Fréttatíminn - 06.11.2015, Blaðsíða 62

62 matur & vín Helgin 6.-8. nóvember 2015
Fjölskylduvænn veitinga-
staður í Laugardalnum
Hjónin Massimo og Katia
hafa verið búsett á Íslandi
um árabil. Þau reka veitinga-
staðinn Massimo og Katia við
hlið hins fornfræga Lauga-Áss
á Laugarásveginum og reiða
þar fram ítalskan heimilismat.
V ið eldum hefðbundna rétti frá öllum landshlutum Ít-alíu eftir okkar eigin upp-
skriftum,“ segir Katia. Sérstaða
veitingastaðarins felst í handlöguðu
pasta sem gestir geta kippt með sér
heim og soðið sjálfir. „Okkur fannst
þetta sniðug hugmynd og ákváðum
að prófa þetta og nú getur fólk sótt
handlagað, ferskt heilhveitipasta til
okkar,“ segir Katia. Veitingastaður-
inn er sannkallaður fjölskyldustaður
en Massimo og Katia elda allan mat
saman enda líkar þeim það best.
Þau eru nýkomin heim úr tveggja
vikna fríi á Ítalíu sem þau segja hafi
verið kærkomið. „Börnin okkar þrjú
söknuðu Íslands samt mikið og voru
glöð að komast aftur í skólann,“ segir
Katia. Á veitingastaðnum er einnig
að finna ýmsan innfluttan sælkera-
varning, svo sem sætt kex, ólífur og
olíur. Eftir Ítalíuferðina bættu hjón-
in einnig við girnilegum ostum, svo
sem parmeggiano og gorgonzola.
Unnið í samstarfi við
Massimo og Katia
Massimo og Katia er fjölskylduvænn
staður og það á líka við um verðið.
Dagana 6.-20. nóvember verður 2
fyrir 1 tilboð á gómsætu lasagne á
1450 krónur.
Hjónin Massimo og Katia bjóða upp handlagað, ferskt pasta á veitingastað sínum
við Laugarásveg. Hægt er að borða á staðnum eða kaupa pasta eftir vigt sem upp-
lagt er að taka með sér og sjóða heima. Mynd/Hari.
Það verður mikið um að vera á
börum borgarinnar í kvöld. Nú er
upp runninn sjálfur J-dagurinn –
dagurinn sem jólabjórinn kemur
formlega í sölu.
Hinn vinsæli Tuborg jólabjór
verður sérstaklega áberandi í
kvöld enda er efnt til göngu um
nokkra bari til að fagna komu
hans. Klukkan 20.59 verður talið
niður á Danska, Den Danske Kro
við Ingólfsstræti. Eftir það verður
gengið á Ölstofuna, Vegamót,
Lebowski bar, Sólon, b5, Laundro-
mat Café, English bar og Amer-
ican bar.
Bjórnördar fá líka eitthvað fyrir
sinn snúð. Á Mikkeller-barnum við
Hverfisgötu verða jólabjórar Mikk-
eller og To Øl kynntir. Alls verða
níu jólabjórar á krana. Þar má helst
nefna Hoppy Christmas, Red/
White, Santas Little Helper og
koníaksleginn Til Via Fra Porter.
Mikkeller-barinn verður opnaður
á hádegi.
Jólabjórinn kemur í kvöld
 Bjór MicroBar opnaður á nýjuM stað Við Vesturgötu
Heimili litlu brugghúsanna
Mikil gróska er í sölu á handverksbjórum hér á landi og á skömmum tíma hafa sprottið upp nokkrir flottir barir sem
selja slíka bjóra. Fyrsti slíki barinn var Microbar sem á dögunum var opnaður á nýjum stað. Bjórdælurnar á nýja staðn-
um voru gerðar af skagfirsku mafíunni.
n ú er barinn eins og við höf-um alltaf viljað hafa hann,“ segir Steinn Stefánsson,
rekstrarstjóri Microbars, fyrsta
barsins hér á landi sem sérhæfði
sig í sölu á handverksbjór.
Microbar hefur verið rekinn í
Austurstræti frá árinu 2012 en eig-
endur hans misstu húsnæðið þar á
dögunum. Microbar var opnaður í
nýjum húsakynnum að Vesturgötu
2 um síðustu helgi. Staðurinn er í
kjallara veitingahússins Restaurant
Reykjavík, áður Kaffi Reykjavík, þar
sem einhvern tímann var frægur ís-
bar – áður en túristasprengjan reið
yfir Ísland.
„Við Árni eigandi vorum með
augastað á öðru húsnæði en Birg-
itte, kona Árna og meðeigandi,
tók fram fyrir hendurnar á okkur
og valdi þennan stað. Það reyndist
hárrétt hjá henni,“ segir Steinn en
staðurinn er huggulega innréttað-
ur – hæfilega hrár með stólum úr
Góða hirðinum og flottum ljósum.
Auk þess eru myndir á veggjunum
eftir Hugleik Dagsson. „Hugleikur
sagði að þetta væri verk í vinnslu,
hann sagði að alltaf þegar hann
kæmi og fengi sér bjór ætli hann að
teikna eina mynd til viðbótar,“ segir
Steinn.
Á nýja staðnum eru 14 bjórdælur.
Misjafnt er hvaða bjórar eru í boði
en í vikunni voru þar átta bjórar frá
Gæðingi, sem er í eigu sömu aðila
og Microbar, tveir frá Kalda, tveir
frá Borg brugghúsi og sitt hvor bjór-
inn frá Steðja og Ölvisholti.
„Þetta er eini staður á Íslandi þar
sem litlu brugghúsin fá að koma
saman og aðal áherslan verður
áfram á íslenska bjóra á krana. Við
munum þó líka bjóða upp á erlenda
bjóra á krana endrum og sinnum
– það fer bara eftir því hvað við
náum í hverju sinni,“ segir Steinn.
Auk bjóra á dælu er verið að leggja
lokahönd á bjórlista staðarins en á
honum verða hátt í 200 tegundir á
flösku.
Athygli vekur að bjórdælurnar
á Microbar eru einkar glæsilegar,
merki brugghúsanna hafa verið
skorin út í málm á smekklegan hátt.
„Þetta var bara gert af mafíunni
sjálfri, í heimabæ Árna, á Vélaverk-
stæði KS,“ segir Steinn.
Ekki fer framhjá bjóráhugafólki
sem heimsækir Micro að brugghús-
ið Gæðingur hefur verið að færa sig
upp á skaftið. Einn af þeim bjórum
sem nú eru í boði er Zar – sem er
imperial Stout bjór sem þroskaður
var á mezcaltunnu í níu mánuði.
Frábærlega vel heppnaður bjór.
„Ég og Árni ákváðum að þetta
yrði já-árið. Að við myndum hætta
að tala um að gera hlutina og bara
gera það sem okkur dettur í hug,“
segir Steinn. „Hluti af því var að
brugga fleiri flotta bjóra og í ár höf-
um við gert Zar, Túrgosa, MIB og
Skyrgosa. Þetta eru allt virklega
flottir bjórar.“
Höskuldur Daði Magnússon
hdm@frettatiminn.is
Steinn Stefánsson, rekstrarstjóri Microbars, er ánægður með ný húsakynni. Þar er
frábært úrval af handverksbjór á krana og á flöskum. Hugleikur Dagsson teiknaði
myndir á veggi staðarins ogBjórdælurnar voru gerðar á Vélaverkstæði KS fyrir
norðan. Ljósmyndir/Hari