Dagblaðið Vísir - DV - 26.07.2014, Qupperneq 21

Helgarblað 26.–28. júlí 2014 Umræða 21
Gjörólíkt á
allan hátt
Sigríður Gunnarsdóttir ræðir íslenska og franska matarmenningu. – DV
Við eigum að slíta öllum
stjórnmálalegum tengslum
Birgitta Jónsdóttir vill slíta stjórnartengslum við Ísrael. – DV
Ég hef enga skýringu
á þessu stigi
Halldór Halldórsson um fækkun kvenna í æðstu stöðum sveitarfélaga milli ára. – DV
Húsnæðisvanda þarf að leysa
M
ikilvægasta verkefni rík­
isins í húsnæðismálum
er að tryggja húsnæðis­
öryggi og gera fólki kleift
að eignast húsnæði á við­
ráðanlegu verði. Á síðastliðnu ári
hefur Samfylkingin lagt fram marg­
víslegar tillögur um nauðsynlegar
aðgerðir, sem hafa því miður ekki
hlotið brautargengi. Á sama tíma
virðist sem ríkisstjórnin skilji ekki
þann vanda sem við er að glíma eða
hafi í það minnsta lítinn áhuga á að
leysa hann.
Leiguverð hefur hækkað mikið á
undanförnum árum, meira en hús­
næðisverð og verðlag. Fjölskyldur
velja frekar að leigja en að kaupa
húsnæði og íbúðir eru í auknum
mæli leigðar út til ferðamanna. Af­
leiðingin er sú að leigjendur verja
of stórum hluta tekna sinna í leigu­
greiðslur. Í sumum tilvikum hafa
fjölskyldur misst hóflegar leiguíbúð­
ir vegna verðhækkananna og líklega
munu fleiri lenda í sama vanda. Of
fáar íbúðir eru á leigumarkaði, jafnt
á höfuðborgarsvæðinu sem úti um
allt land. Stjórnvöld verða að stöðva
þessa þróun.
Betri leigumarkaður
Nýr meirihluti í Reykjavík undir for­
ystu Samfylkingarinnar hefur sett
fram raunhæfar áætlanir um fjölg­
un leigu­ og búseturéttaríbúða um
2.500–3.000 íbúðir á næstu fimm
árum. Sú stefna mun leiða til þess
að fleiri hagkvæmir valkostir munu
opnast fjölskyldum í húsnæðisleit.
Ríkið þarf líka að koma að upp­
byggingu leigumarkaðar. Þess vegna
lagði þingflokkur Samfylkingarinn­
ar fram tillögur um bráðaaðgerðir
á Alþingi síðastliðið haust. Við þær
var almennur stuðningur, en ríkis­
stjórnin treysti sér engu að síður ekki
til að hrinda þeim í framkvæmd.
Hækka þarf húsaleigubætur og
taka upp eitt kerfi húsnæðisbóta.
Þannig yrði bundinn endi á það
óréttlæti að ríkið styðji eigendur
húsnæðis meira (í formi vaxtabóta)
en leigjendur (í formi húsaleigu­
bóta). Skýr ásetningur allra flokka
um að þessi mismunun yrði
afnumin mundi ein og sér greiða fyr­
ir fjármögnun leigufélaga. Byrjað var
að hækka húsaleigubætur í tíð síð­
ustu ríkisstjórnar en ný ríkisstjórn
fór af þeirri braut.
Ríkið á að ganga fyrir samkomu­
lagi við sveitarfélög og aðila vinnu­
markaðarins um styrki til leigufélaga
sem skuldbinda sig til langtíma­
reksturs og til að láta umfram arð
ganga til frekari uppbyggingar á
leiguhúsnæði.
Nýta á ónýttar lóðir ríkisins til
uppbyggingar á leiguhúsnæði. Gera
á tekjur vegna útleigu einnar íbúðar
undanþegna fjármagnstekjuskatti.
Ef þessar tillögur verða að
veruleika þá má stórauka framboð á
leiguíbúðum og hraða uppbyggingu
á heilbrigðum leigumarkaði. Í þing­
lokasamningum í vor tókst að halda
tillögunum á lífi þegar þeim var vísað
til ríkisstjórnarinnar. Í haust munum
við ganga eftir svörum ríkisstjórnar­
innar um aðgerðir. Dýrmætur tími
hefur tapast. Töfin bitnar á leigjend­
um og ungu fólki sem á engan kost til
að komast í sína fyrstu íbúð.
Lausnir ríkisstjórnarinnar
Ríkisstjórnin var kosin út af loforð­
um í húsnæðismálum. Efndirnar
eru rýrar. Skuldaniðurfellingar leysa
ekki skuldavanda þeirra sem eiga við
hann að glíma. Þvert á móti fær stór­
eignafólk og tekjuhæsta fólk lands­
ins mestar niðurfellingar. Fólk á
leigumarkaði er skilið eftir en það er
sá hópur sem býr við minnsta hús­
næðisöryggið og húsnæðiskostnað­
ur sem hlutfall af tekjum er hæstur.
Fólk í búseturéttaríbúðum er líka
skilið eftir.
Þegar bent var á þessa aug­
ljósu ósanngirni vísuðu stjórnar­
liðar ítrekað til vinnu húsnæðis­
málaráðherra um framtíðarskipan
húsnæðis mála. Í vor lauk þeirri
vinnu án þess að nein fyrirheit væru
um að neinu nýju fjármagni yrði veitt
til þeirra sem helst þurfa á að halda.
Ekkert um átak í uppbyggingu leigu­
íbúða eða fjölgun félagslegra íbúða.
Engin fyrirheit um fjármagn til að
hækka húsaleigubætur.
Það er án efa jákvætt skref að
þróa íslenska húsnæðiskerfið í átt til
danskrar fyrirmyndar. En sú breyting
leysir ekki allan vanda. Á meðan við
erum föst með íslenska krónu og
búum í haftaumhverfi munu íslensk
heimili bera tvöfalt hærri kostnað
af íbúðarkaupum en evrópsk. Þann
langtímavanda þarf að leysa með að­
ild að ESB og upptöku evru. n
„Fólk á leigumark-
aði er skilið eftir en
það er sá hópur sem býr
við minnsta húsnæðisör-
yggið og húsnæðiskostn-
aður sem hlutfall af tekj-
um er hæstur.
Árni Páll Árnason
formaður Samfylkingar
Kjallari
Myndin Gulur „ís“, eins og sólin Veðráttan á höfuðborgarsvæðinu og nánast landinu öllu hefur ekki verið íssölum hliðholl og sólin sjaldséður gestur. MYND HÖRÐUR SVEINSSON
Mest lesið
á DV.is
1 17 milljónir glataðar Engar eignir fengust upp í
17 milljóna kröfur sem lýst var í bú
J-EinnÁtta ehf., einkahlutafélag Jóns
Þórs Sigurðssonar. Félagið var tekið til
gjaldþrotaskipta þann 16. apríl og er
skiptum nú lokið.
41.966 hafa lesið
2 „Ég var ekki ein af þeim“ Þegar Olga Romanovich var
fjögurra ára var henni rænt af mann-
ræningjum. Hún var seld til sígauna-
fjölskyldu, eða Rómafólks, sem greiddi
mannræningjunum í gulleyrnalokkum
fyrir hana. Nafni hennar var breytt og
hjá nýju fjölskyldunni hét hún Maria
Preyda.
38.772 hafa lesið
3 Æddi nakin inn á bens-ínstöð Afgreiðslukonu á bens-
ínstöð í Póllandi brá heldur betur í brún
þegar ung, nakin kona kom askvaðandi
inn á stöðina á dögunum.
37.343 hafa lesið
4 Þurftu að skila inn skjali sem er ekki til Íslenskur
maður og bandarísk eiginkona hans,
sem er gengin fimm mánuði, hafa gefist
upp á íslenskum útlendingayfirvöldum.
Konan hefur ekki enn fengið dvalarleyfi
hér á landi þrátt fyrir að umsókn um
slíkt hafi legið inni hjá Útlendingastofn-
un frá því síðastliðið haust.
35.992 hafa lesið
5 Þessi voru meðal farþega MH17 Fréttavefur
BBC birtir í dag nokkrar frásagnir af fólki
sem var um borð í flugi MH17 Malaysian
Airlines, sem skotin var niður. Á meðan
yfirvöld reyna að komast til botns í
harmleiknum syrgja ættingjar og vinir
farþeganna og hefur BBC tekið saman
viðbrögð þeirra sem birst hafa á samfé-
lagsmiðlum og í öðrum fjölmiðlum.
31.838 hafa lesið