Dagblaðið Vísir - DV - 20.05.2014, Blaðsíða 28
Vikublað 20.–22. maí 201428 Lífsstíll
„Með 170 kíló
upp þetta fell“
Sveinbjörn Ingi Svarfdal tekur þátt í Biggest Winner átakinu
M
aður bara náði botninum.
Maður var orðinn 174
kíló,“ segir Sveinbjörn
Ingi Svarfdal, kokkur
og þátttakandi í Biggest
Winner-átakinu. „Það þurfti nú ekki
nema heilsíðuauglýsingu frá Ferða-
félaginu,“ segir Sveinbjörn og hlær,
aðspurður af hverju hann ákvað að
slá til og taka þátt í átakinu.
Með fráhvarfseinkenni
ef hann mætir ekki
„Ég fór á fundinn og leist ekkert á
þetta til að byrja með. Ég hélt að
þetta yrði bara eitthvað svona að
haldast í hendur og allir rólegir
bara, en svo er þetta nú bara svona
helvíti góður hópur og við förum út
að ganga fimm sinnum í viku,“ seg-
ir Sveinbjörn og bætir við að þeir
sem vilji hittist nokkrum sinnum
í viku fyrir utan þær æfingar sem
Ferðafélagið er með. „Maður er eig-
inlega bara með fráhvarfseinkenni
ef maður mætir ekki,“ segir Svein-
björn aðspurður hvernig stemn-
ingin í hópnum sé, en hann segir
hana vera frábæra.
„Kílóin eru komin niður í 166,
kannski ekki nógu gott þar, en þrjár
buxnastærðir niður og allt þetta,
þannig að þetta er allt að gerast.
Þetta gerist bara á góðum hraða.
En við erum samt farin að príla
upp á öll fjöll hérna við Reykja-
vík,“ segir Sveinbjörn, en hann seg-
ist líka finna mikinn mun á styrk
og þoli. „Já, Jesús Kristur, ég man
nú ekki alveg hvað púlsinn á mér
var, en hvíldarpúlsinn var í kring
um 80–90, núna er hann kominn í
60, þannig að það er stór munur.“
Sveinbjörn segist líka vera einstak-
lega ánægður með starfsfólkið sem
sér um verkefnið. „Þau eru náttúr-
lega æðisleg að nenna þessu,“ segir
Sveinbjörn og hlær.
Hefur bætt sig mikið
Sveinbjörn hefur bætt sig gríðar-
lega frá því að hann byrjaði í verk-
efninu en hann hefur ásamt fleirum
í hópnum klifið mörg fell í nágrenni
Reykjavíkur, þar má til dæmis nefna
Úlfarsfell, Helgafell, Mosfell og
fleiri fell. Sveinbjörn segir þá til-
finningu að hafa náð að klífa þessi
fell mjög góða. Hann segist ekki
hafa trúað því að hann gæti þetta.
„Fyrst þegar ég fór Helgafellið ældi
ég bara, svo núna gerum við þetta
bara eldsnemma á morgnana og
þetta bara sjö sinnum léttara,“ seg-
ir Sveinbjörn og segist hafa komið
sjálfum sér á óvart að hafa náð þess-
um árangri. „Ég meina, þú getur rétt
ímyndað þér að fara með 170 kíló
upp þetta litla fell, þannig að þetta
er helvíti gott, er það ekki?“ spyr
hann á móti, hlæjandi, en hann seg-
ir líka að þolinmæði umsjónarfólks-
ins hafi klárlega hjálpað mikið til.
Hefur ekki farið í ræktina
síðan hann byrjaði
Sveinbjörn segir að átakið hafi
hjálpað honum mikið og jafnvel
meira en ef hann hefði farið í rækt-
ina í staðinn. „Ég er ekki búinn
að fara í ræktina síðan ég byrjaði í
þessu og það gengur betur í þessu
en nokkurn tímann í ræktinni.“
Aðspurður af hverju hann telji að
það gangi betur í þessu en rækt-
inni segir Sveinbjörn það líklega
vera fræðslufundina og aðhaldið
sem hann fái. „Og líka það að mað-
ur var bara búinn að ná botninum
og ætli að breyta þessu,“ bætir hann
við. „Mórallinn og hópurinn er líka
bara æðislegur. Það er verið að tala
saman á kvöldin, skiptast á skila-
boðum og hvetja fólk áfram.“
Aðspurður hvaða markmið
Sveinbjörn hafi sett sér segir
hann að stefnan sé tekin á Fimm-
vörðuháls í sumar. „Ætli maður
reyni ekki að fara niður í 120 kílóin
einhvern tímann. Og drepast ekki
úr offitu á þessu ári, þá er ég helvíti
sáttur,“ segir Sveinbjörn í hæðn-
istón og hlær.
En hvað tekur við hjá Sveinbirni
þegar verkefninu lýkur eftir ár?
„Ætli þeir nái ekki að plata mann
í að skrá sig á annað námskeið hjá
þeim. Maður er eiginlega kominn
með bakteríuna.“ n
Jón Steinar Sandholt
jonsteinar@dv.is
„Ætli maður reyni
ekki að fara niður
í 120 kílóin einhvern
tímann. Og drepast ekki
úr offitu á þessu ári, þá er
ég helvíti sáttur.
Á toppnum Sveinbjörn segist
hafa komið sjálfum sér á óvart
eftir að hann byrjaði í verkefninu.
Hefur farið víða Sveinbjörn hefur
gengið á mörg fell og segist finna mikinn
mun á sér. Til að mynda ældi hann eftir
fyrstu ferðina á Úlfarsfellið en finnst
það mun minna mál í dag.
Ekki eins góðir
og haldið er
fram?
Svokallaðir tásuskór hafa notið
mikilla vinsælda hjá hlaupurum
og útivistarfólki síðustu ár. Fram-
leiðandi skónna hélt því fram að
þeir hefðu ýmsa heilsufarslega
kosti umfram venjulega hlaupa-
skó, til dæmis að skórnir styrktu
vöðva í löppum, örvuðu tauga-
boð og bættu jafnvægi. Margir
gagnrýndu þetta og töldu sumir
skóna beinlínis skaðlega.
Framleiðandinn, Vibram USA,
var á endanum dreginn fyrir
dóm þar sem hann var sakaður
um misvísandi auglýsingar og
blekkjandi markaðssetningu. Nú
í maí samþykkti Vibram að greiða
sáttargreiðslu upp á rúmar þrjár
milljónir dollara og geta þeir sem
keyptu skóna af Vibram á síðustu
fimm árum fengið endurgreiðslu.
„Fyrir feita, flotta og frábæra“
Heilsuátakið Biggest Winner skilar miklum árangri
F
erðafélag Íslands hleypti af
stokkunum í mars nýju verk-
efni sem ber hið skemmtilega
heiti Biggest Winner. Verkefnið
gengur út á að fá fólk sem er í yfir-
vigt til að gera bót á sínum lífsstíl
með því að stunda holla hreyfingu
og útiveru. Verkefnið mun standa
yfir í heilt ár. DV náði tali af Páli
Guðmundssyni, framkvæmdastjóra
Ferðafélags Íslands, og spurði hann
út í verkefnið.
„Þetta er verkefni fyrir það sem
við köllum fólk í yfirvigt, eða fyrir
feita, flotta og frábæra eins og við
sögðum í kynningu á verkefninu,“
svarar Páll þegar hann er beðinn
um að lýsa verkefninu. „Þarna vild-
um við koma og bjóða þessum hópi
upp á aðstoð við að hreyfa sig, gera
æfingar og um leið vinna í því að
breyta sínum lífsstíl. Við horfum á
langtíma árangur og gerum þetta
allt saman í rólegheitunum,“ segir
Páll.
Páll segir verkefnið bæði byggt á
gönguferðum og styrktaræfingum.
„Við höfum síðan verið með fræðslu-
kvöld, mælingar og heilmikið að-
hald. Þetta urðu 50 manns sem taka
þátt í verkefninu. Það hefur núna
strax myndast gríðarleg stemning
og mikil orka í þessum hópi. Þau eru
búin að taka mjög miklum framför-
um í þreki og gönguformi og margir
hverjir hafa líka þegar náð miklum
árangri í öðrum málum sem þeir
hafa verið að vinna í, þá annað-
hvort bæði hvað varðar ummál eða
þyngd,“ segir Páll.
Átakið fer að mestu fram á höfuð-
borgarsvæðinu og í nágrenni þess,
en Páll segir nóg af skemmtilegum
gönguleiðum í boði þar. „Við höfum
verið mest hér í göngustígakerfi
borgarinnar. Við höfum síðan farið á
Úlfarsfell og erum að fara á þessi fell
hérna í nágrenni Reykjavíkur.
Það sem er skemmtilegt við þetta
er að þú ert bæði úti í náttúrunni og í
öllum veðrum, þannig að þú ert líka
að fá náttúruupplifun í gegnum þetta
verkefni,“ segir Páll að lokum. n
jonsteinar@dv.is
Páll Guðmundsson Páll
segir verkefnið hafa farið vel
af stað og sér mikinn mun á þátt-
takendum. Með honum á myndinni
er Auður Kjartansdóttir.
Tvær stórar
máltíðir betri
en fleiri litlar
Því hefur lengi verið haldið fram
að betra sé að borða margar minni
máltíðir yfir daginn en að borða
sjaldnar og þá meira í einu.
Ný rannsókn sýnir hins vegar
fram á að ef borðaðar eru tvær
stórar máltíðir snemma yfir daginn
og kvöldmatnum sleppt skili það
sér í meira þyngdartapi heldur en
ef borðaðar eru þrjár máltíðir auk
þriggja millimála yfir daginn.
Rannsakendur ráðleggja fólki
að borða frekar stóran morgunverð
og hádegismat og að hafa síðustu
máltíð dagsins kaloríusnauðari.
Ískaffi er
málið í sumar
Ískaffi er svalandi og hressandi
drykkur sem er mjög einfalt að
útbúa. Hér kemur einföld upp-
skrift sem hægt er að laga á
nokkrum mínútum.
Innihald:
n 2 tsk. skyndikaffi
n 1 tsk. sykur
n 3 msk. heitt vatn
n 180 ml köld mjólk
Setjið allt í lokanlegt ílát eða
hristiglas og hristið vel saman
þar til myndast hefur froða og allt
hefur blandast vel saman. Hellið í
glas með nógu af ísmolum.
Svo einfalt er það.