Dagblaðið Vísir - DV - 20.05.2014, Page 31

Vikublað 20.–22. maí 2014 Sport 31
Hannes Þór Halldórsson
Aldur: 30 ára Félag: Sandnes Ulf
Leikform: Gott
Hannes varði
mark Íslendinga í
undankeppni HM
og hélt í atvinnu-
mennsku að keppni
lokinni eftir að
hafa leikið með KR
undanfarin ár. Hannes
samdi við Sandnes Ulf í Noregi en tímabilið
hófst í lok mars. Hannes hefur staðið
milli stanganna hjá liðinu í öllum leikjum
liðsins til þessa í deildinni. Hann hefur
þótt standa sig vel og meðal annars varði
hann vítaspyrnu í einum af fyrstu leikjum
tímabilsins. Þrátt fyrir það er liðið á botni
deildarinnar með aðeins einn sigur í fyrstu
átta leikjunum.
Ari Freyr Skúlason
Aldur: 27 ára Félag: OB
Leikform: Mjög gott
Ari var fastamaður
í íslenska liðinu í
undankeppninni og
spilaði vel í vinstri
bakverðinum. Eftir
að hafa spilað í Svíþjóð
með GIF Sundsvall færði
hann sig um set til Danmerkur í fyrra þar
sem hann spilar nú með OB. Hann hefur
haldið sér í góðu leikformi í vetur og hefur
verið fastamaður í liðinu sem leikur í dönsku
úrvalsdeildinni. Alls hefur hann tekið þátt
í 29 leikjum á tímabilinu, sem senn tekur
enda í Danmörku, og skorað tvö mörk.
Birkir Már Sævarsson
Aldur: 29 Félag: Brann
Leikform: Gott
Birkir Már eignaði
sér hægri bak-
varðarstöðuna í
undankeppni HM.
Hann hefur leikið með
Brann frá árinu 2008
og verið fastamaður þar
nánast allar götur síðan. Á þessu tímabili
hefur hann byrjað sex leiki og komið einu
sinni inn á sem varamaður, en sem kunn-
ugt er er tímabilið í Noregi nýhafið eða því
sem næst. Birkir ætti því að verða í ágætu
leikformi og klár í slaginn fyrir vináttuleik-
ina sem eru framundan.
Ragnar Sigurðsson
Aldur: 27 ára Félag: Kuban Krasnodar
Leikform: Gott
Eftir að hafa sleg-
ið í gegn með FC
Kaupmannahöfn réri
harðjaxlinn Ragnar
Sigurðsson á önnur
mið í janúarglugganum.
Fyrir áramót lék hann
reglulega fyrir FCK, meðal
annars í Meistaradeildinni. Ragnar hefur
hægt og bítandi verið að koma sér inn í rúss-
neska boltann, en deildin þar í landi fer senn
að klárast. Eftir að hafa byrjað á bekknum í
fyrstu leikjunum eftir vetrarfrí hefur Ragnar
verið í byrjunarliðinu í síðustu sex leikjum.
Krasnodar er í 5. sæti deildarinnar og á fína
möguleika á sæti í undankeppni Evrópu-
deildarinnar á næstu leiktíð.
Kári Árnason
Aldur: 31 árs Félag: Rotherham
Leikform: Mjög gott
Kári og Ragnar
mynduðu öflugt
varnarteymi í
undankeppni HM og
ekki er útlit fyrir að
það muni breytast á
næstunni. Kári hefur verið fastamaður í liði
Rotherham sem leikur í þriðju efstu deild
Englands. Alls hefur hann leikið 42 leiki á
tímabilinu, flestar mínútur allra leikmanna
íslenska landsliðsins í vetur. Rotherham
endaði í 4. sæti deildarinnar og mætir
Leyton Orient um næstu helgi í hreinum
úrslitaleik um sæti í Championship-
deildinni.
Aron Einar Gunnarsson
Aldur: 25 ára Félag: Cardiff
Leikform: Sæmilegt
Fyrsta tímabil Arons
Einars og félaga
hans í Cardiff í ensku
úrvalsdeildinni var
enginn dans á rósum.
Liðið féll um deild og
Aron átti ekki fast sæti
í liðinu, sérstaklega seinni
hluta tímabilsins. Alls lék hann 23 leiki
í úrvalsdeildinni, þar af byrjaði hann 17
sinnum. Aron hefði ef til vill viljað fá fleiri
mínútur, en alls lék hann 1.539 mínútur í
úrvalsdeildinni. Tímabilið þar á undan,
þegar Cardiff komst upp úr Champions-
hip-deildinni, lék hann 3.191 mínútu. Frá
byrjun aprílmánaðar hefur Aron aðeins
leikið tvo heila leiki – síðustu leiki liðsins í
úrvalsdeildinni.
Birkir Bjarnason
Aldur: 25 ára Félag: Sampdoria
Leikform: Ekki gott
Birkir Bjarnason hefði
eflaust viljað fá
fleiri mínútur með
Sampdoria í vetur.
Liðið keypti hann
frá Pescara í fyrra en
það sem af er þessu
tímabili hefur Birkir
aðeins leikið rúmar 700 mínútur í ítölsku
deildarkeppnunum. Hann hefur tekið
þátt í 14 leikjum Sampdoria og fyrsta leik
Pescara í B-deildinni, þaðan sem hann
var keyptur. DV hefur ekki upplýsingar um
hvort Birkir sé meiddur, en hvað sem því
líður hefur hann ekkert spilað síðan 19.
apríl síðastliðinn. Þar á undan spilaði hann
26. mars í A-deildinni. Frá þeim tíma hefur
Birkir aðeins spilað 167 mínútur.
Gylfi Þór Sigurðsson
Aldur: 24 ára Félag: Tottenham
Leikform: Gott
Gylfi spilaði nánast
jafn mikið í vetur fyrir
Tottenham og hann
gerði á sinni fyrstu
leiktíð, rúmlega
1.200 mínútur í
úrvalsdeildinni og 600
mínútur í Evrópudeildinni.
Þessi lykilmaður íslenska landsliðsins var
frá samanlagt í um mánuð vegna meiðsla í
vetur. Gylfi tók þátt í 5 af síðustu 6 leikjum
Tottenham í deildinni, þar af var hann
tvisvar í byrjunarliði, einu sinni ónotaður
varamaður og kom þrisvar inn á sem
varamaður. Gylfi skoraði sex mörk fyrir
Tottenham í þeim 35 leikjum sem hann
kom við sögu í í vetur.
Jóhann B. Guðmundsson
Aldur: 23 ára Félag: AZ Alkmaar
Leikform: Mjög gott
Jóhann Berg Guð-
mundsson stimplaði
sig inn í landsliðið
með magnaðri
þrennu gegn Sviss í
undankeppninni á
síðasta ári. Á þessari
leiktíð fékk hann að spila
mikið hjá AZ Alkmaar í Hollandi, eða 2.900
mínútur í öllum keppnum. Alls skoraði
hann níu mörk í 48 leikjum sem hann tók
þátt í og lagði upp helling af mörkum.
Jóhann mun yfirgefa herbúðir AZ í sumar
og freista gæfunnar í sterkari deild.
Alfreð Finnbogason
Aldur: 25 ára Félag: Heerenveen
Leikform: Mjög gott
Alfreð varð eins og
flestir vita marka-
kóngur hollensku
deildarinnar og
algjör lykilmaður í
liði Heerenveen í vet-
ur. Alls lék hann 3.100
mínútur í deild og bikar.
Á undanförnum tveimur tímabilum hefur
Alfreð skorað 59 mörk fyrir hollenska liðið,
fádæma góður árangur. Líkt og Jóhann
Berg hefur Alfreð láta hafa eftir sér að
hann vilji komast í sterkari deild og miðað
við árangur hans í markaskorun ætti það
ekki að verða vandamál fyrir landsliðs-
framherjann.
Kolbeinn Sigþórsson
Aldur: 24 ára Félag: Ajax
Leikform: Gott
Kolbeinn var helsti
markaskorari
íslenska liðsins í
undankeppni HM og
skoraði fjögur mörk
í sjö leikjum. Hann
varð meistari með Ajax
í vor en alls lék hann 2.400
mínútur í deild, bikar og Meistaradeild
Evrópu. Kolbeinn skoraði ellefu mörk í
það heila fyrir Ajax í vetur. Þó Kolbeinn
hafi spilað heilmikið vekur athygli að hann
hefur aðeins skorað eitt mark í síðustu 10
leikjum sínum fyrir Ajax. Í þeim hefur hann
spilað 738 mínútur í það heila.
Lið Austurríkis
Ísland mætir Austurríki í vináttuleik
þann 30. maí næstkomandi. Marcel
Koller, landsliðsþjálfari, hefur tilkynnt
23 manna hóp sinn fyrir leikinn en auk
þess mætir Austurríki Tékkum fjórum
dögum síðar. Í hópnum eru allar helstu
stjörnur Austurríkis, þar á meðal David
Alaba leikmaður Bayern München.
Markverðir: Robert Almer (Cottbus),
Heinz Lindner (Austria Vienna) og
Ramazan Oezcan (Ingolstadt)
Varnarmenn: Aleksandar Dragovic
(Dynamo Kiev), Gyoergy Garics
(Bologna), Martin Hinteregger
(Salzburg), Florian Klein (Salzburg),
Emanuel Pogatetz (Nuremberg),
Sebastian Proedl (Werder Bremen),
Markus Suttner (Austria Vienna) og
Andrea Ulmer (Salzburg)
Miðjumenn: David Alaba (Bayern
Munich), Marko Arnautovic (Stoke),
Julian Baumgartlinger (Mainz), Stefan
Ilsanker (Salzburg), Andreas Ivanschitz
(Levante), Zlatko Junuzovic (Werder
Bremen), Valentino Lazaro (Salzburg),
Christoph Leitgeb (Salzburg) og Marcel
Sabitzer (Rapid Vienna)
Framherjar: Lukas Hinterseer (Wacker
Innsbruck), Marc Janko (Trabzonspor)
og Andreas Weimann (Aston Villa)
Koma vel undan vetri
n Staðan á lykilmönnum íslenska landsliðsins eftir veturinn n Undirbúningur fyrir undankeppni EM að hefjast
12
11 9
78
23
17
14
10
6
Ari
Freyr
Birkir B.
2
Birkir
M.
Jóhann
Hannes
Ragnar
Kolbeinn
Gylfi
Alfreð
Aron
Kári
Þessir bíða eftir tækifærinu
Jón Daði Böðvarsson
Aldur: 21 árs Félag: Viking
Líklega þarf Jón Daði að sýna meira til að fá
kallið en þarna er á ferðinni leikmaður sem
vert er að fylgjast með. Jón Daði er þegar bú-
inn að skora þrjú mörk á rúmum 400 mínútum
í norsku úrvalsdeildinni í vetur en hann skoraði
1 mark á rúmum 900 mínútum á síðustu leik-
tíð. Haldi Jón Daði áfram á sömu braut verður
þess ekki langt að bíða að kallið komi.
Emil í stóru hlutverki
n Misjöfn staða á mönnum sem voru í aukahlutverki n Eiður líklega hættur
E
mil Hallfreðsson spilaði sjö
leiki í undankeppni HM, en
hann hefur átt góðu gengi að
fagna með Verona í ítölsku
deildinni í vetur. Emil hefur byrj-
að langflesta leiki liðsins og stað-
ið sig vel, en liðið hefur komið á
óvart í vetur og verið í harðri bar-
áttu um Evrópusæti. Aðrir leikmenn
voru í hálfgerðum aukahlutverkum
í undankeppninni. Sölvi Geir Otte-
sen, leikmaður Ural í Rússlandi er í
hörkuleikformi og fastamaður í vörn
rússneska liðsins. Eggert Gunnþór
Jónsson lék þrjá leiki í undankeppn-
inni en hefur ekki átt fast sæti í liði
Belenenses í Portúgal í vetur. Liðs-
félagi hans, Helgi Valur Daníelsson,
hefur spilað öllu meira, eða 26 leiki
í deild. Ólafur Ingi Skúlason, leik-
maður Zulte-Waregem í Belgíu, er í
fínu formi og hefur spilað 31 leik á
tímabilinu. Eiður Smári Guðjohn-
sen, sem tilkynnti eftir Króatíuleik-
ina að hann væri hættur með lands-
liðinu, hefur spilað reglulega fyrir
Club Brugge í vetur, eða 28 leiki. Oft-
ast hefur hann þó komið inn á sem
varamaður. Allt útlit er fyrir að Eið-
ur hafi leikið sinn síðasta landsleik
fyrir Ísland, að minnsta kosti hefur
ekkert annað heyrst. n
Lið Íslands