamt Sögu Garðarsdóttur. Síðan í vor
hefur Dóri misst 10 kíló með því að fara reglulega í hringinn.
É g er búinn að vera að pæla í líkama mínum að undan-förnu,“ segir Dóri DNA.
„Fólk segir gjarnan að maður eigi
ekki að fara í megrun, heldur breyta
um lífsstíl, sem hljómar miklu erf-
iðara en að fara í megrun. Ég hef
verið að gera þetta á mínum hraða.
Fyrst fór ég í lyftingar og þegar ég
var kominn á beinu brautina í þeim,
og fannst ég vera hættur að grenn-
ast þá langaði mig að finna eitthvað
sport með þeim, sem mundi geta
fylgt mér út lífið,“ segir hann. „Ég
hef alltaf haft áhuga á hnefaleikum
og æft þá nokkrum sinnum. Einu
sinni gerði ég verkefni í Listahá-
skólanum þar sem ég lét hnefaleika-
mann berja mig uppi á sviði, sem
var magnað. Ég æfði alltaf hjá Skúla
Ármannssyni sem er hættur að
þjálfa í dag. Svo ég hringdi í Mjölni
sem var nálægt heimilinu og spurði
hvort einhver gæti ekki tekið mig í
boxþjálfun. Þar var Egill Hjördísar-
son bardagamaður sem ég hitti svo
Dóri hefur tekið reglu-
legar „selfies“ eftir
boxtíman.
 Hnefaleikar kílóin fjúka af Dóra Dna í Hringnum
þrisvar í viku allt síðasta sumar. Við
fórum líka í allskonar þrekæfingar
og fórum mikið í þetta sem kallast
grunn box,“ segir Dóri.
„Það eru allskonar ósiðir hjá
manni í byrjun sem maður þarf að
venja sig af. Box er mjög flókið og
mikið sport. Hann var mjög dug-
legur að nenna að boxa við mig. Þó
svo hann gæti lamið mig léttilega í
hvert sinn þá nennti hann alveg að
boxa við mig af hörku. Það kunni ég
vel við og fann hvað það bætti mig
mikið. Í síðasta tímanum okkar box-
uðum við átta lotur og ég var mjög
seigur fyrstu þrjár loturnar, en eftir
átta þá féllumst við í faðma því þeg-
ar ég byrjaði gat ég rétt boxað tvær
lotur.“
Dóri er á Akureyri um þessar
mundir þar sem hann sýnir gam-
anverkið Þetta er grín, án djóks í
menningarhúsinu Hofi. Hann fann
sér boxþjálfara fyrir norðan til þess
að halda sér við efnið. „Ég fór til
hans Daða Ástþórssonar í þjálfun
hér á Akureyri. Ég held að ég sé bú-
inn að eyða meiri tíma í boxþjálfun
en ég eyddi í háskólanámið mitt.
Ég fer í einkatíma með venjulegri
þjálfun því í þeim lærir maður svo
miklu meira,“ segir hann.
„Ég búinn að missa 10 kíló síðan
í maí og satt að segja er ég bara nýr
maður. Um síðustu helgi hlotnaðist
mér sá heiður að boxa við Gunnar
Kolbeinsson sem er eini atvinnu-
boxari landsins. Ég er metnaðar-
gjarn í þessu og er í mikilli keppni
við sjálfan mig. Hann hefði vel getað
lamið mig í klessu en hann tísti um
mig og sagði mig hörkutól, sem mér
fannst skemmtilegt.
Þetta er bara svo gott alhliða
sport og maður ræður alveg sínum
hraða og slíku. Það sem mér finnst
líka frábært er að þetta er barngott
sport. Sonur minn kemur oft með
mér og finnur sér alltaf eitthvað að
gera, alltaf góð aðstaða fyrir krakk-
ana og slíkt,“ segir Dóri DNA.
Hannes Friðbjarnarson
hannes@frettatiminn.is