Dagblaðið Vísir - DV - 03.01.2014, Side 8

Helgarblað 3.–6. janúar 20148 Fréttir
Ríkið greiddi kostnað
fyrir maka ráðherra
Ferðakostnaður ráðherranna níu nemur fjörtíu og þremur milljónum króna frá kosningunum síðastliðið vor
R
áðherrar í ríkisstjórn Fram­
sóknar og Sjálfstæðisflokks
hafa ferðast fyrir meira en
fjörtíu milljónir króna frá
kosningum. Þetta kemur
fram í gögnum sem ráðuneytin tóku
saman að beiðni DV. Gunnar Bragi
Sveinsson utanríkisráðherra hefur
farið í flestar ferðir, eða tíu talsins,
en Sigmundur Davíð Gunnlaugsson
forsætisráðherra í níu. Dýrasta
ferðin sem farin hefur verið frá
kosningum var ferð Gunnars Braga
og fjögurra fylgdarmanna til New
York á allsherjarþing Sameinuðu
þjóðanna en ráðuneytið pungaði út
3,75 milljónum fyrir hana.
Milljón á ferð
Að jafnaði kostaði hver ferð ráð­
herranna um milljón krónur. Alls
voru farnar fjörtíu og fimm ferð­
ir, samkvæmt þeim gögnum sem
liggja fyrir, og var heildarkostnað­
ur þeirra 43 milljónir króna. Gögnin
ná mislangt aftur í tímann en ráðu­
neytin svöruðu hvert í sínu lagi og
á mismunandi tímum. Gögnin ná
þó yfir allar ferðir sem ráðherrarn­
ir fóru á kostnað ráðuneytanna á
tímabilinu frá því að ný stjórn tók
við völdum í maí til loka nóvember­
mánaðar í fyrra.
Konan í boði ráðuneytisins
Í gögnunum kemur fram að einu
sinni hafi verið greitt fyrir maka ráð­
herra. Það var þegar Bjarni Bene­
diktsson, fjármála­ og efnahags­
ráðherra, fór til Washington D.C. í
Bandaríkjunum vegna ársfundar Al­
þjóðagjaldeyrissjóðsins. Eiginkona
Bjarna, Þóra Margrét Baldvinsdóttir,
fór með í ferðina sem stóð í þrjá
daga. Heildarkostnaður ráðuneytis­
ins vegna ferðarinnar var 1,25 millj­
ónir króna.
Aðeins eitt annað dæmi er í
gögnunum um að maki hafi verið
með í för þegar ráðherra ferðað­
ist til útlanda en í það skipti borg­
aði ríkið ekki undir viðkomandi.
Það var þegar Illugi Gunnars­
son, mennta­ og menningarmála­
ráðherra, fór með eiginkonu sinni,
Brynhildi Einarsdóttur, til Feneyja á
Ítalíu til að vera viðstödd Feneyjat­
víæringinn. Í þeirri ferð fóru þau tvö
saman án fylgdarmanna og kostaði
ferðin 230 þúsund krónur samtals.
Kíktu á leik í Zagreb
Ein af fjórum ferðum Illuga til
útlanda frá kosningum var til
Zagreb í Króatíu. Þá fór hann ásamt
aðstoðarmanni sínum, Magnúsi
Ragnarssyni, til að fylgjast með leik
Íslands og Króatíu í undankeppni
heimsmeistaramóts í knattspyrnu
karla. Leikurinn endaði með tapi
Íslendinga en þar með var HM
draumurinn úti. Ferðin kostaði 273
þúsund krónur en enginn gisti­
kostnaður var greiddur af ríkinu í
ferðinni samkvæmt upplýsingum
frá ráðuneytinu.
Það er ekki einsdæmi að ráðherr­
ar sæki landsleiki Íslands en ekki er
vitað til þess að ráðherrann hafi sótt
aðra leiki í undankeppninni erlend­
is. Hann á þó fast sæti í heiðurs­
stúkunni á Laugardalsvelli og getur
fylgst með öllum heimaleikjum ís­
lenska knattspyrnulandsliðsins.
Gögnin sem tekin voru saman
voru tekin saman í hverju ráðuneyti
fyrir sig. Öll ráðuneytin fengu sams
konar upplýsingabeiðni og höfðu
öll nema eitt svarað fyrirspurninni
um jólaleyti. Innanríkisráðuneytið
svaraði á nýju ári. n
Gunnar Bragi Sveinsson
Utanríkisráðherra
Hefur farið í tíu ferðir frá því að hann tók
við völdum. Samtals hefur ferðakostn-
aður hans og fylgdarmanna numið 14,59
milljónum.
Sigmundur Davíð
Gunnlaugsson
Forsætisráðherra
Hefur farið í níu ferðir frá því að hann tók
við völdum. Samtals hefur ferðakostn-
aður hans og fylgdarmanna numið 9,35
milljónum.
Ragnheiður E.
Árnadóttir
Iðnaðarráðherra
Hefur farið í fimm ferðir frá því að hún tók
við völdum. Samtals hefur ferðakostnað-
ur hennar og fylgdarmanna numið 3,79
milljónum.
Sigurður Ingi Jóhannsson
Sjávarútvegs- og landbúnaðarráð-
herra, umhverfisráðherra
Hefur farið í fjórar ferðir frá því að hann tók
við völdum. Samtals hefur ferðakostnaður
hans og fylgdarmanna numið 3,22 milljónum.
Bjarni Benediktsson
Fjármála- og efnahagsráðherra
Hefur farið í fjórar ferðir frá því að hann tók
við völdum. Samtals hefur ferðakostn-
aður hans og fylgdarmanna numið 2,89
milljónum.
Illugi Gunnarsson
Mennta- og menningarmálaráðherra
Hefur farið í fjórar ferðir frá því að hann tók
við völdum. Samtals hefur ferðakostn-
aður hans og fylgdarmanna numið 2,69
milljónum.
Eygló Harðardóttir
Félags- og húsnæðismálaráðherra
Hefur farið í þrjár ferðir frá því að hún tók
við völdum. Samtals hefur ferðakostn-
aður hennar og fylgdarmanna numið 2,21
milljón.
Kristján Þór Júlíusson
Heilbrigðisráðherra
Hefur farið í eina ferð frá því að hann tók
við völdum. Samtals hefur ferðakostn-
aður hans og fylgdarmanna numið 565
þúsundum.
Aðalsteinn Kjartansson
adalsteinn@dv.is
Hanna Birna Kristjánsd.
Innanríkisráðherra
Hefur farið í fimm ferðir frá því hún tók við
völdum. Samtals hefur ferðakostnaður
hennar og fylgdarmanna numið 3,99
milljónum króna.
Á ferð og flugi Ráð-
herrar ríkisstjórnarinn-
ar hafa farið í fjörtíu
ferðir frá kosningum.