Fréttatíminn - 06.11.2015, Blaðsíða 61

PI
PA
R\
TB
W
A
•
SÍ
A
•
14
41
58
Bambo Nature bleiurnar eru einstaklega mjúkar og
þægilegar. Þær eru afar rakadrægar og ofnæmisprófaðar
auk þess sem gott snið og teygjur í hliðum gera það að
verkum að þær passa barninu fullkomlega.
Umhverfisvænar og ofnæmisprófaðar bleiur
Bambo Nature
Bambo Nature – er annt um barnið þitt.
Hæfilegt
kæruleysi
dregur út
streitu
Læknirinn Teitur Guðmunds-
son hefur verið með reglulega
pistla í Heilsutímanum, bæði
í Fréttatímanum og á Hring-
braut. Þar talar hann um hin
ýmis málefni tengd heilsu og
heilsufari og tekst að gera það
á mannamáli, sem er vissule-
ga kostur í fari læknis. Hér fer
Teitur yfir hvernig hann ver
sínum heilsutíma.
Hvernig byrjar þú daginn?
Yfirleitt á því að vakna um sjöleyt-
ið og hjálpa til við að koma heimil-
inu í gang og öllum út úr húsi.
Hvernig er hefðbundinn
morgunmatur hjá þér?
Það getur verið morgunkorn,
einhvers konar músli, oft AB mjólk
með All Bran.
Hvers konar hreyfingu stundar
þú?
Fótbolta, hjól og ræktina.
Hvað gerir þú til að slaka á?
Ég nýt þess að vera heima og
hlusta á góða tónlist.
Lumar þú á einu heilsuráði
sem hefur gagnast þér vel í
gegnum tíðina?
Hæfilegt kæruleysi, það dregur
úr streitu og svo borgar það sig að
taka sig bara mátulega hátíðlega.
Hvað er það síðasta sem þú
gerir áður en þú ferð að sofa?
Helst að knúsa konuna og kyssa
hana góða nótt.
Hvert er furðulegasta heilsu-
ráð sem þú hefur heyrt?
Þau eru svo mörg, ég er bæði
spurður að þessu daglega og heyri
alls kyns útgáfur. Mitt ráð væri að
huga að andlegri vellíðan, held að
það sé mikilvægast af öllu.
Þörf á aukinni fræðslu um augnþurrk
Jóhannes Kári Kristinsson augnlæknir
hefur framkvæmt um 10.000 laserað-
gerðir. Hann lærði að framkvæma
laseraðgerðir, auk framhaldsnáms í
hornhimnulækningum, við augndeild
hins virta Duke háskóla í Norður Kar-
ólínu, Bandaríkjunum.
A ugnþurrkur er mjög algengt vandamál hér á landi. Talið er að algengi þurra augna
hafi aukist á undanförnum áratug-
um en sumar rannsóknir hafa sýnt
fram á að þriðjungur eldra fólks sé
með augnþurrk. „Mér hefur fund-
ist umfjöllun um þurr augu í þjóð-
félaginu vera of lítil og að sumu leyti
villandi. Það er því nauðsynlegt að
fræða almenning um þetta efni,“
segir Jóhannes Kári Kristinsson,
augnlæknir hjá Augljósi, laser augn-
lækningum. Hann hefur því farið af
stað með fyrirlestra þar sem hann
fjallar um eðli þurra augna, ein-
kenni og meðferð.
Fyrstu fyrirlestrarnir fóru fram
annars vegar hjá Gigtarfélaginu
og hins vegar hjá Krabbameinsfé-
laginu. „Skjólstæðingar þessara fé-
laga eru margir hverjir með þurr
augu af ýmsum ástæðum. Í fyrir-
lestrinum ræddi ég meðal annars
áhrif lyfja á táraframleiðslu. Algeng
lyf eins og þunglyndislyf, verkjalyf
og ýmis ofnæmislyf og magalyf geta
valdið þurrum augum. Jafnframt
valda mörg krabbameinslyf þurrki
í slímhúð, þar á meðal í augum,“
segir Jóhannes. Í fyrirlestrinum
ræðir hann jafnframt um meðferð
þurra augna. „Þar kennir ýmissa
grasa eins og gervitár og gervitára-
hlaup og notkun á sílikontöppum í
táragangaop.“ Að sögn Jóhannesar
hafa ýmsar framfarir orðið í með-
höndlun þurra augna og segir hann
því mikilvægt að koma því á fram-
færi við þá sem þurfa á því að halda.
Jóhannes verður gestur í Heilsu-
tímanum á Hringbraut næstkom-
andi mánudag þar sem hann mun
ræða nánar um augnþurrk, algengi
hans, einkenni og meðferð.
 Minn heilsutíMi:
teitur GuðMundsson
læknir
61 Helgin 6.-8. nóvember 2015