Dagblaðið Vísir - DV - 11.03.2013, Blaðsíða 2

2 Fréttir 11. mars 2013 Mánudagur
Jákvæð af-
koma Strætós
Jákvæð afkoma Strætós nam 294
milljónum króna fyrir árið 2012.
Í tilkynningu sem Strætó sendi
frá sér kemur fram að á undan­
gengnum misserum hafi verið
unnið markvisst að því að bæta
stöðu og rekstrarhæfni Strætós
bs. „Skuldir hafa verið lækkaðar
verulega og markvisst með því að
hafa jákvæða afkomu um sinn. Þá
er verið að undirbúa að endur­
nýja vagnaflotann,“ segir í tilkynn­
ingunni. Þar er einnig vitnað í
reikning þar sem fram kemur að
akstur hafi verið aukinn umtals­
vert á árinu í tengslum við að­
komu ríkisins að verkefni um
efldar almenningssamgöngur.
Ársreikningurinn var samþykktur
á stjórnarfundi 1. mars.
Ræða stöðu
femínista
Brynjar Níelsson og Hildur Lillien­
dahl eru meðal framsögumanna á
málþingi ungra sjálfstæðismanna
í Reykjavík um femínisma næst­
komandi fimmtudag. Fundurinn
ber yfirskriftina Staða femínisma á
Íslandi í dag og er um að ræða árs­
hátíðarfund Heimdallar.
Brynjar er þekktur fyrir að
liggja ekki á skoðunum sínum
og hefur hann verið gagnrýninn
á málflutning og baráttuaðferðir
femínista. Ummæli hans hafa
gjarnan sætt mikilli gagnrýni.
Brynjar er frambjóðandi Sjálf­
stæðisflokksins fyrir komandi Al­
þingiskosningar og fyrrverandi
formaður Lögmannafélags Ís­
lands.
Hildur hefur vakið athygli
fyrir baráttu sína fyrir réttindum
kvenna og hún hefur þurft að sæta
mikilli gagnrýni fyrir. Segja má að
hún sé einn þekktasti talsmaður
kvenréttinda hér á landi um
þessar mundir. Hún hefur vakið
athygli utan landsteinanna fyrir
baráttu sína, meðal annars vegna
þess að henni hefur ítrekað verið
vísað af samskiptasíðunni Face­
book fyrir að benda á mjög niðr­
andi ummæli annarra netverja í
garð kvenna.
Einnig verða með framsögu
á fundinum þær Helga Þórey
Jónsdóttir femínisti og Hildur
Sverrisdóttir, varaborgarfull­
trúi Sjálfstæðisflokksins, sem rit­
stýrði bókinni Fantasíur. Eftir að
framsögumenn hafa flutt mál sitt
verður opnað fyrir spurningar úr
sal. Fundarstjóri verður Áslaug
Arna Sigurbjörnsdóttir, formaður
Heimdallar, og fer fundurinn fram
í Valhöll. Fundurinn hefst klukkan
20.00 og boðið verður upp á léttar
veitingar.
P
abbi minn var 35 ára þegar
hann dó úr krabbameini
og ég ákvað að gera þetta í
minningu hans,“ segir Guð­
mundur Guðjónsson, einn
þátttakenda í Mottumars sem fer nú
fram í fjórða sinn. Þetta er í fyrsta
sinn sem Guðmundur tekur þátt en
hann þekkir vel að vera aðstand­
andi krabbameinssjúklings. Faðir
hans greindist með krabbamein
þegar Guðmundur var á unglings­
aldri og dó fjórum árum seinna, árið
1994. Þá var Guðmundur aðeins 16
ára elstur fjögurra systkina; 13, 7 og
4 ára.
„Pabbi reyndi allt“
„Þetta var ekkert auðvelt,“ segir
Guðmundur sem ungur tók á sig
hlutverk húsbóndans á heimilinu
en móðir hans stóð ein eftir með
börnin sín fjögur. Veikindi föður
hans voru erfið. „Pabbi fékk þrisvar
heilaæxli. Fyrstu tvö voru góðkynja
en það síðasta var illkynja. Hann
var í læknismeðferðum í fjögur
ár,“ segir Guðmundur en krabba­
meinið greindist um svipað leyti
og yngri bróðir hans fæddist. Fjöl­
skyldan bjó á Ísafirði og börnin
voru hjá vinum og ættingjum með­
an hjónin leituðu lækninga fyrir
sunnan.
„Pabbi reyndi allt. Hann var í
geislameðferðum, lyfjameðferðum
og reyndi líka grasalækningar,“ segir
Guðmundur. Allt kom fyrir ekki og
á endanum sigraði meinið. Faðir
hans lést aðeins þrjátíu og fimm ára
að aldri.
Vissi ekki um neinn í sömu
sporum
Guðmundur segir meiri vitund vera
um krabbamein hjá körlum í dag en
var í kringum 1990 þegar faðir hans
veiktist. „Ég heyri miklu meira af því
í dag að fólk sé að læknast af krabba­
meini. Á þessum tíma hafði ég
aldrei heyrt af þessu og vissi ekki um
neinn annan sem stóð í því sama.“
Guðmundur segist hafa viljað
leggja sitt af mörkum og því ákveðið
að safna mottu fyrir mottumars.
„Ég hef aldrei verið með áður, ég er
ekki með það frjóan skeggvöxt að ég
hafi getað safnað upp í almennilega
mottu áður,“ segir hann hlæjandi.
Hann segist hafa safnað í dágóðan
tíma og svo litað mottuna þannig
hún sæist almennilega.
Upphaflega vonaðist Guðmund­
ur til þess að geta safnað um tíu þús­
und krónum í átakinu en er komin
töluvert upp fyrir það nú þegar. „Ég
gerði mér eiginlega engar vonir
og gerði þetta meira upp á grín­
ið. Svona grín með dassi af alvöru,“
segir hann.
Hægt er að heita á Guðmund og
hundruð annarra inn á heimasíð­
unni: Mottumars.is. n
n Faðir Guðmundar dó úr krabbameini 35 ára n 725 karlar greinast árlega
Mottufeðgin Hér er Guðmundur
með Jóhönnu Elísabetu dóttur sinni
sem fékk aldrei að kynnast afa
sínum. Jóhanna veitir málefninu lið
og er með mottu á myndinni.
Í minningu föður síns Guðmundur
ákvað að taka þátt í mottumars í minningu
föður síns sem lést langt fyrir aldur fram,
aðeins 35 ára.
„Pabbi fékk þrisvar heilaæxli.
Fyrstu tvö voru góðkynja en
það síðasta var illkynja.
Magi og þarmar
n Breytingar á starfsemi þarmanna
(t.d. þrálátur niðurgangur, harðlífi eða
vindgangur)
n Blóð eða slím í saur
n Ógleði og uppköst
n Lystarleysi
n Þú léttist að ástæðulausu
n Erfiðleikar með að kyngja
n Sársauki, t.d. að aflokinni máltíð
n Óeðlilegur þrýstingur í kvið
Húðin
n Fæðingarblettir sem eru óreglulegir að
lit eða lögun
n Fæðingarblettir sem breyta um lit eða
lögun
n Fæðingarblettir sem þig klæjar í eða
blæðir úr
n Sár sem ekki gróa
n Þrálát útbrot sem minna á exem
Brjóst og lungu
n Mjög þrálátur hósti
n Þrálát hæsi
n Mæði
n Þrálátur sársauki fyrir brjósti
n Bólgur á eða við háls
n Blóð í munnvatni
n Slappleiki og þreyta
Blöðruhálskirtill
n Blóð í þvagi
n Vaxandi erfiðleikar við þvaglát
n Sársauki í baki eða mjaðmagrind
Eistu
n Þrálát eymsli eða bólgur
n Stærðarbreytingar á eista
n Eista virðist harðna
n Afmörkuð kúla á eista
n Bólgur í fótum
n Þyngslatilfinning í pungi
n Lærðu að þreifa á pungnum
Önnur hættumerki
n Blóð í þvagi, sæði eða saur
n Aumar eða bólgnar geirvörtur
n Þrálát bólga í eitlum
n Nýir bakverkir sem ekki hverfa
n Óeðlileg þreyta eða slappleiki
n Lystarleysi
n Þú léttist að ástæðulausu
n Undarlegar kúlur og bólgur
n Endurteknar sýkingar
Þekktu einkennin
Karlmenn og krabbamein
Árlega greinast á Íslandi að meðaltali 725 karlar með krabbamein
Árlega deyja að meðaltali 287 karlar úr krabbameini á Íslandi
Koma má í veg fyrir að minnsta kosti 1 af 3 krabbameinum
Líkur á því að fá krabbamein aukast eftir fertugt
Fjármunir sem safnast í átakinu Karlmenn og krabbamein verða notaðir í rannsóknir,
forvarnir, stuðning og ýmis önnur verkefni sem tengjast baráttunni við krabbamein í
karlmönnum.
Hjá Ráðgjafarþjónustu Krabbameinsfélagsins er hægt að leita svara við spurningum af
öllu tagi um krabbamein, bæði að kostnaðarlausu og nafnlaust. Gjaldfrjáls símaráðgjöf
er í síma 800 4040. Netfangið er 8004040@krabb.is.
UPPlýsingar fengnar af MottUMars.is
Viktoría Hermannsdóttir
blaðamaður skrifar viktoria@dv.is
Safnar mottu í
minningu pabba