Dagblaðið Vísir - DV - 14.03.2014, Blaðsíða 34

Helgarblað 14.–17. mars 20146 Ferming
Fermingartilboð
Lín Design Laugavegi 176 Glerártorgi Akureyri www.lindesign.is
7.990 kr 8.990 kr 9.990 kr
3 verð á rúmfötum
Manndóms-
vígslur
Myrtu hvern þann sem
á vegi varð
Gríski sagnfræðingurinn Plútark
greindi frá því hvernig mann-
dómsvígsla drengja í Spörtu
fór fram til forna. Eftir að hafa
undirgengist „agoge“, skólagöngu
Spartverja, sem þeir þurftu að
ganga í gegnum frá sjö ára aldri
og fram á 21 árs aldur, gengu þeir
sem skara þóttu fram úr – og þóttu
eiga framtíð fyrir sér í yfirmanns-
stöðu í spartneska hernum – í
gegnum „krypteia“. Á hverju hausti
voru ungir menn sendir út í nær-
sveitir Spörtu með einn hníf og
þeim fyrirskipað að drepa hvern
þann þræl – „helota“ – sem yrði á
vegi þeirra að næturlagi.
Var þetta manndómsvígsla en
jafnframt leið til þess að halda fjöl-
mörgum þrælum Spörtu í skefjum,
en talið er að helotar hafi verið í
kringum 170–240 þúsund talsins
þegar mest var, um sjö sinnum
fleiri en Spartverjar.
Vítiskvalir fylgja vígslunni
Djúpt inni í Amazon-skóginum í
Brasilíu býr Satere-Mawe ættbálk-
urinn. Manndómsvígsluathöfn
ungra drengja þar er ekki fyrir við-
kvæma en í henni felst að dreng-
urinn stingur hönd sinni inn í hólk
sem vafinn er úr laufblöðum og er
fylltur af conga-maurum, sem jafn-
an kallast „hormigas veinticuatro“
meðal spænskumælandi íbúa í
Amazon-skóginum. Það þýðir í
lauslegri þýðingu „24 tíma maur“
en er þar verið að vísa til þess að sá
sem er stunginn af maurnum finn-
ur fyrir sársauka í 24 klukkustundir.
Meðan á manndómsvígslu-
athöfninni stendur þarf drengur-
inn að hafa höndina í hólknum í
tíu mínútur, án þess að í honum
heyrist múkk. Þetta þurfa drengir
að gera nokkrum sinnum áður en
þeir teknir í fullorðinna manna
tölu. Á ensku nefnist maur-
inn „byssukúlumaur“, þar sem
stungunni hefur verið líkt við að
verða fyrir byssukúlu.
Gefðu geitur í
fermingargjöf
Þ
að getur reynst þrautinni
þyngri að finna gjöf fyr-
ir fermingarbarnið. Símar,
tölvur og hvers kyns græjur
verða oftar en ekki fyrir
valinu. Þá bregða margir á það ráð
að gefa einfaldlega peninga. En það
eru aðrar og óhefðbundnari gjaf-
ir í boði fyrir þá sem vilja bregða út
af vananum. Hjálparstarf kirkjunnar
býður upp á gjafabréf sem eiga það
sammerkt að nýtast fólki úti í heimi
sem er hjálparþurfi.
Í gjafaverslun Hjálparstarfs kirkj-
unnar á vefnum gjofsemgefur.is fást
gjafir sem finnast hvergi annars stað-
ar. Á vefsíðunni segir að með því að
kaupa gjafabréf Hjálparstarfsins fá-
ist gjöf sem móttakandinn hér heima
gleðst yfir á meðan sá sem fær and-
virði hennar verður enn kátari. „Því
hvort sem það eru hænur eða heilt
hús fyrir munaðarlaus börn þá eru
það gjafir sem geta umbreytt lífinu
fyrir fátækt fólk.“ DV skoðaði nokkr-
ar af þessum gjöfum í tilefni þess að
fermingartíðin rennur senn í garð.
Geitur gefa af sér
Það kostar einungis 9.600 krónur að
gefa fjölskyldu í Úganda eða Malaví
þrjár geitur. Fjölskyldurnar, þar á
meðal munaðarlaus börn sem búa
ein, taka þátt í þróunarverkefni með
Hjálparstarfi kirkjunnar. Það felst í
því að fyrst er vatns aflað og það svo
nýtt til að veita á akra, til að gera fiski-
ræktartjarnir eða til að halda skepnur.
Geiturnar gefa ýmislegt af sér, svo
sem mjólk, tað til áburðar, afkvæmi
og skinn sem ýmist má nota heima
eða selja fyrir nauðþurftum. Taðið
bætir uppskeruna, fæðan verður fjöl-
breyttari með prótínum geitaafurð-
anna og heilsan batnar. Afkoman
verður öruggari en með uppskerunni
einni saman og lífsgæðin meiri. Þess
má geta að auðvitað er hægt að gefa
fleiri eða færri geitur en ein geit
kostar 3.200 krónur.
Vatn fyrir hundruð manna
Ýmis önnur gjafabréf eru í boði og
á öllu verðbili. Þannig má nefna að
hægt er að gefa fjölskyldu í Eþíópíu
svokallaðar sparhlóðir fyrir litl-
ar 1.600 krónur en notkun þeirra
gerir það að verkum að eldiviðar-
þörf dregst saman um allt að fimmtíu
prósent. Vilji menn gerast þeim mun
stórtækari og færa fermingarbarninu
eitthvað sem mun breyta lífi hund-
ruð manna má alltaf fjárfesta í nýjum
vatnsbrunni fyrir 180 þúsund krónur.
„Í þorpi í Malaví tekur lífið stakka-
skiptum með nýjum brunni. Hreint
vatn fyrir allt að sex hundruð manns
forðar fólki frá sjúkdómum, léttir
vinnuálagi af konum og gefur þeim
tíma til að sinna matvælarækt og
uppeldi og stúlkur fá tíma til að fara
í skóla,“ segir á vefsíðu Hjálparstarfs
kirkjunnar en þar er einnig tekið
fram að fyrir andvirði þessa gjafabréfs
muni vatnið streyma í áratugi.
Saumavél eða kamar
Ekki er víst að öll fermingarbörn yrðu
sátt við að aðalfermingargjöfin þeirra
yrði brunnur í Afríku en fjöldinn all-
ur af ódýrari gjafabréfum er að sjálf-
sögðu í boði. Þannig má gefa fjöl-
skyldu kamar fyrir litlar 8.500 krónur
eða ungri stúlku á Indlandi saumavél
fyrir 11.500 krónur. „Þær sem ljúka
saumanámi verða ekki lengur háðar
duttlungum náttúrunnar við upp-
skeruna sína og geta forðast erfið og
hættuleg störf sem ein hefðu staðið
þeim til boða annars,“ segir á vefsíðu
Hjálparstarfsins. Þá eru einnig í boði
gjafabréf fyrir húsbúnaði á heimili
munaðarlausra barna, sumarnám-
skeið fyrir íslensk börn sem búa við
lítil efni, eða verkfærakassi handa
munaðarlausum börnum í Úganda
svo eitthvað sé nefnt.
Svo má auðvitað líka færa ferm-
ingarbarninu hið svokallaða ferm-
ingargjafabréf en það kostar fimm
þúsund krónur: „Með þessu gjafa-
bréfi hefur þú bæði þegið og gefið
gjöf – gjöf sem nýtist einhverjum á
þínum aldri sem býr við örbirgð og
hefur jafnvel verið hnepptur í þræl-
dóm. Það er einhver sem á enga
möguleika á mannsæmandi lífi – án
utanaðkomandi aðstoðar. Nú hefur
þú veitt hana. Megi trúin verða þér
styrkur og hvatning til þess að vera
náungi náunga þínum – óháð trú
hans, þjóðerni, litarhætti, kyni eða
öðru sem er ólíkt með fólki. Sælla er
að gefa en þiggja.“ n
Hjálparstarf kirkjunnar býður upp á óhefðbundnar fermingargjafir sem gefa af sér
Jón Bjarki Magnússon
jonbjarki@dv.is
Margir leita aðstoðar
Fá hjálp til fermingarhalds hjá Fjölskylduhjálp Íslands
Þ
að eru margir sem hafa leitað
til okkar sem þurfa hjálp við að
ferma börnin sín,“ segir Ásgerð-
ur Jóna Flosadóttir hjá Fjöl-
skylduhjálp Íslands en undanfarin ár
hafa þau reynt að hjálpa efnaminni
foreldrum fermingarbarna til ferm-
ingarhalds.
„Við léttum undir með fólki með
grunnatriði til baksturs meðal annars,
svo höfum við verið með notuð ferm-
ingarföt sem fólk hefur getað feng-
ið fyrir fermingarbörnin og svo erum
við að bjóða upp á ljósmyndatöku
fyrir fermingarbörn,“ segir Ásgerður.
„Þessir skjólstæðingar okkar halda
flestir fermingarveislurnar heima og
baka allt. Það hefur því hjálpað þeim
að fá þessi grunnatriði til baksturs og
svo gos, kaffi, servíettur og kerti. Við
höfum einnig verið með notuð ferm-
ingarföt sem sumir hafa getað nýtt sér
og svo er frábær ljósmyndari, Krist-
björg Sigurjónsdóttir, sem bauð sig
fram og ætlar að bjóða fimmtán ferm-
ingarbörnum upp á endurgjaldslaus-
ar myndatökur núna á laugardaginn,“
segir Ásgerður. „Okkur vantar kerti
og servíettur og svo tökum við á móti
fermingarfatnaði hér alla virka daga.“
Þeir sem vilja leggja sitt að mörk-
um geta haft samband við Fjölskyldu-
hjálp Íslands alla virka daga milli 13
og 18. Fjölskylduhjálpin er staðsett í
Iðufelli 14. n viktoria@dv.is
Geit sem gefur Geit
er dæmi um gjöf sem
kemur sér afar vel.
Mynd SiGtryGGur Ari