Dagblaðið Vísir - DV - 13.03.2013, Blaðsíða 20

Gamlir en Góðir
20 Sport 13. mars 2013 Miðvikudagur
n Úrvalslið leikmanna sem komnir eru af léttasta skeiði n Tveir verða fertugir á árinu
Ö
ldungurinn Ryan Giggs
spilaði á dögunum sinn
þúsundasta leik á ferlinum
í leik Manchester United
og Real Madrid í Meistara­
deildinni. Af því tilefni tók DV
saman lið öldunga í boltanum sem
enn eru að gera fína hluti. Skilyrði
fyrir sæti í liðinu er að viðkomandi
leikmaður verði 35 ára á árinu.
Þannig eru leikmenn eins og Frank
Lampard og Carles Puyol gjald­
gengir í liðið enda þótt þeir séu
enn 34 ára. Ljóst er að þetta lið
gæti gert fína hluti í boltanum.
einar@dv.is
Gianluigi
Buffon
35 ára
Fæddur: 28. janúar 1978
Landsleikir/mörk: 124/0
Buffon er enn í fullu fjöri og
stendur á milli stanganna
hjá besta liði Ítalíu, Juventus. Þessi öflugi markmaður
er einnig aðalmarkvörður ítalska landsliðsins og þrátt
fyrir að vera orðinn 35 ára virðist hann eiga nóg eftir.
Miroslav
Klose
34 ára
Fæddur: 9. júní 1978
Landsleikir/mörk: 126/67
Klose er einn mesti markahrók-
ur síðari ára og hefur skorað
67 mörk fyrir þýska landsliðið.
Þessi öflugi skallamaður spilar í dag með Lazio á
Ítalíu þar sem hann hefur skorað í öðrum hverjum
leik að meðaltali – þar af 11 á yfirstandandi leiktíð.
Didier
Drogba
35 ára
Fæddur: 11. mars 1978
Landsleikir/mörk: 95/60
Drogba sýndi og sannaði í
úrslitaleik Meistaradeildar-
innar síðasta vor að hann
er stórbrotinn framherji. Hann yfirgaf Chelsea í
sumar og staldraði við í Kína. Drogba spilar í dag
með tyrkneska stórliðinu Galatasaray.
Francesco
Totti
36 ára
Fæddur: 27. sept. 1976
Landsleikir/mörk: 58/9
Totti hefur alla sína tíð
spilað með Roma og
ávallt verið frábær. Totti
er fastamaður í liðinu og gríðarlega vinsæll
meðal stuðningsmanna. Hann hefur skorað
10 mörk í ítölsku deildinni í vetur í 25 leikjum
sem er býsna gott.
Ryan
Giggs
39 ára
Fæddur: 29. nóv. 1973
Landsleikir/mörk: 64/12
Giggs lék sinn þús-
undasta leik á dögunum
fyrir Manchester United
og hefur reynst liðinu
ómetanlegur. Þrátt fyrir
að verða fertugur á árinu ætlar Giggs að
halda áfram að spila. Hann er í feiknarformi
og virðist eiga nóg eftir.
Frank
Lampard
34 ára
Fæddur: 20. júní 1978
Landsleikir/mörk: 94/27
Lampard er einn marka-
hæsti leikmaður í sögu
Chelsea sem er býsna
magnaður árangur sé litið
til þess að hann hefur alla tíð spilað á
miðjunni. Hefur haldið uppteknum hætti
í markaskorun í vetur og smellt inn 13
mörkum í það heila.
Massimo
Ambrosini
35 ára
Fæddur: 29. maí 1977
Landsleikir/mörk: 35/0
Ambrosini leggur jafnan
hart að sér á vellinum eins
og félagar hans hjá Milan
vita. Hann hefur reynst Milan-liðinu ómetan-
legur í þau 18 ár sem hann hefur þjónað
því. Sýndi og sannaði í fyrri leiknum gegn
Barcelona í 16 liða úrslitum Meistaradeildar-
innar að hann á nóg eftir.
Joan
Capdevila
35 ára
Fæddur: 3. febrúar 1978
Landsleikir/mörk: 60/4
Ef hægt er að tala um
vandræðastöðu í þessu
öfluga liði er það vinstri
bakvarðarstaðan.
Niðurstaðan varð þó sú
að velja Capdevila enda
er hann fastamaður í liði Espanyol á
Spáni. Lék 60 landsleiki fyrir Spán og vann
meðal annars EM 2008 og HM 2010.
Carles
Puyol
34 ára
Fæddur: 13. apríl 1978
Landsleikir/mörk: 100/3
Puyol hinn hárprúði hefur
lengi staðið í eldlínunni og
þrátt fyrir að hann sé farinn
að eldast eru fáir miðverðir á hans aldri betri.
Á 100 landsleiki fyrir Spán og hefur unnið
allt sem hægt er að vinna í boltanum með
félagsliði sínu Barcelona og landsliðinu.
Jamie
Carragher
35 ára
Fæddur: 28. janúar 1978
Landsleikir/mörk: 38/0
Carragher fær heiðurs-
sæti í liðinu enda leggur
hann skóna á hilluna í lok
tímabilsins. Það er ekki
eina ástæðan fyrir veru hans í liðinu enda hefur
hann spilað vel með Liverpool á tímabilinu.
Carragher á yfir 700 leiki með Liverpool og hef-
ur eignað sér stöðu miðvarðar af Martin Skrtel.
Javier
Zanetti
39 ára
Fæddur: 10. ágúst 1973
Landsleikir/mörk: 145/5
Argentínumaðurinn er
fastamaður í liði Inter og
það þrátt fyrir að verða
fertugur á árinu! Zanetti
kom til Inter árið 1995 og hefur
gengið í gegnum súrt og sætt með
liði sínu. Óumdeilanlega einn allra
besti hægri bakvörður undanfarna
tvo áratugi.
Bekkur
Jussi Jääskeläinen (37 ára)
Langreyndasti markvörður ensku
úrvalsdeildarinnar. Finninn hefur verið
öflugur með West Ham í vetur.
William Gallas (35 ára)
Frakkinn sterki fær reglulega mínútur
hjá Tottenham og virðist enn vera í
fínu formi.
Daniel van Buyten (35 ára)
Belginn stóri spilar með Bayern og
hefur verið hluti af bestu varnarlínu
Evrópu í vetur. Er á bekknum því
hann er ekki fastamaður hjá þýska
stórliðinu.
Bekkur
David Beckham (37 ára)
Beckham kann ennþá að sparka í
boltann og gerir það í dag hjá stórliði
PSG í Frakklandi.
Paul Scholes (38 ára)
Líkt og Giggs hefur Scholes leikið allan
sinn feril með Manchester United.
Yfirvegaður á boltanum og með magn-
aðar sendingar.
Alessandro del Piero (38 ára)
Del Piero yfirgaf Juventus síðasta
sumar eftir farsælan feril og hélt til
Ástralíu. Þar hefur hann verið á skot-
skónum og skorað 12 mörk í 21 leik.