Dagblaðið Vísir - DV - 20.05.2014, Síða 6

Vikublað 20.–22. maí 20146 Fréttir
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Ungar konur
réðust á mann
Upp úr klukkan átta á laugar-
dagsmorgun réðust tvær konur
um tvítugt inn á fertugan karl-
mann í fjölbýlishúsi á Selfossi.
Ástæðan var sú að konurnar töldu
hann vera að góna á þær í tíma og
ótíma. Í tilkynningu frá lögreglu
kemur fram að fólkið hafi farið
að rífast heiftarlega. Konunum
barst liðsauki er karlmaður, vinur
þeirra, tók þátt í æsingnum sem
lauk með því að önnur konan beit
og hrinti manninum með þeim af-
leiðingum að hann rifbeinsbrotn-
aði. Konurnar og félagi þeirra
voru handtekin og yfirheyrð. Mál-
ið er upplýst og verður sent til
ákæruvalds að lokinni rannsókn.
Slasaðist á höfði
Síðdegis á föstudag slasaðist 87
ára kona á höfði eftir fall við bið-
stöð strætó við Fossnesti á Selfossi.
Í dagbók lögreglunnar á Selfossi
kemur fram að konan hafi hlotið
skurð á höfði og var hún flutt með
sjúkrabíl á heilsugæsluna á Selfossi
til aðhlynningar. Meiðsli hennar
voru að öðru leyti ekki alvarleg.
Þá slasaðist þrettán ára ung-
lingur á fæti þegar hann féll af
torfæruhjóli á keppnis- og æf-
ingasvæði við Bolöldu á sunnu-
dag. Hann var fluttur á Slysadeild
Landspítala þar sem gert var að
sárum hans.
Undanfarið hafa lögreglu borist
tilkynningar frá fólki sem hefur
fengið símhringingar að utan. Hver
tilgangur hringinganna er liggur
ekki fyrir, en væntanlega er um að
ræða svikahringingar. Fólk er varað
við að svara hringingum af þessu
tagi, sérstaklega ef það þekkir ekki
númerið.
„Líðan hennar ekki góð“
Sigurður Hólmar selur draumabílinn til að bjarga lífi dóttur sinnar
L
íðan hennar er ekkert sér-
staklega góð,“ segir Sigurður
Hólmar Jóhannesson um
dóttur sína Sunnu Valdísi, en
Sigurður hefur sett draumabílinn
sinn á sölu til að bjarga lífi dóttur
sinnar. Mun söluandvirði bílsins
renna í rannsóknasjóð Sunnu Val-
dísar sem er haldin AHC-sjúkdóm-
inum. Það var vefur Smartlands,
á mbl.is, sem greindi fyrst frá sölu
bílsins sem er Porsche Boxter.
„Hún fær lömunar- og krampa-
köst nánast á hverjum einasta degi.
Þannig að við erum farin að íhuga
tilraunalyf sem ekki hefur verið
prófað á þessum börnum áður. Það
er voða gleði hjá okkur ef hún á
einn góðan dag. En líðan hennar er
ekki góð í dag,“ segir Sigurður sem
veitir AHC-samtökunum á Íslandi,
AHC-sambandinu í Evrópu og AHC
International Alliance formennsku
í dag.
„Við erum að vinna heimilda-
mynd um þennan sjúkdóm til að
vekja athygli á honum og finna
þessi týndu AHC-börn. Það eru lík-
lega sjö þúsund börn sem ekki er
búið að greina eða finna í heimin-
um. Við viljum finna þau og koma
þeim í rétta meðferð,“ segir Sigurð-
ur en Sunna Valdís er eina barnið á
Íslandi með AHC-sjúkdóminn og í
hópi átta hundruð í heiminum.
„Þetta er stökkbreyting í geni
sem veldur lömun og krömpum.
Hún lamast öðru megin eða báð-
um megin í líkamanum. Þetta er
tímabundin lömun sem getur stað-
ið í einhverja klukkutíma, eða jafn-
vel daga eða vikur. Svo veldur þetta
líka þroskaskerðingu. Hún er átta
ára líkamlega en um þriggja ára
andlega,“ segir Sigurður. n
birgir@dv.is
Falleg systkini Sunna Valdís ásamt eldri
bróður sínum, Viktori Snæ.
Svona er leið-
réttingin útfærð
n 20.000 sóttu um fyrsta sólarhringinn n Útreikningar líklega tilbúnir í haust
F
rá því að opnað var fyrir um-
sóknir um leiðréttingu verð-
tryggðra húsnæðislána á
sunnudag höfðu um 20.000
manns sótt um, á hádegi á
mánudag. Ein algengasta spurningin
sem enn brennur á fólki er hverjir
eigi rétt á leiðréttingu. Stysta svarið
er; allir sem skulduðu verðtryggt
húsnæðislán til eigin nota árin 2008
og 2009.
Fái fólk leiðréttingu er láninu
skipt í tvennt: frumhluta og leið-
réttingarhluta sem er gerður upp
sjálfkrafa á fjórum árum. Þeir sem
hafa greitt eða gert upp sín lán fá
lækkun í formi afsláttar á opinberum
gjöldum eða „sérstakan persónuaf-
slátt“. Ekki skiptir máli hjá hvaða að-
ila lánið var tekið.
Flestir fá 0,5–1,5 milljónir
Skilgreiningin sem forsætisráðu-
neytið og ríkisskattstjóri gefa á
heimasíðum sínum sem forsendu
leiðréttingar eru eftirfarandi: „Þeir
sem áttu íbúðarhúsnæði til eigin
nota á Íslandi á árunum 2008 og/
eða 2009 og skulduðu verðtryggð
fasteignaveðlán sem þeir tóku eða
yfirtóku í tengslum við kaup eða
byggingu á húsnæðinu geta sótt um
leiðréttingu.“
Því er hægt að sækja um leið-
réttingu láns hvort sem lán var tek-
ið fyrir árin 2008–2009 eða meðan á
tímabilinu stóð. Einnig ef lán var gert
upp á umræddu tímabili eða eftir
það. Ekki er hægt að sækja um leið-
réttingu lána sem voru tekin eftir 31.
desember 2009.
Samkvæmt vef forsætisráðuneyt-
isins voru um 74 þúsund heimili
með skráð verðtryggð húsnæðislán
vegna kaupa á fasteignum til eigin
nota í árslok 2009. Samkvæmt ráðu-
neytinu eiga um 69 þúsund þeirra
rétt á einhvers konar leiðréttingu.
Flest heimili fá leiðréttingu á bilinu
0,5–1,5 milljónir króna en hæst getur
upphæðin numið 4 milljónum króna
á einstakling, hjón eða sambýlisfólk.
Til að hægt sé að sækja um leið-
réttingu er skilyrði að verðtryggt lán
vegna húsnæðis til einkanota hafi
verið skráð í reit 5.2 á skattaframtöl-
um 2009 og 2010. Hægt er að sækja
um leiðréttingu framtals hjá ríkis-
skattstjóra hafi það ekki verið gert.
Allir geta sótt um
Hægt er að sækja um leiðréttingu til
1. september 2014 en allar umsókn-
ir verða teknar til skoðunar samtím-
is. Þegar fyrir liggur hvort réttur á
leiðréttingu sé til staðar er sú leið-
rétting greidd með eftirfarandi hætti;
láni er skipt upp í frumhluta og leið-
réttingarhluta sem er hluti lánsins á
tímabilinu 2008 og 2009. Fyrst er leið-
réttingarfjárhæð greidd inn á fast-
eignaveðkröfur sem glatað hafa veð-
tryggingu í kjölfar nauðungarsölu.
Ef ekki hefur komið til nauðungar-
sölu er leiðréttingarlán til lækkunar
höfuðstóls eða vanskila vegna láns.
Leiðréttingarlánið er áfram á nafni
viðkomandi en það greiðist sjálfkrafa
niður á fjórum árum. Allan tímann er
áfram greitt af frumláni.
Það lán sem á fyrsta veðrétt er tek-
ið fyrir fyrst með þeim hætti sem lýst
var hér að framan. Næst lán sem á
annan veðrétt og svo koll af kolli.
Þeir aðilar sem hafa endurfjár-
magnað sitt lán og eiga rétt á leið-
réttingu fá hana inn á nýja lánið. Þeir
sem hafa greitt upp lán en eiga rétt á
leiðréttingu fá hana í formi sérstaks
persónuafsláttar sem nýtist til lækk-
unar opinberra gjalda frá og með
ágúst 2015. Lækkunin eða afsláttur-
inn dreifist á næstu fjögur ár eftir það.
Dregið frá leiðréttingu
Ýmsir þættir koma til frádráttar leið-
réttingu. Allar sérstakar skulda-
aðlögunaraðgerðir af hálfu hins
opinbera teljast þar með sem og
vaxtaniðurgreiðslur og vaxtabætur.
Ekki er hægt er hægt að fá úr því
skorið hver leiðrétting á einstaka lán
verður fyrr en allar umsóknir hafa
verið teknar til skoðunar. Heildar-
upphæð leiðréttingarinnar mun
nema um 150 milljörðum króna
samkvæmt vef forsætisráðuneytisins
en um helmingur þess er í formi
skattafsláttar vegna nýtingu sér-
eignarlífeyrissparnaðar.
Niðurstaða í haust
Um tvenns konar úrræði er að ræða
varðandi ráðstöfun séreignarlífeyris-
sparnaðar. Annars vegar er hægt að
nota sparnaðinn til þess að greiða
niður höfuðstól verðtryggðra hús-
næðislána eða til þess að safna fyrir
innborgun til húsnæðiskaupa. Hægt
er að safna séreignarlífeyri til að nýta
með þessum hætti frá 1. júlí 2014 til
30. júní 2017.
Hvert heimili getur ráðstafað
500.000 krónum á ári með þessum
hætti og er upphæðin skattfrjáls. Á
þriggja ára tímabili er því hægt að
safna eða nota sparnað sem þegar
er til að upphæð 1,5 milljónir króna.
Hægt er að nýta sér úrræðið til 30.
júní árið 2019. Þeir sem eiga þegar
sérstakan lífeyrissparnað geta nýtt
sér hann á fyrrgreindu tímabili.
Sé fólk ósátt við niðurstöðu varð-
andi leiðréttingu er hægt að kæra úr-
skurðinn til úrskurðarnefndar sem
skipuð er af Hæstarétti. Ekki hefur
verið gefin út nákvæmari tímasetn-
ing varðandi niðurstöður útreikninga
en haustið 2014.
Þrátt fyrir ítrekaðar fyrirspurnir
blaðamanns varðandi nánari
útfærslu framkvæmdanna fengust
ekki svör frá forsætisráðuneyti eða
ríkisskattstjóra. n
Ásgeir Jónsson
asgeir@dv.is
Leiðrétting húsnæðis-
lána Þeir sem hafa greitt
upp sín lán fá leiðréttingu í
formi „sérstaks persónuaf-
sláttar“. MyND Sigtryggur Ari