Dagblaðið Vísir - DV - 10.12.2013, Qupperneq 4

4 Fréttir Vikublað 10.–12. desember 2013
Jólaþorpið í Hafnarfirði er opið allar aðventuhelgar kl. 12-17
19. og 20. desember kl. 16-21 Þorláksmessu kl. 16-21
Dagskrá, myndir o.fl.
á Facebook
Þingmaður fær
ekkert afskrifað
Elsa Lára Arnardóttir, þingmaður Framsóknarflokksins, ætlaði að berjast fyrir þá sem skulda
E
lsa Lára Arnardóttir, þing­
maður Framsóknarflokks­
ins, mun líklega ekki fá
krónu afskrifaða í boðuðum
aðgerðum ríkisstjórnarinn­
ar. Ein helsta ástæðan fyrir því að
hún settist á þing var til að berjast
fyrir leiðréttingum þeirra sem væru
með verðtryggðar skuldir. Leið­
réttingin, eins og áætlun ríkisstjórn­
ar Framsóknarflokks og Sjálfstæðis­
flokks heitir, gerir ráð fyrir því að
færa niður verðtryggðar húsnæðis­
skuldir einstaklinga sem nemur
verðbótum umfram 4,8 prósent á
ári. Þá koma fyrri aðgerðir stjórn­
valda, þar á meðal sérstakar vaxta­
bætur og 110% leiðin, til frádráttar
þeim rétti sem fólk á vegna nýju að­
gerðanna.
Hefur þegar fengið afskrifað
Elsa Lára kom fram í sjónvarps­
þættinum Ísland í dag á Stöð 2 í
lok ágúst og talaði opinskátt um
skuldamál sín. Þar kom fram að hún
og eiginmaður hennar hafi tekið 26
milljóna króna lán árið 2006 fyr­
ir fokheldri fasteign sem þau fluttu
inn í rétt fyrir jól sama ár. Lánið stóð
í 39 milljónum króna þegar viðtalið
var tekið en á þeim tímapunkti
hafði hún fengið 5,8 milljónir af­
skrifaðar vegna 110% leiðarinnar.
Það kemur, eins og annað sem hún
kann að hafa fengið afskrifað, til
frádráttar þeim fjórum milljónum
sem hún á mögulega rétt á vegna
aðgerða ríkisstjórnarinnar.
Séreignarlífeyrissparnaðarleiðin
stendur Elsu Láru og manninum
hennar þó til boða. Sem þingmaður
hefur hún tekjur sem tryggja henni
fullan rétt til inngreiðslu sparnað­
ar á lánin og getur hún því sett hálfa
milljón árlega inn í sjóðinn næstu
þrjú árin; samtals 1,5 milljónir
króna. Það gæti skilað henni lækk­
aðri greiðslubyrði en eins og fjallað
var um í helgarblaði DV getur verð­
bólguskot étið upp þá inngreiðslu á
stuttum tíma.
Margir fá ekki fulla leiðréttingu
Fyrri ríkisstjórn réðst í nokkrar að­
gerðir sem voru mismunandi að
umfangi til að reyna að rétta hlut
skuldara. Aðgerðirnar sem um
ræðir eru áðurnefnd 110% leið,
greiðslufrestanir, sérstök vaxta­
niðurgreiðsla, greiðslujöfnun
einstaklinga hjá Íbúðalánasjóði og
sértæk skuldaaðlögun. Allar þær
aðgerðir koma til frádráttar. Aðeins
þeir sem ekki hafa skuldað nógu
mikið og verið of tekjuháir til að eiga
rétt á 110% leiðinni eða sérstakra
vaxtabóta fá það sem ríkisstjórnin
hefur metið sem sanngjarnar bætur
fyrir verðbólguna frá desember 2007
til ágúst 2010.
Samkvæmt yfirliti í kynningu sér­
fræðingahóps ríkisstjórnarinnar um
höfuðstólslækkun húsnæðislána
hafa minnst 66 þúsund af þeim 70
þúsund heimilum sem skulda verð­
tryggð fasteignalán fengið einhvers
konar leiðréttingu eða aðstoð vegna
skulda sinna. Langflestir fengu sér­
stakar vaxtabætur árin 2011 og 2012.
Það eru því margir í sömu stöðu og
Elsa Lára og fá ekki það sem þeir
eiga rétt á samkvæmt forsendum
stjórnarinnar. n
Aðalsteinn Kjartansson
adalsteinn@dv.is
Íbúafundur
vegna tíðra
bilana
Boðað hefur verið til íbúafundar
á Akranesi á fimmtudag vegna
ástands í hitaveitumálum. Að­
faranótt mánudags varð þriðja
bilunin í aðveituæð hitaveitunn­
ar á skömmum tíma. Tíðar bilanir
hafa valdið bæjarbúum nokkrum
óþægindum og sagði Kjartan
Kjartansson, framkvæmdastjóri
hjúkrunar­ og dvalarheimilisins
Höfða á Akranesi, að nokkuð hafi
kólnað innandyra. „Þetta var ekki
alveg eins slæmt og það hefði get­
að orðið,“ sagði Kjartan við DV.is
í síðustu viku þegar önnur bilun­
in varð. Í tilkynningu sem orku­
veitan sendi frá sér á þriðjudag
kemur fram að ákveðið hafi ver­
ið að breyta framkvæmdaröð við
endurbætur á hitaveitunni þannig
að á næsta ári verði settur upp
stærri miðlunargeymir fyrir heitt
vatn í bænum. Með því munu
fyrirsjáanlegar bilanir á lögninni
hafa minni áhrif á afhendingarör­
yggi á heitu vatni í bænum.
Geymirinn sem nú er í notkun
rúmar tvö þúsund tonn af vatni en
ráðgert er að byggja annan næsta
sumar sem tekur fimm til sex þús­
und tonn.
Skuldaði Elsa Lára
steig fram í sumar og
sagði frá eigin skulda-
stöðu. Hún fékk aðstoð
vegna skulda í 110%
leiðinni og á því ekki rétt
á frekari aðstoð.
Fimm ákærðir
báru vitni
Skýrslur voru teknar af vitnum,
sakborningum og fórnarlömbum
í Stokkseyrarmálinu svokallaða
fyrir dómi á mánudag. Þar komu
fram lýsingar á fólskulegum lík­
amsmeiðingum og misþyrming­
um, sem stóðu yfir í hálfan sól­
arhring. Fimm einstaklingar eru
ákærðir fyrir frelsissviptingu og
grófar barsmíðar; Stefán Logi Sí­
varsson, Stefán Blackburn, Dav­
íð Freyr Magnússon, Hinrik Geir
Helgason og Gísli Þór Gunnars­
son. Aðalmeðferð heldur áfram í
dag, þriðjudag, en málinu verða
gerð ítarleg skil í helgarblaði DV.