Dagblaðið Vísir - DV - 14.03.2014, Blaðsíða 14

Helgarblað 14.–17. mars 201414 Fréttir
Lamin í
Laugardalslaug
„Við höfum aldrei séð hana áður
og vitum ekkert hver hún er
en hún náðist í myndavélum.
Svo er þetta líka bara lögreglu-
mál þannig að við leyfum lög-
reglunni að sjá um þetta,“ segir
kærasti Guðrúnar Óskar Leifs-
dóttur í samtali við DV, en þau
voru ásamt vinkonu þeirra í
sundi í Laugardalslaug á þriðju-
dag þegar ókunnug kona réðst á
Guðrúnu í kvennaklefanum með
þeim afleiðingum að Guðrún
þurfti að eyða nóttinni á spítala
með næringu æð. Pressan greinir
fyrst frá málinu. Þá kemur einnig
fram að Guðrún hafi ælt blóði og
finni enn til eymsla. Fyrir árásina
hafði konan ausið yfir Guðrúnu
og vinkonu hennar svívirðingum.
„Loks fór hún að ausa yfir okkur
svívirðingunum og sagði: „Mikið
ofboðslega ertu feit.“ Ég leit und-
an en þá sagði hún: „Þú verður
nú að passa þig að springa ekki
bara“. Þá leit ég undan aftur.
Hún hækkaði þá röddina og
hélt áfram og á endanum fékk
ég nóg,“ sagði Guðrún í sam-
tali við Pressuna. Hún sagðist þá
hafa farið upp úr pottinum og
sagt sundlaugarverði frá hegðun
konunnar, og reyndi vörðurinn
að ræða við konuna en hún virti
hann ekki viðlits, að sögn Guð-
rúnar. Var konunni þá vísað upp
úr lauginni.
Leigubílstjóri
sýknaður
af ákæru
Fertugur leigubílstjóri í Kaup-
mannahöfn hefur verið sýkn-
aður af ákæru fyrir að mann-
dráp af gáleysi, fyrir að aka á
Dagnýju Grímsdóttur, 26 ára, í
Kaupmannahöfn í október síð-
astliðnum með þeim afleiðing-
um að hún lést. Leigubílstjór-
inn var sektaður um 52 þúsund
krónur íslenskar fyrir of hraðan
akstur, en sannað þótti að hann
hafi ekið á 64 kílómetra hraða
þar sem hámarkshraði er 50
kílómetrar á klukkustund. „Ég
gat ekki bremsað eða beygt, ég
hefði ekki getað komið í veg fyr-
ir þetta slys,“ sagði bílstjórinn
fyrir dómi, að því er Ekstra
Bladet greinir frá, en fjögur vitni
voru leidd fyrir dóminn auk
leigubílstjórans. Mjög dimmt
var úti þegar slysið varð en fyrir
dómi kom fram að Dagný hafi
verið á miðjum veginum og
virtist hún að sögn sjónarvotta
vera að reyna að ná í leigu-
bíl. Saksóknari í málinu sagði
að leigubílstjórinn hefði átt að
sýna meiri árvekni en vitnis-
burður farþega sem var í leigu-
bílnum þegar slysið varð renndi
stoðum undir það. Þá taldi far-
þeginn að bílstjórinn hafi ver-
ið á meiri hraða en hann var
dæmdur fyrir að vera á.
„Þau eru ekki
í mótsögn“
Aðstoðarmaður hafnar því að Sigmundur Davíð hafi farið með rangt mál
J
óhannes Þ. Skúlason, að-
stoðarmaður forsætisráð-
herra, hafnar því að ummæli
Sigmundar Davíðs þess efn-
is að Evrópusambandið líði
ekki áframhaldandi hlé á aðildar-
viðræðunum við Ísland, gangi í ber-
högg við yfirlýsingar frá fulltrúum
sambandsins. „Þegar ummæli Sig-
mundar eru borin saman við um-
mæli þeirra sést að þau eru ekki í
mótsögn,“ segir Jóhannes.
Í Kastljóssviðtali í síðustu viku var
forsætisráðherra spurður hvort ESB
krefðist þess að bundinn yrði endi
á hlé aðildarviðræðna. Sigmundur
jánkaði því og sagði: „Okkur hefur
verið sagt það mjög skýrt og ítrekað,
af öllum þessum aðilum, forystu-
mönnum, stækkunarstjóra, tals-
manni ESB að það sé ekki í boði að
hafa þetta áfram í lausu lofti. Menn
þurfa að segja af eða á.“ Daginn eft-
ir hafði fréttastofa RÚV eftir Peter
Stano, talsmanni stækkunarskrif-
stofu ESB, að sambandið hefði ekki
sett íslenskum stjórnvöldum neinn
tímaramma varðandi aðildarvið-
ræðurnar, það væri alfarið á hendi
íslenskra stjórnvalda að ákveða
hvort halda skyldi viðræðum áfram
og ESB hafnaði öðrum túlkunum á
orðum forystumanna sambands-
ins. Tók Matthias Brinkmann, sendi-
herra ESB á Íslandi, í sama streng í
viðtali við Vísi.
Aðstæður aðrar
Aðstoðarmaður Sigmundar vísar því
á bug að Sigmundur hafi farið með
rangt mál eða misskilið skilaboðin
frá forystumönnum ESB. „Það hef-
ur enginn sagt að það séu skýr tíma-
mörk, hvorki þeir né Sigmundur, svo
þarna er ekkert í mótsögn,“ segir Jó-
hannes og bætir því við að með orð-
um sínum hafi Sigmundur verið að
vísa til funda með José Manuel Bar-
roso, forseta framkvæmdastjórnar
ESB, og Herman van Rumpoy, for-
seta leiðtogaráðsins, í fyrrasumar,
auk skilaboða frá Stefan Füle, stækk-
unarstjóra sambandsins. Þar hafi
komið skýrt fram að Ísland þyrfti að
ákveða sem fyrst hvort möguleikan-
um á inngöngu í Evrópusambandið
yrði haldið opnum eða viðræðunum
slitið. Bendir Jóhannes á að í frétta-
tilkynningu þann 16. júlí segi Bar-
roso að „klukkan tifi“ og Ísland þurfi
að taka ákvörðun „án frekari tafa“.
Hins vegar viðurkennir Jóhann-
es að þegar þessi samskipti áttu
sér stað voru aðstæðurnar aðr-
ar en nú, enda var Ísland á þessum
tíma ekki búið að leysa upp samn-
inganefndina. „Þá voru þeir líka að
velta því fyrir sér hvað ætti að gera
við starfsfólkið og annað slíkt. Þegar
samninganefndin okkar var leyst
upp settu þeir auðvitað sitt starfs-
fólk í annað, og þá hefur augljós-
lega losnað um ákveðna óvissu hjá
þeim,“ segir Jóhannes.
En fyrst aðstæðurnar eru aðrar
núna, búið er að leysa upp samn-
inganefndir og stöðva vinnuna, eiga
þessi ummæli þá nokkuð lengur við?
„Það má spyrja hvort ESB hafi skipt
um skoðun síðan þá, en við höfum
aldrei fengið nein ný skilaboð,“ svar-
ar hann.
Tilbúin „hvenær sem er“
Þótt Jóhannes segi stjórnvöld aldrei
hafa fengið skýr skilaboð frá ESB um
að þrýstingnum hafi verið aflétt er
ljóst að Stefan Füle, stækkunarstjóri
sambandsins, talaði hreint út á fundi
Evrópuþingsins þann 16. október í
fyrra. Orð sem látin eru falla á þinginu
hafa talsverða vigt, enda starfar fram-
kvæmdastjórn ESB í umboði þess.
Um aðildarviðræðurnar við Ísland
sagði Füle meðal annars: „Ef Ís-
lendingar kæra sig um, þá er fram-
kvæmdastjórnin hvenær sem er til-
búin að halda áfram viðræðunum (e.
resume) sem nú eru langt komnar.“
Þetta er ekki til þess fallið að renna
stoðum undir ummæli Sigmundar í
Kastljósi þess efnis að það sé ómögu-
legt að Íslendingar láti ESB „bara bíða
einhvers staðar á hliðarlínunni.“ n
Jóhann Páll Jóhannsson
johannp@dv.is
Þrýstingur á Ísland? Ummæli
Sigmundar eru ekki í samræmi við orð
stækkunarstjóra ESB, en aðstoðar-
maður segir Sigmund hafa verið að
vísa til samskipta við forseta fram-
kvæmdastjórnarinnar. MynD SigTryggur Ari
Allt satt og ekki í mótsögn Aðstoðar-
maður forsætisráðherra vísar því á bug að Sig-
mundur hafi farið með rangt mál í Kastljósi.
„En við höfum
aldrei fengið nein
ný skilaboð.
Máli ljósmyndara vísað frá
Verða að gera kröfu hver í sínu lagi
F
rávísunarkrafa íslenska ríkis-
ins og Þjóðminjasafnsins vegna
stefnu frá fyrrverandi ljós-
myndara dagblaðsins Tímans
var tekin fyrir í héraðsdómi á mánu-
dag. Tíu ljósmyndarar höfðuðu mál-
ið vegna myndasafns Tímans sem
er í vörslu Þjóðminjasafnsins, sem
fékk það þegar Frjáls fjölmiðlun ehf.
var tekið til gjaldþrotaskipta árið
2002. Töldu þeir safnið ekki hafa haft
heimild til þess að taka það til sín,
og vildu frekar að Ljósmyndasafn
Reykjavíkur fengi það í sína vörslu.
Þjóðminjasafnið hefur notað mynd-
irnar á sýningu án samþykkis frá
ljósmyndurum og jafnvel merkt sem
eign Þjóðminjasafnsins.
Krafa stefndu var byggð á því að
ljósmyndararnir gætu ekki átt sam-
aðild að málinu og þá sögðu þeir
kröfur þeirra óskýrar. Filmur og
myndir hafi ekki verið sérgreindar,
myndunum ekki lýst og höfundar
einstakra mynda ekki tilgreindir,
auk þess sem ekki hafi komið neitt
fram um það hvenær myndirnar
voru teknar. Þá segir einnig í kröf-
unni að ljósmyndararnir hafi ekki
haft sameiginlegan rétt til einstakra
mynda og verði því hver í sínu lagi
að gera kröfu á grundvelli nánar til-
greindra mynda eða filma. Í dómn-
um var tekið tillit til þessa og málinu
því vísað frá. Var ljósmyndurunum
tíu gert að greiða 350 þúsund krónur
í málskostnað.
„Fyrst og fremst eru verðmæti
fólgin í aldri myndanna og því að
þetta eru filmur. Myndirnar eru allt
frá árinu 1960 þangað til Tíminn fór
á hausinn á tíunda áratugnum, og
þarna er þrjátíu ára saga þjóðar,“ sagði
Gunnar V. Andrésson ljósmyndari við
DV í febrúar, og nefndi meðal annars
eldgos, heimsóknir konungsfólks og
afhendingu handrita. n
rognvaldur@dv.is
Úr safninu Þessi mynd var tekin þegar hægri umferð var tekin upp á Íslandi, og er í ljós-
myndasafni Tímans. MynD gunnAr V. AnDréSSon