Dagblaðið Vísir - DV - 08.04.2013, Blaðsíða 6

6 Fréttir 8. apríl 2013 Mánudagur
Heildarmynd
fyrir
samfélagið
„Við leggjum ekki upp með kosn-
ingaloforð í baráttunni eins og
aðrir. Við viljum ekki fara þá óá-
byrgu leið,“ sagði Björt Ólafsdóttir
við opnun kosningamiðstöðvar
Bjartrar framtíðar á sunnudaginn
en Björt skipar efsta sæti flokksins
í Reykjavík norður. „Okkar stefna
felst í heildarmynd fyrir íslenskt
samfélag og hún hríslast niður í
mál og málefni sem við höfum
ljóslifandi sett fram.“
Róbert Marshall, efsti maður
í Reykjavík suður, tók í svipaðan
streng. „Hugmyndafræði og nálg-
un Bjartrar framtíðar byggir á á því
að gera sitt besta. Við ætlum ekki
að taka þátt í keppni um hver sé
besti eða mesti vinur heimilanna.“
Eftir stutta ræðu tók Róbert upp
gítar og flutti lagið Purpe Rain eft-
ir tónlistarmanninn Prince og er
það líkast til vísun í einkennislit
Bjartrar framtíðar, sem er fjólublár.
Vilja flugvöll í
Vatnsmýrinni
Yfir 80 prósent landsmanna vilja
að Reykjavíkurflugvöllur verði
kyrr í Vatnsmýrinni ef marka má
könnun sem gerð var fyrir Stöð 2
og Fréttablaðið. Sérstaka athygli
vekur að ekki er munur á afstöðu
höfuðborgarbúa og þeirra sem
búa á landsbyggðinni. Sam-
kvæmt könnuninni er afstaða
Reykvíkinga til málsins gjörbreytt
frá því sem var í kosningum um
framtíð flugvallarins árið 2001. Þá
vildi meirihluti Reykvíkinga flug-
völlinn burt.
Þegar horft er á landið allt vilja
83 prósent að flugvöllurinn verði
áfram í Vatnsmýrinni, aðeins 3
prósent vilja nýtt flugvallarstæði á
Hólmsheiði en 11 prósent telja að
færa eigi starfsemina til Keflavíkur.
H
ún var einstök á allan hátt.
Hún var hjartahlýjasta
manneskja sem ég veit um.“
Svona lýsir Ásrún Telma
Hannesdóttir vinkonu sinni
Lovísu Hrund Svavarsdóttur sem lést
aðfaranótt laugardags í bílslysi, að-
eins sautján ára að aldri.
Hinn ökumaðurinn
grunaður um ölvun
Lovísa Hrund var á leið heim úr
vinnu um klukkan hálf þrjú um
nóttina þegar jeppabifreið sem kom
úr gagnstæðri átt á Akrafjallsvegi
skammt norðan við Hvalfjarðar-
göngin, skall framan á fólksbifreið
Lovísu með ofangreindum afleiðing-
um. Ökumaður jeppabifreiðarinnar,
kona um fertugt, er grunaður um
ölvunarakstur og var fluttur á slysa-
deild til aðhlynningar. Ekki er vitað
frekar um líðan konunnar.
Lovísa var fædd 5. október árið
1995 og var því aðeins sautján ára
þegar hún lést en hefði orðið átján
ára á árinu. Foreldrar Lovísu eru
Svavar Skarphéðinn Guðmundsson
og Hrönn Ásgeirsdóttir. Lovísa var
búsett á Akranesi og er bæjarfélagið
þar í sárum eftir þennan hörmulega
atburð. Bílstjóri jeppabifreiðarinnar
býr einnig í bænum.
Bæjarfélagið lamað af sorg
Bænastund var haldin á sunnu-
dagskvöld í Akraneskirkju þar sem
fjölmargir vinir og ættingjar Lovísu
Hrundar komu saman til þess að
minnast hennar. Um helgina mátti
sjá friðarljós loga víða á Akranesi og
sorgin var mikil. „Það eru bara all-
ir lamaðir af sorg. Það trúir þessu
enginn ennþá,“ segir Ásrún Telma,
vinkona Lovísu. Þær voru nánar vin-
konur, báðar hluti af stórum og nán-
um vinkonuhóp sem syrgir nú vin-
konu sína og ljóst er að stórt skarð
er höggvið í hópinn. „Við erum bún-
ar að sitja saman svona tólf stelpur
heima hjá einni og bara trúum þessu
ekki. Við héldum að við fengjum að
eldast með vinkonu okkar en svo er
hún bara tekin frá okkur,“ segir Ásrún
Telma.
Vinmörg og vinsæl
„Í þau sjö ár sem við höfum verið
vinkonur þá höfum við aldrei rifist
og við höfum aldrei orðið ósáttar.
Hún stóð alltaf við bakið á öllum
vinkonum sínum. Hún hafði alltaf
falleg orð að segja um alla og vildi
öllum vel,“ segir Ásrún Telma og
segir Lovísu hafa verið afar vin-
sæla og vinmarga. „Hún þekkti fólk
alls staðar að. Það vissu allir hver
hún var.“ Frænka Lovísu tekur i
sama streng: „Hún var alveg yndis-
leg stelpa, barngóð og átti ótrú-
lega marga vini, var vinsæl og góð
stelpa.“
Rosalega dugleg
Lovísa hafði nýlega hafið störf á
veitingastað í miðbæ Reykjavík-
ur með námi. Hún vann á veitinga-
staðnum aðra hvora helgi með-
fram námi sem hún stundaði við
Fjölbrautaskóla Vesturlands. Áður
hafði hún meðal annars starfað í
HB Granda og í tveimur verslunum
á Akranesi. „Hún vann alltaf með
náminu. Hún var bara rosalega dug-
leg á allan hátt. Hún tók líka alltaf
öllum opnum örmum og átti rosa-
lega auðvelt með að kynnast fólki.
Hún var rosalega hress og skemmti-
leg stelpa,“ segir Ásrún Telma.
Rannsókn á tildrögum slyssins
stendur yfir og lögregla verst allra
frekari frétta. n
„Hún var alveg
yndisleg stelpa“
n Lovísa Hrund lést í bílslysi aðeins sautján ára n Bæjarfélagið í sárum
Viktoría Hermannsdóttir
blaðamaður skrifar viktoria@dv.is
Fjórir látnir í umferðinni
S
lysið er þriðja banaslysið
sem orðið hefur á skömm-
um tíma og samkvæmt vef
Umferðarstofu hafa nú fjög-
ur banaslys orðið á árinu. Þann
fyrsta apríl síðastliðinn lést þriggja
ára stúlka, þegar fjórhjól sem hún
var farþegi á valt. Karlmaður fædd-
ur 1967 lét lífið í hörðum árekstri
á Skeiðavegi þann 25. mars síðast-
liðinn þegar jeppabifreið sem hann
ók skall á dráttarvél. Þann 3. janúar
lést einn farþegi af fjórum þegar
jeppi ók út af veginum skammt frá
Kotá í Skagafirði.
Árið 2012 voru níu banaslys
í umferðinni, þar af þrjú í mars
og apríl. Árið 2011 létust 12 í um-
ferðinni af slysförum og sjö árið
2010.
Góðar vinkonur Ásrún Telma og Lovísa höfðu verið vinkonur í sjö ár. Ásrún segir hana hafa
verið hjartahlýjustu manneskju sem hún hafi þekkt.
„Það trúir
þessu
enginn ennþá
Vinsæl og vinmörg
Lovísa Hrund var afar vinsæl
og vinmörg að sögn vinkonu
hennar. Bæjarfélagið er
harmi slegið vegna þessa
hörmulega banaslyss.
Lovísa Hrund Svavarsdóttir
Fædd 5. október 1995 Dáin 6. apríl 2013