Dagblaðið Vísir - DV - 08.04.2013, Blaðsíða 14

Sandkorn
S
tórtíðindi eru í uppsiglingu ef
kosningaúrslit fara saman við
skoðanakannanir og Fram­
sóknarflokkurinn verður
stærsta stjórnmálaaflið. Það
þýðir í raun að Sjálfstæðisflokkurinn
missir þá yfirburðastöðu sem hann
hefur haft um áratugaskeið. Kjósendur
sem að öllu jöfnu kjósa til hægri hafa
snúið baki við flokknum.
Þessi staða er fyrst og fremst komin
til vegna formannanna tveggja, Sig­
mundar Davíðs Gunnlaugssonar og
Bjarna Benediktssonar. Sigmundur
er foringi sem heldur sínu liði saman
og hefur sett fram stefnu sem geng­
ur í kjósendur. Hann er óumdeildur
innan síns flokks. Bjarni er fastur í for­
tíðarsyndum sínum sem snúast um
viðskiptavafninga og eitt stærsta tap
Íslandssögunnar þegar hann stýrði
olíufélaginu N1. Hann hefur ekki náð
að gera upp syndir sínar og öðlast fyr­
irgefningu og tiltrú. Minnihluti Sjálf­
stæðisflokksins stendur að baki hon­
um. Bjarna hefur ekki tekist að setja
fram stefnu sem fólkið í landinu skilur.
Öfgar, sem tengdar eru Teboðshreyf­
ingunni, svífa yfir vötnum Sjálfstæð­
isflokksins. Trúarlegt rugl og stæk
þjóðernishyggja koma upp í hugann
eftir síðasta landsfund flokksins. Og
formaðurinn er í aftursætinu.
Annar munur er á flokkunum
tveimur. Algjör endurnýjun hefur
átt sér stað innan þingflokks og for­
ystusveitar Framsóknarflokksins.
Umdeildir stjórnmálamenn hafa
vikið fyrir nýjum og óumdeildum
liðsmönnum. Sigmundur Davíð er
ekki með neinar syndir á ferilskrá
sinni. Framsóknarflokkurinn hefur
reyndar komist hjá því að gera upp
fortíð sína í íslenskum stjórnmálum.
Ástæðan er sú að enginn þeirra sem
þar stendur nú í stafni átti aðild að
þeim málum.
Innan Sjálfstæðisflokksins eru
áberandi menn með fortíð eins og
Bjarni formaður og Guðlaugur Þór
Þórðarson þingmaður. Báðir hefðu
þeir átt að axla sína ábyrgð og fara
úr pólitík, að minnsta kosti um
stundarsakir í stað þess að skemma
fyrir flokknum í heild. En þeir þvers­
kallast við og afleiðingin blasir við. Sú
afstaða er reyndar í fullkomnum takti
við þá niðurstöðu alræmds landsfund­
ar að fara að vilja Davíðs Oddssonar,
fyrrverandi formanns, og hundsa
niðurstöðu umbótanefndar sem
lagði mikla vinnu í að gera upp fortíð
flokksins með það fyrir augum að biðj­
ast fyrirgefningar. Flokkurinn er með
þá ásýnd að vera óforbetranlegur.
Sjálfstæðisflokksins fékk tækifæri
til að gera Hönnu Birnu Kristjáns­
dóttur að formanni og fá þannig heil­
brigða ímynd. Það er flestum ljóst að
með henni hefði komið meira fylgi en
nú speglast í skoðanakönnunum. Mis­
tök flokksmanna eru á góðri leið með
að rústa flokki sem ætti að fara með
himinskautum í komandi kosningum.
Hægrisinnað, heiðarlegt fólk hefur
lagt á flótta yfir í Framsóknarflokkinn.
Sigurganga Sigmundar Davíðs blasir
við öllum.
Veisla Framsóknar er líka í boði
vinstriflokkanna sem klúðruðu tæki­
færi sínu og hafa misst tiltrú kjósenda.
Óeining og óeirðir innan VG er með
slíkum endemum að þeim flokki er
ekki treystandi fyrir horn. Fjölmargir
halda því fram að loforð Framsóknar­
flokksins um að bjarga heimilunum sé
lýðskrum. Vandinn er sá að hartnær
þriðjungur kjósenda trúir því að nú­
verandi stjórnarflokkar hafi brugðist
og það sé mögulegt að taka peninga
frá hrægömmunum og færa almenn­
ingi. Til þess að skera úr um málið
er eina leiðin sú að koma Sigmundi
Davíð og hans fólki í þá aðstöðu að
þau verði að standa við stóru loforðin.
Þá kemur á daginn hver sé innistæða
loforðanna.
Jón Ásgeir snjall
n Jón Ásgeir Jóhannesson,
skuggastjórnandi 365, er á
meðal snjöllustu viðskipta­
manna landsins. Fjöl­
miðlaveldi hans stendur
sumpart sterkum fótum
þótt gríðarlegar skuldir
liggi náðarsamlegast inni í
Landsbankanum. Nýjasta
útspil Jóns Ásgeirs er að
koma höndum yfir midi.
is sem er stórveldi á sviði
miðasölu á Íslandi. Með
þessu herðir hann enn tök­
in á afþreyingarmarkaðn­
um.
Mikael í önnum
n Mikael Torfason, ritstjóri
Fréttablaðsins, er á góðri
leið með að skapa nauðsyn­
lega ró á
ritstjórn­
inni. Ólafur
Stephensen
ritstjóri fylgir
honum eftir
í einu og öllu
og andófsöfl
Jóns Ásgeirs Jóhannessonar
athafnamanns hafa verið
kveðin í kútinn. Það mátti
sjá á helgarútgáfu Frétta­
blaðsins hve umsvif ritstjór­
ans eru mikil. Þar var viðtal
við ungan mann sem leikur
hlutverk í myndinni Falskur
fugl sem er gerð eftir hand­
riti Mikaels. Þá er einnig
viðtal við leikstjóra leikrits
sem skrifað er af ritstjór­
anum.
Fallvaltir formenn
n Innan Samfylkingar og
Vinstri grænna gætir vax­
andi efasemda um að nýj­
ir formenn
nái að rífa
flokka sína
upp úr þeirri
eymd sem
blasir við í
skoðana­
könnunum.
Bæði Árni Páll Árnason og
Katrín Jakobsdóttir mun
væntanlega mæta örlögum
sínum ef kosningar fara á
þann veg sem blasir við.
Formennirnir eru báðir
bjartsýnir á að þeim takist
hið ómögulega.
Vitlaus í ís
n Framsóknarmönnum er
ekki skemmt yfir forsíðu­
viðtali Fréttatímans við Sig-
mund Davíð
Gunnlaugsson.
Formaður­
inn hafði fall­
ist á að fara
á Þingvelli
með ljós­
myndara og
blaðamanni. Á leiðinni átti
að taka viðtal sem breyttist í
stemningu. Helstu fréttirnar
eru þær að Sigmundur er
fallinn á íslenska kúrnum og
er vitlaus í ís og Mountain
Dew. Nú bíða menn spenntir
eftir næsta viðmælanda frí­
blaðsins.
Ekki gott að hafa
heimilisketti
Stóru fjölmiðlarnir
eru að deyja
Jón Bjarnason segir hrós að hafa verið kallaður villiköttur. – RÚV Birgitta Jónsdóttir ræddi framtíð fjölmiðlunar í Bandaríkjunum um helgina. – DV
Sigurganga Sigmundar„Hægrisinnað,
heiðarlegt fólk
hefur lagt á flótta
V
ið jafnaðarmenn trúum því að
við getum skapað réttlátt og
gott samfélag. Við trúum því
að öll höfum við jafnan rétt til
að þroska hæfileika okkar. Við trúum
því að vandamál megi leysa og hindr­
unum ryðja úr vegi með skynsemi og
samstöðu að vopni.
Stundum náum við ekki markmið­
um okkar og fyllumst vonbrigðum.
Kvótakerfið er ekki í höfn þótt mikill
sigur hafi unnist með lögfestingu veiði­
gjaldsins. Stjórnarskráin er óbreytt.
Íhaldssemi og tregðulögmál standa oft
í vegi fyrir mikilvægum framfaramál­
um. En við höfum rofið skörð í múr
sérhagsmunanna. Nú greiða útgerðar­
menn veiðigjald vegna afnota sinna á
fiskveiðiauðlindinni og við höfum náð
fram lýðræðis­ og mannréttindaum­
bótum sem engir nema jafnaðarmenn
hefðu sett á dagskrá.
Munum!
Í óvæginni stjórnmálabaráttunni er
gott að rifja upp grunngildin. Það er
einnig hollt að rifja upp hvernig hér
var umhorfs fyrir fjórum árum.
Okkur tókst að forða landinu frá
gjaldþroti. Það er full ástæða til að
halda því til haga hvernig við gerðum
það. Okkur tókst að verja kjör þeirra
verst settu í samfélaginu. Við höfum
– eins og jafnaðarmönnum sæmir –
dreift byrðunum með eins sanngjörn­
um hætti og mögulegt var. Hátekjufólk
og fjármagnseigendur greiða nú hærri
skatta, en fólk með lágar tekjur og
millitekjur greiðir í dag lægri skatta en
það gerði fyrir hrun.
Þrátt fyrir niðurskurð stendur vel­
ferðarkerfið enn óskaddað og bíður
þess að verða byggt upp að nýju. Af
þessu eigum við samfylkingarfólk
að vera stolt; þetta er í samræmi við
grunngildi okkar.
Breiðavíkurdrengir
Það er einnig hollt að rifja upp
daginn sem þingpallar fylltust af full­
orðnum karlmönnum, kenndum við
æsku sína í Breiðavík.
Ekkert málþóf, ekkert þras.
Jóhanna Sigurðardóttir forsætis­
ráðherra mælti fyrir frumvarpi um
skaðabætur til handa þeim sem
höfðu mátt þola dæmalaus mann­
réttindabrot. Þann dag grétu þing­
menn jafnt í sætum sínum sem
ræðupúlti Alþingis.
Við skulum einnig rifja upp daginn
sem Alþingi samþykkti ein hjúskapar­
lög. Þegar rykið sest og enginn man
lengur argaþras um verðtryggingu og
skatta, mun fólk muna eftir því að það
var ríkisstjórn Jóhönnu Sigurðardóttir
sem tryggði samkynhneigðum jafnan
rétt á við aðra í samfélaginu.
Baráttan langa
Jafnrétti kvenna og karla er enn
ekki í höfn, þrátt fyrir langa bar­
áttu. Launamunur kynjanna er enn
til staðar þrátt fyrir lagasetningu,
heitstrengingar og aðgerðir. Það er
óþolandi. Launamunur kynjanna
er brot á mannréttindum og eitt af
mikilvægustu viðfangsefnum stjórn­
málanna. En okkur miðar áfram. Ég
vil rifja upp mikilvægt skref í jafn­
réttisbaráttunni á liðnu kjörtímabili.
Þrátt fyrir aukna menntun og þátt­
töku kvenna í atvinnulífinu, eru fáar
konur í stjórnunarstöðum fyrirtækja.
Lögin sem við settum um að 40 pró­
sent stjórna fyrirtækja ættu að lág­
marki að vera skipaðar konum hafa
haft sín áhrif og munu hafa mikil
áhrif til lengri tíma.
Hugsjónir femínista um kven­
frelsi skipa ríkan sess í hugmynda­
fræði Samfylkingarinnar. Kven­
frelsi snýst ekki bara um jafnan rétt,
heldur frelsi kvenna til að vera þær
sjálfar, þroska hæfileika sína á eigin
forsendum og skapa sitt eigið líf.
Stærsta ógnin við kvenfrelsi í
íslensku samfélagi er kynbundið
ofbeldi. Ofbeldi gegn konum er
stórpólitískt mál, svartur blettur
á samfélaginu öllu. Barátta okkar
gegn vændi, nektardansi og annarri
niðurlægingu kvenna er barátta fyrir
frelsi og reisn allra kvenna og karla.
Samfylkingin er velferðarflokk­
urinn. Flokkur almannatrygginga
og heilsugæslu fyrir alla. Flokkur
menntunar og menningar fyrir
alla. Þegar fjármálakerfið, gjald­
miðillinn og efnahagslífið fóru á
hvolf stóð velferðarkerfið óskadd­
að. Stóru kvennastéttirnar stóðu
vörð um grunnstoðir íslensks sam­
félags, skólana, sjúkrahúsin, hjúkr­
unarheimilin og heilsugæslustöðv­
arnar. Okkar verkefni er að standa
vörð um kjör þessara stétta og
vinnuaðstæður.
Við Íslendingar þurfum að taka
ábyrgð hver á öðrum, standa saman
og sýna umhyggju. Byggja öruggt og
gott samfélag. Um það snúast hug­
sjónir jafnaðarmanna.
Höfundur skipar 1. sæti framboðslista
Samfylkingarinnar í Reykjavíkurkjör-
dæmi suður.
Réttlætið er leiðarljós
Útgáfufélag: DV ehf. Stjórnarformaður: Ólafur M. Magnússon Ritstjóri: Reynir Traustason (rt@dv.is) Fréttastjóri: Ingi Freyr Vilhjálmsson (ingi@dv.is) Umsjón helgarblaðs: Ingibjörg
Dögg Kjartansdóttir (ingibjorg@dv.is) Umsjón innblaðs: Kristjana Guðbrandsdóttir (kristjana@dv.is) Framkvæmdastjóri og vefstjóri DV.is: Jón Trausti Reynisson (jontrausti@dv.is)
Sölu- og markaðsstjóri: Heiða B. Heiðarsdóttir (heida@dv.is) Umbrot: DV Prentun: Landsprent Dreifing: Árvakur DV á netinu: www.dv.is
F R J Á L S T, Ó H Á Ð D A G B L A Ð
Heimilisfang
Tryggvagötu 11
Hafnarhvoli, 2. hæð
101 Reykjavík
FRéTTASkoT
512 70 70 DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AÐALnúmeR
RiTSTJÓRn
ÁSkRiFTARSími
AuGLýSinGAR
14 8. apríl 2013 Mánudagur
Leiðari
Reynir Traustason
rt@dv.is
Aðsent
Sigríður Ingibjörg
Ingadóttir
„Okkur tókst að verja
kjör þeirra verst
settu í samfélaginu.