Dagblaðið Vísir - DV - 20.05.2014, Qupperneq 12
12 Fréttir Vikublað 20.–22. maí 2014
É
g er ekkert að vega að Davíð
Oddssyni heldur er ég að fjalla
um verk og valdaferil Davíðs
Oddssonar,“ segir Ólafur
Arnarson, rithöfundur og
bloggari, í viðtali við DV þegar hann
er spurður hvort hann gefi út bók
sína um forsætisráðherrann fyrrver-
andi, Í skugga sólkonungs: Er Davíð
Oddsson dýrasti maður lýðveldis-
ins?, til þess að koma höggi á hann.
Í fjölmiðlum um helgina kom
fram að athafnamaðurinn Ragnar
Önundarson hefði gagnrýnt bókina
á þeim forsendum að Ólafur væri
„málaliði útrásarvíkings sem vill
ófræja DO [Davíð Oddsson]“. Ragnar
hélt því meðal annars fram að Ólafur
væri ekki raunverulegur höfundur
bókarinnar heldur almannatengill-
inn Gunnar Steinn Pálsson. Ólafur
segir að honum sárni að stöðugt sé
vegið að persónu hans sjálfs í um-
ræðunni en ekki fjallað um það sem
hann segir efnislega. „Ég gæti nátt-
úrulega hamrað á því í hvert skipti
sem nafn Ragnars Önundarsonar
kemur í umræðuna að hann sé
stærsti samkeppnisdólgur lýðveldis-
ins. Hann fékk stærsta dóm fyrir brot
á samkeppnislögum sem fallið hefur
á lýðveldistímanum. En ég er ekkert
að því, þó það sé satt,“ segir Ólafur.
Litlir kærleikar
Gagnrýni Ragnars þarf kannski ekki
að koma á óvart. Ólafur Arnarson og
Davíð Oddsson eru engir sérstakir
mátar og hefur Ólafur oft skotið föst-
um skotum að Moggaritstjóranum
núverandi og öfugt. Ljóst var þegar
bók Ólafs kom út að hún yrði um-
deild því einnig hefur komið fram
opinberlega að hann sé tengdur fyrr-
verandi ráðamönnum Kaupþings.
Engir kærleikar hafa heldur verið á
milli fyrrverandi stjórnenda Kaup-
þings og Davíðs Oddssonar.
Afar líklegt er til dæmis að Ólafur
hafi haft greiðan aðgang að Kaup-
þingsmönnum þegar hann skrifaði
fyrri bók sína um hrunið, Sofandi
að feigðarósi, þar sem Davíð var
einnig gagnrýndur harkalega. „Ég
gaf nú ekki upp einstaka viðmæl-
endur, ekki frekar en ég geri Í skugga
sólkonungs, en ég hef auðvitað rætt
við mjög marga, og ekki bara Kaup-
þingsmenn. Ég hef rætt við menn í
ýmsum fjármálafyrirtækjum, inni í
stjórnkerfinu, í ráðuneytum og víð-
ar. Ég held að þetta hafi verið eitt af
því sem gaf bók minni vigt á sínum
tíma: Ég náði að klóra dálítið undir
yfiborðið.“
Tengslin við Kaupþingsmenn
DV greindi svo meðal annars frá því
á sínum tíma að hann hefði þegið
mánaðarlegar greiðslur upp á 400
þúsund krónur frá Gunnari Steini
en hann hefur meðal annars unnið
náið með fyrrverandi stjórnend-
um og hluthöfum Kaupþings, með-
al annars Hreiðari Má Sigurðssyni
og Bakkavararbræðrum. Ólafur var
þá með bloggsvæði á vefmiðlinum
Pressunni, sem meðal annars var í
eigu VÍS sem var í eigu Bakkavarar-
bræðra, og skrifaði marga pistla þar
sem hann gagnrýndi meðal annars
Davíð Oddsson og embætti sérstaks
saksóknara.
Í bókinni Ísland ehf., sem kom út
í fyrra, var greint frá því að Gunnar
Steinn hefði lagt á ráðin að stofna
„bloggher“ til að hafa áhrif á sam-
félagsumræðuna á Íslandi. Ólafur
kannast ekki við að hafa verið hluti
af honum.
„Bókin er eftir mig“
Við Ólaf hefur sannarlega loðað að
hann sé á mála hjá hagsmunaðilum
eins og Kaupþingsmönnum við að
skrifa útgáfu af sögu efnahagshruns-
ins sem er þeim þóknanleg. „Ég veit
ekki hvað Ragnar hefur fyrir sér í
þessu. Ég get upplýst það að bókin
er eftir mig og Gunnar Steinn Páls-
son hefur enga aðkomu að þessari
bók. Ekki annað en að eftir að hann
sá þetta þá hafði hann samband við
mig og lýsti yfir áhuga á að fá eintak.
Ég gat bent honum á að bókin væri til
sölu í öllum betri bókabúðum,“ seg-
ir Ólafur sem blæs á gagnrýni þess
efnis að hann sé málaliði: „Það kaup-
ir enginn minn penna.“
Ólafur segist hafa mjög ákveðnar
skoðanir sem séu ekki í öllum tilfell-
um í „takt við almannaróm“. „Ég hef
til dæmis verið mjög gagnrýninn á
dómsmál, þessi hrunsdómsmál. Ég
tel til dæmis að dómstólarnir hafi að
mörgu leyti brugðist og að þetta hafi
skaðað okkur. Hefur það haft áhrif á
mig að ég hef skoðað þessi mál vel,
að ég þekki þetta og ég er tengd-
ur þessum mönnum sem eru undir
smásjánni fjölskylduböndum? Auð-
vitað hefur það áhrif. En þetta eru
mínar skoðanir. Ég skrifa um það
sem ég vil skrifa, eins og ég vil skrifa
um það og það kaupir enginn mína
sannfæringu. Ég fer ekki að leggja
nafn mitt í að skrifa eitthvað sem fer
gegn sannfæringu minni.“
Gefur ekki up verkkaupa
Ólafur segir að hann vilji ekki gefa
upp hverja hann vinnur fyrir, hverj-
ir það eru sem kaupa þjónustu hans.
„Ég hef ekki verið tilbúinn til að ræða
um þá sem hafa keypt af mér ráðgjaf-
arþjónustu vegna þess að það er ekk-
ert þar sem þolir ekki dagsljósið. Ég
ræði hins vegar ekkert um verkefni
mín fyrir aðra, hvorki í hverju þau
felast né eitthvað annað, til dæmis
hverjir mínir verkkaupar eru. Ef þeir
vilja gera þetta opinbert þá bara gera
þeir það.“
Selur vel
Neikvæð athygli, líkt og ummæli
Ragnars um Ólaf, þarf hins vegar alls
ekki að vera slæm fyrir bók hans. Nei-
kvæð athygli getur þvert á móti vakið
forvitni um bókina og kallað á frekari
umræður um hana. Sú umræða um
bókina var fyrirsjáanleg; bæði aðal-
söguhetja hennar og höfundurinn
sjálfur hafa sannarlega verið í um-
ræðunni á Íslandi á liðnum árum.
Bókin hefur líka selst vel hingað til
og fór beint í efsta sæti metsölulista
Eymundsson.
Báðar bækur Ólafs hingað til hafa
því selst vel því sú fyrri seldist í nokk-
ur þúsund eintökum. Bækur hans
virðast því falla í kramið hjá lesend-
um enda fjalla þær báðar eingöngu,
eða að hluta, um Davíð Oddsson,
mann sem sannarlega er áhugi fyrir
í íslensku samfélagi.
Friðrik lagði fram
gjaldþrotakröfu
Ólafur hefur ekki bara verið á milli
tannanna á fólki vegna tengsla sinna
við tiltekna kaupsýslumenn heldur
hafa fjármál hans líka borið á góma.
Ólafur segir að sín persónulegu fjár-
mál hafi verið notuð „gegn sér“.
Sú umræða hefur hins vegar ekki
verið opinber þar til nýlega þegar
Ólafur var úrskurðaður gjaldþrota
vegna skulda sem meðal annars
má rekja til fjárfestingar hans í bak-
aríi fyrir hrunið 2008. Sá sem lagði
fram kröfu um að bú Ólafs yrði tek-
ið til gjaldþrotaskipta var fyrrverandi
framkvæmdastjóri Landssambands
íslenskra útvegsmanna, Friðrik Arn-
grímsson, en hann stefndi Ólafi fyrir
meiðyrði.
„Ég var úrskurðaður gjaldþrota
í apríl. Það var að beiðni Friðriks J.
Arngrímssonar, fyrrverandi fram-
kvæmdastjóra LÍÚ, sem eignaðist
kröfu á mig eftir að ég var dæmd-
ur sekur um meiðyrði í garð hans.“
Ólafur hafði skrifað um að LÍÚ kost-
aði að hluta til starfsemi netmiðils-
ins AMX, sem rekinn var á sínum
tíma, þar sem meðal annars var fjall-
að með gagnrýnum hætti um Ólaf.
„Þetta þrætti Friðrik fyrir og þetta
var rangur dómur enda kom það líka
fram í DV svart á hvítu að LÍÚ hefði
varið háum fjárhæðum í aðila sem
tengdust AMX. En það hafði engin
áhrif á dómarann sem gaf mér ekki
kost á að kalla Friðrik Arngrímsson
til skýrslutöku fyrir dómi. Þetta
fannst mér líka óskiljanlegt þegar
fram hafði komið að ummæli mín
voru rétt. Ég var svo dæmdur sekur
um meiðyrði.“ Ólafur fékk ekki áfrýj-
unarleyfi í málinu, af því bæturnar
voru undir tilskildum mörkum, en
segist hins vegar hafa kært dóminn
til Mannréttindadómstóls Evrópu.
Ónafngreindur í úrskurðinum
Á umræddum miðli, AMX, var með-
al sagt frá úrskurði í Hæstarétti um
synjun á greiðsluaðlögun hjá ónafn-
greindum manni þar sem fjármál-
um viðkomandi var lýst í nokkrum
smáatriðum. Þessi maður var Ólafur
Arnarson og duldist sjálfsagt fáum
sem lásu úrskurðinn þar sem ýmis
„Þetta er ein leið Þöggunar“
n Ólafur Arnarson varð gjaldþrota í síðasta mánuði en var að gefa út bók sem selst hefur vel
Ingi Freyr Vilhjálmsson
ingi@dv.is Ósáttur við umræðuna um sig Ólafur
Arnarson segist vera ósáttur við umræðuna
um sig þar sem hann sé oft afgreiddur út af
tengslum sínum við ákveðna athafnamenn,
eða vegna fjármála sinna, en ekki vegna orða
sinna. Mynd SIGTryGGur ArI
Gagnrýninn á davíð Bók
Ólafs Arnarsonar fjallar um
störf Davíðs Oddssonar og er
hann afar gagnrýninn á for-
sætisráðherrann fyrrverandi.