Dagblaðið Vísir - DV - 07.01.2013, Qupperneq 2

2 Fréttir 7. janúar 2013 Mánudagur
Tvíbrotnaði og fór
úr lið eftir hálkuslys
n Gagnrýnir sinnuleysi við hálkuvarnir n Ung dóttir hennar meiddist á höfði
Þ
að var alveg skuggalegt
hvernig aðkoman var á
bílaplaninu,“ segir Aníta
Runólfsdóttir sem snéri sig
illa á ökkla á sunnudaginn
30. desember í mikilli hálku, með
þeim afleiðingum að hún tvífót­
brotnaði og fór úr lið. Hún hélt á eins
árs dóttur sinni þegar slysið varð.
Aníta er einstæð móðir sem býr á
stúdentagörðunum í Grafarholti en
þar var hvorki búið að salta né sanda
þegar hún datt, og ekkert hafði verið
aðhafst í málinu næsta fimmtudag
á eftir, þann 3. janúar. Slysið varð á
á bílaplaninu fyrir utan stúdenta­
garðana, sem er hluti af einkalóð
og því sér borgin ekki um mokstur
og hálkuvarnir þar. Reykjavíkurborg
býður þó upp á salt og sand á fjórum
sértilgerðum hverfisstöðvum.
Barnið skall með höfuðið í
jörðina
„Ég var að taka stelpuna mína úr
barnastólnum,“ segir Aníta um at­
vikið – í kjölfarið snéri hún sig illa á
ökkla þegar hún var við það að missa
dóttur sína sem er eins árs. „Ég rétt
svo greip hana, en hún skall aðeins
með höfuðið á jörðina, það blæddi
úr höfðinu á henni,“ segir Aníta.
Kallaðir voru til lögreglubílar og
sjúkrabíll en það er til marks um
hálkuna að tveir lögregluþjónar sem
mættu á vettvang runnu einnig til og
duttu í hálkunni. „Þetta var hrika­
leg aðkoma. Það komu tveir lög­
reglubílar að mér og tveir af lög­
reglumönnunum duttu líka. Þetta
er ekki boðlegt. Maður kemst ekki
einu sinni út í búð án þess að detta
á hausinn.“
Aníta fór á slysadeild en þar kom í
ljós að hún var tvíbrotin og hafði far­
ið úr lið. Hún kveðst hafa verið í losti
síðan slysið varð: „Maður er búinn
að vera í líkamlegu áfalli eftir þetta.“
„Viðbrögðin eru ekki nein“
„Það er búið að senda margar til­
kynningar um að það þurfi að moka,
en ekkert gerist,“ segir Aníta en hún
hefur haft samband við Byggingafé­
lag námsmanna vegna málsins og
fékk að eigin sögn dræmar viðtökur.
„Viðbrögðin frá Byggingafélaginu
eru ekki nein. Ég er búin að tala við
nágranna mína í sambandi við þetta
og það hafa fleiri sent þeim boð um
að það þyrfti að moka. Einn bauðst
til þess að moka fyrir þá – en þeir
vildu það ekki.“
Framkvæmdastjóri Bygginga­
félags námsmanna, Böðvar Jónsson,
harmar mjög slysið í viðtali við DV
og segir sérstaka vaktmenn fylgjast
með aðstæðum við stúdentagarða
félagsins. Allir gangstígar séu reglu­
lega sandbornir eða saltaðir og bíla­
stæði eftir því sem þörf sé á. Það sé
þó eðli málsins samkvæmt erfitt að
halda öllu íslausu í því árferði sem
verið hefur að undanförnu.
Böðvar segir þó ekki rétt að send­
ar hafi verið margar tilkynningar
um að moka þyrfti og sanda. Þvert
á móti hafi engin skeyti eða símtöl
borist fyrr en eftir að slysið átti sér
stað.
„Skrifstofan okkar var lokuð á
milli jóla og nýárs og því ekki hægt
að ná í okkur símleiðis þann tíma.
Sömuleiðis hafði enginn reynt
að hafa samband við vaktmenn á
svæðinu fyrr en þann þriðja janúar
og þá strax skoðuðum við málið. En
okkur þykir þetta afskaplega leiðin­
legt.“
Hætta í hálkunni
Nokkuð var um meiðsl vegna hálk­
unnar fyrir helgi og um helgina, en
til að mynda var lögreglan á höf­
uðborgarsvæðinu kölluð til þrisvar
sinnum á tuttugu mínútna tímabili
á fimmtudeginum, vegna fólks sem
hafði slasast í hálkunni.
Í tveimur tilvikum höfðu kon­
ur fallið, ein var talin fótbrotin en
hin meiddist á öxl. Í því þriðja hafði
fjögurra ára stúlkubarn orðið fyrir
meiðslum. Þann sama dag, upp úr
klukkan 13, hafði bifreið oltið vegna
hálkunnar á Krísuvíkurvegi. Hverfis­
stöðvar Reykjavíkurborgar afgreiddu
yfir 100 tonn af salti og sandi þann
daginn. n
Símon Örn Reynisson
blaðamaður skrifar simon@dv.is
Hætt komin Aníta Runólfsdóttir
tvíbrotnaði á ökkla og fór úr lið
á hættulegum hálkubletti við
stúdentagarðana í Grafarholti. Hún
hélt á eins árs dóttur sinni, sem skall
í jörðina og blóðgaðist á höfði.
Mynd Sigtryggur Ari
Neitaði að
koma niður
Lögreglan á Ísafirði var kölluð út
um miðnætti á laugardagskvöld
vegna karlmanns sem klifrað
hafði upp á þak húss á Ísafirði.
Frá þessu greindi héraðsfrétta­
miðillinn Vestur.is og hafði eftir
sjónarvottum að maðurinn
hefði sjálfur klifrað upp á þak
og neitað að koma niður. Lög­
regla reyndi hvað hún gat að fá
manninn til að koma sjálfviljug­
ur niður en hann neitaði því og
sat sem fastast á þaki hússins.
Var því gripið til þess ráðs að
kalla eftir aðstoð slökkviliðs Ísa­
fjarðar sem kom á vettvang með
körfubíl. Maðurinn féllst loks
á að koma niður með aðstoð
körfubílsins. Ekki er vitað hvað
manninum gekk til en hann var
fluttur á brott í sjúkrabíl, sam­
kvæmt frétt Vestur.is.
Braust inn í
Borgarholtsskóla
Brotist var inn í
Borgarholtsskóla
í Grafarvogi að­
faranótt sunnu­
dag að því er
fram kemur
í tilkynningu
frá lögreglu. Inn­
brotsþjófurinn, sem
er tvítugur, náðist á hlaupum. Til­
kynning um innbrotið barst lög­
reglunni á höfuðborgarsvæðinu
um þrjú leytið. Í tilkynningu frá
lögreglu kemur fram að innbrots­
þjófurinn hafi verið undir áhrifum
fíkniefna og á honum hafi fundist
fíkniefni. Líkt og tíðkast í tilfell­
um sem þessum var maðurinn
vistaður í fangaklefa og var hann
yfirheyrður á sunnudag þegar af
honum var runnið. Ekki er talið að
honum hafi tekist að stela neinu
úr skólanum.
Björn Valur gíslason:
Stendur við
orð sín um
forsetann
„Það er nú ekki eins og þetta
ákveðna orð sé nú ýkja sterkt eða
merkilegt. En ég sé ekkert athuga­
vert við að skrifa það sem mér
finnst,“ segir Björn Valur Gísla­
son, þingmaður Vinstri­grænna,
sem kallaði forseta Íslands, Ólaf
Ragnar Grímsson, forsetabjánann
í bloggpistli á laugardag.
Þetta er ekki í fyrsta skipti sem
þingmaðurinn lætur niðrandi
orð falla um Ólaf. Það gerði hann
einnig fyrir ári í ræðustól Alþingis
þar sem hann talaði um forseta­
ræfilinn og var ávíttur fyrir af for­
seta Alþingis.
Í samtali við DV.is vegna máls­
ins undrast Björn hversu mikinn
áhuga fréttastofa RÚV sýndi þessu
orðbragði en minntist að sama
skapi ekki orði á innihald pistils­
ins sem um ræðir. RÚV sá ástæðu
til að fjalla sérstaklega um orð­
bragð þingmannsins í kvöldfrétt­
um sínum á laugardag en í pistl­
inum segir Björn forsetabjánann
njóta stuðnings og aðdáunar sjálf­
stæðismanna við að auka völd sín
á kostnað Alþingis.
Þ
ví kæru vinir bið ég um
hjálp, mig vantar þrýsting,
mig vantar þrýsting á ríkis­
stjórn Íslands.“ Þetta skrif­
ar Guðmundur Skúli Hall­
dórsson á bloggsíðu sína í pistli sem
fengið hefur töluverða dreifingu á
vefnum. Guðmundur Skúli greindist
nýlega með Fabry­sjúkdóminn en
hann hefur engin svör fengið um það
hvort eða hvenær hann fái nauðsyn­
leg lyf eða ekki.
„Við greiningu ráðleggja lækn­
ar að lyfjameðferð sé hafin án tafar,
nú er vel liðið á annan mánuð síðan
við bræðurnir fengum okkar grein­
ingu og við höfum engin svör fengið
um það hvort eða hvenær við fáum
þessi lyf, nú bíðum við ákvörðunar
frá ríkis stjórn Íslands.“
Móðir Guðmundar Skúla lést í
lok síðasta árs úr sama sjúkdómi
eftir hetjulega baráttu. „Þessi sjúk­
dómur dró hana til dauða. Við fjöl­
skyldan jarðsettum móður mína
laugardaginn 5. janúar, þar með var
þeirri baráttu okkar fjölskyldunn­
ar með móður minni lokið,“ segir
Guðmundur Skúli. „1. október fékk
móðir mín Guðrún Samúelsdóttir
blóðtappa í höfuðið þar sem við
vorum stödd í fríi á Tenerife, áður
en yfir lauk hafði hún fengið fimm
blóðtappa, hún háði hetjulega bar­
áttu í þrjá mánuð áður en yfir lauk.
Hún var hetja.“
Hann segir lækni þeirra hafa
sagt að líklega yrði þeim ekki neit­
að um lyf sé tekið mið af fordæm­
um hér á landi. „En þetta er spurn­
ing um tíma, hjá mér eru byrjaðar
skemmdir í æð í höfði, sams kon­
ar skemmdir og drógu móður mína
til dauða, bróðir minn er á stans­
lausri lyfjagjöf við verkjum. Við
höfum ekki tíma. Þetta eru dýr lyf
en okkur og öðrum lífsnauðsynleg.“
Guðmundur Skúli biðlar í kjölfarið
til allra að þrýsta á íslensk stjórn­
völd um að fá honum lyfin fyrr en
seinna. n
Fær ekki lyf við banvænum sjúkdómi
n „Mig vantar þrýsting á ríkisstjórn Íslands“
Biðlar til stjórnvalda Guðmundur Skúli
Halldórsson og bróðir hans greindust nýlega
með svonefndan Fabry-sjúkdóm. Móðir
þeirra lést úr sjúkdómnum á dögunum.