Dagblaðið Vísir - DV - 30.09.2014, Blaðsíða 3

Vikublað 30. september–2. október 2014 Fréttir 3
Íslenskt tal leiðbeinir
notanda um allar aðgerðir
Nú þegar eru fjöldi Íslendinga í fullu
fjöri sem startað hefur verið í gang
með hjartastuðtækjum frá Donnu.
Samaritan PAD
hjartastuðtæki
kosta aðeins frá
kr. 199.600 m/vsk.
Mikilvægast er að
hlúa að börnunuM
n Mariusz Brozio neitar að hafa valdið dauða eiginkonu sinnar n Glímdi við andleg veikindi
M
aðurinn sem úrskurðað­
ur var í gæsluvarðhald á
sunnudag, grunaður um
að hafa verið valdur að
dauða eiginkonu sinnar,
heitir Mariusz Brozio. Hann neitar
sök í málinu.
Í tilkynningu frá lögreglu segir
að Mariusz hafi ekki komið áður
við sögu lögreglu vegna sakamála.
Hann hefur hins vegar komið við
sögu lögreglu vegna annarra mála
og þá hefur hann verið vistaður á
geðdeild vegna andlegra veikinda.
Heimildir DV herma að veikindin
séu nýtilkomin.
Hlúa að börnunum
Konan sem lést á heimili sínu að
Stelkshólum 4 í Reykjavík síðast­
liðinn laugardag var 26 ára. Eigin­
maður hennar, Mariusz Brozio
28 ára, hefur verið úrskurðaður í
gæsluvarðhald til 17. október grun­
aður um að hafa verið valdur að
dauða hennar. Talið er að þrengt
hafi verið að öndunarvegi hennar
þannig að hún kafnaði.
Börn hjónanna, tveggja og fimm
ára, voru á heimilinu er móðir
þeirra lést. Þeim hefur verið kom­
ið í viðeigandi umönnun hjá barna­
verndaryfirvöldum. Unnið er að því
að koma börnunum fyrir hjá vina­
fólki hjónanna hér á landi og þá er
bróðir konunnar kominn til lands­
ins. „Þetta er algjör harmleikur.
Maður er alveg í öngum sínum yfir
þessu, sérstaklega varðandi börnin.
Það er númer eitt, tvö og þrjú núna
að hlúa að þeim,“ segir aðstandandi
mannsins í samtali við DV.
Neitar sök
Samkvæmt heimildum DV hringdi
Mariusz í vin sinn skömmu fyrir
miðnætti á laugardag og sagði hon­
um að kona sín væri látin. Vinur­
inn hringdi í kjölfarið í lögreglu. Við
komu á vettvang vaknaði strax grun­
ur um að andlát konunnar hefði
borið að með saknæmum hætti.
Mariusz neitar staðfastlega sök.
Engu að síður ákvað hann að kæra
ekki gæsluvarðhaldsúrskurð hér­
aðsdóms. Samkvæmt heimildum
DV vill hann sýna lögreglu sam­
vinnu, auðvelda henni rannsóknina
og vill að málið upplýsist sem fyrst.
Mariusz hefur verið fluttur á Litla­
Hraun þar sem hann situr í einangr­
un. Frekari yfirheyrslur yfir honum
munu fara fram á næstu dögum.
Aðstandendur í áfalli
Hjónin kynntust á Íslandi en koma
bæði frá Póllandi. Þau giftu sig úti í
Póllandi árið 2012 og höfðu búið í
íbúðinni að Stelkshólum í um það
bil ár. Konan starfaði við ræstingar
á hóteli en Mariusz starfar við að
leggja ljósleiðara. Aðstandendur
fjölskyldunnar eru harmi slegnir
vegna málsins. Konunni er lýst sem
fyrirmyndarmóður og góðri mann­
eskju af vinum. Þá sé Mariusz ekki
þekktur fyrir ofbeldi. Jacques War­
ren Loxton, nágranni ungu hjón­
anna, segir þau hafa verið gott fólk,
vinalegt og hjálplegt. „Þau voru glöð
og góð. Börnin þeirra eru yndis­
leg,“ sagði hann í samtali við DV.
„Þetta er mikið áfall. Við erum alveg
í sjokki.“ n
„Þau voru
glöð og góð.
Börnin þeirra eru
yndisleg.
Nágrannar í áfalli Við komu á vettvang vaknaði hjá lögreglu strax grunur um að andlát
konunnar hefði borið að með saknæmum hætti. MyNd Sigtryggur Ari
Áslaug Karen Jóhannsdóttir/
Ásta Sigrún Magnúsdóttir
aslaug@dv.is / astasigrun@dv.is
Neitar sök Mariusz
Brozio leiddur fyrir hér-
aðsdóm á sunnudag.
MyNd Sigtryggur Ari