Dagblaðið Vísir - DV - 11.03.2013, Blaðsíða 3

Fréttir 3Mánudagur 11. mars 2013
Greiddu meira en þeir höfðu í laun
n Hrein eign hverrar fjölskyldu sem greiddi auðlegðarskatt var að meðaltali 513 milljónir
A
f þeim fjölskyldum sem
greiddu auðlegðarskatt á síð-
asta ári voru 2,6 prósent sem
ekki töldu fram neinar skatt-
skyldar tekjur hér á landi. Meðaltal
hreinna eigna þessara fjölskyldna var
515 milljónir króna í árslok árið 2011.
Þetta kemur fram í svari Katrínar Júl-
íusdóttur, fjármála- og efnahagsráð-
herra, við fyrir spurn Guðlaugs Þórs
Þórðarsonar, þingmanns Sjálfstæðis-
flokksins. Í svarinu kemur einnig fram
að 1,9 prósent af þeim sem greiddu
auðlegðarskatt voru rukkuð um meira
en 75 prósent en minna en 100 prósent
af tekjum sínum. Í þessum hópi var
hrein eign hverrar fjölskyldu að jafnaði
513 milljónir króna.
Guðlaugur spurði einnig að því
hversu margar fjölskyldur af þeim 20
prósentum sem greiddu hæstan auð-
legðarskatt árið 2010 hafi haft skatta-
legt heimilisfesti hér á landi í árslok
árið eftir. Katrín segir í svari sínu að
af þeim 627 fjölskyldum sem mynda
þann hóp sem greiddi mest í auð-
legðarskatt hafi 17 fjölskyldur, eða 0,5
prósent af heildarfjölda greiðenda,
verið með lögheimili erlendis í febrúar
síðastliðnum. Þessar fjölskyldur fluttu
samtals 20 sinnum til útlanda frá árinu
2006 sem þýðir að sumar fjölskyldurn-
ar hafi flutt fram og til baka. „Af þeim
hópi sem auðlegðarskattur var lagður
á árið 2011 fluttu átta fjölskyldur til
útlanda árið 2011, átta árið 2012 og
tvær á þessu ári,“ segir í svarinu. n
n Faðir Guðmundar dó úr krabbameini 35 ára n 725 karlar greinast árlega
V
ið biðjum Alþingi að
stofna sérstaka nefnd
sem skoðar vinnubrögð
hjá Barnaverndarnefnd-
um á Íslandi og hjá Barna-
verndarstofu,“ segir greinargerð
er fylgir undirskriftalista sem
settur hefur verið af stað af ungum
manni, Hlyni Má Vilhjálmssyni.
„Við viljum að nefndin gefi þeim
einstaklingum, sem telja sig hafa
verið beittir misrétti af hálfu barna-
verndarkerfisins, tækifæri á að
segja sögu sína,“ segir Hlynur Már.
Hann þekkir vel til barnaverndar,
en hann var á forræði þeirra nán-
ast alla barnæsku sína.
Mikið áfall
Hlynur Már var vistaður hjá fóstur-
fjölskyldu þegar hann var átta ára.
Hann hafði þá verið tekinn frá
móður sinni, en eftir nokkuð rót
á mismunandi fósturheimilum,
fannst loksins heimili þar sem
hann undi hag sínum vel. Svo fór
að fósturforeldrar hans gengu
honum í foreldrastað. Hlyni leið
afar vel á heimilinu og segist hafa
tengst fjölskyldunni mjög fljótlega
tilfinningaböndum. Það var því
mikið áfall þegar ákvörðun var tek-
in um að breyta heimilinu þannig
að í stað fósturforeldranna kæmu
starfsmenn sem unnu á vöktum.
Hlýjuna vantaði
Þá var Hlynur þrettán ára og við
þessa breytingu segir hann að
heimilisbragurinn hafi horfið. Hús-
ið, sem áður hafði verið heimili,
fékk á sig stofnanabrag. „Það vant-
aði alla hlýju, umhyggju og kær-
leika,“ segir hann en það hafði ein-
kennt heimilið áður fyrr þegar
fósturforeldrarnir sáu um það. „Eft-
ir að hafa misst tengsl við blóðfjöl-
skyldu mína voru tengsl nú rofin
við fólkið sem ég lagði mitt traust
á.“ Breytingarnar höfðu miklar og
alvarlegar afleiðingar fyrir Hlyn sem
hefur allar götur síðan átt erfitt með
að fóta sig. Hann glímir við alvar-
lega kvíðaröskun sem hamlar því að
hann geti stundað nám eða vinnu.
„Ég skil hvernig mörgum börnum í
kerfinu líður, ég var sjálfur í þessari
stöðu,“ segir hann.
Alvarlegar athugasemdir
Hlynur gerir alvarlegar athuga-
semdir við hvernig tekið var á mál-
um hans innan kerfisins. Hann
segist hafa upplifað óöryggi og
vandræðagang. Þá hafi ekki verið
stuðlað að því að tryggja samskipti
milli hans og bróður hans, sem
bjó á öðru heimili. Hlynur áréttar
að það séu margir sem starfi fyrir
barnaverndaryfirvöld sem sinni
starfi sínu vel. Hins vegar séu ef
til vill mörg börn sem eru eins og
hann sem hafi orðið fyrir barðinu
á slæmum ákvarðanatökum. Það
sé ekki hægt að horfa fram hjá því.
„Þetta gæti hent hvaða fjölskyldu á
landinu sem er,“ segir hann. Hann
steig fram í sumar og sagði frá upp-
lifun sinni. Verkefnið kallar hann
„Börnin okkar“ og segir það vera
rökrétt framhald af þeirri frásögn.
Þar lagði hann upp með að hjálpa
öðrum og vill nú hrinda því í fram-
kvæmd. Við undirskriftalistann er
fólk hvatt til þess að deila reynslu
sinni af samstarfi við Barna-
verndarnefnd og hafa þegar fjöl-
margir gert það. Hlynur hvetur þá
sem deila upplifun hans af þess-
um málum, eða gera athugsemdir
við störf barnaverndarnefndar, til
að stíga fram og segja frá. „Fyrst og
síðast snýst þetta um velferð barn-
anna og að gerðar verði endurbæt-
ur á barnaverndarkerfinu,“ segir
hann og hvetur fólk til að setja nafn
sitt á listann. n
Kærleikurinn var farinn
Hlynur vill að farið verði yfir
störf Barnaverndar.
Mynd sigtryggur Ari
Vildu Braga
á brott
Skammt er síðan fjörutíu mótmæl-
endur mættu til Barnaverndarstofu og
kröfðust þess að Bragi Guðbrandsson,
forstjóri hennar, segði af sér. Aðgerð-
irnar beindust gegn meintri handvömm
Braga Guðbrandssonar, forstjóra
Barnaverndarstofu, stofnunar hans og
stjórnvalda í forræðisdeilu Hjördísar
Svan Aðalheiðardóttur við danskan
barnsföður hennar. Hjördís hefur verið
Hlyni innan handar við undirskriftasöfn-
unina. Þá benti Bragi á að krafan
byggðist ef til vill á misskilningi. „Ég
hef samúð með fólki að vera ekki inni í
flóknu regluverki þessara mála og það
þekkir aðeins eina hlið málsins, það
þekkir ekki hlið föðurins heldur hefur
verið matað einhliða upplýsingum frá
móðurinni. Það eru tvær hliðar á þessu
máli,“ sagði Bragi.
Áskorunin
Undirskriftalistann er að finna á síðunni
Change.org ef leitað er að: Áskorun til
stjórnvalda að stofnuð verði rann-
sóknarnefnd sem skoðar starfshætti
Barnaverndar.
Ásta Sigrún Magnúsdóttir
blaðamaður skrifar astasigrun@dv.is
„Það vantaði alla hlýju,
umhyggju og kærleika“
n Undirskriftalisti þar sem hvatt er til rannsóknar á vinnubrögðum Barnaverndar
sautján flutt Í svarinu segir að sautján
af þeim fjölskyldum sem borguðu mest í
auðlegðarskatt 2010 hafi verið fluttar utan
í febrúar síðastliðnum.
Fólskuleg
líkamsárás
Karlmaður varð fyrir alvarlegri
líkamsárás í Grafarvogi á ellefta
tímanum á laugardagskvöld.
Hann fékk slæma áverka, en það
brotnuðu meðal annars í honum
nokkrar tennur.
Maðurinn var að aka bifreið
sinni þegar hann tók eftir því að
honum var veitt eftirför. Þegar
hann nam svo staðar gerði sá sem
hafði veitt honum eftirför það líka.
Maðurinn í bifreiðinni fyrir aft-
an steig út úr bílnum sínum, gekk
að manninum og sló hann hnefa-
höggi í andlitið. Eftir þetta flúði
árásarmaðurinn burt og er hans
ennþá leitað.