Fréttatíminn - 06.11.2015, Blaðsíða 78

Tónlistarhjólhýsi í
Hörpu
Þeir sem fara í Hörpu og skrá sig á Iceland
Airwaves taka eftir litríku hjólhýsi sem er
búið að koma fyrir í Flóa. Hjólhýsið er á
vegum Nordic Playlist og þar er hægt að
horfa og hlusta á vídeó sem hafa verið
framleidd á vegum spilunarlistans á Hróas-
kelduhátíðinni, By:Larm, Berlin Festival og
Iceland Airwaves. Tónlistar- og myndlistar-
konan hæfileikaríka Lóa Hjálmtýsdóttir
úr FM Belfast kemur jafnframt til með að
sjá um Instagram fyrir Nordic Playlist á
meðan á hátíðinni stendur. Nordic Playlist
var hleypt af stokkunum í janúar 2014 og
er fyrsta norræna tónlistarvefsíðan. Hönn-
uður hjólhýsins er Sara Hjördís Blöndal.
SíSí Ey með John Grant
Stærsti viðburðurinn á Iceland Airwaves
í ár er eflaust tónleikar John Grant ásamt
Sinfóníuhljómsveit Íslands í Eldborgarsal
Hörpu í kvöld, föstudag. Með John Grant
koma fram systurnar í SíSí Ey og verða í
hlutverki bakraddasöngvara á tónleik-
unum. Þetta er einn stærsti tónlistarvið-
burður ársins í íslensku tónlistarlífi.
Apparat í bíó
Hin goðsagnakennda hljómsveit Apparat
Organ Quartet mun opna kvikmyndahá-
tíðina Perlur úr kvikmyndasögu Póllands
með lifandi undirleik við pólsku myndina
Harðjaxl, fimmtudaginn 12. nóvember
í Bíó paradís. Apparat Organ Quartet
kemur sjaldan saman og því um einstakan
tónlistarviðburð að ræða þar sem þeir
flytja frumsamda tónlist við opnunarmynd
hátíðarinnar. 15 myndir verða sýndar á há-
tíðinni sem stendur til 16. nóvember.
Antonía Lárusdóttir er efnilegur leikstjóri. Hún leikstýrði nýjasta myndbandi Reykjavíkurdætra. Ljósmynd/Hari
 TónlisT AnToníA leiksTýrði nýju myndbAndi reykjAvíkurdæTrA
Draumurinn er að
vinna með Björk
Í vikunni frumsýndu Reykjavíkurdætur nýtt myndband við lagið Hæpið sem er þeirra nýjasti
smellur. Leikstjóri myndbandsins er Antonía Lárusdóttir sem fengist hefur við ljósmyndun í
nokkur ár en nýlega tók hún upp á því að leikstýra myndböndum. Hún segir verkefnið hafa verið
mjög skemmtilegt og hún ætli sér að gera meira á þessu sviði. Antonía segist hafa lært allt sem
hún kann á YouTube og draumurinn sé að vinna með Björk og Jack White.
Þ etta er fyrsta myndbandið sem ég geri í rauninni,“ segir Antonía Lárus-dóttir leikstjóri. „Ég hafði gert eitt
annað myndband sem hafði aldrei komið út
svo þetta er eiginlega það fyrsta,“ segir hún.
„Ég tók að vísu upp og klippti myndbandið
við lagið Ógeðsleg með Reykjavíkurdætrum,
en þetta er það fyrsta sem ég leikstýri líka.
Ég hef mikið verið að taka ljósmyndir og er
nýhætt að einblína á það og leikstjórnin er
eitthvað sem ég vil gera meira af. Ég ætlaði
alltaf að vera ljósmyndari og sá áhugi hefur
svo bara þróast út í þetta. Ég horfði á tónlist-
armyndbönd og ég sá að þetta væri eitthvað
sem ég gæti gert. Ég hef ekki áhuga tækni-
legri ljósmyndun svo ég hafði ekki áhuga á
að taka næsta skref á því sviði,“ segir hún.
„Mér fannst myndbandagerð rökrétt þró-
un og langaði að gera eitthvað sem ég kunni
alls ekki. Ég þekki Sölku Valsdóttur og Jó-
hönnu Rakel, sem eru í dætrunum, mjög vel.
Ég hafði unnið með þessum hópi í einhver
tvö ár og farðaði mikið fyrir þær. Þær hafa
því alltaf haft mig svolítið með sér í liði og
eftir að ég klippti myndbandið við Ógeðsleg
á tveimur nóttum höfðu þær samband og
spurðu hvort ég væri til í að leikstýra því
næsta. Hugmyndin kemur upphaflega frá
þeim,“ segir hún.
„Þær vildu gera eitthvað sem tengdist
náttfatapartíi og fá allt þetta fræga fólk til að
taka þátt í þessu með okkur og gera grín að
sjálfum sér í leiðinni. Ég fékk algert listrænt
frelsi í framleiðslunni og fékk að gera það
sem ég vildi og var mjög ánægð með það. Ég
er núna að einblína á sjálfstæð verkefni og er
búin að vera með stuttmynd í kollinum. Ég
er mjög fljót að vinna svo allar hugmyndir
eru fljótar í framleiðslu hjá mér,“ segir hún.
„Ég er búinn að læra allt sem ég kann með
því að horfa á myndbönd á YouTube. Þegar
ég þurfti að klippa í fyrsta sinn þá „gúgglaði“
ég hvernig það var gert og fór svo bara af
stað. Ég læri bara á leiðinni. Draumurinn
væri að gera myndbandi fyrir Björk og það
kemur að því,“ segir hún. „Hápunktur lífsins
væri svo að gera myndband með Jack White.
Það mun gerast einn daginn,“ segir Antonía
Lárusdóttir leikstjóri.
Hannes Friðbjarnarson
hannes@frettatiminn.is
Skjáskot úr
myndbandi
Antoníu við
lagið Hæpið
með Reykja-
víkurdætrum.
 leikhús jólAsýning borgArleikhússins Tekur á sig mynd
Er Njáll kona?
Jólasýning Borgarleikhússins að þessu
sinni er Njála í uppfærslu Þorleifs Arn-
arssonar og Mikaels Torfasonar. Æfingar
standa yfir og mikil leynd liggur yfir öllu
ferli og efnistökum verksins. Meðal leik-
ara í sýningunni eru þau Björn Stefáns-
son, Brynhildur Guðjónsdóttir og dans-
arinn Erna Ómarsdóttir og ekkert hefur
verið gefið upp um hver mun leika Njál
sjálfan. Sú kjaftasaga er farin á flug að
jafnvel verði það kona sem leiki Njál og
eru þær Brynhildur og Erna taldar lík-
legar í þeim hópi. Alexía Jóhannsdóttir,
kynningarfulltrú Borgarleikhússins, vildi
lítið tjá sig um málið þegar hún var spurð.
„Síðast þegar ég vissi var ekkert
búið að ákveða neitt um þetta,“ segir
hún. „Þetta er víst allt í vinnslu hver
leikur hvað. Síðast þegar ég leit inn
voru bara tugir lítra af gerviblóði á
æfingum og mikið af pilsner, og mikil
leit meðal allra sem koma að þessu.
Það getur í rauninni verið hver sem
er, sem leikur þetta hlutverk. Það mun
bara koma í ljós,“ segir Alexía. Ljóst er
að hver sem mun leika Njál þá verður
fróðlegt að fylgjast með undirbúningn-
um og líklegt þykir að þetta verði ein
áhugaverðasta sýning ársins í íslensku
leikhúsi. -hf
Meðal
leikara í
Njálu eru
Brynhildur
Guðjóns-
dóttir
og Erna
Ómars-
dóttir.
Þrestir vinna í Brasilíu
Í Brasilíu á miðvikudagskvöldið tilkynnti
leikkonan Geraldine Chaplin, elsta dóttir
Charlie Chaplin, að kvikmyndin Þrestir
eftir Rúnar Rúnarsson hefði hlotið hin
virðulegu Bandeira Paulista aðalverðlaun
alþjóðlegu kvikmyndahátíðarinnar Mostra
í Sao Paulo í Brasilíu, sem er mikill heiður
fyrir aðstandendur Þrasta þar sem þetta
eru stærstu og mikilvægustu kvikmynda-
verðlaun Suður-Ameríku. Þetta voru þó
ekki einu verðlaun Þrasta því að CAA
– Samtök Kvikmyndahandritahöfunda í
Brasilíu, veittu myndinni sín verðlaun fyrir
besta handritið. Þetta er ekki fyrsta rósin
í hnappagat aðstandenda myndarinnar,
en fyrr í haust fengu Þrestir aðalverðlaun-
in á kvikmyndahátíðinni í San Sebastian
á Spáni eins og frægt er orðið. Rúnar var
viðstaddur hátíðina ásamt framleiðanda
myndarinnar, Lilju Snorradóttur.
Full búð
af nýjum
vörum !
78 dægurmál Helgin 6.-8. nóvember 2015