Dagblaðið Vísir - DV - 06.05.2014, Blaðsíða 13

Vikublað 6.–8. maí 2014 Fréttir Erlent 13
Krossfestingar í Sýrlandi
n Íslamskir uppreisnarmenn virkir á nýmiðlum n Sækja í sig veðrið í borgarastyrjöld
Í
slamskir öfgamenn kross-
festu tvo uppreisnarmenn á al-
mannafæri í borginni Raqqa
í norðausturhluta Sýrlands
á dögunum. Að sögn öfga-
mannanna voru mennirnir tekn-
ir a f lífi til að hefna fyrir tilraun til
að koma fyrir bílsprengju. Maður á
vegum samtakanna deildi mynd-
um af krossfestingunni á Twitter,
en samtökin eru merkilega virk á
nýmiðlum. Öfgamennir hafa stýrt
borginni Raqqa nú um nokkra
mánaða skeið. Samtökin sem stýra
borginni voru um tíma systursam-
tök al-Kaída en þóttu of öfgafull
fyrir hryðjuverkasamtökin.
Misbauð al-Kaída
Uppreisnarhópurinn sem ber
ábyrgð á krossfestingunum nefn-
ist Íslamskt ríki Írak og nágranna-
ríkja. Hópurinn hefur verið að
sækja í sig veðrið á síðastliðnum
mánuðum í stríðshrjáðu Sýrlandi.
Stýra þeir allstóru svæði í Sýrlandi
og Írak, mestmegnis beggja vegna
landamæra ríkjanna.
Í upphafi þessa árs bárust
fregnir af því að uppreisnarhópur-
inn hefði náð að sölsa undir sig
borgina Fallujah í Írak og hefði lýst
þar yfir sharía-lögum. Þrátt fyrir að
berjast fyrir yfirráðum í Sýrlandi
og Írak eru langflestir meðlim-
ir hvorki sýrlenskir né írakskir að
uppruna, flestir róttækir aðkomu-
menn frá öðrum Arabalöndum.
Lengi vel átti uppreisnarhópur-
inn í virku samstarfi við hryðju-
verkasamtökin al-Kaída, en til
marks um öfgakennd hópsins þá
hafa hryðjuverkasamtökin reynt
að skapa fjarlægð á milli sín og
uppreisnarhópsins. Talið er að al-
Kaída hafi þótt öfgar Íslamska rík-
isins svo miklar að það yrði drag-
bítur.
Virkir á Twitter
Krossfesting mannanna átti sér
stað í borginni Raqqa þar sem ísla-
mistarnir ráða nú lögum og lofum.
Myndum af krossfestum líkum
mannanna var dreift á Twitter-
síðu íslamistanna. „Við vorum
rétt í þessu að taka sjö njósnara
af lífi fyrir að reyna að koma fyrir
bílsprengjum. Mjög góð mæting,“
sagði í skilaboðunum sem fylgdu
með myndunum. Raunar eru
samtökin gífurlega virk á Twitt-
er í gegnum mann að nafni Abu
Dujanah. Á Twitter-síðu hans er
nærri daglega deilt fréttum sem og
myndum af nýjustu voðaverkum
samtakanna. Af myndunum að
dæma virðist krossfestingin hafa
farið fram á umferðareyju. Má sjá
nokkurn fjölda áhorfenda, þar á
meðal unga drengi.
Kristnir menn ofsóttir
Fyrr á þessu ári gaf Íslamska ríkið
út yfirlýsingu þess eðlis að kristn-
um íbúum Raqqa hafi verið boð-
inn úrslitakostur, en í borginni býr
nokkur fjöldi maróníta. Fengu þeir
að velja á milli þess að taka íslams-
trú, samþykkja stórkostlega frels-
isskerðingu, eða ella vera tekn-
ir af lífi. Ekki fylgdi yfirlýsingunni
hvorn valkostinn fólkið tók . Óvíst
er hver bakgrunnur mannanna
sem voru krossfestir er en ekki
er ólíklegt að mennirnir hafi ver-
ið kristnir. Samkvæmt samtökum
sem fylgjast með mannréttind-
um í Sýrlandi eru þetta ekki fyrstu
krossfestingarnar sem Íslamska
ríkið stendur fyrir í borginni. n
Eldri mynd Hér má sjá börn virða fyrir sér krossfestan mann. Sýnir myndin krossfestingu
sem átti sér stað í upphafi apríl.
Krossfestur á
umferðareyju
Myndinni var deilt á
Twitter-síðu eins meðlims
Íslamska ríkisins.
Hjálmar Friðriksson
hjalmar@dv.is
Fortíð og nútíð
Áhorfendur tóku myndir
með af krossfestum
mönnum með snjall-
símum.
„Við vorum rétt
í þessu að taka
sjö njósnara af lífi fyrir
að reyna koma fyrir
bílsprengjum.
Fannst látinn Talið
er að líkið sé af Kevin
Casserly sem hefur
verið saknað síðan í
nóvember.
Steggjun í uppnámi vegna líkfundar
Sá sem leigði bílinn sagði hópnum að opna ekki farangursgeymsluna undir nokkrum kringumstæðum
Þ
að sem átti að verða frábær
helgi hjá nokkrum félögum
í Minnesota í Bandaríkjun-
um breyttist í martröð þegar
lík fannst í bíl sem þeir fé-
lagar tóku á leigu.
Til stóð að steggja einn úr hópn-
um, Dan Trainor, og var ferðinni
heitið frá Minnesota til Kentucky
þar sem hópurinn ætlaði að hafa
það gaman. Leigður var húsbíll
undir hópinn sem lagði af stað síð-
astliðinn fimmtudag. Eftir að hafa
ekið í dágóða stund ákvað hópurinn
að hvíla lúin bein, stöðva bílinn og
halda svo áfram daginn eftir.
John Kirk, einn úr hópnum,
segir í samtali við Star Tribune að
eigandi bílsins hafi tekið það skýrt
fram að ein farangursgeymsla bíls-
ins væri biluð og ekki undir nein-
um kringumstæðum ætti að reyna
að opna hana. Skilaboðin náðu ekki
til allra og þegar umrædd farangurs-
geymsla var opnuð um kvöldið
mætti þeim vondur þefur – það var
lík í farangursgeymslunni. „Þeir
opnuðu geymsluna og þar var líkið,“
segir Kirk.
Þeir höfðu samband við lög-
regluna og var hópurinn tekinn í
skýrslutöku í kjölfarið. „Lögreglan
tók þessu eðlilega mjög alvarlega,
þeir öskruðu á okkur og spurðu okk-
ur erfiðra spurninga,“ segir Kirk.
Lögregla áttaði sig fljótlega á því að
mennirnir tengdust málinu ekkert.
Lagt var hald á bílinn með öllum
farangri hópsins. Því varð ekkert úr
ferðinni.
Lögregla er með málið í rann-
sókn og beinist hún meðal annars
að eiganda bifreiðarinnar. Greint
hefur verið frá því að líkið gæti ver-
ið af 22 ára karlmanni, Kevin Cass-
erly, sem hefur verið saknað síðan í
nóvember. Krufning á líkinu á eftir
að fara fram. n
einar@dv.is
Ætlar að selja
stúlkurnar
Boko Haram, hryðjuverkahópur-
inn sem nam 234 ungar skóla-
stúlkur á brott í Borno-héraði
í Nígeríu í apríl, hefur hótað
að selja stúlkurnar. Í mynd-
bandi sem barst AFP-fréttaveit-
unni viðurkennir forsvarsmaður
samtakanna, Abubakar Shekau,
í fyrsta sinn að hópurinn hafi
framið verknaðinn. Samtökin
hafa undanfarin ár barist fyrir
stofnun íslamsks ríkis í landinu
en nafn samtakanna merkir að
vestræn menntun sé bönnuð.
Þau hafa ráðist til atlögu við ýms-
ar menntastofnanir í norðurhluta
landsins. Í myndbandinu segir
Shekau að stúlkurnar hafi ekki átt
að vera í námi – heldur ættu þær
að gifta sig. „Guð fyrirskipaði mér
að selja þær. Þær eru hans eign
og ég mun framfylgja vilja hans.“
Yfirvöld liggja undir ámæli fyrir
að hafa ekki lagt meira á sig til að
finna þær.
Bregðast þarf
við lömunarveiki
Lömunarveiki er orðin vanda-
mál sem alþjóðasamfélagið þarf
að bregðast við. Þetta er mat Al-
þjóðaheilbrigðisstofnunarinn-
ar, WHO. BBC greinir frá því að í
Asíu, Afríku og Mið-Austurlönd-
um hafi komið upp alvarleg til-
felli sem taka þurfi alvarlega.
WHO leggur til að ferðamönnum
sem koma frá þeim löndum þar
sem lömunarveiki hefur komið
upp, verði meinað að ferðast á
milli landa án staðfestingar á að
þeir hafi verið bólusettir. Hættan
á frekari útbreiðslu er sögð mest
í Pakistan, Kamerún og Sýrlandi.
Veikin herjar aðallega á börn
yngri en fimm ára. Sjúkdómur-
inn, sem smitast með óhreinu
vatni eða mat, getur dregið börn
til dauða á nokkrum klukku-
stundum. Einn sjúklingur af
hverjum 200 lamast.
Stjórnendur
SAS miður sín
Stjórnendur SAS-flugfélagsins
segjast miður sín eftir að Se og
Hør komst yfir upplýsingar um
farþegalista félagsins. Samgöngu-
ráðherra Danmerkur, Magnus
Heunick, hefur látið hafa eftir sér
að lekinn sé algjörlega óásættan-
legur. Fréttir um Se og Hør hafa
vakið mikla athygli í Danmörku á
undanförnum dögum. Uppljóstr-
arinn Edward Snowden hefur
sagt að lekamálið sé til marks um
óhóflega gagnasöfnun fyrirtæja
um einkamál almennings. Opin-
ber rannsókn hefur verið sett á
fót til að reyna að rekja málið.