Dagblaðið Vísir - DV - 04.01.2010, Blaðsíða 29
Á M ÁN U D E G I
HVAÐ VEISTU?
1. Mamma Gógó eftir Friðrik Þór Friðriksson var frumsýnd á ný-
ársdag. Hvað heitir fyrsta myndin sem Friðrik gerði í fullri lengd?
2. Hverjir voru valdir menn ársins 2009 í íslensku atvinnulífi af
tímaritinu Frjálsri verslun?
3. Íslenskt par var handtekið með kókaín á flugvellinum í Madríd
skömmu fyrir jól. Hvaðan var fólkið að koma?
GOTT KVÖLD
TILNEFNT
Barnaleikritið Gott kvöld eftir Ás-
laugu Jónsdóttur hefur verið tilnefnt
til Norrænu leikskáldaverðlaunanna
af Íslands hálfu. Norrænu leiklistar-
samböndin standa að Norrænu leik-
skáldaverðlaununum sem veitt eru
annað hvert ár í tengslum við Nor-
ræna leiklistardaga. Að þessu sinni
var ákveðið að verðlauna leikskáld
fyrir barnaleikrit þar sem norrænu
leiklistardagarnir verða haldnir í
tengslum við barnaleikhúshátíðina
BIBU í Lundi í Svíþjóð dagana 5. til
8. maí næstkomandi. Þess má geta
að Áslaug hlaut Norrænu barna-
bókaverðlaunin fyrir bókina sem
leikritið er gert upp úr.
CARNAGIE ART-
SÝNING OPNUÐ
Sýning tengd Carnegie Art-verð-
laununum 2010 verður opnuð í
Listasafni Íslands á föstudaginn.
Eins og kunnugt er fékk Kristján
Guðmundsson fyrstu verðlaun
Carnagie Art á nýliðnu ári, fyrstur
Íslendinga, og tók við verðlaun-
unum, einni milljón sænskra
króna, úr hendi Margrétar Dana-
drottningar, síðastliðið haust.
Auk verka Kristjáns verða sýnd
verk 22 útvalinna norrænna lista-
manna sem valdir voru í harðri
samkeppni úr hópi 148 tilnefndra
listamanna. Jóhanna Sigurðar-
dóttir forsætisráðherra opnar
sýninguna klukkan 18 á föstudag-
inn. Carnagie Art-verðlaunin eru
talin á meðal veglegustu listverð-
launa heims.
STIKLA ÚR
KÓNGAVEGI
Nú er hægt að sjá á Youtube og Face-
book fyrsta myndskeiðið úr kvik-
myndinni Kóngavegur sem leikstýrt
er af Valdísi Óskarsdóttur. Eins og
áður hefur komið fram gerist mynd-
in í íslensku hjólhýsahverfi og er um
að ræða kómedíu með nauðsynlegu
dassi af drama og spennu. Vestur-
portshópurinn myndar kjarnann í
leikarahópnum en þýski stórleikar-
inn Daniel Brühl leikur einnig eitt
aðalhlutverkanna. Áætluð frumsýn-
ing er um páskana.
Skuggi vindsins eftir Carlos Ruiz
Zafón sem kom út fyrir árum er
með mínum uppáhaldsbókum.
Þegar ég komst að því að væntan-
leg væri ný bók eftir Zafón réð ég
mér vart af spenningi. Leikur eng-
ilsins olli mér hins vegar miklum
vonbrigðum.
Ekki hafði ég lesið lengi þegar
mér byrjaði að líða eins og ég væri
að horfa á framhaldsmynd af kvik-
mynd sem hefði slegið í gegn, og
eins og allir vita eru framhalds-
myndir alltaf slakari en frumgerð-
in. Þannig er það líka með Leik
engilsins.
Bókin er hluti af fjórleik Za-
fóns og er skrifuð sem forleikur að
Skugga vindsins. Eftir að ég jafn-
aði mig á því að allt það frumlega
sem heillaði mig við Skugga
vindsins hafði þarna snúið
aftur og var því ekki frumlegt
lengur gat ég gleymt mér í
drungalegri sögunni og lipr-
um texta.
Leikur engilsins gerist í
Barcelona á fyrri hluta 20.
aldar og fjallar um blaðamanninn
David Martin sem fær óvænt tæki-
færi á dagblaðinu sem hann starf-
ar fyrir og
vekur í
framhald-
inu at-
hygli dul-
arfulls
manns
sem vill
að hann
skrifi
fyrir sig
bók. Sú
ákvörð-
un Dav-
ids að
taka því
boði hefur alvarlegar afleiðingar
og við tekur ógnvekjandi atburða-
rás sem á köflum er yfirnáttúruleg
í anda töfraraunsæis fyrri bókar.
Aðdáendur Skugga vindsins
verða hér eflaust flestir fyrir von-
brigðum en þeir sem ekki hafa les-
ið hana gætu heillast vegna skorts
á samanburði. Bókin hefur fengið
misjafna dóma, þó víða mjög góða
og var hún nýlega verðlaunuð af
íslenskum bóksölum sem besta
þýdda skáldsagan. Því verð ég að
segja að hún er á tíðum heldur of-
metin.
Erla Hlynsdóttir
Árétting: Vísað var í þennan dóm
um bókina Leik engilsins á for-
síðu bókablaðs DV 22.desember.
Dómurinn birtist þar hins vegar
ekki vegna skorts á plássi en mis-
fórst að taka forsíðutilvísun út
fyrir prentun blaðsins.
Ofmetin afþreying
Sannleikskorn er í því sem þula
Sjónvarpsins sagði fyrir sýningu
áramótaskaupsins síðastliðið gaml-
árskvöld, að þeir sem hafa smakk-
að áfengi séu ekki dómbærir á gæði
þess. Eftir að hafa hlegið nokkuð
hressilega yfir skaupinu það kvöld
horfði ég því aftur á það á netinu
fyrir ritun þessara lína. En þrátt fyr-
ir að hafa ekki fundist þessi árlegi
dagskrárliður RÚV alveg jafn vel
heppnaður á tölvuskjá á sunnu-
dagseftirmiðdegi og í glaðbeittu og
kenndu margmenninu á síðasta
kvöldi nýliðins ár er mín niðurstaða
að þetta sé mjög vel heppnað skaup.
Eins og vænta mátti voru endalok
góðærisins og eftirköst þess rauði
þráður skaupsins. Tónninn sleginn
í upphafi þar sem lúxusþyrla var
í björtu báli í túnfæti Bessastaða,
Remax-söluskilti skammt þar frá og
Bónusfánum flaggað í heila en þeim
íslenska í hálfa á bæjarhlaðinu. Og
þegar inn í forsetabústaðinn var
komið blasti við ófögur sjón. Partí-
gestir og veisluföng lágu eins og
hráviði um alla höllina og fjallkon-
an kefluð og hlekkjuð eins og Krist-
ur á krossinum. Vísanir í eina vin-
sælustu kvikmynd ársins, sem heitir
hinu táknræna nafni Hangover, eru
einnig á víð og dreif í sviðsetningu
ástandsins sem nokkrum sinnum
var horfið aftur til í prógramminu.
Margir voru gerðir að skotspæni
skaupsins sem fyrr en verstu út-
reiðina fengu vafalaust Sigmundur
Ernir, Margrét Tryggva, Bjarni Ár-
manns, Sigurjón Árna og forseti vor
sem sumir kalla nú sjaldan annað
en klappstýru útrásarinnar, verð-
skuldað að mörgu leyti. Heppnuð-
ust þau skot vel og voru frekar föst,
verðskuldað. En á meðan sumir út-
rásarpésar voru dregnir sundur og
saman í háði voru aðrir í stikki allan
tímann, til að mynda Kaupþings-
fóstbræðurnir fyrrverandi, silfur-
hærði Glitnisforstjórinn og Hann-
es Smára. Hvað þann síðastnefnda
varðar fannst handritshöfundum
kannski nóg gert þegar hans per-
sóna var undir og yfir og allt um
kring í skaupinu fyrir tveimur eða
þremur árum.
Þetta var svolítið skrítið skaup
þar sem árin 2008 og 2009 voru eig-
inlega bæði undir. Til marks um það
hefði nokkur hluti þess alveg geng-
ið upp í skaupi síðasta árs. Þetta
er eðlilegt þar sem hrunið átti sér
stað frekar seint á síðasta ári og er
atburður af slíkri stærðargráðu að
engan skyldi undra þó útrásarvof-
an geri sig heimankomna í skaup-
um næstu ára. Einhverjir kunna að
fetta fingur út í að þeir sem ekki eru
að minnsta kosti temmilega vel inni
í þjóðmálunum, þar á meðal börn
og unglingar, hafi fengið heldur lít-
ið fyrir sinn snúð að þessu sinni,
sem er líklegast rétt. En hráefni ára-
mótaskaupsins hverju sinni er og
á að vera það sem hæst hefur bor-
ið í þjóðmálunum á árinu. Þeir sem
vilja sjá börnum sínum skemmt
verða að leita annað en í þennan
þjóðarspéspegil. En nefna skal að
þeir brandarar sem ekki sneru að
hápólitískum eða útrásartengdum
málum voru margir sprenghlægi-
legir, eins og ölvun Sigmundar Ern-
is, „forsetareiðin“ á hné ömmunnar
og KSÍ og „kellingarnar“ svo dæmi
séu tekin.
Leikarar stóðu sig almennt vel
og eftirhermuhlutverk líklega eins
vel mönnuð og kostur er á eins og
í skaupum síðustu ára. Auðvitað er
enginn betri í að leika Ólaf Ragnar
og Guðna Ágústsson en Jóhannes
Kristjánsson en hann hefur væntan-
lega ekki átt heimangengt að þessu
sinni af heilsufarsástæðum. En
var ekki hægt að fá einhvern líkari
Bjarna Ben en Baldur Trausta? Svo
mætti Ari Eldjárn, einn handritshöf-
undanna, alveg leika Bubba næst
þar sem enginn gerir það betur.
Ekki man ég hvenær mér fannst
síðast tvö skaup í röð mjög góð.
Sú staðreynd veit á gott frá mín-
um bæjardyrum séð. Nú er bara að
vona að einhver af eldri kynslóðinni
í röðum viðurkenndra húmorista
þjóðarinnar fái ekki leikstjórakeflið
á ný á næsta ári. Áramótaskaup-
ið 2009 er enn ein staðfesting þess
að það er löngu kominn tími til að
hleypa nýju blóði og nýrri kynslóð
að kjötkötlunum í skemmtidagskrá
Sjónvarpsins. Og hvað mælir gegn
því að úthluta til dæmis Gunnari
Birni Guðmundssyni og því teymi
sem vann að þessu vel heppnaða
skaupi 25 mínútna slotti á laugar-
dagskvöldum næsta vetur og spara
þá á móti með því að taka annan
dagskrárlið þann dag af dagskrá?
Kristján Hrafn Guðmundsson
Útrásar-
ÁRAMÓTAÞYNNKAN
FÓKUS 4. janúar 2010 MÁNUDAGUR 29
SVÖR: 1. ROKK Í REYKJAVÍK. 2. FEÐGARNIR Í FJARÐARKAUPUM, SIGURBERGUR SVEINSSON OG SYNIR HANS, SVEINN OG GÍSLI ÞÓR. 3. PERÚ.
LEIKUR
ENGILSINS
Höfundur: Carlos Ruiz Zafón
Þýðandi: Sigrún Á.Eiríksdóttir
Útgefandi: Forlagið
BÆKUR
ÁRAMÓTASKAUP
SJÓNVARPSINS 2009
Leikstjóri: Gunnar Björn
Guðmundsson
Handrit: Gunnar Björn Guðmundsson,
Anna Svava Knútsdóttir, Ari Eldjárn,
Halldór E. Högurður, Ottó Geir Borg og
Sævar Sigurgeirsson.
Leikarar: Þórhallur Sigurðsson (Laddi),
Hanna María Karlsdóttir, Stefán
Jónsson, Víkingur Kristjánsson, Gunnar
Hansson, Hannes Óli Ágústsson o.fl.
KVIKMYNDIR