Dagblaðið Vísir - DV - 06.05.2014, Blaðsíða 28

Vikublað 6.–8. maí 201420 Sport
Toby Alderweireld
n Toby er belgískur varnarmaður sem
kemur úr smiðju Ajax og hefur á leiktíðinni
– þeirri fyrstu í búningi félagsins – verið
notaður sem varamaður fyrir miðverðina.
Hann hefur þó sýnt að hann er afar
traustur leikmaður – þá sjaldan hann
fær möguleika. Ólíklegt verður að þykja
að Alderweireld verði í byrjunarliðinu í
úrslitaleiknum.
Hið ótrúlega lið Atletico
n Ekki þekktustu nöfnin í bransanum n Á toppnum á Spáni og komnir í úrslit Meistaradeiladar
Koke
Aldur: 22 ára
n Þessi 22 ára leikmaður hefur
leikið sjö leiki fyrir landslið Spánverja
en er líklegur til að hækka þá tölu
verulega eftir frábært tímabil sem
byrjunarliðsmaður í Atletico Madrid.
Hann er leikmaðurinn sem skoraði
sigurmarkið í síðari leiknum gegn
Barcelona í Meistaradeildinni og er
sá leikmaður í La Liga sem hefur sent
flestar stoðsendingar. Xavi hefur
látið hafa eftir sér að hann vilji sjá
Koke sem arftaka sinn hjá Barcelona,
en fleiri félög eru um hituna, þar á
meðal Manchester United.
Varamenn:
Raul Garcia
n Garcia hefur á tímabilinu skorað níu mörk
fyrir liðið. Sex þeirra hafa verið fyrstu mörkin
í leikjum liðsins. Leikmaðurinn, sem áður
lék með Osasuna, hefur skorað fjögur mörk
í Meistaradeildinni og þykir einn öflugasti
skallamaður spænsku deildarinnar og er stór-
hættulegur í föstum leikatriðum. Hann gegnir
mikilvægu hlutverki í liðinu þó hann hafi verið
á bekknum í síðari leiknum gegn Chelsea.
Jose Sosa
n Sosa var í liði Simone þegar hann
stýrði Estudiantes de la Plata til sigurs í
argentínsku deildinni árið 2006. Hann er
frábær spyrnumaður, afar duglegur og
hefur reynslu af því að spila með stórliðum
á borð við Bayern og Napoli. Hann hefur að
mestu vermt bekkinn þetta árið en mun
væntanlega leika stærra hlutverk á næstu
leiktíð.
Cristian Rodriguez
n Leikmaðurinn hefur ekki átt upp á
pallborðið hjá Simeone á tímabilinu og
er líklegur til að yfirgefa liðið í sumar.
Laukurinn, eins og hann er kallaður, hefur
fengið fá tækifæri en stefnir á að láta
ljós sitt skína með Úrúgvæ á HM í sumar.
Miðjumaðurinn hefur þó komið við sögu í
allnokkrum leikjum og virðist njóta trausts
þjálfarans.
David Villa
n Þessi mikli markahrókur spilaði feiknavel
í síðari leiknum á Barcelona en kom ekki
við sögu á móti Chelsea. Spánverjinn er á
lokametrunum á sínum ferli og spilar því
ekki eins mikið og yngri leikmenn liðsins.
Það er ómögulegt að útiloka hann fyrir
úrslitaleikinn – enda hefur hann sýnt að
hann getur enn leikið knattspyrnu í hæsta
gæðaflokki.
Thibaut Courtois
Aldur: 21 árs
n Courtois fékk Zamora-verðlaunin á Spáni
í fyrra sem veitt eru þeim markmanni sem
fær fæst mörk á sig. Flest bendir til þess
að hann muni fá sömu verðlaun aftur í ár.
Foreldrar Courtois voru báðir atvinnumenn í
blaki og hann býr yfir hæðinni og snerpunni
til að verða einn allra besti markvörður
heims. Courtois talar fjögur tungumál:
spænsku, frönsku, ensku og flæmsku.
Miranda
Aldur: 29 ára
n Þrátt fyrir fína frammistöðu með Atletico
undanfarin ár hefur Miranda fengið fá tækifæri
með brasilíska landsliðinu. Ólíklegt er að hann
verði í hópnum á HM í sumar. Miranda er sterkur í
loftinu og í raun frábær varnarmaður. Hann skoraði
sigurmarkið í úrslitaleik spænska bikarsins gegn
Real Madrid í fyrra.
Diego Godín
Aldur: 28 ára
n Godín er kletturinn í vörn landsliðs Úrúgvæ og hefur
staðið sig feikivel með Atletico í vetur. Godín komst
í hann krappan fyrr á leiktíðinni þegar hann virtist
hvetja samherja sína til að meiða Lionel Messi í leik
gegn Barcelona. Godín var auðmýktin uppmáluð eftir
á og sagðist aldrei myndi hvetja mann til að meiða
mótherja. Juanfran
Aldur: 29 ára
n Juanfran er alinn upp í herbúðum
Real Madrid en honum tókst aldrei að
brjótast inn í liðið þar. Þessi eldfjóti og
ótrúlega vinnusami hægri bakvörður
spilaði með Osasuna þar sem hann
vakti athygli Atletico sem keypti hann
í janúar 2011. Framfarirnar undir stjórn
Diegos Simeone hafa verið miklar
og mun hann berjast um hægri bak-
varðarstöðuna í spænska landsliðinu
við Cesar Azpilicueta í sumar.
Filipe Luis
Aldur: 28 ára
n Barcelona hafði mikinn áhuga á
Brasilíumanninum Filipe Luis þegar
hann lék með Deportivo en hátt verð
gerði það að verkum að ekkert varð
úr hugsanlegum félagaskiptum.
Hann hefur spilað með Atletico frá
2010 en spurning hvort hann verði
þar mikið lengur. Félög á Englandi eru
sögð vilja fá hann í sínar raðir. Þrátt
fyrir fína frammistöðu virðist Filipe
Luis ekki vera inni í myndinni hjá
brasilíska landsliðinu.
Tiago
Aldur: 33 ára
n 89 prósent sendinga Tiago gegn Chelsea í síðustu
viku heppnuðust. Hann var ein af ástæðum þess að
Atletico missti aldrei tökin á leiknum. Frábær miðju-
maður sem líður best fyrir framan vörnina. Tiago
spilaði áður með Chelsea en þótti ekki standa undir
væntingum.
Mario Suarez
Aldur: 27 ára
n Suarez er Atletico Madrid-maður í húð og hár en
fór á flakk árið 2008 áður en hann skipti aftur yfir í
Atletico 2010. Suarez fékk tækifæri með spænska
landsliðinu í fyrrasumar og ekki þykir ólíklegt að
hann fái sæti í stjörnum prýddu liði Spánverja á HM
í sumar. Hann talar ensku reiprennandi og félög í
Englandi hafa verið orðuð við kappann.
Arda Turan
Aldur: 27 ára
n Diego Simeone hefur unnið gott
starf með Arda Turan sem var helst
þekktur fyrir sóknarhæfileika sína
áður en Atletico keypti hann frá
Galatasaray árið 2011. Turan þykir í
raun engu síðri í að verjast en sækja
en þessi öflugi Tyrki er þekktur
fyrir mikla útsjónarsemi og góðar
sendingar.
Adrían Lopez
Aldur: 26 ára
n Fyrir tveimur árum var allt í blóma hjá Adrian
Lopez. Hann skoraði í undirbúningsleikjum Spánverja
fyrir EM en komst svo ekki í hópinn. Þess í stað var
hann valinn í Ólympíuliðið þar sem hann lék ekki vel
og tímabilið sem fylgdi var lélegt. Það kom á óvart
að hann skyldi byrja gegn Chelsea en hann skoraði
mikilvægt mark og þakkaði Diego Simeone traustið.
Diego Costa
Aldur: 25 ára
n Diego Costa hefur komið víða við á ferli sínum en
það var fyrst í vetur sem hann fór að vekja almenni-
lega athygli. Hann er fæddur í Brasilíu en mun leika
með Spánverjum á HM í sumar. Diego Costa er ekki
bara fæddur markaskorari því fáir framherjar eru jafn
duglegir og hann.
baldur@dv.is/einar@dv.is