Dagblaðið Vísir - DV - 04.01.2010, Blaðsíða 5
FRÉTTIR 4. janúar 2010 MÁNUDAGUR 5
Embætti sérstaks saksóknara, Ól-
afs Haukssonar, rannsakar þátt
Glitnis í viðskiptunum með hluta-
bréf útgerðarkonunnar Guðbjarg-
ar Matthíasdóttur frá Vestmanna-
eyjum í lok september 2008.
Guðbjörg sjálf og einkahlutafélag
hennar Kristinn ehf. liggja því ekki
undir grun í málinu, samkvæmt
heimildum DV.
Guðbjörg seldi 1,71 prósents
hlut í bankanum fyrir 4,1 milljarð
króna föstudaginn 26. septem-
ber 2008 og hélt eftir jafnstórum
hluta. Að frádregnum arðgreiðsl-
um og þóknun fékk Guðbjörg um
3,5 milljarða króna í sinn hlut fyrir
bréfin. Þremur dögum síðar tók ís-
lenska ríkið yfir 75 prósenta hlut í
bankanum og hluthafar hans töp-
uðu hlutafjáreign sinni. Þar tapaði
Guðbjörg hinum helmingi hluta-
bréfa sinna í bankanum.
Bréfin sölutryggð 2007
Ástæðan fyrir því að Guðbjörg ligg-
ur ekki undir grun í málinu er sú að
hún eignaðist bréfin í september
2007 þegar hún seldi þriðjungshlut
sinn í Tryggingamiðstöðinni til FL
Group í september 2007. Hún fékk
meðal annars greitt frá FL Group
með hlutabréfum í Glitni en FL
Group var stærsti hluthafi Glitnis
á þessum tíma. Samkvæmt samn-
ingnum við FL Group frá því í sept-
ember 2007 átti Guðbjörg rétt á
að selja helming hlutabréfanna til
Glitnis á genginu 32,18 dagana 25.
til 27. september 2007. Með öðrum
orðum var það hluti samkomulags
Guðbjargar við FL Group að bréfin
voru sölutryggð: Bankinn varð að
kaupa bréfin af Guðbjörgu á þessu
gengi ef hún tæki ákvörðun þar
um. Guðbjörg ákvað að nýta sér
þennan sölurétt en hélt eftir helm-
ingi bréfanna. Því má segja að til-
viljunin ein hafi ráðið því að Guð-
björg seldi bréfin svo skömmu fyrir
hrun bankans.
Gengið á Glitnisbréfunum var
15,9 þann dag sem Guðbjörg seldi
og hefði hún fengið þetta mark-
aðsverð fyrir hinn hluta bréfanna
ef hún hefði selt þau.
Möguleg markaðsmisnotkun
DV hefur heimildir fyrir því að öðr-
um hluthöfum í Glitni hafi ekki
verið kunnugt um söluna á bréf-
um Guðbjargar á þessum tíma
og að það hafi komið þeim í opna
skjöldu þegar þeir heyrðu að Guð-
björg hafi selt um það leyti sem
bankinn var að fara á hliðina.
Ástæðan fyrir þessu er meðal ann-
ars að Glitnir tilkynnti ekki um við-
skiptin til Kauphallarinnar líkt og
fjármálafyrirtækjum ber að gera
lögum samkvæmt í slíkum tilfell-
um.
Það er þessi angi málsins sem
embætti sérstaks saksóknara
mun skoða í málinu: Hvort ein-
hverjar óeðlilegar ástæður
hafi legið að baki því að Glitn-
ir tilkynnti viðskiptin ekki
og að þau hefðu átt sér stað
með þeim hætti sem þau
gerðu, að bréfin hafi verið
sölutryggð. Glitnir var
tilkynningaskyld-
ur en hugsanlegt
er að það hefði
ekki litið vel út
fyrir bankann
ef það hefði
spurst út að bankinn hefði keypt
tæp 2 prósent í sjálfum sér á meira
en 100 prósent yfirverði á sama
tíma og hann barðist fyrir lífi sínu
og leitaði eftir fjárhagsaðstoð hjá
Seðlabanka Íslands. Slíkir við-
skiptahættir gætu flokkast sem
markaðsmisnotk-
un af hálfu bank-
ans ef það reynist
rétt að óeðlilegar
ástæður hafi leg-
ið að baki því að
viðskiptin voru ekki tilkynnt, sam-
kvæmt heimildum DV. Markmiðið
með því að tilkynna viðskiptin ekki
gæti hafa verið að koma í veg fyr-
ir mögulega lækkun á hlutabréfa-
verði í bankanum.
Samkvæmt heimildum DV er
rannsóknin á þessum þætti máls-
ins þó ekki langt komin hjá sak-
sóknara en ljóst þykir að greina
þurfi af hverju viðskiptin voru ekki
tilkynnt. Rannsókn saksóknara
mun því að langmestu leyti hverf-
ast um þetta atriði viðskiptanna.
INGI F. VILHJÁLMSSON
blaðamaður skrifar ingi@dv.is
RANNSAKA GLITNI
EKKI GUÐBJÖRGU
Embætti sérstaks saksóknara rannsakar þátt Glitnis í viðskiptunum með hlutabréf
Guðbjargar Matthíasdóttur í Glitni skömmu fyrir bankahrunið í fyrra. Rannsókn-
in snýst ekki um möguleg innherjaviðskipti Guðbjargar heldur um það að bankinn
tilkynnti viðskiptin ekki eins og lög og reglur gera ráð fyrir.
„Hvort einhverjar
óeðlilegar ástæður
hafi legið að baki því
að Glitnir tilkynnti
viðskiptin ekki og að
þau hefðu átt sér stað
með þeim hætti sem
þau gerðu.“
Rannsóknin stutt komin Rannsókn
sérstaks saksóknara á viðskiptunum
með bréf Guðbjargar Matthíasdóttur
er stutt komin samkvæmt heimildum
DV. Hún beinist hins vegar að Glitni
en ekki Guðbjörgu. Lárus Welding var
forstjóri Glitnis á þessum tíma og Jón
Ásgeir Jóhannesson var einn stærsti
hluthafi hans í gegnum FL Group.
Glitnir, ekki Guðbjörg Rannsókn sérstaks saksóknara á viðskiptum Glitnis og
Guðbjargar Matthíasdóttur með hlutabréf í bankanum beinist að bankanum en
ekki að útvegskonunni úr Vestmannaeyjum. Hugsanlegt er að um markaðsmis-
notkun hafi verið að ræða þegar Glitnir tilkynnti viðskiptin ekki skömmu fyrir
bankahrunið í fyrra.
Líkamsræktarkeðjan World Class
auglýsir opnun tveggja nýrra stöðva
á nýju ári. Opnanirnar eiga eftir að
eiga sér stað í skugga málareksturs
fyrir dómstólum þar sem eigendur
líkamsræktarstöðvanna eru sakað-
ir um að færa verðmæti milli kenni-
talna og hlaupa frá skuldum sínum.
Það er Straumur fjárfestinga-
banki sem hefur boðað málshöfðun
gegn eigendum World Class, fyrir að
skilja eftir miklar skuldir, um það bil
einn milljarð íslenskra króna, eftir
í greiðsluþrota rekstrarfélagi World
Class, Þreki ehf., en á sama tíma færa
helstu verðmæti félagsins yfir á aðra
kennitölu, yfir í það sem Björn Leifs-
son kallar móðurfélagið. Skuldirnar
eru að mestu tilkomnar vegna mis-
heppnaðs útrásarverkefnis í Dan-
mörku en til að bjarga rekstrinum
hér á landi ákváðu eigendurnir að
færa reksturinn yfir á annað félag.
Það staðfesti Björn í einlægu viðtali
við DV.
Nýju stöðvarnar verðar opnaðar
í september næstkomandi og verða
annars vegar í Kringlunni í Reykja-
vík og hins vegar í Ögurhvarfi í Kópa-
vogi. Þá verða stöðvar World Class á
Íslandi orðnar níu talsins á nýju ári.
Á haustmánuðum árið 2006 fjár-
festi World Class í keðju heilsurækt-
arstöðva í Danmörku. Keðjan heitir
Equinox og þá voru starfræktar þrett-
án stöðvar undir því heiti, tólf á Jót-
landi og ein risastöð í Kaupmanna-
höfn. Straumur viðskiptabanki tók á
endanum til sín Equinox og líkams-
ræktarhjónin skulda bankanum hátt
í milljarð eftir ævintýrið. Straumur
hefur nú náð að selja keðjuna til er-
lendra aðila en skuldin stendur eftir.
Yfir höfði Björns vofir hugsanlegt
gjaldþrot þar sem einn stærsti kröfu-
hafi á hendur honum, Straumur,
hefur boðað málsókn gegn honum.
Straumur keypti á dögunum kröfu
Kaupþings banka og getur bankinn
þannig nálgast persónulegar ábyrgð-
ir gegn Birni og staðið sterkari fót-
um fyrir dómstólum. Sjálfur íhugar
Björn að kæra til baka fyrir ævintýra-
lega lélega ráðgjöf.
Ef marka má heimildir DV eru
það hins vegar ekki aðeins útrás-
arskuldir sem liggja eftir í skel hins
greiðsluþrota félags heldur einnig
nærri hundrað milljóna króna húsa-
leiguskuld gagnvart Landsbankan-
um.
trausti@dv.is
Opnar á nýju ári Bjössi og Dísa auglýsa
tvær nýjar stöðvar World Class á árinu
2010, önnur er í Kringlunni og hin í
Ögurhvarfi í Kópavogi.
Eigendur World Class færa út kvíarnar á sama tíma og Straumur krefst greiðslna:
Nýjar stöðvar í skugga málsóknar
Tekinn með fullt
af amfetamíni
Ungur maður var handtekinn af
tollgæslunni á Keflavíkurflug-
velli um miðjan jólamánuðinn.
Í fórum hans fundust nokkur
kíló af amfetamíni en hann var
að koma frá Berlín. Lögreglan
rannsakar málið á fullu.
Maðurinn sem um ræðir er á
þrítugsaldri og var eins og áður
sagði á leið frá Þýskalandi. Hann
var handtekinn með fíkniefn-
in við komuna, nánar tiltek-
ið mánudaginn 14. desember
síðastliðinn. Rannsókn lögreglu
beinist að því hvort hann hafi
verið burðardýr og sökum rann-
sóknarhagsmuna fást ekki frek-
ari upplýsingar að svo stöddu.
Þrettán vilja í
bæjarstjórn
Þrettán gefa kost á sér í prófkjöri
hafnfirskra sjálfstæðismanna
vegna bæjarstjórnarkosninga
á næsta ári. Flokkurinn á í dag
þrjá bæjarfulltrúa í ellefu manna
bæjarstjórn. Haraldur Þór Óla-
son, oddviti sjálfstæðismanna í
bæjarstjórn, gefur ekki kost á sér
til endurkjörs, ekki heldur bæj-
arfulltrúinn Almar Grímsson.
Þeir sem gefa kost á sér eru
Elín Sigríður Óladóttir, Geir
Jónsson, Helga Ingólfsdóttir,
Helga Ragnheiður Stefánsdóttir,
Jóhanna Fríða Dalkvist, Kristinn
Andersen, María Kristín Gylfa-
dóttir, Ólafur Ingi Tómasson,
Rósa Guðbjartsdóttir, Sigurlaug
Anna Jóhannsdóttir, Skarphéð-
inn Orri Björnsson, Valdimar
Svavarsson og Þóroddur Steinn
Skaptason.
Milljón í
minnisvarða
Ein milljón króna hefur safn-
ast vegna minnisvarða sem til
stendur að reisa á næstunni um
samþykkt Icesave-frumvarps-
ins. Á minnisvarðanum verð-
ur að finna nöfn þeirra þing-
manna sem greiddu atkvæði
með Icesave-frumvarpinu sem
og nöfn þeirra sem sátu hjá við
afgreiðslu málsins.
Fjársöfnun til stuðnings
byggingu minnisvarðans hófst
í desember. Tilgangurinn með
minnisvarðanum er að reyna að
koma í veg fyrir að sagan endur-
taki sig og á að vera áminning til
framtíðarþingmanna um að verk
þeirra gleymist ef til vill ekki.
Leita forsvarsmenn hópsins nú
að listamanni sem tilbúinn er að
byggja verkið.
Undirritun eða
stjórnarslit
„Ef forsetinn staðfestir ekki
lögin þýðir það endalok þess-
arar ríkisstjórnar,“ segir Björn
Valur Gíslason, þingmaður
Vinstri-grænna og varaformað-
ur fjárlaganefndar, í samtali við
Bloomberg-fréttaveituna.
„Ef forsetinn gefur ekkert
upp um stöðu mála í dag þá á ég
von á því að Jóhanna Sigurðar-
dóttir muni hafa samband við
hann og hvetja hann til að klára
málið með einum eða öðrum
hætti,“ var haft eftir Birni Val hjá
Bloomberg.