Dagblaðið Vísir - DV - 13.03.2013, Blaðsíða 15

Fékk þrisvar
heilaæxli
Þetta er spurning
um peninga
Ég hélt alltaf að ég
væri með flensu
Guðmundur Guðjónsson safnar mottu í minningu föður síns. – DVUng kona sem útskrifaðist úr Lögregluskólanum í desember fær hvergi vinnu. – DVBjörn Magnússon læknaðist af lifrarbólgu C en þurfti nýtt nýra. – DV
Alþingi er rúið trausti
Spurningin
„Ég hef enga trú á því að það sé
að koma.“
Óskar Arnórsson
34 ára bankastarfsmaður
„Mér finnst það æðislegt. Það er
góð lykt í loftinu, svona Cetavlex-
lykt í loftinu.“
Daníel Perez Eðvarðsson
20 ára ljósmyndanemi
„Það er bara yndislegt. Meiri
dagsbirta og meiri gleði.“
Benedikt Reynisson
35 ára textahöfundur
„Mér finnst bara rosalega gott að
vorið sé að koma.“
Daníel Örn Einarsson
24 ára handboltamaður
„Það er ekkert komið. Annars
verður það fínt þegar að því
kemur.“
Sveinn Rúnar Einarsson
26 ára rekstrarstjóri á Prikinu
Hvað finnst þér
um vorkomuna?
1 „Það vantaði alla hlýju, umhyggju og kærleika“ Hlynur
Már var á forræði barnaverndar nánast
alla sína barnæsku.
2 Fékk sýkt blóð eftir alvarlegt bílslys Björn Magnússon gekkst
undir nýrnaígræðslu en nýrað fékk
hann frá eiginkonu sinni.
3 Stunda kynlíf 112 sinnum á ári Samkvæmt rannsókn stunda pör á
aldrinum 18–29 ára kynlíf 112 sinnum á
ári að meðaltali.
4 Ahmadinejad í bobba fyrir að faðma forsetamóður Aðstoðar-
menn hans reyndu síðan að falsa
myndina og setja karlmann í staðinn.
5 Þriggja ára fangelsisvist fyrir að smygla fornminjum frá
Tyrklandi Davíð Arnar Bjarnason
situr í fangelsi í Tyrklandi grunaðir um
smygl á fornminjum.
6 „Ég finn enn til mikils haturs gagnvart föður mínum“ Nate
Phelps flúði frá Westboro Baptist
Church-söfnuðinum í Bandaríkjunum.
7 „Læk“-hnappurinn getur komið upp um þig Rannsókn
gefur til kynna að like-hnappurinn sé
ekki eins saklaus og hann lítur út fyrir
að vera.
Mest lesið á DV.is
E
kkert er eins brothætt og traust.
Það tekur langan tíma að byggja
það upp og lítið feilspor getur rú-
stað því. Alþingi er rúið trausti
eftir það sem gengið hefur á síðustu
misserin. Sennilega væri eitthvað
að þjóðinni ef það treysti þinginu og
stjórnmálamönnum eftir það sem
á undan er gengið. En ástandið er
óviðunandi og verður að breytast.
Margt hefur farið miður á þessu
kjörtímabili þótt við höfum ekki þurft
að upplifa álíka hamfarir og á því sem
var á undan. Ég mun aldrei fyrirgefa
það hvernig bankarnir hafa verið
endurreistir á kostnað skuldsettra
heimila og ekki heldur að tækifærin til
að leiðrétta forsendubrestinn sem olli
stökkbreytingu lánanna okkar skuli
ekki hafa verið nýtt. Ég mun aldrei
fyrir gefa það að heil kynslóð fólks er
nú tæknilega gjaldþrota, eignir hennar
og ævisparnaður hefur gufað upp. Allt
þetta má skrifa á núverandi stjórnvöld.
Það er hins vegar ekki hægt að segja
að ríkisstjórnin beri ábyrgð á því að
hugsanlega séum við að glutra niður
einstöku tækifæri til að endurskoða
stjórnarskrána í heild sinni. Stjórnar-
skráin er mál fólksins og mál þingsins,
ekki ríkisstjórnarinnar.
Eftir að rannsóknarnefnd Alþing-
is hafði skilað skýrslu sinni fór fram
mikil og merkileg vinna í þinginu.
Markmiðið var að læra af skýrslunni
og tryggja að aldrei aftur gæti svona
nokkuð gerst. Við ætluðum að bæta
okkar vinnubrögð og verkferla, bæta
stjórnmálamenninguna og fara yfir þá
löggjöf sem nauðsynlegt var talið að
laga. Alþingi ályktaði þann 28. septem-
ber 2010 í kjölfar þeirrar vinnu og þar
stendur meðal annars:
„Alþingi ályktar að brýnt sé að
starfshættir þingsins verði teknir til
endurskoðunar. Mikilvægt sé að Al-
þingi verji og styrki sjálfstæði sitt og
grundvallarhlutverk.
Alþingi ályktar að taka verði gagn-
rýni á íslenska stjórnmálamenningu
alvarlega og leggur áherslu á að af
henni verði dreginn lærdómur.“
Þingið samþykkti einnig að fram
skyldi fara endurskoðun á hinum
ýmsu lögum á tilgreindum sviðum.
Þar var endurskoðun á stjórnarskrá
lýðveldisins að sjálfsögðu fyrst nefnd.
Þeirri endurskoðun virðist þingið nú
vera að klúðra sem eykur vart á traust
til þess.
Og maður hlýtur að spyrja, hvað
sé að þessu þingi? Af hverju get-
ur þingið ekki klárað þetta mál? Ég
á sæti í stjórnskipunar- og eftirlits-
nefnd og málið er fullbúið. Við höf-
um fengið til okkar færustu sér-
fræðinga, innan lands og utan og velt
við hverjum steini. Menn segja að
það sé ekki tími til að klára málið en
það er rugl, það er víst tími. Af hverju
skyldu þingmenn ekki vinna út kjör-
tímabilið?
Það væri þyngra en tárum taki
ef Alþingi tekst ekki að samþykkja
málið á þessu þingi. Auðvitað þarf
það næsta að samþykkja líka en þá
geta kjósendur líka valið flokka í
næstu kosningum eftir því hvar þeir
standa í þessu máli. Þrír þingmenn í
formannsbrókum hafa lagt fram fal-
lega þingsályktun um að klára mál-
ið á næsta kjörtímabili. Ég spyr, af
hverju ættu kjósendur að treysta því
að nýtt þing ynni eftir henni þegar
reynslan frá 28. september 2010 sýn-
ir að þingmenn virða ekki einu sinni
eigin ályktanir.
Og traust á Alþingi mun ekki vaxa
á meðan það stendur ekki við eigin
ályktanir og skuldbindingar.
Blíða Eftir átökin í veðrinu undanfarnar vikur leika nú öllu mildari vindar um landið. Um helgina kólnar á nýjan leik en ekki er þó útlit fyrir viðlíka vetrarharðindi og geisuðu um
land allt í síðustu viku. Með hverjum deginum styttist í vorið, eins og sjólagið við Reykjavík á þriðjudag bar vott um. Mynd Eyþór ÁrnasonMyndin
Kjallari
Margrét
Tryggvadóttir
Umræða 15Miðvikudagur 13. mars 2013
„Stjórnar-
skráin er mál
fólksins og mál
þingsins, ekki rík-
isstjórnarinnar.